ଉଦ୍ଧାର ହାତୀ ଛୁଆଙ୍କୁ ନେଇ ଚିନ୍ତାରେ ବନ ବିଭାଗ

ଢେଙ୍କାନାଳ ଅଫିସ,୬ା୮

ଢେଙ୍କାନାଳ ଜିଲାରେ ବିଭିନ୍ନ ଜଙ୍ଗଲରୁ ଉଦ୍ଧାର ହେଉଥିବା ହାତୀ ଛୁଆଙ୍କୁ ନେଇ ବନ ବିଭାଗର ଚିନ୍ତା ବଢୁଛି। ଉଦ୍ଧାର ହାତୀ ଛୁଆଙ୍କୁ ସୁରକ୍ଷିତ ଭାବରେ ରଖିବା ପାଇଁ କପିଳାସ ଚିଡିଆଖାନାରେ ଥିବା ରେସକ୍ୟୁ ସେଣ୍ଟରରେ ୪ ହାତୀ ଥିବାରୁ ସେଠାରେ ଆଉ ହାତୀ ଛୁଆଙ୍କୁ ରଖିବାକୁ ଜାଗା ନାହିଁ ା ସେହିପରି ନନ୍ଦନକାନନ କର୍ତ୍ତୃପକ୍ଷ ଆଉ ହାତୀ ଛୁଆଙ୍କୁ ନେବେ ନାହିଁ ବୋଲି ମନା କରିଦେଇଥିବା ବିଭାଗୀୟ ସୂତ୍ରରୁ ଜଣାପଡିଛି। ଫଳରେ ବିଭିନ୍ନ ଜଙ୍ଗଲକୁ ଗୋଠଛଡା ହୋଇ ପଳାଇ ଆସୁଥିବା ହାତୀ ଛୁଆଙ୍କର ସୁରକ୍ଷା ଚିନ୍ତାଜନକ ହୋଇପଡିଛି ା
ଢେଙ୍କାନାଳ ଜିଲାରେ ହାତୀ ସଂଖ୍ୟା ବଢିବା ପରେ ବହୁ ହାତୀ ଛୁଆ ଗୋଠଛଡା ହୋଇ ଜନବସତି ଅଞ୍ଚଳକୁ ପଳାଇ ଆସୁଛନ୍ତି। ଲୋକମାନେ ହାତୀ ଛୁଆଙ୍କୁ ଉଦ୍ଧାର କରି ବନବିଭାଗ ଜିମାରେ ଦିଅନ୍ତି ା ଏସବୁକୁ ନଜରରେ ରଖି ୨୦୧୦ରେ କପିଳାସ ଚିଡିଆଖାନା ପରିସରରେ ଏକ ଏଲିଫ୍ୟାଣ୍ଟ ରେସକ୍ୟୁ ସେଣ୍ଟର ବନ ବିଭାଗ ପକ୍ଷରୁ ନିର୍ମାଣ ହୋଇଥିଲା। ଯେଉଁଠାରେ ୪ଟି ହାତୀ ଛୁଆଙ୍କୁ ରଖି ଦେଖାରଖା କରିହେବ। ନିର୍ମାଣ ପରଠାରୁ ଉକ୍ତ ରେସକ୍ୟୁ ସେଣ୍ଟରରେ ଉଦ୍ଧାର ହୋଇ ଆସି ରୋଗାଗ୍ରସ୍ତ ହୋଇ ବର୍ତ୍ତମାନ ସୁଦ୍ଧା ୩ଟି ହାତୀ ଛୁଆଙ୍କର ମୃତ୍ୟୁ ଘଟିଥିବା ନଜିର ମଧ୍ୟ ରହିଛି ା ବର୍ତ୍ତମାନ ରେସକ୍ୟୁ ସେଣ୍ଟରରେ କାର୍ତ୍ତିକ(୧୦ବର୍ଷ), ଉମା(୭ବର୍ଷ), ଚନ୍ଦୁ(୮ବର୍ଷ), ହିରୋ(୨ବର୍ଷ)ର ୪ଟି ହାତୀଛୁଆ ରହିଛନ୍ତି ା ସେମାନଙ୍କ ଦେଖାରଖା ପାଇଁ ପ୍ରାୟ ୪ଜଣ କର୍ମଚାରୀ ମଧ୍ୟ ରହିଛନ୍ତି ା ତେଣୁ ଅଧିକାଂଶ ସମୟରେ ଉଦ୍ଧାର ହାତୀ ଛୁଆଙ୍କୁ ଏଣିକି କପିଳାସ ରେସକ୍ୟୁ ସେଣ୍ଟରରେ ରଖିବା ସମ୍ଭବପର ହେଉନାହିଁ ବୋଲି କପିଳାସ ରେଞ୍ଜର ଦର୍ଶନିଆ ଭୋଇଙ୍କ ସୂତ୍ରରୁ ଜଣାପଡିଛି ା ନିକଟରେ ହିନ୍ଦୋଳ ରେଞ୍ଜରେ ଉଦ୍ଧାର ୩ଟି ହାତୀ ଛୁଆଙ୍କୁ ବିଭିନ୍ନ ଫରେଷ୍ଟ ବିଟ୍‌ ହାଉସରେ ରଖି ତାଙ୍କର ସେବା କରାଯାଉଥିବା ବେଳେ ଗୋଟିଏ ମାସ ମଧ୍ୟରେ ୩ଟି ହାତୀ ଛୁଆଙ୍କ ମୃତ୍ୟୁ ଘଟିଥିଲା ା ସେହିପରି ନନ୍ଦନକାନନ କର୍ତ୍ତୃପକ୍ଷ ମଧ୍ୟ ସେଠାରେ ଆବଶ୍ୟକଠାରୁ ଅଧିକ ହାତୀ ଥିବାରୁ ଆଉ ହାତୀଛୁଆଙ୍କୁ ରଖିବା ପାଇଁ ମନା କରିଛନ୍ତି ା ଏଭଳି ଅଡୁଆ ପରିସ୍ଥିତି ଯୋଗୁ ବନ ବିଭାଗର ମୁଣ୍ଡବିନ୍ଧା ବଢିଛି।
ଏ ସମ୍ପର୍କରେ ଜିଲା ବନଖଣ୍ଡ ଅଧିକାରୀ ସୁଦର୍ଶନ ପାତ୍ର କୁହନ୍ତି, କପିଳାସରେ ଆଉ ଅଧିକ ଉଦ୍ଧାର ହାତୀ ଛୁଆଙ୍କୁ ରଖି ସେମାନଙ୍କ ସେବା କରିବା ସମ୍ଭବପର ହେଉନାହିଁ। ଅନ୍ୟପଟରେ ନନ୍ଦନକାନନ ଚିଡିଆଖାନା କର୍ତ୍ତୃପକ୍ଷ ମଧ୍ୟ ଉଦ୍ଧାର ହାତୀ ଛୁଆଙ୍କୁ ନେବା ପାଇଁ ମନା କରୁଛନ୍ତି ା ତେଣୁ ବିଭିନ୍ନ ସମୟରେ ଗୋଠଛଡା ହୋଇ ଜନବସତିକୁ ପଳାଇ ଆସୁଥିବା ହାତୀ ଛୁଆଙ୍କୁ ନେଇ ଆମର ଚିନ୍ତା ବଢୁଛି ା କାରଣ ଥରେ ହାତୀ ଛୁଆର ଶରୀରରେ ମଣିଷର ଛାପ ରହିଲେ ତାକୁ ଆଉ ଅନ୍ୟ ହାତୀମାନେ ଗୋଠରେ ନେବେ ନାହିଁ। ତେଣୁ ସେଥିପାଇଁ ପଦକ୍ଷେପ ନେବା ନିମନ୍ତେ ଆଲୋଚନା କରାଯାଉଛି ବୋଲି ଜିଲା ବନଖଣ୍ଡ ଅଧିକାରୀ କୁହନ୍ତି ା


