ବଦନାମରୁ ମୁକୁଳିବାକୁ ଏନ୍‌କାଉଣ୍ଟର ପରେ ଏନ୍‌କାଉଣ୍ଟର

ଭୁବନେଶ୍ୱର,୫ା୮(ବ୍ୟୁରୋ): ରାଜଧାନୀରେ ବଢ଼ି ଚାଲିଛି ଅପରାଧ। ସକାଳୁ ରାତି ମାତୁଛନ୍ତି ଅପରାଧୀ। କମିଶନରେଟ ପୋଲିସର ନିଷ୍କ୍ରିୟତାର ସୁଯୋଗ ନେଇ ଗତ କିଛିଦିନ ହେବ ସହରରେ ବଡ଼ ବଡ଼ ଅପରାଧୀ ଗ୍ୟାଙ୍ଗ୍‌ ସକ୍ରିୟ ହୋଇଉଠିଛନ୍ତି। ସହରବାସୀ ରାସ୍ତାକୁ ଓହ୍ଲାଇବା ପରେ ବଦନାମ ଛିଟା ଲିଭାଇବାକୁ ଶୋଇ ରହିଥିବା କମିଶନରେଟ ପୋଲିସ ଚିଇଁକି ଉଠିଛି। ଗତ ୩୦ ତାରିଖରେ ମଞ୍ଚେଶ୍ୱର ଥାନାଞ୍ଚଳରେ ୨୪ ଘଣ୍ଟାରେ ୪ ଲୁଟ୍‌ ଓ ଡକାୟତି ହୋଇଥିଲା। ବିଭିନ୍ନ ସ୍ଥାନରେ ଲୁଟେରାମାନେ ବନ୍ଧୁକ ଦେଖାଇ ଭୁଜାଲିରେ ହାଣି ବିପୁଳ ସୁନା ଅଳଙ୍କାର ଓ ଟଙ୍କା ଲୁଟି ନେବା ପରେ କମିଶନରେଟ ପୋଲିସ ବିରୋଧରେ ନିଆଁ ଜଳିଥିଲା। ଖାକିରେ ଲାଗିଥିବା ଛିଟାକୁ ଲିଭାଇବାକୁ ଯାଇ ପୋଲିସ ଏବେ ଆରମ୍ଭ କରିଛି ଏନ୍‌କାଉଣ୍ଟର ଅଭିଯାନ। ୨୯ ଘଣ୍ଟାରେ ୩ଟି ସ୍ଥାନରେ ୫ଜଣଙ୍କୁ ଏନ୍‌କାଉଣ୍ଟର କରିଛି। ଶନିବାର ଭୋର୍‌ରେ ଭୁବନେଶ୍ୱର ଉପକଣ୍ଠ ତଥା ବାଲିଅନ୍ତା ଥାନା ଅନ୍ତର୍ଗତ ଟଙ୍କପାଣି ବ୍ରିଜ୍‌ ନିକଟରେ ପୋଡ଼ା ଓରଫ ଅରୁଣ ମଲ୍ଲିକ ଓ ବିବେକ ଓରଫ ବିବେକାନନ୍ଦ ନାୟକଙ୍କୁ ପୋଲିସ ଏନ୍‌କାଉଣ୍ଟର କରିଥିବାବେଳେ ଶନିବାର ରାତିରେ ବଡ଼ଗଡ଼ ଥାନା ଚିଲିପୋଖରୀଠାରେ ଆଉ ଏକ ଡବଲ୍‌ ଏନ୍‌କାଉଣ୍ଟର ହୋଇଛି। ଏଥିରେ ହରି ଓରଫ ହରେକୃଷ୍ଣ ସ୍ବାଇଁ ଓ ସିଲୁ ଓରଫ ସିପୁନ କବି ଆହତ ହୋଇଛନ୍ତି। ପୁଣି ରବିବାର ରାତିରେ ଭରତପୁର ଅଞ୍ଚଳରେ ହୋଇଥିବା ପଞ୍ଚମ ଏନ୍‌କାଉଣ୍ଟରର ଶିକାର ହୋଇଛନ୍ତି ପୋଲିସର ଓ୍ବାଣ୍ଟେଡ୍‌ ତାଲିକାରେ ଥିବା ରବି ରାଓ। ତେବେ କମିଶନରେଟ ପୋଲିସର ହଠାତ୍‌ ଏଭଳି ତତ୍ପରତାକୁ ଦେଖି ସହରବାସୀ ଚକିତ ହୋଇଯାଇଛନ୍ତି। ଅପରାଧୀଙ୍କୁ ସୁଯୋଗ ଦେଇଥିବା କମିଶନରେଟ ପୋଲିସ ଏବେ ବଦନାମରୁ ମୁକୁଳିବାକୁ ଏନ୍‌କାଉଣ୍ଟରକୁ ଆପଣାଇଥିବା ଚର୍ଚ୍ଚା ଚାଲିଛି।

