୬ ମାସରେ ୫୨୧ଥର ଅଯଥା ଚେନ୍‌ ପୁଲିଂ

ଭୁବନେଶ୍ୱର,୮ା୮(ବ୍ୟୁରୋ): ଭାରତୀୟ ରେଲଓ୍ବେ ସର୍ବଦା ବିଳମ୍ବରେ ପହଞ୍ଚତ୍ବା ଲାଗି ସମାଲୋଚିତ ହୋଇ ଆସିଛି। କିନ୍ତୁ ଏମିତି ଏକ ତଥ୍ୟ ମିଳିଛି, ଯେଉଁଥିରେ ଟ୍ରେନ ବିଳମ୍ବ ହେବାରେ ମୁଖ୍ୟ କାରଣ କେତେକ ଅସଚେତନ ଯାତ୍ରୀ ହଁ ଦାୟୀ। ଭୁବନେଶ୍ୱର ରେଳ ଷ୍ଟେଶନ କର୍ତ୍ତୃପକ୍ଷଙ୍କ ନିକଟରୁ ଜାଣିବାକୁ ମିଳିଛି ଯେ, ପ୍ରତିଦିନ ଭୁବନେଶ୍ୱର ଷ୍ଟେଶନରୁ ଯାତ୍ରା ଆରମ୍ଭ କରୁଥିବା ୩ରୁ ୪ଟି ଟ୍ରେନରେ ଅପତ୍‌କାଳୀନ ଚେନ୍‌ ପୁଲିଂ କରି ଟ୍ରେନକୁ ରୋକାଯାଉଛି। ଆଉ ଚେନ୍‌ ଟାଣୁଥିବା ବ୍ୟକ୍ତି ଗୁରୁତ୍ୱହୀନ କାରଣ ଦର୍ଶାଉଛନ୍ତି। ଯେଉଁଥିପାଇଁ ସର୍ବନିମ୍ନ ୫ ମିନିଟ୍‌ରୁ ନେଇ ୨୦ ମିନିଟ୍‌ ଯାଏଁ ଟ୍ରେନ ଯାତ୍ରା ଆରମ୍ଭ କରିବାରେ ବିଳମ୍ବ ହେଉଛି। ଗତ ମାସରେ ୬୦ଟି ଚେନ୍‌ ପୁଲିଂ ହୋଇଛି। ଆଉ ଯାତ୍ରୀ ଦର୍ଶାଇଥିବା ସମସ୍ତ କାରଣ ଗୁରୁତ୍ୱହୀନ। ବିଗତ ୬ମାସ ଭିତରେ ୫୨୧ଥର ଚେନ୍‌ ପୁଲିଂ କରାଯାଇଛି। ସେ ଭିତରୁ ୪୧୮ ଜଣଙ୍କୁ ଗିରଫ କରାଯାଇଛି। ଆଉ ବଞ୍ଚତ୍ତ ୧୦୩ ଜଣ ଚେନ୍‌ ଟାଣି ଖସି ଯାଇଛନ୍ତି। ୫୨୧ଟି ପଞ୍ଜୀକୃତ ମାମଲା ମଧ୍ୟରୁ ମାତ୍ର ୨୦ଟି ଦର୍ଶଯାଇଥିବା କାରଣ ଯଥାର୍ଥ ବୋଲି ରେଲଓ୍ବେ କର୍ତ୍ତୃପକ୍ଷଙ୍କ ନିକଟରୁ ଜଣାପଡିଛି। ସର୍ବାଧିକ ଦୂରକୁ ଯାଉଥିବା ଏକ୍ସପ୍ରେସଗୁଡିକରେ ହଁି ଚେନ୍‌ ଟାଣି ଟ୍ରେନ ଅଟକାଯାଇଛି। ରେଲଓ୍ବେ କର୍ତ୍ତୃପକ୍ଷ ଚେନ୍‌ ପୁଲିଂର କାରଣ କିଛି ତଦନ୍ତ କରି ଦର୍ଶାଇଛନ୍ତି। ସେଗୁଡିକ ହେଉଛି ଯାତ୍ରୀ ଡେରିରେ ଆସୁଛନ୍ତି, ସୂଚନା ନ ଶୁଣି ଭୁଲ୍‌ ଟ୍ରେନରେ ଚଢ଼ୁଛନ୍ତି, ଦ୍ୱାର