All Right Reserved By Dharitri.Com

ସାମାଜିକ ସଂହତିର ସେତୁବନ୍ଧ ‘ଲୋକକଳା’

(ରତନ ନାୟାର) ଢେଙ୍କାନାଳ ଅଫିସ, ୧୮।୧୦ ଶିଳ୍ପ ସମୃଦ୍ଧ ଢେଙ୍କାନାଳ ଜିଲାକୁ ସ୍ବତନ୍ତ୍ର ପରିଚୟ ଦେଇଛି ଲୋକକଳା। ତେବେ ରାଜରାଜୁଡ଼ା ଅମଳରୁ ପ୍ରଚଳିତ ଲୋକକଳାରେ ଧସେଇ...

ସଙ୍କୁଚିତ ହେଉଛି ପୁରୁଣାକଟକ-ସମ୍ବଲପୁର ରାସ୍ତା: ବଢୁଛି ଦୁର୍ଘଟଣା

ଭାପୁର, ୨୮।୮(ଡି.ଏନ୍‌.ଏ.)-ଢେଙ୍କାନାଳ ଜିଲାର ଅନ୍ୟତମ ବ୍ୟସ୍ତବହୁଳ ପୁରୁଣା କଟକ-ସମ୍ବଲପୁର ରାସ୍ତା ଦିନକୁ ଦିନ ସଙ୍କୁଚିତ ହୋଇପଡୁଛି। ରାସ୍ତାର ପ୍ରମୁଖ ଜନଗହଳିପୂର୍ଣ୍ଣ ସ୍ଥାନ ଜବରଦଖଲକାରୀଙ୍କ କବ୍‌ଜାରେ ରହିଛି।...

