ସୁକିନ୍ଦା ବ୍ଲକ ରାସାଁଳୋ ପଞ୍ଚାୟତ: ଗାଁ ଦାଣ୍ଡରେ ଚାଲିଛି ପାଠପଢା

ସୁକିନ୍ଦା, ୭ା୮(ଡି.ଏନ୍‌.ଏ.)- ସୁକିନ୍ଦା ବ୍ଲକ ରାସଁ।ଳୋ ପଞ୍ଚାୟତ ମଲାର ସାହିରେ ଖୋଲା ଆକାଶ ତଳେ ପାଠପଢା ହେବା ସାଙ୍ଗକୁ କୋମଳମତି ଶିଶୁଙ୍କ ପାଇଁ ଖାଦ୍ୟ ରନ୍ଧା ହେଉଥିବା ଅଭିଯୋଗ ହୋଇଛି। ଏହାର ସ୍ଥାୟୀ ସମାଧାନ ପାଇଁ ସ୍ଥାନୀୟ ଜନ ପ୍ରତିନିଧିଙ୍କଠାରୁ ବିଭାଗୀୟ ଅଧିକାରୀଙ୍କ ନିକଟରେ ଗ୍ରାମବାସୀ ବହୁବାର ଦାବି କରିଥିଲେ ମଧ୍ୟ କୌଣସି ସୁଫଳ ମିଳିପାରି ନ ଥିବା କହିଛନ୍ତି। ଏହାକୁ ନେଇ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଇବାରେ ଲାଗିଛି।
ରାସୋଁଳ ପଞ୍ଚାୟତ ଅନ୍ତର୍ଗତ ମଲାରସାହି (ମାଙ୍କେଡିଆବସ୍ତି)ରେ ୨୦୧୦ରେ ଅଙ୍ଗନଓ୍ବାଡି କେନ୍ଦ୍ର ଖୋଲାଯାଇଛି। ଏଠାରେ ବର୍ତ୍ତମାନ ୨୫ ଜଣ ଶିଶୁ ନାମ ଲେଖାହୋଇଥିବା ଜଣାପଡିଛି। ହେଲେ ଅଙ୍ଗନଓ୍ବାଡି ଗୃହ ନ ଥିବାରୁ ଶିଶୁମାନଙ୍କୁ ବସ୍ତି ମଝିରେ ୯ ବର୍ଷ ହେବ ଗଁା ଦାଣ୍ଡରେ ରୋଷେଇ କରି ଖାଇବାକୁ ଦିଆଯାଉଛି। ଭଙ୍ଗା ଦଦରା ଚାଳ ଘରେ ତ ପୁଣି କେତେବେଳେ ଧୂଳିଧୂସର ପୂର୍ଣ୍ଣ ଗ୍ରାମ ଅଗଣାରେ ପିଲାମାନଙ୍କୁ ପାଠପଢା ଯାଉଛି। ଗ୍ରାମଠାରୁ ମାତ୍ର କିଛିବାଟ ଦୂର ଟାଟା ଓ ଫେକର ଖଣି ରହିଛି। ହେଲେ ଖଣି କର୍ତ୍ତୃପକ୍ଷଙ୍କ ସିଏସ୍‌ଆର ପାଣ୍ଠି କୋମଳମତି ଶିଶୁଙ୍କ ଶିକ୍ଷାଦାନ କ୍ଷେତ୍ରରେ ଅପହଞ୍ଚ ହୋଇପଡିଥିବା ଅଭିଯୋଗ ହୋଇଛି। ଅପରପକ୍ଷେ ଖଣି କମ୍ପାନୀରୁ କ୍ରୋମାଇଟ ପରିବହନ ନିମନ୍ତେ ଯାତାୟାତ କରୁଥିବା ଟ୍ରକ୍‌ଗୁଡିକର ଧୂଳିଧୂଆଁ କୋମଳମତି ଶିଶୁଙ୍କ ଜୀବନଜୀବକା ଉପରେ ପ୍ରଭାବ ପକାଉଛି। ଖୋଲାରେ ରୋଷେଇ କରାଯାଉଥିବାରୁ ବର୍ଷା ହେଲେ ରୋଷେଇ ବନ୍ଦ ରହୁଥିବାବେଳେ ଅଧିକାଂଶ ସମୟରେ ସାମାନ୍ୟ ପବନରେ ରନ୍ଧା ଖାଦ୍ୟରେ ଧୂଳି ଜମୁଛି। ଫଳରେ ଖାଦ୍ୟ ଖାଇବା ସମ୍ଭବପର ହେଉ ନାହଁି ବୋଲି ଅଙ୍ଗନୱାଡି ପାଚିକା ଶୁଶିଳା ହେମ୍ବ୍ରମ ଅଭିଯୋଗ କରିଛନ୍ତି। ଆଦିବାସୀଙ୍କ ବିକାଶ କ୍ଷେତ୍ରରେ ଉଭୟ କେନ୍ଦ୍ର ଓ ରାଜ୍ୟ ସରକାର ବହୁ ଯୋଜନା କରିଛନ୍ତି। ହେଲେ ସୁକିନ୍ଦା ବ୍ଲକ ରାସୋଁଳ ପଞ୍ଚାୟତରେ ରହୁଥିବା ମାଙ୍କେଡିଆ ଆଦିବାସୀଙ୍କ ବିକାଶର କେଉଁ ନମୁନା ବୋଲି ବହୁ ବୁଦ୍ଧିଜୀବୀ ପ୍ରଶ୍ନ କରିଛନ୍ତି। ସ୍ଥାନୀୟ ବିଧାୟକଙ୍କ ଗଡ଼ କୁହାଯାଉଥିବା ଖଣି ଅଞ୍ଚଳରେ ବିକାଶର ଏହା କେଉଁ ଚିତ୍ର ବୋଲି ରାଜ୍ୟ ଖାଦ୍ୟ ସୁରକ୍ଷା ଅଭିଯାନ ତଥା ସୂଚନା ଅଧିକାର ଅଭିଯାନର ଆବାହକ ପ୍ରଦୀପ ପ୍ରଧାନ, ମାନବାଧିକାର କର୍ମୀ ମୁରଲୀଧର ପାତ୍ର, ସାମୁଏଲ ସାଉଡିଆ ପ୍ରମୁଖ ଅଭିଯୋଗ କରିଛନ୍ତି। ଏ ନେଇ ଅଙ୍ଗନୱାଡି କର୍ମୀ ଛବିଲତା ନାୟକଙ୍କୁ ପଚାରିବାରୁ କୁସୁମୁଣ୍ଡିଆ ଗ୍ରାମରେ ଘର ନିର୍ମାଣ ପରେ ସେଠାରେ ପାଠପଢା ଯିବା ନେଇ ଯୋଜନା କରାଯାଇଛି। ହେଲେ ଗୃହ ନିର୍ମାଣ ହୋଇ ନ ପାରିବାରୁ ପିଲାମାନଙ୍କୁ ଗାଁ ଦାଣ୍ଡରେ ପାଠପଢାଇବାକୁ ବାଧ୍ୟ ହେଉଛନ୍ତି ବୋଲି କହିଛନ୍ତି। ଏ ସମ୍ପର୍କରେ ସଡିପିଓ ସଂଞ୍ଜୁକ୍ତା କାନୁନ୍‌ଗୋଙ୍କ ପଚାରିବାରୁ ମଲାରସାହି (ମାଙ୍କେଡିଆବସ୍ତି)ରେ ଜମିଜମା ବିବାଦ ରହିଥିବାରୁ ଅଙ୍ଗନଓ୍ବାଡି ଗୃହ ନିର୍ମାଣ କରାଯାଇ ପାରି ନାହଁି। ତେବେ ଏ ବାବଦରେ ଖୁବ୍‌ଶୀଘ୍ର ବିଡିଓଙ୍କ ସହ ଆଲୋଚନା କରି ପଦକ୍ଷେପ ନେବେ ବୋଲି କହିଛନ୍ତି।


