ବାତ୍ୟା ବାହାନା:ଦରଦାମ୍‌ ଆକାଶଛୁଆଁ

ଭୁବନେଶ୍ୱର,୧୭।୫(ବ୍ୟୁରୋ):ବାତ୍ୟା ‘ଫନୀ’ ପୁରୀ ଓ ଭୁବନେଶ୍ୱର ସହରକୁ ଉଜାଡି ଦେଇଛି। ଭାଙ୍ଗିଦେଇଛି ଲୋକଙ୍କ ଆର୍ଥିକ ମେରୁଦଣ୍ଡ। ବାତ୍ୟା ଯିବାର ୧୪ ଦିନ ପରେ ମଧ୍ୟ ଅଣ୍ଟା ସଳଖି ପାରିନାହାନ୍ତି ଖୋର୍ଦ୍ଧା, କଟକ, ପୁରୀ ଜିଲାର ଜନସାଧାରଣ। ବିଦ୍ୟୁତ୍‌ ଓ ପାଣି ପାଇଁ ହନ୍ତସନ୍ତ ହେଉଥିବା ବାତ୍ୟା ପୀଡିତଙ୍କ ମୁଣ୍ଡରେ ଏବେ ଅତ୍ୟାବଶ୍ୟକ ସାମଗ୍ରୀ ଦର ଚଡ଼କ ପରି ହୋଇଛି। ରାଜଧାନୀରେ ଆଳୁ, ପିଆଜ, ଡାଲି, ତେଲ, ଅଟା, ସୁଜି, ପନିପରିବା ଓ ଫଳମୂଳ ଦର ଆକାଶ ଛୁଆଁ। ଏଭଳି ଅପ୍ରତ୍ୟାଶିତ ଦର ବୃଦ୍ଧି ସାଧାରଣ ନିମ୍ନ ଓ ମଧ୍ୟବିତ୍ତ ବର୍ଗର ଲୋକମାନଙ୍କ ପାଇଁ ବୋଝ ଉପରେ ନଳିତ ବିଡା ପରି ହୋଇଛି। ହରଡ ଡାଲି କିଲୋ ୧୦୦ ଟଙ୍କା ଛୁଇଁଲାଣି। ବାତ୍ୟା ପୂର୍ବରୁ ୭୦ ଓ ୮୦ ଟଙ୍କାରେ ମିଳୁଥିଲା। ଚିନି ୪୨ ଟଙ୍କାରେ ମିଳୁ ଥିବା ବେଳେ ଏବେ ୪୮ ଟଙ୍କା। ସେହିପରି ମୁଗଡାଲି କିଲୋ ୮୫ରୁ ୯୦ ଟଙ୍କା ବିକ୍ର୍ରି ହେଉଛି। ଯାହାକି ବାତ୍ୟା ପୂର୍ବରୁ ୭୦ ଟଙ୍କାରେ ମିଳୁଥିଲା। ବୁଟଡାଲି, ବିରି, ଅଟା, ମଇଦା, ବୁଟ ଆଦି ଅତ୍ୟାବଶ୍ୟକ ସାମଗ୍ରୀ ଦର ମଧ୍ୟ ୧୦ରୁ ୧୫ ଟଙ୍କା ବଢି ଯାଇଛି। ଏହାଛଡା ପନିପରିବା ଦର ମଧ୍ୟ ବଢ଼ିଛି ା ହୋଲସେଲ ବଜାରରେ ଆଳୁ କିଲୋ ୧୦ ଟଙ୍କାରେ ମିଳୁଥିବା ବେଳେ ବଜାରରେ ୧୮ରୁ ୨୦ ଟଙ୍କାରେ ବିକ୍ରି ହେଉଛି। ପିଆଜ ଦର ମଧ୍ୟ ଖୁଚୁରା ବଜାରରେ ୧୮ରୁ ୨୦ ଟଙ୍କାରେ ବିକ୍ରି ହେଉଛି। ସେହିପରି ପୋଟଳ କିଲୋ ୫୦ରୁ ୮୦ ଟଙ୍କା, ଟମାଟୋ କିଲୋ ୬୦ ଟଙ୍କା ଏବଂ ବାଇଗଣ ୪୦ରୁ ୫୦ ଟଙ୍କାରେ ବିକ୍ରି ହେଉଛି। ଆମ୍ବ କିଲୋ ୧୦୦ ଟଙ୍କା ହୋଇଥିବା ବେଳେ କଦଳୀ ଡଜନ ୧୦୦ ଟଙ୍କାରେ ବିକ୍ରି ହେଉଛି।
