ମହଙ୍ଗା ହେବ ରେଳ ଯାତ୍ରା; ଇ-ଟିକେଟିଂ ଉପରେ ଆଦାୟ ହେବ ସର୍ଭିସ ଚାର୍ଜ

ନୂଆଦିଲ୍ଲୀ,୯-୮: ଭାରତୀୟ ରେଳବାଇ ଅନ୍‌ଲାଇନ ରିଜର୍ଭେଶନ ବ୍ୟବସ୍ଥା ଇ-ଟିକେଟିଂ ଉପରେ ପୁନର୍ବାର ସର୍ଭିସ ଚାର୍ଜ ଆଦାୟ କରିବାକୁ ଯାଉଛନ୍ତି। ଫଳରେ ଆଗାମୀ ଦିନରେ ରେଳଯାତ୍ରା ମହଙ୍ଗା ହେବାକୁ ଯାଉଛି। ଅଗଷ୍ଟ ୩ରେ ମନ୍ତ୍ରଣାଳୟ ପକ୍ଷରୁ ଏକ ପତ୍ର ଜାରି କରାଯାଇଛି। ଏଥିରେ ମାର୍କେଟିଂ ଓ ବିକ୍ରି ସେବା ଉପରେ ସର୍ଭିସ ଚାର୍ଜ ଆଦାୟ କରିବାକୁ ନିଷ୍ପତ୍ତି ନିଆଯାଇଥିବା କୁହାଯାଇଛି। ଡିଜିଟାଲ ନେଣଦେଣକୁ ପ୍ରୋତ୍ସାହିତ କରିବାକୁ ଯାଇ ସରକାର ପୂର୍ବରୁ ଇ-ଟିକେଟିଂ ଉପରେ ସର୍ଭିସ ଚାର୍ଜକୁ ପ୍ରତ୍ୟାହାର କରିନେଇଥିଲେ। ଏବେ ନିଷ୍ପତ୍ତିର ପୁନର୍ବିଚାର କରାଯାଇଛି। ସ୍ଳିପର କ୍ଲାସ୍‌ରେ ପୂର୍ବରୁ ୨୦ ଟଙ୍କା ଏବଂ ଏସି ବଗିର ସିଟ୍‌ ପାଇଁ ୪୦ ଟଙ୍କା ଦେବାକୁ ପଡୁଥିଲା। ବିମୁଦ୍ରୀକରଣ ପୂର୍ବରୁ ଅର୍ଥାତ୍‌ ନଭେମ୍ବର ୨୦୧୬ ପର୍ଯ୍ୟନ୍ତ ଇ-ଟିକେଟ ଉପରେ ସର୍ଭିସ ଚାର୍ଜ ଆଦାୟ କରାଯାଉଥିଲା। ଆଇଆର୍‌ସିଟିସି ସର୍ଭିସ ଚାର୍ଜ ଜରିଆରେ ଏକତ୍ରିତ ହେଉଥିବା ଅର୍ଥକୁ ଇ-ଟିକେଟିଂ ସିଷ୍ଟମ ଲାଗି ଖର୍ଚ୍ଚ କରୁଥିଲା। ରେଳ ମନ୍ତ୍ରଣାଳୟ ସର୍ଭିସ ଚାର୍ଜ ନ ଆଦାୟ କରିବାକୁ ଅର୍ଥ ମନ୍ତ୍ରଣାଳୟ ପକ୍ଷରୁ ପରାମର୍ଶ ଦିଆଯାଇଥିଲା ଏବଂ ଖର୍ଚ୍ଚ ଭରଣା କରାଯିବ ବୋଲି ସେତେବେଳେ ପ୍ରତିଶ୍ରୁତି ଦିଆଯାଇଥିଲା। ପ୍ରାରମ୍ଭରେ ଦିଆଯାଇଥିବା ପ୍ରତିଶ୍ରୁତି ମୁତାବକ ସର୍ଭିସ ଚାର୍ଜ ଅସୁଲ ନ କରିବା ବ୍ୟବସ୍ଥା ୨୦୧୭ ଜୁନ୍‌ ପର୍ଯ୍ୟନ୍ତ କରାଯାଇଥିଲା। ପରେ ଏହାର ସମୟସୀମାକୁ ଅନେକ ଥର ବୃଦ୍ଧି କରାଯାଇଛି। ଅଦ୍ୟାବଧି ପୁରୁଣା ବ୍ୟବସ୍ଥାକୁ ଆରମ୍ଭ କରାଯାଇ ନାହିଁ। ଇତିମଧ୍ୟରେ ସର୍ଭିସ ଚାର୍ଜ ଆଦାୟ ନ ହେବାରୁ ଆଇଆର୍‌ସିଟିସିର ଆୟ କମିଲା। ଯାହାର ପ୍ରଭାବ ରେଳ ମନ୍ତ୍ରଣାଳୟର ଆୟ ଉପରେ ପଡିଲା। ଅର୍ଥ ମନ୍ତ୍ରଣାଳୟ ପକ୍ଷରୁ ଆଇଆରସିଟିସିକୁ ୮୮ କୋଟି ଟଙ୍କା ପ୍ରଦାନ କରାଯାଇଥିଲେ ସୁଦ୍ଧା ଏହା ପର୍ଯ୍ୟାପ୍ତ ନ ଥିଲା। କ୍ରମାଗତ କ୍ଷତି ସହି ଚାଲିଥିବା ରେଲଓ୍ବେ ପକ୍ଷରୁ ବୋର୍ଡର ଯୁଗ୍ମ ନିର୍ଦ୍ଦେଶକ ଟ୍ରାଫିକ କମର୍ସିଆଲ(ଜେନେରାଲ) ବି.ଏସ୍‌. କିରଣ ଅର୍ଥ ମନ୍ତ୍ରଣାଳୟକୁ ପତ୍ର ଲେଖି ପୁନର୍ବାର ସର୍ଭିସ ଚାର୍ଜ ଆଦାୟ କରାଯିବ ବୋଲି ଦର୍ଶାଇଛନ୍ତି। ତେବେ ପୂର୍ବ ଭଳି ସମାନ ପରିମାଣ ଅର୍ଥ ଏବେ ଆଦାୟ ହେବା ନେଇ ଆଶଙ୍କା ପ୍ରକାଶ ପାଇଛି।
ଟ୍ରେନ ଯାତ୍ରା ବେଳେ ଶପିଂ ମଜା
ଭାରତୀୟ ରେଲଓ୍ବେ ପକ୍ଷରୁ ଟ୍ରେନ ଯାତ୍ରା ବେଳେ ସପିଂ ମଜା ଉଠାଇବାର ବ୍ୟବସ୍ଥା କରିଛି। ବର୍ତ୍ତମାନ ଏହି ବ୍ୟବସ୍ଥା ପଶ୍ଚିମାଞ୍ଚଳ ରେଳବାଇର ଅହମ୍ମଦାବାଦ୍‌ ଡିଜିଜନ ଅଧୀନରେ ଅହମ୍ମଦାବାଦ୍‌-ମୁମ୍ବାଇ ସେଣ୍ଟ୍ରାଲ-ଅହମ୍ମଦାବାଦ୍‌ କର୍ନାବତୀ ଏକ୍ସପ୍ରେସ୍‌ ଓ ଅହମ୍ମଦାବାଦ୍‌-ମୁମ୍ବାଇ ସେଣ୍ଟ୍ରାଲ-ଅହମ୍ମଦାବାଦ୍‌ ଡବର ଡେକର ଏକ୍ସପ୍ରେସରେ ଆରମ୍ଭ କରାଯାଇଛି। ଗୁରୁବାରଠାରୁ ଏହି ନୂଆ ସୁବିଧା ଯାତ୍ରୀଙ୍କୁ ଯୋଗାଇ ଦିଆଯାଉଛି। ଉଭୟ ମାର୍ଗରେ ଯାତ୍ରୀ ଡିଜିଟାଲ ପେମେଣ୍ଟ ବ୍ୟବସ୍ଥା ଜରିଆରେ କସ୍‌ମେଟିକ୍ସ, ଏଫ୍‌ଏମ୍‌ସିଜି ଓ ହେଲ୍‌ଥକେୟାର ସାମଗ୍ରୀ କିଣିପାରିବେ। ଯାତ୍ରୀମାନେ ଯାତ୍ରା ବେଳେ ଘରକରଣା, ଓରାଲ କେୟାର, ସ୍କିନ୍‌ କେୟାର, ହେଲ୍‌ଥ କେୟାର,କସ୍‌ମେଟିକ୍ସ, ସ୍ବାସ୍ଥ୍ୟ ସମ୍ପର୍କିତ, ପେପର ସାମଗ୍ରୀ,କନ୍‌ଫେକ୍‌ଶନାରୀ, ଷ୍ଟେଶନାରୀ ସାମଗ୍ରୀ ଆଦି କିଣିପାରିବେ ବୋଲି ରେଳଓ୍ବେ ସୂତ୍ରରୁ ପ୍ରକାଶ।


