ଉଠା ସେଚ ପ୍ରକଳ୍ପ ଅଚଳ, ଚାଷୀ ହତାଶ

କେନ୍ଦୁଝର, ୫ା୮(ସ୍ବ.ପ୍ର.) : କେନ୍ଦୁଝର ଜିଲାରେ ଅନିୟମିତତା ବର୍ଷା ଯୋଗୁ ଚଳିତ ବର୍ଷ ଚାଷ କାର୍ଯ୍ୟ ବ୍ୟାହତ ହୋଇଛି। ଫଳରେ ଚାଷୀମାନେ ଚିନ୍ତାରେ ରହିଛନ୍ତି। ଚାଷ କାର୍ଯ୍ୟ ଆରମ୍ଭ କରିଥିବା ଚାଷୀମାନେ କ୍ଷତିଗ୍ରସ୍ତ ହେବା ଆଶଙ୍କା କରି ମୁଣ୍ଡରେ ହାତ ଦେଇ ବସିଛନ୍ତି। ଠିକ ସମୟରେ ବର୍ଷା ନ ହେଲେ ଚାଷ କ୍ଷତିଗ୍ରସ୍ତ ହେବ ଏବଂ ଧାରକରଜ କରି ଖର୍ଚ୍ଚ କରିଥିବା ଅର୍ଥ କିପରି ଫେରିପାଇବେ ଓ ବର୍ଷ ତମାମ ଘର କିପରି ଚଳିବ ସେ ନେଇ ଚିନ୍ତା ପ୍ରକଟ କରୁଛନ୍ତି। ଏହି ପରିସ୍ଥିତିରେ ବିଭିନ୍ନ ନଦୀ/ନାଳରେ ନିର୍ମାଣ କରାଯାଇଥିବା ଜଳସେଚନ ପ୍ରକଳ୍ପ ସେମାନଙ୍କ ସାହା ଭରସା ହୋଇଛି। ଏହି ଆଶାରେ ଚାଷ କାର୍ଯ୍ୟ ଆରମ୍ଭ କରିଥିଲେ ହେଁ ଅନେକ ଅଞ୍ଚଳରେ ଜଳସେଚନ ପ୍ରକଳ୍ପ ଗୁଡିକ ଅଚଳ ହୋଇଯାଇଥିବାରୁ ଚାଷୀମାନେ ଅଡୁଆ ପରିସ୍ଥିତିରେ ପଡ଼ିଯାଇଛନ୍ତି। ଏଭଳି ସମସ୍ୟା ସଦର ବ୍ଲକ ରାଇସୁଆଁ, ପଦ୍ମପୁର, ନୂଆଗାଁ ଆଦି ପଞ୍ଚାୟତର ଚାଷୀମାନେ ସମ୍ମୁଖୀନ ହୋଇ ପଡିଛନ୍ତି। ଏହି ପଞ୍ଚାୟତଗୁଡିକରେ ଜଳସେଚନର ବ୍ୟବସ୍ଥା ଥିଲେ ହେଁ କାମରେ ଲାଗୁ ନ ଥିବାରୁ ଚାଷୀମାନେ ଚାଷ କାର୍ଯ୍ୟ ଆଗେଇ ପାରୁନାହାନ୍ତି। ଏ ନେଇ ଅଭିଯୋଗ କରୁଥିଲେ ହେଁ କେହି ଶୁଣୁ ନ ଥିବାରୁ କିପରି ଚାଷ କରିବେ ସେ ନେଇ ଚିନ୍ତା ପ୍ରକଟ କରୁଛନ୍ତି। ଚାଷ ପାଇଁ ଜଳସେଚନ ବ୍ୟବସ୍ଥା କରିବା ଲାଗି ସାନମାଛ କାନ୍ଦଣା ନଦୀ ଓ ଅରଡେଇ ନଦୀରେ ବହୁ ବନ୍ଧ କେନାଲ ଆଦି ନିର୍ମାଣ କରାଯାଇଛି ା ବନ୍ଧ ଓ କେନାଲ ନିର୍ମାଣ ତଥା ମରାମତି ପାଇଁ କୋଟି କୋଟି ଟଙ୍କା ଖର୍ଚ୍ଚ କରାଯାଇଥିିଲେ ହେଁ ଆବଶ୍ୟକ ସମୟରେ ପାଣି ପାଉ ନ ଥିବା ଚାଷୀମାନେ ଅଭିଯୋଗ କରିଆସୁଛନ୍ତି। ଏହି ନଦୀରେ ପାଣି ଅଛି କିନ୍ତୁ ଜମିକୁ ମାଡୁନାହିଁ। ଏଣୁ ଚାଷୀମାନେ ପାଣି ନିକଟରେ ଥାଇ ଚାଷ ପାଇଁ ପାଣି ପାଇପାରୁ ନ ଥିବାରୁ ଜଳ ସମସ୍ୟା ମଧ୍ୟରେ ରହୁଥିବା ଅଭିଯୋଗ କରୁଛନ୍ତି। ପଦ୍ମପୁର ପଞ୍ଚାୟତର ଜଡିଚାତର ଗ୍ରାମରେ ଅରଡେଇ ଓ ମାଛକାନ୍ଦଣା ନଦୀରେ ୨ଟି, ସାନମାଛକାନ୍ଦଣା ନଦୀରେ ଭାଟୁଣିଆ ଗ୍ରାମରେ ୨ଟା ଉଠା ଜଳସେଚନ ପ୍ରକଳ୍ପ ଓ ନୂଆଗାଁ ପଞ୍ଚାୟତ ରତନପୁର ଗ୍ରାମରେ ଅରଡେଇ ନଦୀରେ ଗୋଟିଏ ଉଠା ଜଳସେଚନ ପ୍ରକଳ୍ପ ରହିଥିଲେ ହେଁ ଅଚଳ ହୋଇ ରହିଥିବାରୁ ଚାଷ କାର୍ଯ୍ୟରେ ଲାଗିପାରୁନାହିଁ। ଏହି ଅଞ୍ଚଳର ଅଧିକାଂଶ ଚାଷୀ ଗରିବ ଓ ଆଦିବାସୀ ପରିବାରର ଅଟନ୍ତି। ଚାଷ ଉପରେ ସମସ୍ତେ ନିର୍ଭରଶୀଳ। ଧାନଚାଷ ବ୍ୟତୀତ ବିଲାତି, ବାଇଗଣ ଆଦି ପନିପରିବା ଚାଷ କରି ପରିବାର ଗୁଜୁରାଣ ମେଣ୍ଟାଇଥାନ୍ତି। ନଦୀରେ ପାଣି ଅଛି। କିନ୍ତୁ ବିଭିନ୍ନ କାରଣରୁ ଉଠା ଜଳସେଚନ ପ୍ରକଳ୍ପ ଗୁଡିକ ଅଚଳ ହୋଇ ପଡିଥିବାରୁ ଆବଶ୍ୟକତା ଥିବା ସମୟରେ ଜମିକୁ ପାଣି ମଡାଯାଇପାରୁନାହିଁ। ଫଳରେ ଚାଷ ନଷ୍ଟ ହେବାକୁ ବସିଛି ବୋଲି ଜଡିଚାତର ଗ୍ରାମର ଚାଷୀ ଦିଲିପ କୁମାର ମାଝି କହିଛନ୍ତି। ପାଣି ପଞ୍ଚାୟତ ଗଠନ କରି ସରକାର ଦାୟିତ୍ୱ ଶେଷ କରିଦେଉଛନ୍ତି। କିନ୍ତୁ ଚାଷୀଙ୍କ ଜମିକୁ ପାଣି କିପରି ମାଡିବ ସେଥିପ୍ରତି ଧ୍ୟାନ ଦେଉନାହାନ୍ତି। ଏଣୁ ଚାଷୀମାନେ କଷ୍ଟ କରୁଥିଲେ ହେଁ ଲାଭବାନ ହୋଇପାରୁନାହାନ୍ତି ବୋଲି ଚାଷୀ ଗୋପାଲ ମାଝି କହିଛନ୍ତି। ବିଦ୍ୟୁତ ସମସ୍ୟା ଯୋଗୁ ଉଠାଜଳସେଚନ ପ୍ରକଳ୍ପଗୁଡିକ କାମ କରୁନାହିଁ।  ଏ ନେଇ ଅଭିଯୋଗ କଲେ ମଧ୍ୟ କେହି ଶୁଣୁନାହାନ୍ତି। ଏଣୁ ଏ ନେଇ ସ୍ଥାୟୀ ପ୍ରତିକାର କରାଗଲେ ସମସ୍ତେ ଉପକୃତ ହୋଇପାରନ୍ତେ ବୋଲି ଚାଷୀ ରଘୁନାଥ ମାଝି କହିଛନ୍ତି।