All Right Reserved By Dharitri.Com

ସାମାଜିକ ବାସନ୍ଦ ବିରୋଧରେ ଦୃଢ଼ ହେଲେ ପ୍ରମିଳା

ଗୁଡ଼ଭେଲା, ୩।୧ (ଡ଼ି.ଏନ.ଏ.): ବାପାଙ୍କ ମୃତଦେହ ଘରେ ୨ ଦିନ ହେଲା ପଡ଼ିଥିଲା। ମୁଣ୍ଡପିଟି କାନ୍ଦୁଥିଲେ ପରିବାର ଲୋକେ। ଶୋକରେ କାହାର ପାଟି ଫିଟୁ ନ...

ବାରିପଦା ବନଖଣ୍ଡରେ ଅଛନ୍ତି ୮୧୫୭ ପକ୍ଷୀ

ବାରିପଦା ଅଫିସ,୨୫ା୧- ଶୀତ ଋତୁରେ ମୟୂରଭଞ୍ଜ ଜିଲାକୁ ଦେଶ ବିଦେଶ ତଥା ବିଭିନ୍ନ ଅଞ୍ଚଳରୁ ଆସୁଥିବା ପକ୍ଷୀଙ୍କ ଗଣନା କାର୍ଯ୍ୟ ଗତ ୩ ଓ ୪...

