ବାବା ବେଶରେ ଲୁଟେରା

ଭୁବନେଶ୍ୱର,୬।୮(ବ୍ୟୁରୋ): ଲୁଟେରାଙ୍କୁ ସାବାଡ୍‌ କରିବାକୁ କମିଶନରେଟ ପୋଲିସ ଏନ୍‌କାଉଣ୍ଟର ପରେ ଏନ୍‌କାଉଣ୍ଟର କରୁଥିବାବେଳେ ସୋମବାର ରାଜଧାନୀରେ ଘଟିଛି ଅଭିନବ ଲୁଟ୍‌। ଲୁଟେରାମାନେ ବାବା ବେଶରେ ଆସି ଜଣେ ନୋଟାରିଙ୍କଠାରୁ ୩୪ହଜାର ଟଙ୍କା ଓ ସୁନାମୁଦି ଆଦି ଲୁଟି ନେଇଛନ୍ତି। ଲୁଟ୍‌ର ଶିକାର ହୋଇଛନ୍ତି ଚନ୍ଦ୍ରଶେଖରପୁର ଥାନା ହାଉସିଂବୋର୍ଡ କଲୋନୀରେ ରହୁଥିବା ସମରେନ୍ଦ୍ର ସାହୁ। ଶନିବାର ଏହି ଘଟଣା ଘଟିଥିବାବେଳେ ସୋମବାର ଏନେଇ ଥାନାରେ ଅଭିଯୋଗ ହେବା ପରେ ସହରରେ ଚାଞ୍ଚଲ୍ୟ ଖେଳିଯାଇଛି। ପୋଲିସ ଏକ ମାମଲା (ନଂ.୨୯୦/୧୯) ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ନିକଟରେ ଥିବା ଏକ ଟ୍ରାଭେଲ୍‌ ଏଜେନ୍ସିର ସିସିଟିଭି କ୍ୟାମେରାରେ ବାବା ବେଶଧାରୀ ଦୁଇ ଲୁଟେରାଙ୍କ ଫଟୋ କଏଦ ହୋଇଛି। ପୋଲିସ ଉକ୍ତ ସିସିଟିଭି ଫୁଟେଜକୁ ଜବତ କରି ତଦନ୍ତକୁ ଆଗକୁ ବଢ଼ାଇଛି। ଏଥିସହ ସେମାନେ ଯେଉଁ କାର୍‌ରେ ଆସିଥିଲେ ତାହାର ନମ୍ବର ଆଧାରରେ ଗାଡ଼ି ମାଲିକଙ୍କୁ ଖୋଜୁଛି ପୋଲିସ।
ସୂଚନା ଅନୁଯାୟୀ, ଚନ୍ଦ୍ରଶେଖରପୁର ହାଉସିଂବୋର୍ଡରେ ସମରେନ୍ଦ୍ରଙ୍କର ନୋଟାରି ଚାମ୍ବର ରହିଛି। ସେ ଗତ ଶନିବାର ନିଜ ଚାମ୍ବରରେ ବସିଥିଲେ। ମଧ୍ୟାହ୍ନ ପ୍ରାୟ ଗୋଟାଏରେ ବାବା ବେଶରେ ଦୁଇଜଣ ଲୁଟେରା ଏକ କାରରେ ଆସି ତାଙ୍କ ଚାମ୍ବର ଆଗରେ ଅଟକିଥିଲେ। ଜଣେ ଗାଡ଼ିରୁ ଓହ୍ଲାଇ ଚାମ୍ବର ଭିତରକୁ ଯାଇଥିଲେ। ସମରେନ୍ଦ୍ରଙ୍କୁ ଆଶୀର୍ବାଦ ଦେବା ଛଳରେ କିଛି କଥା କହି ଭୟଭୀତ କରାଇଥିଲେ। ତୁମର ବେଳା ଖରାପ ଚାଲିଛି। ଘର ଉପରେ ବିପଦ ରହିଛି। ତୁମର ଦୁଇ ପିଲାଙ୍କ ଉପରେ ମଧ୍ୟ ଏହାର ପ୍ରଭାବ ପଡ଼ିବ। ଏବେଠୁ ଯଦି କିଛି କରା ନ ଯାଏ ତେବେ ଭବିଷ୍ୟତରେ ସମସ୍ୟା ଭୋଗିବେ ବୋଲି ସେମାନେ କହିଥିଲୋ। ଏକଥା ଶୁଣି ସମରେନ୍ଦ୍ର ଚିନ୍ତାରେ ପଡ଼ିଯିବା ସହ ସମାଧାନ ବାଟ କ’ଣ ପଚାରିଥିଲେ। ଆମର ଗୁରୁଜୀ ଗାଡ଼ିରେ ବସିଛନ୍ତି। ସେ କୌଣସି ପ୍ରକାର ରିଷ୍ଟ ଖଣ୍ଡନ କରିଦେବେ ବୋଲି କହି ଗାଡ଼ି ନିକଟକୁ ଯାଇ ସେଥିରେ ଲୁଟେରା ବେଶରେ ବସିଥିବା ଆଉଜଣେ ବାବାଙ୍କୁ ଡାକିଥିଲେ। ସେ ଗାଡ଼ିରୁ ଓହ୍ଲାଇ ଉକ୍ତ ଚାମ୍ବରକୁ ଆସି ହଠାତ ହାତ ସଫେଇରେ ବିଭୂତି ବାହାର କରି ସମରେନ୍ଦ୍ରଙ୍କୁ ଦେଇ ସବୁଦିନ ମଥାରେ ଲଗାଇବାକୁ କହିଥିଲେ। ଏଥିସହ ସମରେନ୍ଦ୍ରଙ୍କ ମଥାରେ ବିଭୂତି ଲଗାଇବା ଆଳରେ ନିଶାଦ୍ରବ୍ୟ ଶୁଙ୍ଘାଇଦେଇଥିଲେ। ସଙ୍ଗେ ସଙ୍ଗେ ସମରେନ୍ଦ୍ର ଅଚେତ ହୋଇପଡ଼ିବାରୁ ବାବା ବେଶଧାରୀ ଦୁଇ ଲୁଟେରା ସେ ପିନ୍ଧିଥିବା ସୁନାମୁଦି ଓ ଏକ ଜମିର କବଲା ପାଇଁ ରଖିଥିବା ନଗଦ ୩୪ ହଜାର ଟଙ୍କା ନେଇ ଉକ୍ତ କାର୍‌ରେ ଚମ୍ପଟ ମାରିଥିଲେ। ଚେତା ଫେରିବା ପରେ ସମରେନ୍ଦ୍ର ଲୁଟ୍‌ ସମ୍ପର୍କରେ ଜାଣିବାକୁ ପାଇଥିଲେ। ସେ ପ୍ରଥମେ ଲୋକଲଜ୍ଜା ପାଇଁ ଥାନାକୁ ଅଭିଯୋଗ କରିବାକୁ ଯାଇ ନ ଥିଲେ। ତେବେ ଅନ୍ୟମାନେ ଯେଭଳି ଏହି ବାବା ବେଶଧାରୀ ଲୁଟେରାଙ୍କ ଲୁଟ୍‌ର ଶିକାର ନ ହୁଅନ୍ତୁ ସେଥିପାଇଁ ଅଭିଯୋଗ କରିବାକୁ ଉଚିତ ମଣିଥିଲେ ବୋଲି ସମରେନ୍ଦ୍ର କହିଛନ୍ତି।
ଏନେଇ ଥାନା ଅଧିକାରୀ ବିଶ୍ୱରଞ୍ଜନ ନାୟକ କହିଛନ୍ତି, ଦୁଇଜଣ ଲୁଟେରା ବାବା ବେଶରେ ଆସି ଲୁଟ୍‌ କରିବା ଘଟଣାର ସିସିଟିଭି ଫୁଟେଜ ହସ୍ତଗତ ହୋଇଛି। ସେମାନେ ଆସିଥିବା କାର୍‌ ନମ୍ବର ମଧ୍ୟ ମିଳିଛି। ଏହି ଆଧାରରେ ଲୁଟେରାମାନଙ୍କୁ ଶୀଘ୍ର ଗିରଫ କରାଯିବ ବୋଲି ସେ କହିଛନ୍ତି


All Right Reserved By Dharitri.Com

ନବ ଦମ୍ପତିଙ୍କୁ ପିଆଜ ଭେଟି

ଅନୁଗୋଳ ଅଫିସ, ୧୦।୧୨ ଚଢ଼ା ଦରରେ ବିକ୍ରି ହେଉଥିବା ପିଆଜ ଏବେ ଉପହାର ପାଲଟିଯାଇଛି। ମୂଲ ଆକାଶ ଛୁଆଁ ହୋଇଥିବାରୁ ଏହାକୁ ଲୋକେ ବିବାହ ଆଦି...

ଓଡ଼ଗାଁ ଏନ୍‌ଏସି: ପଲିଥିନ ବ୍ୟବହାର ଉପରେ କଟକଣା

ଓଡ଼ଗାଁ,୨୨ା୬(ସ୍ବ.ପ୍ର.): ଶୁକ୍ରବାର ଓଡଗାଁ ଏନ୍‌ଏସି ତରଫରୁ ଆନୁଷ୍ଠାନିକ ଭାବେ ପଲିଥିନ ବ୍ୟବହାର ଉପରେ କଟକଣା ଲାଗିଛି। ଏଥିନିମନ୍ତେ ସ୍ଥାନୀୟ ବାସିନ୍ଦା ଓ ବ୍ୟବସାୟୀମାନଙ୍କ ମଧ୍ୟରେ ସଚେତନତା...

