ଭୋଗ ପ୍ରସ୍ତୁତିରେ ବ୍ୟତିକ୍ରମ: ସ୍ବାଦ ହରାଇଛି ବଳଦେବଜୀଉଙ୍କ ଖେଚୁଡ଼ି; ମଇଁଷି ଘିଅ ବ୍ୟବହାର ହେଉନି

କେନ୍ଦୁଝର, ୧୭ା୫ କେନ୍ଦୁଝରର ଆରାଧ୍ୟ ଠାକୁର ଶ୍ରୀ ଶ୍ରୀ ବଳଦେବଜୀଉଙ୍କ ପୀଠକୁ ଘିଅ ପାଇଁ ପାହାଡ଼ର ୮ଟି ସ୍ଥାନରେ ମଇଁଷି ଗୋଠ ଥିଲା। ମଇଁଷି କ୍ଷୀରରୁ ଠାକୁରଙ୍କ ପାଇଁ ଘିଅ ପ୍ରସ୍ତୁତ କରାଯାଉଥିଲା। ବେଲ ବାହାଳି (ଆନନ୍ଦପୁର)ରୁ ଗୁଡ଼ ଓ ମୁଗ ଆସୁଥିଲା ା ଚାରିଗଡ଼ ଅର୍ଥାତ ତେଲକୋଇରୁ ଆସୁଥିଲା ଚାଉଳ। ତ୍ରିଲୋଚନପୁର ଓ ତାଳଗାଁରୁ ଆସୁଥିଲା ବୋଇତାଳୁ ଓ ଅନ୍ୟାନ୍ୟ ସାମଗ୍ରୀ। ଉପରୋକ୍ତ ସାମଗ୍ରୀରେ ଭୋଗ ପ୍ରସ୍ତୁତ ହୋଇ ଠାକୁରଙ୍କୁ ଲାଗି କରାଯାଉଥିଲା। ଏବେ କିନ୍ତୁ ଏହି ପରମ୍ପରାରେ ବ୍ୟତିକ୍ରମ ଘଟିଛି ା ସରକାର ମନ୍ଦିର ଦାୟିତ୍ୱ ନେବା ପରେ ଠାକୁରଙ୍କ ନୀତିକାନ୍ତିରେ ନାନା ସମସ୍ୟା ଉପୁଜିଛି ବୋଲି ଅଭିଯୋଗ ହୋଇଛି ା
ଏ ନେଇ କେନ୍ଦୁଝର ସହର ମାଧପୁର ସାହିର ବରିଷ୍ଠ ନାଗରିକ ଶିବ ପ୍ରସାଦ ମହାନ୍ତି ନିଜ ଅନୁଭୂତିରୁ କୁହନ୍ତି, ହାତଗଣତି କେତେଜଣ ସେବକ ଓ ସେବାୟତଙ୍କ ଦ୍ୱାରା ଶ୍ରୀଜୀଉଙ୍କ ପୂଜାର୍ଚ୍ଚନା ଚାଲିଛି ା ସରକାରୀ କର୍ମଚାରୀଙ୍କ ଦାୟିତ୍ୱହୀନ ପଦକ୍ଷେପ ଯୋଗୁ ଠାକୁରଙ୍କ ନୀତିକାନ୍ତି ଓ ପରିଚାଳନାରେ ନାନା ବିଭ୍ରାଟ ଦେଖା ଦେଇଛି ା ତତ୍କାଳୀନ ରାଜାମାନଙ୍କ ଦ୍ୱାରା ପରିଚାଳିତ ହେଇ ଆସୁଥିବା ଏହି ମନ୍ଦିର ସମ୍ପର୍କରେ ସେ କୁହନ୍ତି, ମୋ ବାପା ଗୋପୀନାଥ ମହାନ୍ତି ଥିଲେ ରାଜାଙ୍କ ଦେଉଳ ଭଣ୍ଡାରର ବିଷୋଇ(ରକ୍ଷକ)। ଭଣ୍ଡାର ଘରର ସବୁ ଚାବି ତାଙ୍କ ପାଖରେ ରହୁଥିଲା ା ସେହି ଚାବିର ଓଜନ ସାତ ସେର ଥିଲା ା ରାଜାଙ୍କର ସେ ଅତି ବିଶ୍ୱସ୍ତ କର୍ମଚାରୀ ଥିଲେ ା ଗଉଡମାନେ ମଇଁଷି ଗୋଠରୁ ଘିଅ ନେଇ ପ୍ରତି ସପ୍ତାହର ଶୁକ୍ରବାର ଆମ ଘରକୁ ଆସନ୍ତି। ସେଦିନ ରାତିରେ ସେମାନେ ଆମ ଘରେ ରୁହନ୍ତି। ହଣ୍ଡା, କଡେଇ, ଚାଉଳ ଆଦି ସାମଗ୍ରୀ ଦେଲେ ସେମାନେ ରୋଷେଇ କରି ଖାଆନ୍ତି। ଶନିବାର ଘିଅ ମାପ ହୁଏ ା ରବିବାର ହାଟୁଆ (ହାଟକୁ ଆସୁଥିବା ପାହାଡିଆ ଲୋକ)ଙ୍କ ସହ ଗଉଡ଼ମାନେ ପୁଣି ପାହାଡକୁ ଫେରିଯାଆନ୍ତି। ସେହି ଘିଅ ବଳଦେବଜୀଉଙ୍କ ମନ୍ଦିରକୁ ଯାଉଥିଲା ା ଠାକୁରଙ୍କ ମଇଁଷି ଗୋଠ ଦେଖାରଖା ପାଇଁ ଜଣେ ସୁପରଭାଇଜର ନିଯୁକ୍ତି ହୋଇଥିଲେ। ଘିଅ ଠିକ ଭାବେ ଠାକୁରଙ୍କ ପାଖରେ ପହଞ୍ଚୁଛି କି ନାହିଁ ତା’ର ସେ ତଦାରଖ କରୁଥିଲେ। ସକାଳେ ଶ୍ରୀଜୀଉଙ୍କ ପାଖରେ ବାଳ ଭୋଗ ହେଉଥିଲା ା ମଧ୍ୟାହ୍ନରେ ଖେଚୁଡି ଭୋଗ ଓ ରାତିରେ କନ୍ଦ କ୍ଷୀରି ଓ କନ୍ଦ କାକରା ଭୋଗ ଲାଗି ହେଉଥିଲା ବୋଲି ସେ କହିଛନ୍ତି। ଏସବୁ ମଇଁଷି ଘିଅରେ ପ୍ରସ୍ତୁତ ହେଉଥିଲା। ଖେଚୁଡ଼ିର ନାମ ସହିତ ସ୍ବାଦ ବି ଅଲଗା ଅଲଗା ଥିଲା ା ଦଳା ଖେଚୁଡି, ଭଜା ଖେଚୁଡି , ବାଟୁଳା ଓ ସାଧା ଭାତ ା ଦଳା ଓ ଭଜା ଖେଚୁଡି ସୁସ୍ବାଦୁ ଥିଲା ା ଦଳା ଖେଚୁଡି ମଝିରେ ମୁଠି ମାରି ଖାଲ କରାଯାଉଥିଲା ା ସେହି ଖାଲକୁ ଘିଅରେ ଭର୍ତ୍ତି କରିଦିଆଯାଉଥିଲା। ଏହି ଦଳା ଖେଚୁଡି ରାଜ୍ୟରେ ବେଶ୍‌ ପ୍ରସିଦ୍ଧି ଲାଭ କରିଥିଲା। ଏବେ ଭୋଗର ମାନ କମିଗଲାଣି ା ସେଭଳି ଭୋଗର ସ୍ବାଦ ମଧ୍ୟ ନାହିଁ ବୋଲି ସେ କୁହନ୍ତି। ଏବେ ବଳଦେବଜୀଉଙ୍କ ଭୋଗ ପ୍ରସ୍ତୁତିରେ ଆଉ ମଇଁଷି ଘିଅ ବ୍ୟବହାର କରାଯାଉନି ା ବଜାରରେ ମିଳୁଥିବା ବିଭିନ୍ନ ଘିଅକୁ ବ୍ୟବହାର କରାଯାଉଛି ବୋଲି ସେ ଅଭିଯୋଗ କରିଛନ୍ତି ା
ଠାକୁରଙ୍କ ବିଭିନ୍ନ ସ୍ଥାନରେ ବହୁ ଏକର ଜମିବାଡି ରହିଛି ା ବେଲବାହାଳିରୁ ଯେଉଁ ଗୁଡ ଓ ମୁଗ ଆସୁଥିଲା ସେସବୁ ଦାନସୂତ୍ରରେ ଭକ୍ତମାନେ ଦେଉଥିଲେ ା ସେହିପରି ଚାରିଗଡରୁ ଚାଉଳ ଓ ଅନ୍ୟାନ୍ୟ ସାମଗ୍ରୀ ଦାନ ସୂତ୍ରରେ ଆସୁଥିଲା ା ଏବେ ମଧ୍ୟ ଭକ୍ତମାନେ ଶ୍ରୀଜୀଉଙ୍କୁ ଦେବାକୁ ଆଗ୍ରହୀ ଅଛନ୍ତି ା ହେଲେ ସେସବୁ ଆଣିବା ଓ ପୂର୍ବ ଭଳି ଭୋଗ ପ୍ରସ୍ତୁତ କରିବାର ଆଗ୍ରହ କାହାର ନାହିଁ ବୋଲି ଶିବ ପ୍ରସାଦ ଅଭିଯୋଗ କରିଛନ୍ତି। ବରିଷ୍ଠ ସେବାୟତ ନବକିଶୋର ସାହୁଙ୍କୁ ପଚରାଯିବାରୁ ସେ କହିଛନ୍ତି ଯେ, ପୂର୍ବରୁ ଯେଉଁମାନର ଭୋଗ ଠାକୁରଙ୍କୁ ଲାଗି ହେଉଥିଲା ଏବେ ତା’ ମିଳୁନାହିଁ। ଏଥିପାଇଁ ମନ୍ଦିର ପ୍ରଶାସନର ଆନ୍ତରିକତା ଥିବା ମନେ ହୁଏନାହିଁ। ଭୋଗର ମାନକୁ ବ୍ରହ୍ମା ଓ ବଡ଼ପଣ୍ଡା ତଦାରଖ କରୁଛନ୍ତି। ଏବେ ଗାଈ ଘିଅରେ ଭୋଗ ପ୍ରସ୍ତୁତ ହେଉଥିବାବେଳେ ମନ୍ଦିର ସଂସ୍କାର କାର୍ଯ୍ୟ ସର୍ବସମ୍ମତିରେ ଚାଲିଛି ବୋଲି କେନ୍ଦୁଝର ଉପଜିଲାପାଳ ସୋମନାଥ ପ୍ରଧାନ କହିଛନ୍ତି।