ପ୍ରସିଦ୍ଧ ଲକ୍ଷ୍ମୀପୂଜା ଆଦ୍ୟପର୍ବ ଆରମ୍ଭ:ରାଧାଷ୍ଟମୀରେ ଅନୁକୂଳ ହେଲା ମାଟି

ଢେଙ୍କାନାଳ ଅଫିସ, ୭।୯ ପବିତ୍ର ରାଧାଷ୍ଟମୀରେ ମାଟି ଅନୁକୂଳ ସହ ଆରମ୍ଭ ହୋଇଛି ଢେଙ୍କାନାଳର ପ୍ରସିଦ୍ଧ ଲକ୍ଷ୍ମୀପୂଜାର ଆଦ୍ୟପର୍ବ। ମୀନାବଜାର ଶ୍ରୀଶ୍ରୀ ମଉଡ଼ମଣି ରାଜଲକ୍ଷ୍ମୀ ପୂଜା...

ସଦର ରେଞ୍ଜ୍‌ରେ ବୁଲୁଛି ବାଘ

ଭାପୁର, ୨୦।୧୦(ଡି.ଏନ୍‌.ଏ.) ଢେଙ୍କାନାଳ ସଦର ରେଞ୍ଜ ମାଟିଆମୁଣ୍ଡିଆ ପାହାଡ଼ ପାଦଦେଶରେ ଏକ କଲରାପତରିଆ ବାଘ ବୁଲୁଥିବା ବନ ବିଭାଗ ସ୍ପଷ୍ଟ କରିଛି। ଏହାକୁ ନେଇ ଅଞ୍ଚଳବାସୀଙ୍କ...

ଅଙ୍ଗନଓ୍ବାଡି କେନ୍ଦ୍ର ନିକଟରେ ମୁକୁଳା ଟ୍ରାନ୍ସଫର୍ମର

ଢେଙ୍କାନାଳ ଅଫିସ, ୧୯।୧ – ଢେଙ୍କାନାଳ ସଦର ବ୍ଲକ ଗେଙ୍ଗୁଟିଆ ତଳସାହି ଅଙ୍ଗନୱାଡି କେନ୍ଦ୍ର ସମ୍ମୁଖରେ ଥିବା ଉଚ୍ଚ କ୍ଷମତାସମ୍ପନ୍ନ ଦୁଇଟି ଟ୍ରାନ୍ସଫର୍ମର ମୁକୁଳା ପଡ଼ିଛି।...

ଆମ୍ବୁଲାନ୍ସ ଅଚଳ: ରୋଗୀ ହୀନସ୍ତା

ଢେଙ୍କାନାଳ ଅଫିସ, ୧୪।୮-ଅଧାରାସ୍ତାରେ ଅଚଳ ହୋଇପଡ଼ିଲା ଆମ୍ବୁଲାନ୍ସ। ଫଳରେ ଯନ୍ତ୍ରଣାରେ ଛଟପଟ ହୋଇଥିଲେ ପକ୍ଷାଘାତ ରୋଗୀ। ଏପରି ଏକ ଘଟଣା ଦେଖିବାକୁ ମିଳିଛି ଢେଙ୍କାନାଳ ସଦରରେ।...

ଚାଷୀଙ୍କୁ ମିଳୁନି, କଳାବଜାର ଆଶଙ୍କା

ଢେଙ୍କାନାଳ ଅଫିସ, ୧୨।୯ – ଢେଙ୍କାନାଳରେ ୟୁରିଆ ସାରର ବ୍ୟାପକ ଅଭାବ ଦେଖାଦେଇଛି। ଜିଲାର ଅଧା ଚାଷୀ ସାର ପାଇନାହାନ୍ତି। ଧାନଚାଷ ଶେଷ ପର୍ଯ୍ୟାୟରେ ପହଞ୍ଚତ୍ଥିବାବେଳେ...

ବ୍ରାହ୍ମଣୀରୁ ବେଆଇନ ବାଲି ଚାଲାଣ: ୩ ଟ୍ରାକ୍ଟର ଜବତ, ଜରିମାନା ଆଦାୟ

ପରଜଙ୍ଗ, ୩୦।୮(ଡି.ଏନ୍‌.ଏ.) – ବ୍ରାହ୍ମଣୀ ନଦୀରୁ ବେଆଇନ ବାଲି ଚାଲାଣ ବେଳେ ପରଜଙ୍ଗ ଥାନା ସାଆନ୍ଦା ଫାଣ୍ଡି ପୋଲିସ ଏବଂ ତହସିଲ ପ୍ରଶାସନ ପକ୍ଷରୁ ୩ଟି...

Leave a comment

Your email address will not be published. Required fields are marked *