ଅଚାନକ ଦର ବୃଦ୍ଧି ସାଧାରଣ ଖାଉଟିଙ୍କୁ ଅସ୍ତବ୍ୟସ୍ତ କରି ପକାଇଛି। ଘର ସଜାଡିବାକୁ ଅର୍ଥ ବଳ ନ ଥିବା ବେଳେ ବଜାରର ମହଙ୍ଗାମାଡ଼ ଗରିବଙ୍କ ଠାରୁ ଆରମ୍ଭ କରି ମଧ୍ୟବିତ୍ତ ପରିବାରଙ୍କୁ ମଧ୍ୟ ଅଣନିଃଶ୍ୱାସୀ କରିଛି। ବାତ୍ୟା ପରବର୍ତ୍ତୀ ସ୍ଥିତିର ଭରପୂର ଫାଇଦା ଉଠାଉଛନ୍ତି ବ୍ୟବସାୟୀ। ଖାଉଟି ମୀନାକ୍ଷୀ ବେହେରାଙ୍କୁ ପଚାରିବାରୁ ସେ କୁହନ୍ତି, ଆମର ୮ ଜଣ ସଦସ୍ୟ ବିଶିଷ୍ଟ ପରିବାର। ପନିପରିବା ୧ କିଲୋରୁ କମ୍‌ ନେଲେ ହେଉ ନାହିଁ। ତେବେ ଆକାଶ ଛୁଆଁ ଦର ଯୋଗୁ ଆମେ ଗତ କିଛିଦିନ ହେବ ପରିବା ଖାଇବା ଭୁଲି ଗଲୁଣି। ଅଢେଇଶହ ଓ ଅଧା କିଲୋ ନେଇ କାମ ଚଳାଉଛୁ। ଦର ଶସ୍ତା ହେଲେ ପୁଣି ପରିବା ନେବା କଥା ଚିନ୍ତା କରାଯିବ। ଡାଲି, ତେଲ ଓ ଅନ୍ୟ ଦ୍ରବ୍ୟ ଦର ବଢିବା ଆମ ପାଇଁ ବାତ୍ୟାର ବିପଦ ହୋଇ ଦେଖା ଦେଇଛି ବୋଲି ସେ କହିଛନ୍ତି।
ତେବେ ଆଶ୍ଚର୍ଯ୍ୟର କଥା ବାତ୍ୟା ପୁନରୁଦ୍ଧାର ଓ ରିଲିଫ କାର୍ଯ୍ୟକୁ ଜୋର ଦିଆଯାଉଥିବା ବେଳେ ଖୁଚୁରା ବଜାର ବ୍ୟବସାୟୀଙ୍କ ଉପରେ କୌଣସି ନିୟନ୍ତ୍ରଣ ନାହିଁ। ଯିଏ ଯେଉଁ ଦର ଚାହିଁଲେ ବିକ୍ରି କଲେ। ପଚାରିଲେ ଉତ୍ତର ମିଳୁଛି ଆଗରୁ ଯେତିକି ଆସୁଥିଲା ସେତିକି ଆସୁ ନାହିଁ। ଆମେ ଚଢ଼ା ଦରରେ କିଣୁଛୁ। କମ୍‌ରେ କିପରି ଦେବୁ। ଖାଉଟିମାନେ କାନ ମୁଣ୍ଡ ଆଉଁଶି ବ୍ୟବସାୟୀଙ୍କ କଥାକୁ ଭରସା କରି ଚଢା ଦର ଦେଇ କିଣିବାକୁ ବାଧ୍ୟ ହେଉଛନ୍ତି। ଯେଉଁଠି ୧ କିଲୋ ଦରକାର ସେଠାରେ ଅଢେଇଶହରୁ ୫୦୦ ଗ୍ରାମ ନେଇ କାମ ଚଳାଉଛନ୍ତି।
ରାଜ୍ୟ ସରକାରଙ୍କ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ଅଧିକାରୀମାନେ ମଧ୍ୟ ଏ ଦିଗରେ ସତେ ଯେମିତି ବେପରୁଆ। ବଜାରକୁ ନିୟନ୍ତ୍ରଣ କରିବାକୁ ସରକାରଙ୍କ ନିକଟରେ କୌଣସି ବିଧି ବ୍ୟବସ୍ଥା ନାହିଁ। କିମ୍ବା ବଜାରରେ ଦର କ’ଣ ଚାଲିଛି ତାହା ଜାଣିବାକୁ ଯୋଗାଣ ଅଧିକାରୀମାନଙ୍କ ବେଳ ନାହିଁ। ଅତ୍ୟାବଶ୍ୟକ ସାମଗ୍ରୀ ଆଳୁ ଓ ପିଆଜ ହୋଲ୍‌ସେଲ ଦର ଠାରୁ ଯଥାକ୍ରମେ ୨ ଓ ୩ ଟଙ୍କାରୁ ଅଧିକ ବିକ୍ରି ନ କରିବାକୁ ସରକାରୀ ନିର୍ଦ୍ଦେଶନାମା ରହିଛି। ହେଲେ ଏହି ନିର୍ଦ୍ଦେଶକୁ ଖୁଚୁରା ବ୍ୟବସାୟୀ ଫୁତ୍‌କାର ମାରି ଉଡାଇ ଦେଉଛନ୍ତି। ବାତ୍ୟାକୁ ଏକ ମୌକା ଭାବି ଗ୍ରାହକଙ୍କୁ ଲୁଟି ଚାଲିଛନ୍ତି ବ୍ୟବସାୟୀ। ଏ ସମ୍ପର୍କରେ ଓଡିଶା ବ୍ୟବସାୟୀ ମହାସଂଘ ସାଧାରଣ ସମ୍ପାଦକ ସୁଧାକର ପଣ୍ଡା କହିଛନ୍ତି ଯେ ବାତ୍ୟା ପରଠାରୁ ବିଦ୍ୟୁତ୍‌ ନ ଥିବାରୁ ସ୍ଥାନୀୟ ଶିଳ୍ପାଞ୍ଚଳରେ ଥିବା ଅଟା ଓ ଚାଉଳ ମିଲ୍‌ ବନ୍ଦ ରହିଛି। ବାହାର ଜିଲାରୁ ମଗାଇବାକୁ ପଡୁଛି। ସେଥିପାଇଁ ଦର ସାମାନ୍ୟ ବୃଦ୍ଧି ହୋଇଛି। ତେବେ ହରଡଡାଲି କୁଇଣ୍ଟାଲ ୮ ହଜାର ଟଙ୍କା ରହିଛି। ରାଜ୍ୟ ସରକାର ମିଲମାଲିକମାନଙ୍କର ହୋଇଥିବା କୋଟି କୋଟି ଟଙ୍କା କ୍ଷତି ଭରଣା ପାଇଁ କୌଣସି ବ୍ୟବସ୍ଥା କରିନାହାନ୍ତି। ଏପରି କି ମିଲ୍‌ଗୁଡିକର ମଧ୍ୟ ସର୍ଭେ କରାଯାଇ ନାହିଁ। ଏ ପର୍ଯ୍ୟନ୍ତ ବିଦ୍ୟୁତ୍‌ ଯୋଗାଇ ଦିଆଯାଇ ନାହିଁ। ତଥାପି ବଜାର ଦର ନିୟନ୍ତ୍ରଣରେ ରହିଛି ବୋଲି ସେ କହିଛନ୍ତି । ଅନ୍ୟ ପଟେ କୁବେରପୁରୀ ବ୍ୟବସାୟୀ ସଂଘର ସାଧାରଣ ସମ୍ପାଦକ ଶକ୍ତି ଶଙ୍କର ମିଶ୍ର ଖୁଚୁରା ବଜାରରେ ଆଳୁ ଓ ପିଆଜ ଦର ବୃଦ୍ଧିକୁ ନେଇ କ୍ଷୋଭ ପ୍ରକାଶ କରିଛନ୍ତି। ସେ କହିଛନ୍ତି ଯେ ବ୍ୟବସାୟ ଏକ ମୌଳିକ ଅଧିକାର ହୋଇଯାଇଛିି। ବଜାରକୁ ନିୟନ୍ତ୍ରଣ କରିବାକୁ କିଛି ଆଇନକାନୁନ ବ୍ୟବସ୍ଥା ନାହିଁ। ଆଳୁ ପାଇକାରି ଦର ୧୦ ଟଙ୍କା ଓ ପିଆଜ ଦର ୭ରୁ ୧୨ ଟଙ୍କା ମଧ୍ୟରେ ରହିଛି। ଯୋଗାଣରେ ମଧ୍ୟ କୌଣସି ସମସ୍ୟା ନାହିଁ। ଖୁଚୁରା ବଜାରରେ ଦର ବଢିବାର କୌଣସି କାରଣ ନାହିଁ। ବଜାରକୁ ନିୟନ୍ତ୍ରଣ କରିବାକୁ ଆମ ରାଜ୍ୟରେ କୌଣସି ବିଧି ବ୍ୟବସ୍ଥା ନାହିଁ। ଖାଉଟିମାନେ ମଧ୍ୟ ସଚେତନ ନୁହନ୍ତି। ସେମାନେ ହିଁ ଶୋଷଣର ଶିକାର ହେବେ ବୋଲି ସେ କହିଛନ୍ତି। ଦର ବୃଦ୍ଧି ସମ୍ପର୍କରେ ଯୋଗାଣ ବିଭାଗର ଡିଡିଏମଆଇଟି ପ୍ରଭାକର ପାତ୍ରଙ୍କୁ ଯୋଗାଯୋଗ କରିବାକୁ ଚେଷ୍ଟା କରାଯାଇଥିଲା ା ହେଲେ ତାହା ସମ୍ଭବ ହୋଇ ପାରିନାହିଁ।


All Right Reserved By Dharitri.Com

ବମିଖାଲ ଦୁର୍ଗାପୂଜା ସମିତି : ତୋରଣରେ ଜମ୍ମୁ-କଶ୍ମୀର ପ୍ୟାଲେସ

ଚଳିତ ବର୍ଷ ବମିଖାଲ ଦୁର୍ଗାପୂଜା ସମିତି ୫୬ବର୍ଷରେ ପଦାର୍ପଣ କରିଛି। ପୂର୍ବରୁ ଅନେକ ତୋରଣ ନେଇ ଚର୍ଚ୍ଚାକୁ ଆସିଥିବା ପୂଜା ସମିତି ଏ ବର୍ଷ ସହରାଞ୍ଚଳ...

ଆଇପିଏସ୍‌ ଅଫିସର ସ୍ତରରେ ଅଦଳବଦଳ:ବଦଳିଲେ ୧୩ ଏସ୍‌ପି

ଭୁବନେଶ୍ୱର,୨୦।୮(ବ୍ୟୁରୋ) : ରାଜ୍ୟର ବିଭିନ୍ନ ଜିଲାରେ କାର୍ଯ୍ୟ କରୁଥିବା ୩୯ଜଣ ଆଇପିଏସ୍‌ ଅଫିସରଙ୍କୁ ରାଜ୍ୟ ସରକାର ସୋମବାର ଅଦଳବଦଳ କରିଛନ୍ତି। ଜେଲ ଏଡିଜି ଥିବା ୧୯୯୦...

ଓମଫେଡ୍‌ କ୍ଷୀର ଲିଟର ପିଛା ୪ଟଙ୍କା ବଢିଲା

ଭୁବନେଶ୍ୱର, ୨୬।୯(ବ୍ୟୁରୋ): ଓମଫେଡ୍‌ କ୍ଷୀର ଲିଟର ପିଛା ୪ ଟଙ୍କା ବୃଦ୍ଧି କରାଯାଇଛି। ଆସନ୍ତା ୨୭ରୁ ଏହି ଦର ଲାଗୁ ହେବ ବୋଲି ଓମଫେଡ ପକ୍ଷରୁ...

