ମରାମତି ହୋଇପାରୁନି ନଦୀବନ୍ଧ : ଜଳସମ୍ପଦ ବିଭାଗର ଅର୍ଥ ଅଭାବ

ବିରିଡ଼ି,୯।୮(ଡି.ଏନ.ଏ.): ରାଜନୈତିକ ଇଚ୍ଛା ଶକ୍ତିର ଅଭାବ ଓ ଜଳ ସମ୍ପଦ ବିଭାଗର ଖାମଖିଆଲ ନୀତି ଯୋଗୁ ଜଗତ୍‌ସିଂହପୁର ଜଳସମ୍ପଦ ଡିଭିଜନ ଅଧୀନ ୨୨ ମୌଜା ଶଙ୍ଖାରିସାହି ସେକ୍ସନର ବିଲୁଆଖାଇ ଓ ଦେବୀ ନଦୀବନ୍ଧ ଦୀର୍ଘବର୍ଷ ହେଲା ମରାମତି ହୋଇପାରୁନାହିଁ। ଫଳରେ ଏହି ନଦୀବନ୍ଧ କ୍ରମଶଃ ଦୁର୍ବଳ ହୋଇପଡିଛି। ଏଥିସହ ୨୨ ମୌଜାର ଉଦବୃତ ଜଳ ନିଷ୍କାସନ ଓ ବନ୍ୟାଜଳ ପ୍ରତିରୋଧ କରୁଥିବା ନୀଳମହଲ ସ୍ଲୁଇସ ଗେଟ୍‌ର ପ୍ୟାକିଂ ନଷ୍ଟ ହୋଇପଡିଛି। ଫଳରେ ୨୨ ମୌଜା ଭିତରକୁ ବନ୍ୟାଜଳ ପଶିବା ଆଶଙ୍କା ଦେଖାଦେଇଛି। ଏନେଇ ୨୨ ମୌଜାର ୬ ପଞ୍ଚାୟତର ଜନସାଧାରଣ ଭୟଭୀତ ହୋଇପଡିଛନ୍ତି। ସୂଚନା ଅନୁଯାୟୀ, ୨୨ ମୌଜାକୁ ଘେରି ରହିଛି ବିଲୁଆଖାଇ ଓ ଦେବୀ ନଦୀ। ବିଲୁଆଖାଇ ନଦୀର ଡାହଣ ପଟ ବନ୍ଧ ଶଙ୍ଖାରୀସାହିରୁ ନୀଳମହଲ ୧୩ କିମି ୮ ଶହ ମିଟର ଲମ୍ବ ଓ ଦେବୀ ନଦୀର ବାମ ପଟ ବନ୍ଧ ଶଙ୍ଖାରିସାହିରୁ ନୀଳମହଲ ୧୧ କିମି ଲମ୍ବ। ଏହାର ଓସାର ୫ ମିଟର ରହିବା ସ୍ଥଳେ ୩ ରୁ ସାଢେ ୩ ମିଟର ରହିଛି। ସେହିପରି ବନ୍ଧର ସ୍ଲୋପ ୧/୨ ରହିବା ସ୍ଥଳେ ୧/୧ ରହିଛି। ବିଲୁଆଖାଇ ନଦୀବନ୍ଧର ମଙ୍ଗୁଲି, ମଙ୍ଗୁଲି ମଲ୍ଲିକ ସାହି, ଚାଷୀଖଣ୍ଡ ହନୁମାନ ମନ୍ଦିର ନିକଟରେ ବେଆଇନ ବାଲିଘାଟ କରାଯାଇ ବନ୍ଧକୁ କାଟି ଦିଆଯାଇଛି। ଉକ୍ତ ସ୍ଥାନ ଏବେ ମୁକୁଳା ପଡିଛି। ସେହିପରି ବିଲୁଆଖାଇ ନଦୀକୂଳରେ ଥିବା ହରିନବାବି ପାଟଣା ଘେରି, ସେନାପତି ସାହି, ସାନ ନଈକୂଳ ଭୋଇ ସାହି, ଦେବୀ ନଦୀ କୂଳରେ ଥିବା ବଡ଼ ନଈକୂଳ ଭୋଇ ସାହି ଘେରି, ଖରମଙ୍ଗା, ଅଲିପଡା, ବମ୍ବିଲୋ ଓ ରହମ୍ବା ଘେରି ବନ୍ଧଗୁଡିକ ମରାମତି ଅଭାବରୁ ଦୁର୍ବଳ ହୋଇପଡିଛି। ନଦୀରେ ବନ୍ୟା ଆସିଲେ ଘେରି ବନ୍ଧ ଭିତରେ ଥିବା ପରିବାର ପିଲାଛୁଆ ଧରି ନଦୀବନ୍ଧ ଉପରେ ଆଶ୍ରୟ ନିଅନ୍ତି। ପ୍ରତିବର୍ଷ ବନ୍ୟା ସମୟରେ ଏଭଳି ପରିସ୍ଥିତି ସୃଷ୍ଟି ହେଉଛି। ତେଣୁ ଏଗୁଡିକର ତୁରନ୍ତ ମରାମତି ଆବଶ୍ୟକ। ପାର୍ବତୀପୁରଠାରେ ସେତୁ କରୁଥିବା ଠିକାଦାର ବନ୍ଧକୁ କାଟି ଦେବା ଦ୍ୱାରା ସେଠାରେ ବନ୍ଧ ଦୁର୍ବଳ ହୋଇଯାଇଛି। ଦେବୀ ନଦୀର ଶଙ୍ଖାରିସାହିଠାରୁ ପାର୍ବତୀପୁର ପର୍ଯ୍ୟନ୍ତ ନଦୀପଠା ଖାଇ ଧାର ବନ୍ଧ ଆଡକୁ ଚାଲିଆସିଲାଣି। ଖରମଙ୍ଗାଠାରୁ ଅଲିପଡ଼ା ପଠା ନଦୀ ସ୍ରୋତରେ କ୍ଷୟ ହୋଇଚାଲିଛି। ଏହି ସ୍ଥାନରେ ପଥର ପ୍ୟାକିଂ ଆବଶ୍ୟକ ହୋଇପଡିଛି। ନଦୀର ଅପରପାର୍ଶ୍ୱରେ ଲମ୍ବା ବୁରୁଜ ସହ ପଥର ପ୍ୟାକିଂ କରାଯିବାରୁ ୨୨ ମୌଜା ପଟ ପଠା କ୍ଷୟ ହୋଇ ବିପଦ ସୃଷ୍ଟି କରୁଛି। ରହମ୍ବାଠାରେ ଥିବା ୮ଟି ଛୋଟ ବୁରୁଜ କୌଣସି କାମରେ ଲାଗୁନାହିଁ। ଯଦି ସେଠାରେ ୨ଟି ଲମ୍ବା ବୁରୁଜ କରାଯାଆନ୍ତା ତେବେ ବନ୍ଧର ସୁରକ୍ଷା ହୋଇପାରନ୍ତା ବୋଲି ୨୨ ମୌଜାର ବୁଦ୍ଧିଜୀବୀମାନେ ମତପୋଷଣ କରିଛନ୍ତି। ୨୨ ମୌଜାର ଚତୁଃପାର୍ଶ୍ୱ ନଦୀବନ୍ଧ ୮ ମିଟର ଚଉଡା କରିବା ସହ ବନ୍ଧର ଉପର ଭାଗ ପିଚୁ ରାସ୍ତା କରିବା, ଉପରୋକ୍ତ ସ୍ଥାନଗୁଡିକରେ ପଥର ପ୍ୟାକିଂ କରିବା ଓ ମୁକୁଳା ପଡିଥିବା ବନ୍ଧ ତୁରନ୍ତ ମରାମତି କରିବାକୁ ସାଧାରଣରେ ଦାବି ହେଉଛି। ଏ ସମ୍ପର୍କରେ ଜଗତ୍‌ସିଂହପୁର ଜଳସେଚନ ଡିଭିଜନ ନିର୍ବାହୀ ଯନ୍ତ୍ରୀ ଉମାକାନ୍ତ ମହାନ୍ତି କହିଛନ୍ତି ଯେ, ଅର୍ଥ ଅଭାବ ଯୋଗୁ କାର୍ଯ୍ୟ ହୋଇପାରୁନି। ଘେରିବନ୍ଧଗୁଡିକ ଆଉ ମରାମତି କରାଯିବ ନାହିଁ ବୋଲି ଜଳସମ୍ପଦ ବିଭାଗର ପୂର୍ବତନ ସଚିବ ସୁରେଶ ଚନ୍ଦ୍ର ମହାପାତ୍ର ମନା କରିଛନ୍ତି। ଏଣୁ ଆମେ କରିପାରିବୁ ନାହିଁ ବୋଲି ସେ କହିଛନ୍ତି।