ପାଖରେ ଠିଆ ହୋଇ ମୋବାଇଲ ତଳକୁ ଖସେଇ ଦେବା ଏଭଳି ସବୁ କାରଣ ସର୍ବାଧିକ ପଞ୍ଜୀକୃତ ହୋଇଛି। ଯେଉଁଥିପାଇଁ ଯାତ୍ରୀମାନଙ୍କୁ ଜରିମାନା ଓ ଦଣ୍ଡବିଧାନ ମଧ୍ୟ କରାଯାଇଛି। ଗୁରୁତ୍ୱହୀନ କାରଣ ଯୋଗୁ ଚେନ୍‌ ପୁଲିଂ କଲେ ୧ ହଜାର ଟଙ୍କା ଜରିମାନା ସହ ୧ ବର୍ଷ ଯାଏଁ ଜେଲ୍‌ ଯିବାର ନିୟମ ରହିଛି।
ଉଲ୍ଲେଖଯୋଗ୍ୟ, ଚେନ୍‌ ଟାଣି ଗାଡି ଅଟକାଇବା ଯୋଗୁ ସମ୍ପୃକ୍ତ ଟ୍ରେନ ସହ ପରବର୍ତ୍ତୀ ଟ୍ରେନଗୁଡିକରେ ମାତ୍ରାଧିକ ବିଳମ୍ବ ଘଟିଥାଏ। ଯାହା ରେଲଓ୍ବେର ଏକ ବଡ ସମସ୍ୟା। ଆଉ ତା’ସହ ଥରେ ଟ୍ରେନଟି ଅଟକି ଆଉଥରେ ଗଡିବା ଲାଗି ମାତ୍ରାଧିକ ଇନ୍ଧନ ଓ ବିଦ୍ୟୁତ୍‌ ଖର୍ଚ୍ଚ ହୋଇଥାଏ। ଯାତ୍ରୀଙ୍କ ସାମାନ୍ୟ ହେୟଜ୍ଞାନ ଲାଗି ରେଲଓ୍ବେକୁ ଗୁରୁତ୍ୱପୂର୍ଣ୍ଣ ସମୟ ସହ ବହୁମୂଲ୍ୟ ଅର୍ଥ ବ୍ୟୟ କରିବାକୁ ପଡ଼ିଥାଏ। ଯାହା ଯାତ୍ରୀଙ୍କଠାରୁ ଆଦାୟ କରାଯାଉଥିବା ଜରିମାନା ଅପେକ୍ଷା ଯଥେଷ୍ଟ ଅଧିକ। ତେବେ ରେଲଓ୍ବେ ପକ୍ଷରୁ ସୂଚନାଫଳକ, ମାଇକ ଯୋଗେ ପ୍ରଚାର ଓ ସଚେତନତା କାର୍ଯ୍ୟକ୍ରମ କରାଯାଉଥିଲେ ବି ଯାତ୍ରୀଙ୍କଠାରେ କୌଣସି ସୁଫଳ ଦେଖିବାକୁ ମିଳୁନି। ଚଳିତବର୍ଷ ରେଳ ସୁରକ୍ଷା ବଳ ୬ଟି ଭିନ୍ନ ଭିନ୍ନ ଦିନରେ ସଚେତନତା କାର୍ଯ୍ୟକ୍ରମ କରି ଯାତ୍ରୀଙ୍କୁ ବୁଝାଇଛି। ଭୁବନେଶ୍ୱର ରେଳ ଷ୍ଟେଶନ ନିର୍ଦ୍ଦେଶକ ଚିତ୍ତରଞ୍ଜନ ନାୟକ ଓ ରେଳ ସୁରକ୍ଷା ବଳର ଥାନାଧିକାରୀ କାଳୁ ସେଠୀ ଯାତ୍ରୀଙ୍କୁ ଅଯଥା ଚେନ୍‌ ନ ଟାଣିବାକୁ ଅନୁରୋଧ କରିଛନ୍ତି। ଟ୍ରେନ ଛାଡିବାର ଆବଶ୍ୟକ ସମୟ ପୂର୍ବରୁ ଆସି ଯାତ୍ରା ଲାଗି ପ୍ରସ୍ତୁତ ରହିବାକୁ ଅନୁରୋଧ କରିଛନ୍ତି।