ଫ୍ଲାଟ୍‌ ନଂ.୨୦୮ ଥିଲା ଆଡ୍ଡାସ୍ଥଳ
ଦିନରେ ନକଲି ମଦ ତିଆରି, ରାତିରେ ଡକାୟତି
ଧଉଳି ଥାନା ଅନ୍ତର୍ଗତ ଉତ୍ତରା ଛକ ନିକଟ ବାପୁଜୀ ହାଇଟ୍‌ ଆପାର୍ଟମେଣ୍ଟର ଫ୍ଲାଟ୍‌ ନଂ.୨୦୮ ଥିଲା ୧୧ଜଣିଆ ଗ୍ୟାଙ୍ଗ୍‌ର ଆଡ୍ଡାସ୍ଥଳ। ଏହିଠାରେ ଚାଲିଥିଲା ନକଲି ମଦ କାରଖାନା ଓ ପ୍ରସ୍ତୁତ ହେଉଥିଲା ଅପରାଧର ବ୍ଲୁ ପ୍ରିଣ୍ଟ୍‌। ଗ୍ୟାଙ୍ଗ୍‌ର ସଦସ୍ୟମାନେ ଦିନରେ ମଦ ତିଆରିରେ ନିୟୋଜିତ ରହିବା ସହ ରାତିରେ ଏହାର ଚୋରା ଚାଲାଣ ସହ ଲୁଟ୍‌ ଓ ଡକାୟତି କରୁଥିଲେ। ଗୁରୁତ୍ୱପୂର୍ଣ୍ଣ କାମ ନ ଥିଲେ ହରେକୃଷ୍ଣ ଓ ସିପୁନ ଦିନରେ ଘରୁ ବାହାରୁ ନ ଥିଲେ। ଏସବୁରୁ ଆସୁଥିବା ଟଙ୍କାକୁ ମିଳିମିଶି ବାଣ୍ଟି ନେଉଥିଲେ। ବିଶେଷକରି ହରେକୃଷ୍ଣ ଓ ସିପୁନ୍‌ ଡକାୟତି ସହ ଲୁଟ୍‌ପାଟରେ ଥିଲେ ଧୁରନ୍ଧର। ଏହି ଗ୍ୟାଙ୍ଗ୍‌ ସଦସ୍ୟଙ୍କ ନାମରେ କାର୍‌ ଲୁଟ , ଡକାୟତି, ମରଣାନ୍ତକ ଆକ୍ରମଣ ଆଦି ୧୨ରୁ ଊର୍ଦ୍ଧ୍ୱ ମାମଲା ରହିଛି।