All Right Reserved By Dharitri.Com

ନୀରବଙ୍କଠୁ ୭୨୦୦ କୋଟି ଅସୁଲ କରିବ ବ୍ୟାଙ୍କ

ନୂଆଦିଲ୍ଲୀ,୬-୭: ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)କୁ ଶନିବାର ଭଲ ଖବର ମିଳିଛି। ଡେଟ୍‌ ରିକଭରୀ ଟ୍ରିବ୍ୟୁନାଲ(ଡିଆର୍‌ଟି) ତାଙ୍କର ଅନ୍ତିମ ରାୟ ଶୁଣାଇଛନ୍ତି। ପିଏନ୍‌ବି ମହାଦୁର୍ନୀତିର ମୁଖ୍ୟ ଅଭିଯୁକ୍ତ...

ମାନ୍ଦାବସ୍ଥା ଯୋଗୁ କମିଲା ରେଲଓ୍ବେର ରାଜସ୍ବ

ନୂଆଦିଲ୍ଲୀ,୨୭-୧୦: ଦେଶରେ ମାନ୍ଦାବସ୍ଥା ଲାଗି ରହିଥିବା ବେଳେ ଏହାର ପ୍ରଭାବ ରେଲଓ୍ବେ ଉପରେ ପଡିଛି। ଚଳିତ ଆର୍ଥତ୍କ ବର୍ଷ ଦ୍ୱିତୀୟ ତ୍ରୈମାସରେ ପାସେଞ୍ଜର ଏବଂ ମାଲ...

ଅଭିବୃଦ୍ଧି ଲାଗି ସରକାର,ଆର୍‌ବିଆଇ ସମନ୍ବୟ ଜରୁରୀ:ଶକ୍ତିକାନ୍ତ ଦାସ

ମୁମ୍ବାଇ,୨୮-୬: ଦେଶର ଅଭିବୃଦ୍ଧି ତ୍ୱରାନ୍ବିତ କରିବା ଲାଗି ସରକାର ଏବଂ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ସମନ୍ବୟ ରଖି କାର୍ଯ୍ୟ କରିବା ରଆବଶ୍ୟକତା ରହିଛି। ସେହିଭଳି ବ୍ୟବସ୍ଥାଗତ...

ଭିତ୍ତିଭୂମି ବିକାଶ ଲାଗି ରେଲଓ୍ବେ ଖର୍ଚ୍ଚ କରିବ ୧୮ ହଜାର କୋଟି

ନୂଆଦିଲ୍ଲୀ,୨୩-୧୦: ରେଲଓ୍ବେ ପକ୍ଷରୁ ଏକ ନୂଆ ଯୋଜନାରେ ୧୮ ହଜାର କୋଟି ଟଙ୍କା ପୁଞ୍ଜି ବିନିଯୋଗ କରାଯିବାକୁ ଲକ୍ଷ୍ୟ ରଖାଯାଇଛି। ଭିତ୍ତିଭୂମି ଉନ୍ନତୀକରଣରେ ଏହି ଅର୍ଥ...

ଅଜିମ ପ୍ରେମଜୀଙ୍କ ବଦାନ୍ୟତା;ପରୋପକାର ଲାଗି ବିକିଲେ ୭,୩୦୦ କୋଟିର ଶେୟାର

ନୂଆଦିଲ୍ଲୀ, ୧୩-୯: ନିଜ ସମ୍ପତ୍ତିର ଏକ ବୃହତ୍‌ ଅଂଶକୁ ପରୋପକାର କାର୍ଯ୍ୟ ଲାଗି ଖର୍ଚ୍ଚ କରିବାକୁ ବିଶିଷ୍ଟ ଶିଳ୍ପପତି ଅଜିମ ପ୍ରେମଜୀ ଚଳିତ ବର୍ଷ ଘୋଷଣା...

ଆର୍ଥିକ ପ୍ୟାକେଜ ଦେବେନି ସରକାର

ନୂଆଦିଲ୍ଲୀ,୨୩-୮: ଦେଶର ଅର୍ଥନୀତି ଧିମା ହେବା କାରଣରୁ ଉଦ୍ୟୋଗ ଜଗତ ଏବେ ମାନ୍ଦାବସ୍ଥାର ଶିକାର ହୋଇଛି। ସରକାରଙ୍କ ପକ୍ଷରୁ ତୁରନ୍ତ ଆର୍ଥିକ ପ୍ୟାକେଜ ଘୋଷଣା କରିବାକୁ...

ବିତ୍ତୀୟ ନିଅଣ୍ଟ ୭୮% ଟପିଲା

ନୂଆଦିଲ୍ଲୀ,୧-୧୦: ୨୦୧୯-୨୦ ଆର୍ଥତ୍କ ବର୍ଷ ଲାଗି ଦେଶର ବିତ୍ତୀୟ ନିଅଣ୍ଟ ପରିମାଣ ଅଗଷ୍ଟ ମାସ ଶେଷ ସୁଦ୍ଧା ବଜେଟ ଧାର୍ଯ୍ୟ ଲକ୍ଷ୍ୟର ୭୮.୭% ଟପି ୫.୫୪...

ପୋଷ୍ଟ ଅଫିସ୍‌ରେ ମିଳିବ କ୍ଷୁଦ୍ର ଋଣ

ନୂଆଦିଲ୍ଲୀ,୩-୮: ଏନ୍‌ଡିଏ ସରକାର କ୍ଷମତାରେ ଫେରିବା ପରେ ପୋଷ୍ଟ ଅଫିସ୍‌ର କାୟାକଳ୍ପ ବଦଳିବାରେ ଲାଗିଛି। ଚିଠି, ପାର୍ସଲ ମନିଅର୍ଡର ବାଣ୍ଟୁଥିବା ପୋଷ୍ଟ ଅଫିସ ଆଜି ବ୍ୟାଙ୍କିଙ୍ଗ୍‌...

Leave a comment

Your email address will not be published. Required fields are marked *