ଶିମିଳିପାଳରୁ ୩ ଶିକାରୀ ଗିରଫଦେଶୀ ବନ୍ଧୁକ ଜବତ

ଉଦଳା,୧୧ା୬(ଡି.ଏନ.ଏ)- ମୟୂରଭଞ୍ଜ ଜିଲା ଶିମିଳିପାଳ କୋର ଏରିଆରେ ରବିବାର ବିଳମ୍ବିତ ରାତିରେ ବନବିଭାଗ ଏବଂ ଏସଟିଆର ଟିମ୍‌ ମିଳିତ ଚଢାଉ କରି ୩ ଶିକାରୀଙ୍କୁ ଗିରଫ...

ନୀଳାଦ୍ରିବିଜେ:ଦିନକ ପାଇଁ ଶ୍ରୀମନ୍ଦିରରେ ହୁଏ ରସଗୋଲା ଭୋଗ

ପୁରୀ ଅଫିସ, ୧୪ା୭: ପରମ୍ପରା ଅନୁଯାୟୀ ଠାକୁରମାନେ ନବଦିନାତ୍ମକ ରଥଯାତ୍ରା ଶେଷ କରି ବାହୁଡାରେ ଫେରିଆସନ୍ତି। ଏହା ପରଦିନ ସିଂହଦ୍ୱାରଠାରେ ରଥ ଉପରେ ସୁନାବେଶରେ ଦର୍ଶନ...

୬ ନାବାଳିକା, ୨୦ ନାବାଳକ ଉଦ୍ଧାର

ଫୁଲବାଣୀ ଅଫିସ, ୪ା୮ -ଫୁଲବାଣୀ ଟାଉନ ଥାନା ପୋଲିସ ପରି-୩ର କାର୍ଯ୍ୟକ୍ରମରେ ଶନିବାର ବିଭିନ୍ନ ସ୍ଥାନରେ ଚଢାଉ କରିଛି ା ଏହି କ୍ରମରେ ଫୁଲବାଣୀ ପୌର...

ଟାଙ୍କିଲିପଦର ଗ୍ରାମ ମୁଖ୍ୟ ରାସ୍ତାରୁ ମହିଳାଙ୍କ କ୍ଷତବିକ୍ଷତ ମୃତଦେହ ଉଦ୍ଧାର, ପରିଚୟ ଖୋଜୁଛି ପୋଲିସ

ଚନ୍ଦ୍ରଗିରି,୧୮।୫(ଡି.ଏନ୍‌.ଏ.): ଗଜପତି ଜିଲା ମୋହନା ଥାନା ଚନ୍ଦ୍ରଗିରି ପୋଲିସ ଫାଣ୍ଡି ଅଧୀନ ଟାଙ୍କିଲିପଦର ଗ୍ରାମ ମୁଖ୍ୟ ରାସ୍ତାରୁ ଶୁକ୍ରବାର ମଧ୍ୟରାତ୍ରରେ ଜଣେ ଅଜଣା ମହିଳାଙ୍କ ମୃତଦେହ...

ମହାନଦୀରେ ଲୀନ ହେବାକୁ ବସିଛି ସିଦ୍ଧେଶ୍ୱର ପୀଠ

ନରାଜ,୧୩।୯(ଡି.ଏନ.ଏ) : ବାରଙ୍ଗ ଥାନା ଅନ୍ତର୍ଗତ ତଳଗଡ ଓ ନରାଜର ମଧ୍ୟସ୍ଥ ଭାଗର ପର୍ବତରେ ସିଦ୍ଧେଶ୍ୱର ମନ୍ଦିର ଅବସ୍ଥିତ। ହେଲେ ପ୍ରତ୍ନତତ୍ତ୍ୱ ଓ ଦେବୋତ୍ତର ବିଭାଗର...

କୂଅରୁ ନିଖୋଜ ବ୍ୟକ୍ତିଙ୍କ ମୃତଦେହ ଉଦ୍ଧାର

କେନ୍ଦୁଝର,୨୧।୧୨(ସ୍ବ.ପ୍ର.): କେନ୍ଦୁଝର ଜିଲା ହରିଚନ୍ଦନପୁର ଥାନା ଜାମଜୋଡି ପଞ୍ଚାୟତ ଅନ୍ତର୍ଗତ ମାନପୁର ଗ୍ରାମର ଏକ କୂଅରୁ ଶନିବାର ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର କରାଯାଇଛି। ମୃ୍‌ତକ...

Leave a comment

Your email address will not be published. Required fields are marked *