୧୧ଜଣିଆ ଗ୍ୟାଙ୍ଗ୍‌ର ଲିଡ଼ର ରବି
ମଞ୍ଚେଶ୍ୱର ଥାନାଞ୍ଚଳରେ ସିରିଜ୍‌ ଲୁଟ୍‌ ଓ ଡକାୟତି ପରେ ପୋଲିସର ନିଦ ହଜିଥିଲା। ତଦନ୍ତବେଳେ ଏଥିରେ ସମ୍ପୃକ୍ତ ଥିବା ୧୧ଜଣିଆ ଗ୍ୟାଙ୍ଗ୍‌ର ସୁରାକ ପାଇଥିଲା କମିଶନରେଟ ପୋଲିସ। ଏହାପରେ ଚଢ଼ାଉ ଓ ଏନ୍‌କାଉଣ୍ଟର ପାଇଁ ହୋଇଥିଲା ଯୋଜନା। ଶନିବାର ଭୋର୍‌ ସମୟରେ ପୋଡ଼ା ଓ ବିବେକଙ୍କୁ ଏନ୍‌କାଉଣ୍ଟର କରିବା ପରେ ତାଙ୍କଠାରୁ ଗ୍ୟାଙ୍ଗ୍‌ ସମ୍ପର୍କରେ ବହୁକିଛି ତଥ୍ୟ ହାସଲ କରିଥିଲା ପୋଲିସ। ଗ୍ୟାଙ୍ଗ୍‌ ଲିଡ଼ର ରବି ବୋଲି ଜଣାପଡ଼ିଥିଲା ।
ସହର ଛାଡ଼ିଥାନ୍ତେ
ପ୍ରଥମେ ଗ୍ୟାଙ୍ଗ୍‌ର ଦୁଇଜଣଙ୍କୁ ଏନ୍‌କାଉଣ୍ଟର ପରେ ମାଷ୍ଟରମାଇଣ୍ଡ୍‌ ରବି ଓ ଅନ୍ୟ ସଦସ୍ୟମାନେ ସହର ଛାଡ଼ିବାକୁ ଯୋଜନା କରିଥିଲେ। ରବିବାର ରାତି ପ୍ରାୟ ୯ଟାରେ ରବି ଭରତପୁର ଜିଏ ପ୍ଲଟର ଏକ ଅନ୍ଧାରୁଆ ସ୍ଥାନକୁ ଅନ୍ୟ ସମସ୍ୟମାନଙ୍କୁ ଡାକିଥିଲେ। ହେଲେ ରବିର ଫୋନ୍‌ ନମ୍ବରକୁ ଟ୍ରାକ୍‌ କରିଥିବା େସ୍ପେଶାଲ ସ୍କ୍ବାଡ୍‌ ସେଠାରେ ଚଢ଼ାଉ କରି ଏନ୍‌କାଉଣ୍ଟର କରିଥିଲା।
ପୂର୍ବରୁ ହୋଇଥିଲା ଏନ୍‌କାଉଣ୍ଟର
୨୦୧୬ ଅଗଷ୍ଟରେ ରବିଙ୍କୁ ପୋଲିସ ପାଣ୍ଡରା ନିକଟରେ ଏନ୍‌କାଉଣ୍ଟର କରିଥିଲା। ଜେଲରେ କିଛିଦିନ ରହିବା ପରେ ଜାମିନ୍‌ରେ ଆସି ଗ୍ୟାଙ୍ଗ୍‌ ଗଢ଼ି ଅପରାଧ ସାମ୍ରାଜ୍ୟ ବିସ୍ତାର କରି ଚାଲିଥିଲା। ତାଙ୍କ ନାମରେ ବିଭିନ୍ନ ଥାନାରେ ୩୦ରୁ ଊର୍ଦ୍ଧ୍ୱ ମାମଲା ରହିଥିବାବେଳେ ଏକ ହତ୍ୟା ମାମଲାରେ ଢେଙ୍କାନାଳ ପୋଲିସ ତାଙ୍କୁ ଧରିବାକୁ ଉଦ୍ୟମ କରୁଥିବା ଜାଣି ସେ ଭୁବନେଶ୍ୱରରେ ଲୁଚି ରହି ଗ୍ୟାଙ୍ଗ୍‌ ଚଳାଇଥିଲା। ରବି ଓ ତାଙ୍କ ଗ୍ୟାଙ୍ଗ୍‌ ବିଭିନ୍ନ ଜିଲାରୁ କାର୍‌ ଲୁଟ୍‌ ଏବଂ ଚୋରି କରି ସେଥିରେ ଅପରାଧ ଘଟାଉଥିଲେ।


All Right Reserved By Dharitri.Com

ସରକାରୀ ପିଆଜ ଦର ଦର୍ଶାଇଲା ବିଭାଗ

ଭୁବନେଶ୍ୱର,୯ା୧୧(ବ୍ୟୁରୋ): ରାଜ୍ୟରେ ପିଆଜ ମୂଲ୍ୟ ଅହେତୁକ ଭାବେ ବୃଦ୍ଧି ପାଇବାରେ ଲାଗିଛି। କିଛିଦିନ ତଳେ ସମାନ ସ୍ଥିତି ଉପୁଜିବା କାରଣରୁ ଲୋକଙ୍କୁ ନାହିଁ ନ ଥିବା...

ମୁଖ୍ୟମନ୍ତ୍ରୀଙ୍କୁ ବିରୋଧୀ ଦଳ ନେତାଙ୍କ ଚିଠି : ‘ଖଣି ଦୁର୍ନୀତି କରିଥିବା କମ୍ପାନୀକୁ ନିଲାମରେ ସାମିଲ କରନି’

ଭୁବନେଶ୍ୱର,୧୫ା୧୧(ବ୍ୟୁରୋ) : ରାଜ୍ୟ ସରକାର ୩୧ଟି ଖଣିର ନିଲାମ କରିବାକୁ ଯାଉଛନ୍ତି। ଯେଉଁ କମ୍ପାନୀଗୁଡିକ ଖଣି ଦୁର୍ନୀତିରେ ସାମିଲ ଥିଲେ ସେମାନଙ୍କୁ ଖଣି ନିଲାମରୁ ବାଦ୍‌...