ନିର୍ଦ୍ଦେଶନାମାକୁ ବେଖାତିର: ଯାଞ୍ଚହେଉନି ସ୍କୁଲ ବ୍ୟାଗ, ପରିବହନ ଗାଡ଼ି

କେନ୍ଦ୍ରାପଡା ଅଫିସ, ୨୧।୯: କେନ୍ଦ୍ର ସରକାରଙ୍କ ମାନବ ସମ୍ଭଳ ବିଭାଗ ପକ୍ଷରୁ ଛାତୀଛାତ୍ରଙ୍କ ସ୍କୁଲ ବ୍ୟାଗ ବୋଝର ନିର୍ଦ୍ଦିଷ୍ଟ ଓଜନ ପାଇଁ ୨୦୧୮ରେ ନିୟମ ହୋଇଛି।...

ଜୈବ ବିବିଧତାର ସୁରକ୍ଷା ପାଇଁ ସଚେତନତା

ଖଣ୍ଡପଡା,୨୫ା୫(ସ୍ବ.ପ୍ର.): ସବୁଜସୁନ୍ଦର ପରିବେଶରେ ଦୃଶ୍ୟ ହେଉଥିବା ଅଣୁଜୀବଠାରୁ ଆରମ୍ଭ କରି ବିରାଟକାୟ ହସ୍ତୀ, ତିମି ଓ ଜଳଜୀବ ଆଦିଙ୍କ ସମାହାରକୁ ଜୈବ ବିବିଧତା କୁହାଯାଏ ା...

ପାଳନ ହେଲା ବଡ଼ଦିନ: ବାଇବେଲ୍‌ ପାଠ ସହ ପ୍ରାର୍ଥନାରେ ପ୍ରକମ୍ପିତ ଚର୍ଚ୍ଚ ଗୃହ

ଦାରିଙ୍ଗବାଡ଼ି,୨୫।୧୨(ଡି.ଏନ୍‌.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ବୁଧବାର ବଡ଼ଦିନ ଶାନ୍ତି ଶୃଙ୍ଖଳାର ସହ ପାଳନ ହେଉଛି। ଏହି ଅବସରରେ ସମସ୍ତ ଖ୍ରୀଷ୍ଟଶ୍ରଦ୍ଧାଳୁଙ୍କ ମଧ୍ୟରେ ଉତ୍ସାହ...

କୁଆଖାଇ ନଦୀକୂଳରେ ଛଟ୍‌ ପୂଜା

ବାଲିଅନ୍ତା,୩।୧୧(ଡି.ଏନ୍‌.ଏ.) ରାଜଧାନୀ ଉପକଣ୍ଠ ନହରକଣ୍ଟା ଓ ପାଣ୍ଡରାସ୍ଥିତ କୁଆଖାଇ ନଦୀକୂଳରେ ବିହାରୀ ସମ୍ପ୍ରଦାୟର ଲୋକଙ୍କ ବଡ଼ ପର୍ବ ଛଟ୍‌ ପୂଜା ତଥା ସୂର୍ଯ୍ୟଷଷ୍ଠୀ ବ୍ରତ ଶନିବାର...

ଆନ୍ତର୍ଜାତିକ ଶିଶୁ ଶାନ୍ତି ପୁରସ୍କାର ଦୌଡ଼ରେ ଶୁଭସ୍ମିତା

କେନ୍ଦ୍ରାପଡ଼ା ଅଫିସ,୧୯ା୯: ଆନ୍ତର୍ଜାତିକ ଶିଶୁ ଶାନ୍ତି ପୁରସ୍କାର ଦୌଡ଼ରେ କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ଅନ୍ତର୍ଗତ ପେଣ୍ଠ ପ୍ରୋଜେକ୍ଟ ଉଚ୍ଚ ବିଦ୍ୟାଳୟର ଅଷ୍ଟମ ଶ୍ରେଣୀ ଛାତ୍ରୀ...

ଉତ୍କଳ ସମ୍ମିଳନୀ ପକ୍ଷରୁ ନୀଳକଣ୍ଠ ଦାସଙ୍କ ଶ୍ରାଦ୍ଧଦିବସ ପାଳନ

ଭୁବନେଶ୍ୱର,୬।୧୧(ବ୍ୟୁରୋ): ସ୍ଥାନୀୟ ପିଏମ୍‌ଜି ଛକରେ ବୁଧବାର ପଣ୍ଡିତ ନୀଳକଣ୍ଠ ଦାସଙ୍କ ପ୍ରତିମୂର୍ତ୍ତିରେ ଉତ୍କଳ ସମ୍ମିଳନୀ ପକ୍ଷରୁ ମାଲ୍ୟାର୍ପଣ କରାଯାଇଛି। ସମ୍ମିଳନୀର ସଭାପତି ତଥା ଓଡ଼ିଶା ବିଧାନସଭାର...

Leave a comment

Your email address will not be published. Required fields are marked *