All Right Reserved By

ହାତୀ ଉଜାଡିଲେ ଧାନ ଫସଲ

ମାଧପୁର/ବଇଣ୍ଡା, ୧୨ା୯(ଡି.ଏନ.ଏ.)- ଅନୁଗୋଳ ଜିଲା ଆଠମଲ୍ଲିକ ବ୍ଲକ ମୁଚ୍ଛପୁର ଗ୍ରାମରେ ହାତୀପଲ ପଶି ବ୍ୟାପକ କ୍ଷୟକ୍ଷତି କରିଛନ୍ତି। ବିଲରେ ପଶି ଚାଷୀମାନଙ୍କ ଧାନ ଫସଲ ଉଜାଡିବା...

ବିଶ୍ୱ ଆଦିବାସୀ ଦିବସ ପାଳିତ: ଭାଷା,ସଂସ୍କୃତିର ସୁରକ୍ଷା ଉପରେ ଗୁରୁତ୍ୱ

ମୁରିବାହାଲ, ୧୮।୮ (ଡି.ଏନ.ଏ.):ବଲାଙ୍ଗୀର ଜିଲା ଆଦିବାସୀ କଲ୍ୟାଣ ସଂଘ ପକ୍ଷରୁ ମୁରିବାହାଲ ବ୍ଲକ ଆଦିବାସୀ ସଂଘ ପକ୍ଷରୁ ଜମିଦାରପଡାଠାରେ ରବିବାର ରାଜ୍ୟସ୍ତରୀୟ ବିଶ୍ୱ ଆଦିବାସୀ ଦିବସ...