ପରୀକ୍ଷାର୍ଥୀଙ୍କ ପାଇଁ ସ୍ବତନ୍ତ୍ର ଟ୍ରେନର ଯୋଜନା

ଭୁବନେଶ୍ୱର,୧୬ା୧୦(ବ୍ୟୁରୋ): ଭୁବନେଶ୍ୱର ସ୍ଥିତ ୧୨୦ ଇନଫାଣ୍ଟରି ବାଟାଲିଅନରେ ଚାଲିଥିବା ଟେରିଟୋରିଆଲ ଆର୍ମି ପରୀକ୍ଷାରେ ଗୁରୁବାର ପାଇଁ ସ୍ବତନ୍ତ୍ର ଟ୍ରେନ ଯୋଜନା କରାଯାଉଛି। ଗୁରୁବାର ପରୀକ୍ଷା ପାଇଁ...

ଲକ୍ଷ୍ୟରୁ ଦୂରେଇଛି ଜୀବନ୍ତଖାଦ୍ୟ ପ୍ରଜନନ କେନ୍ଦ୍ର

ବାରଙ୍ଗ,୩।୮(ଡି.ଏନ୍‌.ଏ.): ନନ୍ଦନକାନନର ଶେଷଭାଗ ୧ନଂ ଫାଟକ ପାଖରେ ରହିଛି ଜୀବନ୍ତଖାଦ୍ୟ ପ୍ରଜନନ କେନ୍ଦ୍ର। ଏହି କେନ୍ଦ୍ର ଉପରେ ନନ୍ଦନକାନନର ପ୍ରାୟ ୨୦ରୁ ଊର୍ଦ୍ଧ୍ୱ ପ୍ରଜାତିର ପ୍ରାଣୀ...

ପୂର୍ବତନ ପୋଲିସ ଏସ୍‌ଆଇଙ୍କୁ ୩ବର୍ଷ ଜେଲ

ଭୁବନେଶ୍ୱର, ୧୪ା୮(ବ୍ୟୁରୋ): ଚନ୍ଦ୍ରଶେଖରପୁର ଥାନାର ପୂର୍ବତନ ଏସ୍‌ଆଇ ରାମଚନ୍ଦ୍ର ସେଠୀଙ୍କୁ ମଙ୍ଗଳବାର ସ୍ବତନ୍ତ୍ର ଭିଜିଲାନ୍ସ କୋର୍ଟ ଦଣ୍ଡିତ କରିଛନ୍ତି। ସେ ଲାଞ୍ଚ ନେବାବେଳେ ଭିଜିଲାନ୍ସ ହାତରେ...

ଶିଶୁପୁତ୍ରର ମୃତଦେହ ଧରି ଏଏନ୍‌ଏମଙ୍କ ଘର ସମ୍ମୁଖରେ ବସିଲେ ପରିବାର ଲୋକେ

ନିରାକାରପୁର,୯ା୬(ଡି.ଏନ୍‌.ଏ.) : ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତ ପାଟଣା ଗ୍ରାମର ୨୪ ଦିନର ଶିଶୁପୁତ୍ରର ମୃତ୍ୟୁ ଘଟିଛି। ଏନେଇ ପରିବାର ଲୋକେ ଆଶାକର୍ମୀ ଏବଂ ଏଏନ୍‌ଏମ୍‌ଙ୍କୁ...

ଆଜି ଓଡ଼ିଶା ଆସୁଛନ୍ତି ରାଷ୍ଟ୍ରପତି

ଭୁବନେଶ୍ୱର, ୭।୧୨(ବ୍ୟୁରୋ): ରାଷ୍ଟ୍ରପତି ରାମନାଥ କୋବିନ୍ଦ ଶନିବାରଠାରୁ ୨ଦିନିଆ ଓଡ଼ିଶା ଗସ୍ତରେ ଆସୁଛନ୍ତି। ଶନିବାର ସା ୭ଟା ୩୦ରେ ସେ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ...

ଡିଅର ୨୦୧୯: ହସାଇ ନାକେଦମ୍‌ କଲେ

ଭୁବନେଶ୍ୱର, ୩୦।୧୨ (ବ୍ୟୁରୋ) ରସଗୋଲା ପଶ୍ଚିମବଙ୍ଗର, ତାଙ୍କୁ ଦେଇ ଦିଅ। ରସଗୋଲା ପରି ବେଙ୍ଗଲୀ ଲୋକ ମଧ୍ୟ ଧଳା ଓ ନରମ। ସେ ଦୃଷ୍ଟିରୁ ରସଗୋଲା ତାଙ୍କର...

Leave a comment

Your email address will not be published. Required fields are marked *