Posted inଖେଳ

ଓ୍ବାର୍ନର, ତାହିରଙ୍କ ଚମକ

ଦୀର୍ଘ ୪୫ ଦିନରୁ ଅଧିକ ସମୟ ଏବଂ ୬୦ଟି ମ୍ୟାଚ୍‌ର ପରିସମାପ୍ତି ପରେ ଏକ ରୋମାଞ୍ଚକର ଫାଇନାଲରେ ୨ ରନ୍‌ରେ େନ୍ନାଇ ସୁପର କିଙ୍ଗ୍‌ସ୍‌କୁ ଚକ୍‌ମା ଦେଇ ମୁମ୍ବାଇ ଇଣ୍ଡିଆନ୍ସ ପ୍ରଥମ ଏବଂ ଏକମାତ୍ର ଦଳରୂପେ ସର୍ବାଧିକ ୪ର୍ଥ ଥର ପାଇଁ ଆଇପିଏଲ୍‌ ଟାଇଟଲ ହାସଲ କରିଛି। ଚେନ୍ନାଇ ଆଇପିଏଲ୍‌ ଦ୍ୱାଦଶ ସଂସ୍କରଣରେ ଚତୁର୍ଥ ଥର ପାଇଁ ମୁମ୍ବାଇ ଇଣ୍ଡିଆନ୍ସ ଠାରୁ ପରାଜିତ ହୋଇ ଉପବିଜେତା ସାବ୍ୟସ୍ତ ହୋଇଛି। ମୁମ୍ବାଇ ସର୍ବାଧିକ ୪ର୍ଥଥର ପାଇଁ ଚାମ୍ପିୟନ ହୋଇଥିବା ବେଳେ ଚେନ୍ନାଇ ସୁପର କିଙ୍ଗ୍ସ ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱରେ ୨୦୧୦, ୨୦୧୧, ୨୦୧୮ ସଂସ୍କରଣରେ ଚାମ୍ପିୟନ ହେବାର ଗୌରବ ଅର୍ଜନ କରିଛି ଓ ୫ମ ଥର ପାଇଁ ରନର୍ସଅପ୍‌ ହୋଇଛି। ଫାଇନାଲକୁ ମିଶାଇ ଖେଳାଯାଇଥିବା ମୋଟ ୬୦ ମ୍ୟାଚ ମଧ୍ୟରୁ ୩୨ଟି ମ୍ୟାଚରେ ଶେଷ ଓଭରରେ ଫଳାଫଳ ମିଳିଥିବାରୁ ଏହି ମ୍ୟାଚଗୁଡିକୁ ଦର୍ଶକମାନେ ବେଶ୍‌ ଉପଭୋଗ କରିବା ସହିତ ମ୍ୟାଚଗୁଡିକର ରୋମାଞ୍ଚ ନେବାକୁ ସମର୍ଥ ହୋଇଛନ୍ତି।
ସଫଳ ବ୍ୟାଟ୍ସମ୍ୟାନ ରୂପେ ଡେଭିଡ୍‌ ୱାର୍ନର ୧୨ଟି ମ୍ୟାଚରୁ ସର୍ବାଧିକ ୬୯୨ ରନ (୧ଟି ଶତକ ୮ଟି ଅର୍ଦ୍ଧଶତକ) କରିବାକୁ ସକ୍ଷମ ହୋଇଥିବା ବେଳେ ଅନ୍ୟ ବିଦେଶୀ ଖେଳାଳିମାନଙ୍କ ମଧ୍ୟରେ କ୍ୱିଣ୍ଟନ ଡ଼ିକକ୍‌ ୫୯୩, ଆଣ୍ଡ୍ର୍ୟୁ ରସେଲ ୫୧୦, କ୍ରିସ୍‌ ଗେଲ୍‌ ୪୯୦, ଜନି ବେୟାର୍‌ଷ୍ଟୋ ୪୪୫ ରନ କରିଛନ୍ତି। ଭାରତୀୟ ବ୍ୟାଟ୍ସମ୍ୟାନଙ୍କ ମଧ୍ୟରେ ଲୋକେଶ ରାହୁଲ ୧୪ଟି ମ୍ୟାଚ୍‌ରୁ ୫୯୩, ଶିଖର ଧାୱନ ୧୬ଟି ମ୍ୟାଚ୍‌ରୁ ୫୨୧, ଋଷଭ ପନ୍ତ ୧୬ଟି ମ୍ୟାଚରୁ ୪୮୮, ବିରାଟ କୋହଲି ୧୪ଟି ମ୍ୟାଚରୁ ୪୬୪, ଶ୍ରେୟାସ୍‌ ଆୟର ୧୬ଟି ମ୍ୟାଚ୍‌ରୁ ୪୬୩ ରନ୍‌ ସଂଗ୍ରହ କରିଛନ୍ତି। ସମ୍ପୂର୍ଣ୍ଣ ଟୁର୍ନାମେଣ୍ଟରେ ମୋଟ ୬ଟି ଶତକ ହାସଲ କରାଯାଇଥିବାବେଳେ ୧୦୨ଟି ଅର୍ଦ୍ଧଶତକୀୟ ଇଂନିସ୍‌ ଖେଳାଯାଇଛି। ସନ୍‌ରାଇଜର୍ସ ହାଇଦ୍ରାବାଦର ଜନୀ ବେୟାରଷ୍ଟୋ ବ୍ୟକ୍ତିଗତ ଭାବେ ସର୍ବାଧିକ ୧୧୪ ରନ୍‌ ସଂଗ୍ରହ କରିଛନ୍ତି। ଡେଭିଡ୍‌ ୱାର୍ନର ଟୁର୍ନାମେଣ୍ଟରେ ସର୍ବାଧିକ ୮ଟି ଅର୍ଦ୍ଧଶତକ ହାସଲ କରିଥିବାବେଳେ ଲୋକେଶ ରାହୁଲ ୬ଟି ଅର୍ଦ୍ଧଶତକ ହାସଲ କରିଥିଲେ। କୋଲକାତା ନାଇଟ୍‌ ରାଇଡର୍ସର ରସେଲ ସର୍ବାଧିକ ୫୨ଟି ଛକା ମାରିଥିବାବେଳେ କ୍ରିସ୍‌ ଗେଲ୍‌ ଦ୍ୱିତୀୟ ସର୍ବାଧିକ ୩୪ଟି ମାରିଛନ୍ତି। ସେହିପରି ହାର୍ଦ୍ଦିକ ପାଣ୍ଡ୍ୟା ଏବଂ ଲୋକେଶ ରାହୁଲ ଯଥାକ୍ରମେ ୨୯ଟି, ୨୭ଟି ଛକା ମାରିଛନ୍ତି। ସେହିପରି ସର୍ବାଧିକ ଚୌକା ମାରିବାରେ ଶିଖର ଧାୱନ (୬୪ଟି) ଆଗରେ ରହିଥିବା ବେଳେ ଡେଭିଡ୍‌ ୱାର୍ନର (୫୭ ଚୌକା) ମାରି ଦ୍ୱିତୀୟ ସ୍ଥାନରେ ରହିଛନ୍ତି।
ସେହିପରି ବୋଲିଂରେ ଇମ୍ରାନ ତାହିର ୧୭ଟି ମ୍ୟାଚରୁ ୨୬ଟି ଉଇକେଟ୍‌ ନେଇ ଆଗରେ ରହିଥିବାବେଳେ କାସିଗୋ ରାବାଡା ୧୨ଟି ମ୍ୟାଚରୁ ୨୫ଟି ଉଇକେଟ ହାସଲ କରି ଦ୍ୱିତୀୟ ସ୍ଥାନରେ ରହିଛନ୍ତି। ଦୀପକ ଚହର ୧୭ଟି ମ୍ୟାଚ୍‌ ଖେଳି ୨୨ , ଶ୍ରେୟାସ୍‌ ଗୋପାଲ ୨୦, ଯଶପ୍ରୀତ ବୁମରା ୧୯, ଖଲିଲ୍‌ ଅହମ୍ମଦ ୧୯, ୟୁଜବେନ୍ଦ୍ର ଚହଲ ୧୮, ହରଭଜନ ସିଂ ୧୬, ରବୀନ୍ଦ୍ର ଜାଡେଜା ୧୫ଟି ଉଇକେଟ ନେଇ ଆଗରେ ଅଛନ୍ତି।
ଅନ୍ୟତମ ବିରଳ କୀର୍ତ୍ତିମାନ ମଧ୍ୟରେ ଉଇକେଟ ପଛରେ ମହେନ୍ଦ୍ର ସିଂ ଧୋନୀ ୧୯୦ଟି ମ୍ୟାଚ୍‌ ଖେଳି ସର୍ବାଧିକ ୧୩୨ଟି କ୍ୟା ଏବଂ ଷ୍ଟମ୍ପିଂ ମାଧ୍ୟମରେ ଦୀନେଶ କାର୍ତ୍ତିକଙ୍କ ରେକର୍ଡ଼କୁ ପଛରେ ପକାଇ ସଫଳ ଉଇକେଟକିପର ମାନ୍ୟତା ପାଇଛନ୍ତି। ସେ ମଧ୍ୟ ଳିତ ସଂସ୍କରଣରେ ୧୧୧ ମିଟରର ଛକା ମାରି ଆଗରେ ରହିଛନ୍ତି। ଚଳିତ ସଂସ୍କରଣରେ କୋଲକାତା ନାଇଟ୍‌ ରାଇଡର୍ସ ମୁମ୍ବାଇ ବିପକ୍ଷରେ ୨ଟି ଉଇକେଟ ହରାଇ ୨୩୨ ରନ୍‌ କରିବା ସର୍ବାଧିକ ହୋଇଥିବା ବେଳେ ୧୧ଥର ୨୦୦ରୁ ଊର୍ଦ୍ଧ୍ୱ ରନ୍‌ ବିଭିନ୍ନ ଦଳ ଦ୍ୱାରା ସ୍କୋର କରାଯାଇଛି।
ଚାମ୍ପିୟନ ମୁମ୍ବାଇ ୨୦ କୋଟି ଟଙ୍କା ଆର୍ଥିକ ପୁରସ୍କାର ହାସଲ କରିଥିବା ବେଳେ ରନର୍ସଅପ ଦଳ ଚେନ୍ନାଇ ୧୨.୫ କୋଟି ଟଙ୍କା ସହ ଟ୍ରଫି ହାସଲ କରିଛି। ଫାଇନାଲର ଶ୍ରେଷ୍ଠ ଖେଳାଳିରୂପେ ଯଶପ୍ରୀତ୍‌ ବୁମରା ଏବଂ ଶ୍ରେଷ୍ଠ ଉଦୀୟମାନ ଖେଳାଳିରୂପେ ଶୁଭମ୍‌ ଗିଲ୍‌, ଶ୍ରେଷ୍ଠ ବ୍ୟାଟସ୍‌ମ୍ୟାନ ରୂପେ ଅରେଞ୍ଜ୍‌ କ୍ୟାପର ଅଧିକାରୀ ହୋଇଛନ୍ତି ଡେଭିଡ୍‌ ୱାର୍ନର। ଶ୍ରେଷ୍ଠ ବୋଲର ରୂପେ ଇମ୍ରାନ ତାହିର ପର୍ପଲ କ୍ୟାପ୍‌ ହାସଲ କରିଛନ୍ତି ଏବଂ ସବୁଠାରୁ ମୂଲ୍ୟବାନ ଖେଳାଳି ରୂପେ ଆନ୍ଦ୍ରେ ରସେଲ୍‌ ଚଳିତ ସଂସ୍କରଣରେ ପୁରସ୍କୃତ ହୋଇଛନ୍ତି। ସେହିପରି ଶୃଙ୍ଖଳିତ ଦଳ ରୂପେ ଫେୟାର ପ୍ଲେ ପୁରସ୍କାର ସନ୍‌ରାଇଜର୍ସ ହାଇଦ୍ରାବାଦକୁ ମିଳିଛି। ପ୍ରକାର ଟେକ୍‌ନୋଲୋଜିର ସୁବିଧା ଥାଇ ମଧ୍ୟ ପ୍ରଥମରୁ ଶେଷ ପର୍ଯ୍ୟନ୍ତ ଅମ୍ପାୟରିଂ ବିବାଦ ଯୋଗୁଁ ଆଇପିଏଲ୍‌ ଚର୍ଚ୍ଚାରେ ରହିଥିବା ବେଳେ କେତେ ମ୍ୟାଚ୍‌ରେ ପିଚ୍‌ର ପ୍ରସ୍ତୁତିକୁ ନେଇ ବିଭିନ୍ନ ଟିମ୍‌ ଅଫିସିଆଲ, କୋଚ ଏବଂ ଅଧିନାୟକମାନେ ଆପତ୍ତି କରିଥିଲେ ମଧ୍ୟ ଏହା କ୍ରିକେଟ୍‌ର ଏକ ଅଂଶ ବିଶେଷ ବୋଲି ବିସିସିଆଇ ନିଜ ଆଡୁ ସଫେଇ ଦେବା ବେଶ୍‌ ଚର୍ଚ୍ଚା ଏବଂ ଆଲୋଚନାର ବିଷୟବସ୍ତୁ ହୋଇଥିଲା। ସେହିପରି ମହେନ୍ଦ୍ର ସିଂ ଧୋନୀ, ରୋହିତ ଶର୍ମା, ବିରାଟ କୋହଲି, ଦୀନେଶ କାର୍ତ୍ତିକ ଏବଂ ରବିଚନ୍ଦ୍ରନ ଅଶ୍ୱିନ ବିଭିନ୍ନ ସମୟରେ ଅମ୍ପାୟରିଂର ନିମ୍ନତାକୁ ପ୍ରଶ୍ନ ଉଠାଇ ବେଶ୍‌ ବିବାଦୀୟ ହୋଇପଡିଥିବାର ଦେଖାଯାଇଥିଲା। ଏଥର ୩୨ଟି ମ୍ୟାର ଫଳାଫଳ ଶେଷ ଓଭରରେ ମିଳିଛି। ଆଇପିଏଲ ଯୋଗୁ ଅନେକ ଯୁବ ଖେଳାଳି ସୃଷ୍ଟି ହେବା ଭାରତୀୟ କ୍ରିକେଟ୍‌ ପାଇଁ ଶୁଭଦାୟକ। ଳିତ ଋତୁରେ ସବୁ ମ୍ୟାରେ ଷ୍ଟାଡିୟମ ଭରପୂର ରହିବା ମଧ୍ୟ କ୍ରିକେଟ୍‌ ପାଇଁ ଶୁଭ ଲକ୍ଷଣ। ଏହାଠାରୁ ଅଧିକ କିଛି ଆଶା କରାଯାଇ ନ ପାରେ।