ଭିଡ଼ ଏଡ଼ାଇବାକୁ ପୌର ପ୍ରଶାସନର ପଦକ୍ଷେପ:କାର୍ଯ୍ୟାଳୟ ସମ୍ମୁଖରୁ ହଟିଲେ ଉଠା ଦୋକାନୀ

ଅନୁଗୋଳ ଅଫିସ, ୨୭।୮ ଅନୁଗୋଳ ପୌର କାର୍ଯ୍ୟାଳୟ ସମ୍ମୁଖରେ ବେପାର କରୁଥିବା ଉଠା ଦୋକାନୀଙ୍କୁ ସୋମବାର ହଟାଇ ଦିଆଯାଇଛି। ପୂର୍ବରୁ ସେମାନଙ୍କୁ ଏ ନେଇ ନୋଟିସ...

ସୁରଟ ଅଗ୍ନିକାଣ୍ଡ ପରେ ଅଗ୍ନିଶମ ବିଭାଗ ତତ୍ପର : ୧୦ କୋଚିଂ ସେଣ୍ଟରରେ ଯାଞ୍ଚ

ବ୍ରହ୍ମପୁର ଅଫିସ,୨ା୬-ନିକଟରେ ଗୁଜରାଟର ସୁରଟରେ ଘଟିଥିବା ଏକ କୋଚିଂ ସେଣ୍ଟର ଅଗ୍ନିକାଣ୍ଡରେ ୨୩ ଛାତ୍ରୀଛାତ୍ରଙ୍କ ମୃତ୍ୟୁ ଘଟିଥିବା ବେଳେ ଏବେ ମୃତ୍ୟୁସଂଖ୍ୟା ବଢି ଚାଲିଛି ।...

ଜୁନାଗଡରେ ବିଜେଡିର ସଭ୍ୟ ସଂଗ୍ରହ ଅଭିଯାନ

ଜୁନାଗଡ,୨।୧୦(ଡି.ଏନ.ଏ.)-କଳାହାଣ୍ଡି ଜିଲା ଜୁନାଗଡ ସଂସ୍‌ୃତି ଭବନଠାରେ ମଙ୍ଗଳବାର ବିଜେଡିର ସଭ୍ୟ ସଂଗ୍ରହ ଅଭିଯାନ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଜୁନାଗଡ ବ୍ଲକ ବିଜେଡି ସଭାପତି...

ଜାରକାରେ ସେକ୍ସ ରାକେଟ ଠାବ: ରାଣୀ ମହୁମାଛି ସହ ୬ କୋର୍ଟଚାଲାଣ,ଜଣେ ଯୁବତୀ ଉଦ୍ଧାର

ଧର୍ମଶାଳା,୨୦।୮(ଡି.ଏନ୍‌.ଏ.)- ଧର୍ମଶାଳା ଥାନା ଅଧୀନ ଜାରକା ଜଗନ୍ନାଥ ବିହାର ଅଞ୍ଚଳର ଏକ ଭଡ଼ାଘରେ ଚାଲିଥିବା ସେକ୍ସ ର଼୍ୟାକେଟକୁ ପୋଲିସ ରବିବାର ରାତିରେ ଠାବ କରିଛି। ଏହି...

୧୧ ଦିନରେ ପରୀ-୩ ଅଭିଯାନ:୫୧ ଶିଶୁ ଉଦ୍ଧାର

ଭଦ୍ରକ ଅଫିସ, ୯।୮ – ଓଡ଼ିଶା ପୋଲିସ ଓ ଭଦ୍ରକ ଜିଲା ପ୍ରଶାସନ ପକ୍ଷରୁ ଆରମ୍ଭ ହୋଇଥିବା ନିଖୋଜ ଶିଶୁଙ୍କ ତଲାସି ଅଭିଯାନ ପରୀ-୩ ଶୁକ୍ରବାର...

ସଶକ୍ତୀକରଣ ରାସ୍ତା ଦେଖାଇଲା ‘ଜଜ୍‌ବା’

ବ୍ରହ୍ମପୁର ଅଫିସ୍‌,୧୭ା୯-ଦୃଢ଼ମନା ଯୁବପିଢ଼ିଙ୍କ ବିନା କୌଣସି ଦେଶ ସଶକ୍ତ ହୋଇପାରିବ ନାହିଁ। ଏଣୁ ଅଧିକରୁ ଅଧିକ ଯୁବତୀ ଯୁବକଙ୍କୁ ସଶକ୍ତୀକରଣ କରାଇବାର ଆବଶ୍ୟକତା ରହିଛି। ଯୁବପିଢି...

selfi corner

Model This Week

Why Dharitri

Leave a comment

Your email address will not be published. Required fields are marked *