Posted inପୁରୀ

ମଧୁର ଜଳ ସଂରକ୍ଷିତ ଅଞ୍ଚଳରେ ଆବର୍ଜନା ପାହାଡ଼

ପୁରୀ ଅଫିସ, ୪ା୮: ବଙ୍ଗୋପସାଗର କୂଳରେ ଅବସ୍ଥିତ ପୁରୀ ସହରର ପାନୀୟଜଳ ସଙ୍କଟ ଦୂର ଲାଗି ସୁଇଟ୍‌ ୱାଟର ଜୋନ (ମଧୁର ଜଳ ସଂରକ୍ଷିତ ଅଞ୍ଚଳ)ର ପରିକଳ୍ପନା କରାଯାଇଛି। ତାଳବଣିଆ ଅଞ୍ଚଳରେ ୪୪୮ଏକର ଏବଂ ବଳିଆପଣ୍ଡା ଅଞ୍ଚଳରେ ୨୦୭ ଏକର ଜମିକୁ ମଧୁର ଜଳ ସଂରକ୍ଷିତ ଅଞ୍ଚଳ ରହିଛି। ଏହି ଅଞ୍ଚଳକୁ ସଂରକ୍ଷିତ ରଖିବା ଲାଗି ପାଚେରି ମଧ୍ୟ ହୋଇଛି। ଏହାଦ୍ୱାରା ସହରବାସୀଙ୍କୁ ସ୍ବଚ୍ଛ ପାନୀୟଜଳ ଯୋଗାଇଦେବା ଲକ୍ଷ୍ୟ ରହିଥିବାବେଳେ ବର୍ତ୍ତମାନ ମଧୁର ଜଳର ମାନକୁ ନେଇ ଉଠିଛି ପ୍ରଶ୍ନ। ତାଳବଣିଆସ୍ଥିତ ମଧୁର ଜଳ ସଂରକ୍ଷିତ ଅଞ୍ଚଳ କଡ଼ରେ ଗଦା ହୋଇଛି କୁଢ କୁଢ ଅଳିଆ ଆବର୍ଜନା। ବର୍ଷାରେ ଏହି ଆବର୍ଜନାର ପାଣି ଭୂତଳକୁ ଯାଇ ମଧୁର ଜଳକୁ ପ୍ରଦୂଷିତ କରୁଛି। ସେହିପରି ଏଥିରୁ ବାହାରୁଥିବା ଦୁର୍ଗନ୍ଧରେ ଲୋକେ ଅତିଷ୍ଠ ହୋଇପଡୁଛନ୍ତି। ସହରର ଏକ ପ୍ରମୁଖ ରାସ୍ତା (ଆଇଟିଆଇରୁ ପେଣ୍ଠକଟା) କଡ଼ ତଥା ପ୍ରସ୍ତାବିତ ଶ୍ରୀଜଗନ୍ନାଥ ଷ୍ଟାଡିୟମ୍‌ ପରିସରରେ ପୌରସଂସ୍ଥା ଆବର୍ଜନାର ପାହାଡ ସୃଷ୍ଟି କରିଥିବାରୁ ସ୍ଥାନୀୟ ଲୋକଙ୍କଠାରୁ ଆରମ୍ଭ କରି ପର୍ଯ୍ୟଟକ ନାକ ଟେକୁଛନ୍ତି। ସେହି ରାସ୍ତା ଦେଇ ଯା’ ଆସ କରିବାକୁ କେହି ଇଚ୍ଛା କରୁନାହାନ୍ତି।
ବାତ୍ୟା ପରେ ପୁରୀ ସହରରୁ ଦୈନିକ ପୂର୍ବାପେକ୍ଷା ୧୦ଗୁଣା ଅଧିକ ଆବର୍ଜନା ବାହାରିଥିଲା। ତେବେ ଏହାକୁ ଜନବସତିଠାରୁ ଦୂର କିମ୍ବା ସହର ବାହାରେ ଡମ୍ପିଂ କରିବା ବଦଳରେ ପୌରସଂସ୍ଥା ପ୍ରସ୍ତାବିତ ଷ୍ଟାଡିୟମ୍‌ ପରିସରରେ ଗଦା କରିଥିଲା। ଧୀରେ ଧୀରେ ଆବର୍ଜନା ଜମା ହୋଇ ଛୋଟ ପାହାଡ଼ର ଭ୍ରମ ସୃଷ୍ଟି ହେଉଛି। ସବୁଠୁ ଉଦ୍‌ବେଗର ବିଷୟ ହେଉଛି ପ୍ରମୁଖ ରାସ୍ତା (ଆଇଟିଆଇରୁ ପେଣ୍ଠକଟା) ତଥା ମଧୁର ଜଳ ସଂରକ୍ଷିତ ଅଞ୍ଚଳ କଡ଼ରେ ଏହି ଆବର୍ଜନା ଜମା କରାଯାଇଛି। ତାଳବଣିଆ ହେଲିପ୍ୟାଡ୍‌, ଆଇଟିଆଇ କଲେଜ, ଇନ୍‌କମ୍‌ ଟ୍ୟାକ୍ସ ଅଫିସ, ସଂସ୍କୃତ ବିଶ୍ୱବିଦ୍ୟାଳୟ, ବିଏମ୍‌ ଲ’ କଲେଜ ଆଦିକୁ ଏହି ରାସ୍ତା ଦେଇ ଲୋକେ ଯାତାୟାତ କରୁଥିବାବେଳେ ଆବର୍ଜନାର ଗନ୍ଧ ସମସ୍ତଙ୍କୁ ଅତିଷ୍ଠ କରିଦେଉଛି। ବର୍ତ୍ତମାନ ବର୍ଷାଦିନ ଚାଲିଛି। ବର୍ଷାରେ ଏହି ଅଳିଆ ଆବର୍ଜନାର ପାଣି ଭୂତଳକୁ ଯାଇ ମଧୁର ଜଳକୁ ପ୍ରଦୂଷଣ କରୁଥିବ ଏଥିରେ ସନ୍ଦେହ ନାହିଁ ବୋଲି କହିଛନ୍ତି ସ୍ଥାନୀୟ ବାସିନ୍ଦା। ଏହାକୁ ତୁରନ୍ତ ଏଠାରୁ ଉଠାଇ ନିଆଯିବା ଦରକାର। ନଚେତ ଲୋକେ ବିଭିନ୍ନ ପ୍ରକାର ରୋଗର ଶିକାର ହେବେ ବୋଲି ସେମାନେ ମତବ୍ୟକ୍ତ କରିଛନ୍ତି।
ଅଞ୍ଚଳର ରାଜେଶ କୁମାର ନନ୍ଦ ଏହାକୁ ନେଇ ଉଦ୍‌ବେଗ ପ୍ରକାଶ କରିଛନ୍ତି। ବାତ୍ୟା ପରେ ଯଦି ଅଧିକ ଅଳିଆ ଆବର୍ଜନା ବାହାରିଲା ତେବେ ପୌରସଂସ୍ଥା ଚାହିଁଥିଲେ ସହର ବାହାରର କୌଣସି ଏକ ଖୋଲା ଜାଗାରେ ଏହାକୁ ପକାଇ ପାରିଥାନ୍ତା। ଆବର୍ଜନା ଯୋଗୁ ଆଇଟିଆଇରୁ ପେଣ୍ଠକଟା ରାସ୍ତାରେ ଯିବାବେଳେ ଦୁର୍ଗନ୍ଧରେ ନାକ ଫାଟି ପଡୁଛି। ସବୁଠୁ ଉଦ୍‌ବେଗର ବିଷୟ ହେଉଛି ମଧୁର ଜଳ ସଂରକ୍ଷିତ ଅଞ୍ଚଳ କଡ଼ରେ ଏହା ଜମା ହୋଇଛି । ଫଳରେ ବର୍ଷାରେ ଏହାର ପାଣି ଭୂତଳକୁ ଯାଉଛି। ତେଣୁ ପୌରସଂସ୍ଥା ଏଥିପ୍ରତି ଗୁରୁତ୍ୱ ଦେବା ଦରକାର। ସମାନ ପ୍ରକାର କଥା କହିଛନ୍ତି ପେଣ୍ଠକଟାର ପ୍ରିୟବ୍ରତ ମିଶ୍ର। ବାତ୍ୟା ପରେ ଯେତେବେଳେ ଅଳିଆ ଆଣି ଜମା କରାଗଲା ସେତେବେଳେ ୨/୩ ଥର ନିଅଁା ଲାଗି ପ୍ରବଳ ଧୂଅଁା ହୋଇଥିଲା। ଏବେ ବର୍ଷା ଯୋଗୁ ଏଥିରୁ ପ୍ରବଳ ଦୁର୍ଗନ୍ଧ ହେଉଥିବାବେଳେ ମଶା, ମାଛିଙ୍କ ପ୍ରାଦୁର୍ଭାବ ବଢିିଛି। ମଧୁର ଜଳ ସଂରକ୍ଷିତ ଅଞ୍ଚଳ ଜଳକୁ ଏହା ନିଶ୍ଚିତ ପ୍ରଦୂଷିତ କରୁଥିବ। ସେହିପରି ପ୍ରସ୍ତାବିତ ଷ୍ଟାଡିୟମକୁ ଡମ୍ପିଂୟାର୍ଡ ଭଳି ବ୍ୟବହାର କରାଯିବା ଠିକ୍‌ ନୁହେଁ ବୋଲି ମିଶ୍ର ମତ ପ୍ରକାଶ କରିଛନ୍ତି।
ସମ୍ପର୍କରେ ସ୍ଥାନୀୟ ବିଧାୟକ ତଥା ପୌରସଂସ୍ଥାର ପୂର୍ବତନ ନଗରପାଳ ଜୟନ୍ତ ଷଡ଼ଙ୍ଗୀଙ୍କୁ ପଚାରିବାରେ କହିଛନ୍ତି, ନିଶ୍ଚିତ ଏହା ଏକ ଉଦ୍‌ବେଗଜନକ ବିଷୟ। ରଥଯାତ୍ରା ପୂର୍ବରୁ ଏ ନେଇ ଜିଲାପାଳଙ୍କ ସହ ଆଲୋଚନା କରିଥିଲି। ଷ୍ଟାଡିୟମ୍‌ ପରିସରରୁ ଆବର୍ଜନା ଉଠାଇ ବାହାରେ କେଉଁଠି ଖାଲ ଜାଗାକୁ ପୋତିଦେବାକୁ କହିଥିଲି। ଜିଲାପାଳ ମଧ୍ୟ ଏଥିରେ ସହମତି ପ୍ରକାଶ କରିଥିଲେ। କିନ୍ତୁ ଏ ପର୍ଯ୍ୟନ୍ତ ସଫା କରଯାଇନାହିଁ। ଏ ନେଇ ପୁନଶ୍ଚ ତାଙ୍କର ଦୃଷ୍ଟି ଆକର୍ଷଣ କରିବି। ଅନ୍ୟପକ୍ଷରେ ପୁରୀ ପୌରସଂସ୍ଥା କାର୍ଯ୍ୟନିର୍ବାହୀ ଅଧିକାରୀ ବିଜୟ କୁମାର ଦାଶ କହିଛନ୍ତି, ବାତ୍ୟା ପରେ ସହରରୁ ପୂର୍ବାପେକ୍ଷା ଦୈନିକ ୧୦ଗୁଣରୁ ଅଧିକ ଆବର୍ଜନା ବାହାରିଥିଲା। ସହର ବାହାରେ ପୌରସଂସ୍ଥାର ଏମିତି କୌଣସି ଖୋଲା ବଡ ଜାଗା ବି ନ ଥିଲା। ତେଣୁ ସମ୍ପୃକ୍ତ ସ୍ଥାନରେ ଆବର୍ଜନା ପକାଯାଇଥିଲା। ଏହାକୁ କମ୍ପୋଷ୍ଟ କରିବା ଲାଗି ଯୋଜନା ଚାଲିଛି। ଖୁବ୍‌ଶୀଘ୍ର ପ୍ରସ୍ତାବିତ ଷ୍ଟାଡିୟମ୍‌ ପରିସର ସଫେଇ କରାଯିବ ବୋଲି ଦାଶ ପ୍ରକାଶ କରିଛନ୍ତି।