All Right Reserved By Dharitri.Com

କଟକ ସୌନ୍ଦର୍ଯ୍ୟକରଣ ଅତ୍ୟାଧୁନିକ ପଦ୍ଧତିରେ କର: ମନ୍ତ୍ରୀ

ଭୁବନେଶ୍ୱର,୧।୨(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିକଟରେ କଟକ ଗସ୍ତ କରି ସହରର ସୌନ୍ଦର୍ଯ୍ୟକରଣ ଲାଗି ପଦକ୍ଷେପ ନେବାକୁ ନିର୍ଦ୍ଦେଶ ଦେଇଥିଲେ। ଏହାସହ ସବୁଠାରୁ ପୂରୁଣା ସହର...

୧୩ରୁ ବିଧାନସଭାର ଶୀତକାଳୀନ ଅଧିବେଶନ: ଏଥର ରହିଛି ୩୦ଟି କାର୍ଯ୍ୟଦିବସ

ଭୁବନେଶ୍ୱର, ୧୧।୧୧(ବ୍ୟୁରୋ): ଆସନ୍ତା ୧୩ ତାରିଖରୁ ବିଧାନସଭାର ଶୀତକାଳୀନ ଅଧିବେଶନ ଆରମ୍ଭ ହେବ। ପ୍ରଥମ ଦିନରେ ୨୦୧୯-୨୦ ବର୍ଷ ପାଇଁ ଅତିରିକ୍ତ ବଜେଟ୍‌ ଆଗତ ହେବାର...

ଚିଲିକାରେ ପହଞ୍ଚିଲେ ବିଦେଶୀ ପକ୍ଷୀ

ବାଲୁଗାଁ,୨୭।୧୦(ଡି.ଏନ.ଏ.)-ଶୀତର ପହିଲି ସ୍ପର୍ଶ ସାଙ୍ଗକୁ ନୀଳାମ୍ବୁ ଚିଲିକାକୁ ରଙ୍ଗବେରଙ୍ଗର ବିଦେଶୀ ପକ୍ଷୀଙ୍କ ସୁଅ ଛୁଟିବା ଆରମ୍ଭ ହୋଇଛି । ଶନିବାର ସୁଦ୍ଧା ଚିଲିକା ମଧ୍ୟସ୍ଥ ପକ୍ଷୀ...

ସିଙ୍ଗପୁରରେ କାଳବୈଶାଖୀର ତାଣ୍ଡବ: ସରକାରୀ ସହାୟତା ଦାବି

ନୂଆଗାଁ,୩୦।୫ (ଡି.ଏନ୍‌.ଏ.): ନୟାଗଡ଼ ଜିଲା ନୂଆଗାଁ ବ୍ଲକ ଉଦୟପୁର ପଞ୍ଚାୟତସ୍ଥ ସିଙ୍ଗପୁର ଗ୍ରାମରେ ମଙ୍ଗଳବାର ଅପରାହ୍ନରେ କାଳବୈଶାଖୀ ତାଣ୍ଡବ ଲୀଳା ଘଟିଛି। ଏହା ଏକ ଆଦିବାସୀ...

‘ଅକ୍ଷରଧାମ’ରେ ବିରାଜିବେ ମା’

ଭୁବନେଶ୍ୱର, ୨୫-୯(ବ୍ୟୁରୋ):ଆସୁଛି ପାର୍ବଣ, ଆସୁଛନ୍ତି ମା’। ଆଉ ମା’ଙ୍କ ସ୍ବାଗତ ପାଇଁ ସଜେଇ ହେଉଛି ରାଜଧାନୀ। ଭିନ୍ନ ଭିନ୍ନ ଡିଜାଇନର୍‌ ତୋରଣ ସାଙ୍ଗକୁ ଆଖି ଝଲସା...

କଳାହାଣ୍ଡି ଏମ୍‌ପିଙ୍କ ଗୋଲାମୁଣ୍ଡା ବ୍ଲକ ଗସ୍ତ

ଗୋଲାମୁଣ୍ଡା,୨୧।୮(ଡି.ଏନ.ଏ.): କଳାହାଣ୍ଡି ଏମ୍‌ପି ତଥା ରାଜ୍ୟ ଭାଜପା ସଭାପତି ବସନ୍ତ ପଣ୍ଡା ବୁଧବାର ଗୋଲାମୁଣ୍ଡା ବ୍ଲକ ଗସ୍ତ କରିଛନ୍ତି । ଏହି ଅବସରରେ ଗୋଲାମୁଣ୍ଡା ସଭା...

ବେଲପାହାଡ଼ରେ ବିଧାୟକଙ୍କ ସମୀକ୍ଷା ବୈଠକ

ବେଲପାହାଡ଼,୧୪ା୯ (ଡ଼ି.ଏନ୍‌.ଏ.) ଝାରସୁଗୁଡ଼ା ଜିଲା ବେଲପାହାଡ଼ ପୌରାଞ୍ଚଳର ବିଭିନ୍ନ ଉନ୍ନତିମୂଳକ କାର୍ଯ୍ୟର ଅଗ୍ରଗତି ତଥା ସମସ୍ୟାର ସମାଧାନ ପାଇଁ ଶୁକ୍ରବାର ବ୍ରଜରାଜନଗର ବିଧାୟକ କିଶୋର କୁମାର...

ଆଜି ସୁଆର ମହାସୁଆର ନିର୍ବାଚନ

ପୁରୀ ଅଫିସ, ୯ା୮: ଶ୍ରୀମନ୍ଦିରର ସୁଆର ମହାସୁଆର ନିଯୋଗ ନିର୍ବାଚନ ଶନିବାର ଅନୁଷ୍ଠିତ ହେବ। ମୋଟ ୩୭ ଜଣ ପ୍ରାର୍ଥୀ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ବେଳେ...

Leave a comment

Your email address will not be published. Required fields are marked *