ନିର୍ମଳ କୁମାର ମିଶ୍ର


All Right Reserved By Dharitri.Com

Posted inଖେଳ View All

ଜନ୍ମଦିନ ପାଳିଲେ: ନିଜକୁ ଦେଇଥିବା ପୁରୁଣା ଚିଠି ଶେୟାର କଲେ କୋହଲି

ନୂଆଦିଲ୍ଲୀ,୬।୧୧(ପି.ଟି.)- କ୍ରିକେଟ ସୁପରଷ୍ଟାର ବିରାଟ କୋହଲି ସୋମବାର ୩୧ ବର୍ଷରେ ପଦାର୍ପଣ କରିଛନ୍ତି। ଏହି ଅବସରରେ ସେ ନିଜର ପ୍ରଶଂସକମାନଙ୍କୁ ଏକ ସ୍ବତନ୍ତ୍ର ଉପହାର ପ୍ରଦାନ...

ବାର୍ଟିଙ୍କୁ ହରାଇଲେ ଆଲିସନ

ଲଣ୍ଡନ,୯ା୭-ଆମେରିକାର ଷ୍ଟାର ଖେଳାଳି ସେରେନା ଓ୍ବିଲିୟମ୍ସ ଓ୍ବିମ୍ବେଲଡନ ଓପନ ଗ୍ରାଣ୍ଡସ୍ଲାମ ଟେନିସ ପ୍ରତିଯୋଗିତାର କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ଏଠାରେ ୭ଥର ଚାମ୍ପିୟନ ତଥା ୧୧ତମ...