All Right Reserved By Dharitri.Com

ଉଦୟକଣି ଗ୍ରାମ ନିକଟରେ ପୁଣି କୂଳ ଲଙ୍ଘିଲା ଅଶାନ୍ତ ସମୁଦ୍ର: ଚାଷଜମିରେ ମାଡ଼ିଗଲା ଲୁଣାଜୁଆର, ଗ୍ରାମବାସୀ ଆତଙ୍କିତ

କାକଟପୁର,୩୦।୧୦(ଡି.ଏନ୍‌.ଏ.): ପୁଣି ଥରେ ଅସ୍ତରଙ୍ଗ ଉପକୂଳ ଉଦୟକଣି ଗ୍ରାମଠାରେ କୂଳ ଲଙ୍ଘିଛି ଅଶାନ୍ତ ସମୁଦ୍ର। ମେଲା ପଡ଼ିଥିବା ବେଳାଭୂମି ଦେଇ ବୁଧବାର ଲୁଣା ଜୁଆର ସ୍ଥଳଭାଗକୁ...

ମାଲେସିଆ ଫେରିଗଲା ଜିନ୍‌ ହ୍ବା: ଛାଡ଼ିଗଲା ସ୍ମୃତି, ଦେଇଗଲା ଅନେକ ଅନୁଭୂତି

ବ୍ରହ୍ମଗିରି, ୧୭-୯(ଡି.ଏନ୍‌.ଏ.):ପୁରୀ ଜିଲା କୃଷ୍ଣପ୍ରସାଦ ବ୍ଲକ ଅନ୍ତର୍ଗତ ରାଜହଂସ ଓ ଖିରୀସାହି ମଝି ବଙ୍ଗୋପ ସାଗର କୂଳରେ ଅଟକିଥିବା ମାଲେସିଆର ପଣ୍ୟବାହୀ ଜାହାଜ ଜିନ୍‌ ହ୍ବା...

ଆଜି ସୁଆର ମହାସୁଆର ନିର୍ବାଚନ

ପୁରୀ ଅଫିସ, ୯ା୮: ଶ୍ରୀମନ୍ଦିରର ସୁଆର ମହାସୁଆର ନିଯୋଗ ନିର୍ବାଚନ ଶନିବାର ଅନୁଷ୍ଠିତ ହେବ। ମୋଟ ୩୭ ଜଣ ପ୍ରାର୍ଥୀ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ବେଳେ...

ମହିଳାଙ୍କୁ ଅସଦାଚରଣ ମାମଲା: ଜେଲ୍‌ ଗଲେ ପୂର୍ବତନ ସରପଞ୍ଚ

ନିମାପଡ଼ା,୧୪ା୮(ଡି.ଏନ୍‌.ଏ.): ନିମାପଡ଼ା ଥାନା ଅଞ୍ଚଳର ଜଣେ ମହିଳାଙ୍କୁ ଅସଦାଚରଣ ପ୍ରଦର୍ଶନ କରିଥିବା ମାମଲାରେ ସୋମବାର ଜଣେ ପୂର୍ବତନ ସରପଞ୍ଚ ଜେଲ ଯାଇଥିବା ଜଣାପଡିଛି। ସେ ହେଲେ...

ପୁରୀ ସମୁଦ୍ରରୁ ବିରଳ ସାର୍କ ଶିକାର

ପୁରୀ ଅଫିସ,୨୧।୧:ପୁରୀ ସମୁଦ୍ରରୁ ବିରଳ ପ୍ରଜାତିର ସାର୍କ ମାଛ ଶିକାର କରାଯାଉଛି। ମୁନାଫାଖୋର ମତ୍ସ୍ୟ ବ୍ୟବସାୟୀ ମତ୍ସ୍ୟଜୀବୀଙ୍କୁ ହାତ କରି ଏହି ମାଛକୁ ବିଦେଶ ରପ୍ତାନି...

ହଷ୍ଟେଲରୁ ଛାତ୍ରୀ ନିଖୋଜ

ପୁରୀ ଅଫିସ,୧୬।୧୨: ଦତ୍ତତୋଟାସ୍ଥିତ ଏକ ଘରୋଇ ହଷ୍ଟେଲରୁ ସରକାରୀ ମହିଳା ମହାବିଦ୍ୟାଳୟର ଜଣେ ଯୁକ୍ତ୨ ଛାତ୍ରୀ ନିଖୋଜ ଥିବା ନେଇ କୁମ୍ଭାରପଡା ଥାନାରେ ରବିବାର ତାଙ୍କ...

ଅଲାରନାଥ ମନ୍ଦିରରେ ଦର୍ଶନ ବନ୍ଦ

ବ୍ରହ୍ମଗିରି,୨୧ା୩(ଡି.ଏନ.ଏ) : କରୋନା ଭୂତାଣୁ ସଂକ୍ରମଣରୁ ରୋକିବା ପାଇଁ ସମସ୍ତଙ୍କୁ ସଚେତନତା କରାଇବା ସହ ବ୍ରହ୍ମଗିରିରେ ଥିବା ମହାପ୍ରଭୁ ଅଲାରନାଥ ମନ୍ଦିରରେ ଦର୍ଶନ ପାଇଁ କଟକଣା...

ବନ୍ଦ ହେଲା ଅଦିନିଆ ରଥଯାତ୍ରା

ପୁରୀ ଅଫିସ, ୮ା୧୨: ବହୁ ବାଦବିବାଦ ପରେ ବନ୍ଦ ହୋଇଛି ଅଦିନିଆ ରଥଯାତ୍ରା। ଅସମୟରେ ରଥଯାତ୍ରା କରିବା ଲାଗି ପ୍ରସ୍ତୁତି ଚଳାଇଥିବା ଉତ୍ତରପ୍ରଦେଶର ଗାଜିଆବାଦସ୍ଥିତ ଶ୍ରୀମଦ୍‌...

Leave a comment

Your email address will not be published. Required fields are marked *