All Right Reserved By Dharitri.Com

ଜି.ଉଦୟଗିରିରେ ସାଲୁଗା, ବାଲିଗୁଡାରେ ଚକ୍ରମଣି, ଫୁଲବାଣୀରେ ଅଙ୍ଗଦ ଆଗରେ

ଜି.ଉଦୟଗିରି,୨୩।୫(ଡି.ଏନ୍‌.ଏ.)- ଜି.ଉଦୟଗିରି ବିଧାନସଭା କ୍ଷେତ୍ରରେ ବିଜେଡି ପ୍ରାର୍ଥୀ ସାଲୁଗା ପ୍ରଧାନ ଆଗୁଆ ଅଛନ୍ତି। ସାଲୁଗାଙ୍କୁ ୫୯୮୫ ଭୋଟ ମିଳିଥିବାବେଳେ ଭାଜପାର ଅର୍ଚ୍ଚନା ପ୍ରଧାନଙ୍କୁ ୩୯୭୭ ଭୋଟ...

ହିଞ୍ଜିଳିରେ ନବୀନଙ୍କ ଦମ୍‌ଦାର ବିଜୟ

ହିଞ୍ଜିଳିକାଟୁ,୨୩।୫(ଡି.ଏନ୍‌.ଏ.): ୨୦୧୯ ନିର୍ବାଚନ ଫଳାଫଳ ପ୍ରକାଶ ପାଇଛି। ଲଗାତାର ପଞ୍ଚମ ଥର ପାଇଁ ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ହିଞ୍ଜିଳି ବିଧାନସଭାରୁ ବିଜୟୀ...

ଜୁଆ ଆଡ୍ଡା ଉପରେ ଚଢ଼ାଉ, ୧୧ ଗିରଫ

ଫୁଲବାଣୀ ଅଫିସ, ୮ା୧୦- ଫୁଲବାଣୀ ସହର ନଦୀଖଣ୍ଡି ସାହିରେ ଏକ ଘରେ ଚାଲିଥିବା ଜୁଆ ଆଡ୍ଡା ଉପରେ ପୋଲିସ ଚଢ଼ାଉ କରିଛି। ସେଠାରୁ ନଗଦ ୬୩,୪୦୦...

କାଠ ଦେବ ନାହିଁ ବନ ବିଭାଗ : ଅଧାରୁ ଅଟକିଛି ରଥ ନିର୍ମାଣ

ଉଦଳା,୧ା୬ (ଡି.ଏନ.ଏ.)- ମୟୂରଭଞ୍ଜ ଜିଲା କପ୍ତିପଦା ଉପଖଣ୍ଡର ସଦର ମହକୁମା ଉଦଳା ରଥଯାତ୍ରା ପାଇଁ କାଠ ଅଭାବରୁ ରଥ ନିର୍ମାଣ କାର୍ଯ୍ୟ ଅଧାରେ ଅଟକି ରହିଛି।...

ସିନାପାଲି କଲେଜରେ ଅଭିଭାବକ ସମ୍ମିଳନୀ:ଅଭିଭାବକ-ଅଧ୍ୟାପକ ମଧ୍ୟରେ ସମନ୍ବୟ ରହିଲେ ଶିକ୍ଷାର ବିକାଶ ସମ୍ଭବ

ସିନାପାଲି,୨୨।୯(ଡି.ଏନ.ଏ.) ନୂଆପଡା ଜିଲା ସିନାପାଲି କଲେଜରେ ଅଭିଭାକମାନଙ୍କୁ ନେଇ ସମ୍ମିଳନୀ ଶନିବାର ଅନୁଷ୍ଠିତ ହୋଇଯାଇଛି। ସିନାପାଲି କଲେଜ ସମସ୍ତ ଅଭିଭାକଅଭିଭାବିକାମାନଙ୍କୁ ନେଇ ଅନୁଷ୍ଠିତ ଏହି ସମ୍ମିଳନୀରେ...

ମନ ମୋହିଲା ରଙ୍ଗାରଙ୍ଗ କାର୍ଯ୍ୟକ୍ରମ

କଟକ ଅଫିସ, ୨୧।୧୧: ବାଲିଯାତ୍ରାର ଅନ୍ତିମ ସନ୍ଧ୍ୟାରେ ଗଣକବି ବୈଷ୍ଣବ ପାଣି ମଞ୍ଚ ଓ ମହାନଦୀ ମଞ୍ଚରେ ଓଡ଼ିିଶାର ସଂସ୍କୃତି, ପରମ୍ପରା ଓ ଐତିହ୍ୟକୁ ନେଇ...

ଶରଣକୁଳ ସର୍ବଭାରତୀୟ ଫୁଟବଲ ଟୁର୍ନାମେଣ୍ଟ ଉଦ୍‌ଘାଟିତ: ସଂଘର୍ଷ କ୍ଲବ ବିଜୟୀ

ନୟାଗଡ଼ ଅଫିସ,୨।୧୧: ନୟାଗଡ଼ ଜିଲା ଶରଣକୁଳସ୍ଥିତ ଲଡୁକେଶ ଆଥ୍‌ଲେଟିକ ଆସୋସିଏଶନ ପକ୍ଷରୁ ଶୁକ୍ରବାର ସ୍ଥାନୀୟ ନାରାୟଣ ଉଚ୍ଚ ବିଦ୍ୟାଳୟ ପରିସରରେ ୬୦ତମ ସର୍ବଭାରତୀୟ ଫୁଟବଲ୍‌୍‌ ଟୁର୍ନାମେଣ୍ଟ...

ବୀରମହାରାଜପୁରରୁ ପଦ୍ମନାଭ ବେହେରା ପଛୁଆ

ବୀରମହାରାଜପୁର,୨୩।୫: ବୀରମହାରାଜପୁର ବିଧାନସଭା ଆସନରୁ ବିଜେଡି ପ୍ରାର୍ଥୀ ପଦ୍ମନାଭ ବେହେରା ପଛରେ ପଡ଼ିଛନ୍ତି। ୫ମ ରାଉଣ୍ଡ ଗଣତି ଶେଷ ସୁଦ୍ଧା ପଦ୍ମନାଭ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ...

Leave a comment

Your email address will not be published. Required fields are marked *