ଧୋନୀଙ୍କ ଅବସର ପରେ ଚେନ୍ନାଇ ସୁପର କିଙ୍ଗ୍ସର ଅଧିନାୟକ ହୋଇପାରନ୍ତି ଏହି ୨ ଖେଳାଳି

୨୦୧୯ ବିଶ୍ୱକପ୍‌ ପରେ କ୍ରିକେଟରୁ ଦୂରେଇ ଅଛନ୍ତି ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ। ସେ କେବେ ପୁଣି କ୍ରିକେଟକୁ ଫେରିବେ କି ଅବସର...

ଅଲିମ୍ପିକ୍ସରୁ ଭାରତକୁ ୬ ପଦକ ସମ୍ଭାବନା

ଭୁବନେଶ୍ୱର, ୧୭।୨(କ୍ରୀଡ଼ା ପ୍ରତିନିଧି)- ଟୋକିଓରେ ହେବାକୁଥିବା ଅଲିମ୍ପିକ୍ସରେ ଭାରତକୁ ଅତିକମ୍‌ରେ ୬ ପଦକ ମିଳିବା ସମ୍ଭାବନା ରହିଛି ବୋଲି ଓଡ଼ିଶାର କ୍ରୀଡ଼ା ସମୀକ୍ଷକମାନେ ମତପ୍ରକାଶ କରିଛନ୍ତି।...

୪୭ ବର୍ଷର ରେକର୍ଡ ଭାଙ୍ଗିଲେ ରୋହିତ-ମୟଙ୍କ ଯୋଡି

ବିଶାଖାପାଟନା,୨।୧୦: ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଟେଷ୍ଟରେ ଭାରତ ମଜଭୁତ୍‌ ସ୍ଥିତିରେ ପହଞ୍ଚିଛି। ଦୁଇ ଓପନର ରୋହିତ ଶର୍ମା ଏବଂ ମୟଙ୍କ ଅଗ୍ରଓ୍ବାଲଙ୍କ ଜବରଦସ୍ତ ପ୍ରଦର୍ଶନରେ...

ଭାରତ ଟପ୍‌, ତାଲିକା ଶେଷରେ ପାକିସ୍ତାନ

ଲଣ୍ଡନ,୨୬।୬- ମ୍ୟାଚ୍‌ରେ କ୍ୟାଚ୍‌ ହାତଛଡ଼ା କରିବା ବିଶ୍ୱକପ୍‌ରେ ବେଳେବେଳେ ମହଙ୍ଗା ପଡ଼େ। ଏହା ବିରାଟ କୋହଲିଙ୍କ ନେତୃତ୍ୱାଧୀନ ଦଳ ସହ ଏପର୍ଯ୍ୟନ୍ତ ଘଟିନାହିଁ। ଟିମ୍‌ ଇଣ୍ଡିଆ...

ପୁରୁଷ ଦିନିକିଆରେ ଲକ୍ଷ୍ମୀ ପ୍ରଥମ ମହିଳା ରେଫରି

ଦୁବାଇ,୬।୧୨(ପି.ଟି.)- ପୂର୍ବତନ ଭାରତୀୟ କ୍ରିକେଟର ଜି.ଏସ୍‌. ଲକ୍ଷ୍ମୀ ପ୍ରଥମ ମହିଳା ରେଫରି ଭାବେ କୌଣସି ପୁରୁଷ ଦିନିକିଆ ମ୍ୟାଚ୍‌ ଦାୟିତ୍ୱରେ ରହିବେ। ୟୁନାଇଟେଡ୍‌ ଆରବ ଏମିରେଟ୍ସରେ...

Virat Kohli shares emotional post after completing 11 years in international cricket

ଅନ୍ତର୍ଜାତୀୟ କ୍ରିକେଟରେ କୋହଲିଙ୍କୁ ପୂରିଲା ୧୧ ବର୍ଷ

ନୂଆଦିଲ୍ଲୀ,୧୯।୮: ଭାରତୀୟ କ୍ରିକେଟ ଆଇକନ ବିରାଟ କୋହଲି ଅନ୍ତର୍ଜାତୀୟ କ୍ରିକେଟରେ ସୋମବାର ୧୧ ବର୍ଷ ପୂରଣ କରିଛନ୍ତି। ଆଜିକୁ ଠିକ୍‌ ୧୧ ବର୍ଷ ତଳେ ଦିଲ୍ଲୀ...

Leave a comment

Your email address will not be published. Required fields are marked *