‘ସୀମାନ୍ତରେ ଥିବା ବିଦ୍ୟାଳୟକୁ ବନ୍ଦ କରା ନ ଯାଉ’

ଭୋଗରାଇ, ୨୭।୯(ଡି.ଏନ.ଏ.): ଓଡ଼ିଶା ସୀମାନ୍ତ ଓ ରାଜ୍ୟ ବାହାରେ ଓଡ଼ିଆ ଭାଷା ସାହିତ୍ୟକୁ ସୁରକ୍ଷା ଦେବା ନିମନ୍ତେ ରାଜ୍ୟ ସରକାର ଗୁରୁତ୍ୱ ଦେଉଥିବା ବେଳେ ଗଣଶିକ୍ଷା...

ସୌରଚାଳିତ ଚକରେ ଗଢ଼ାହେଲା ମାଟିପାତ୍ର

ପୁରୀ ଅଫିସ, ୨୫।୭: ବାତ୍ୟା ଫନୀରେ ପୁରୀ ଜିଲାରେ ବ୍ୟାପକ କ୍ଷୟକ୍ଷତି ଘଟିଥିଲା। ଏଥିରେ କୁମ୍ଭକାରମାନେ ବିଶେଷ କ୍ଷତିଗ୍ରସ୍ତ ହୋଇଥିଲେ। କୁମ୍ଭାରପଡ଼ା, ଟିକରପଡ଼ା, ଜେନାପୁର ସମେତ...

ଖରାପ ପରୀକ୍ଷା ଫଳକୁ ନେଇ ଗଣଶିକ୍ଷା ବିଭାଗର କଡ଼ା ଆଭିମୁଖ୍ୟ:ଶୂନ, ୫୦%ରୁ କମ୍‌ ଫଳ କରିଥିବା ହାଇସ୍କୁଲ ଶିକ୍ଷକଙ୍କ ଦରମା ବନ୍ଦ ହେବ

ଭୁବନେଶ୍ୱର,୨୮ା୮(ବ୍ୟୁରୋ):ସରକାରୀ, ସରକାରୀ ଅନୁଦାନପ୍ରାପ୍ତ ହାଇସ୍କୁଲର ଖରାପ ପରୀକ୍ଷା ଫଳକୁ ନେଇ ସ୍କୁଲ ଓ ଗଣଶିକ୍ଷା ବିଭାଗ କଠୋର ଆଭିମୁଖ୍ୟ ଗ୍ରହଣ କରିଛି। ୨୦୧୯ ହାଇସ୍କୁଲ ସାର୍ଟିଫିକେଟ୍‌...

ନାବାଳକ ଗାଡ଼ି ଚଳାଇଲେ ଅଭିଭାବକ ଜେଲ ଯିବେ

ଭଞ୍ଜନଗର,୨୧।୮(ଡି.ଏନ.ଏ): ଛାତ୍ରୀଛାତ୍ରଙ୍କ ମଧ୍ୟରେ ସଚେତନତା ଅଭାବ ଯୋଗୁ ଦୁର୍ଘଟଣା ହାର ବଢ଼ୁଛି। ମୋଟର ଯାନ ଆଇନ ସମ୍ପର୍କରେ ସେମାନଙ୍କ ମଧ୍ୟରେ ସଚେତନତା ଲୋଡ଼ା। ସରକାର ମୋଟର...

ଓଏଏସ୍‌ ଅଫିସରସ୍ତରରେ ଅଦଳବଦଳ

ଭୁବନେଶ୍ୱର,୩୧ା୧୦(ବ୍ୟୁରୋ): ଓଡ଼ିଶା ପ୍ରଶାସନିକ ସେବା(ଓଏଏସ୍‌) ଅଫିସରସ୍ତରରେ ବୁଧବାର ଅଦଳବଦଳ କରାଯାଇଛି। ଏନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। କୃଷିବିଭାଗ ଅତିରିକ୍ତ ନିର୍ଦ୍ଦେଶକ(ଆଡମିନ୍‌)...

selfi corner

Model This Week

Why Dharitri

Leave a comment

Your email address will not be published. Required fields are marked *