(ନରେଶ ପଟ୍ଟନାୟକ)


All Right Reserved By Dharitri.Com

କାର୍‌ ଓଲଟିଲା, ୫ ଗୁରୁତର

ସୋର, ୨୬।୧୦(ଡି.ଏନ.ଏ.): ବାଲେଶ୍ୱର ଜିଲା ସୋର ୧୬ନଂ. ଜାତୀୟ ରାଜପଥ ଦହିସଡ଼ାଠାରେ ଶନିବାର ଅପରାହ୍ନ ସମୟରେ ଏକ କାର୍‌ (ନଂ. କେଏ୦୩ଏମ୍‌ଏକ୍ସ-୩୮୭୩) ଭାରସାମ୍ୟ ହରାଇ ରାସ୍ତାକଡ଼କୁ...

‘ଫକୀରମୋହନ ଥିଲେ ଓଡ଼ିଆ ଭାଷାର ପ୍ରାଣପ୍ରତୀମ’

ବାଲେଶ୍ୱର ଅଫିସ, ୧୫।୧- ବାଲେଶ୍ୱର ସହର ଶାନ୍ତିକାନନ ପରିସରରେ ଓଡ଼ିଆ ଭାଷାର ପ୍ରାଣପ୍ରତୀମ ବ୍ୟାସକବି ଫକୀରମୋହନ ସେନାପତିଙ୍କ ୧୧୮ ତମ ଜୟନ୍ତୀ ସମାରୋହ ମଙ୍ଗଳବାର ସନ୍ଧ୍ୟାରେ...

ସ୍ବଳ୍ପ ବୃଷ୍ଟିପାତ: ଆଗେଇ ପାରୁନି ଚାଷ କାମ

ବନ୍ତ, ୨୩।୭ (ଡି.ଏନ.ଏ.) – ଚଳିତ ଖରିଫ ଋତୁରେ କମ୍‌ ବୃଷ୍ଟିପାତ ଯୋଗୁ ବନ୍ତ ବ୍ଲକର ଶହ ଶହ ଏକର ଜମି ଏବେ ଶୁଖିଲା ପଡ଼ିଛି।...

ନଳକୂପରୁ ବାହାରୁଛି ଲୁଣାପାଣି : ପାନୀୟ ଜଳ ପାଇଁ ବିଡିଓଙ୍କୁ ଘେରିଲେ ମହିଳା

ବାସୁଦେବପୁର, ୨୯।୬ (ଡି.ଏନ.ଏ.) – ଭଦ୍ରକ ଜିଲା ବାସୁଦେବପୁର ବ୍ଲକ ଅଧୀନ ସାନକୃଷ୍ଣପୁର ପଞ୍ଚାୟତ ତେନ୍ତୁଳିଆଡିଆ ଗ୍ରାମ ସମୁଦ୍ର ତଟବର୍ତ୍ତୀ ଅଞ୍ଚଳ। ଏହି ଗ୍ରାମବାସୀ ପାନୀୟ...

୮ମ ରାଉଣ୍ଡ: ବିଜେଡି ପ୍ରାର୍ଥୀ ଆଗରେ

ଖଇରା, ୨୩।୫(ଡି.ଏନ.ଏ.)-ସିମୁଳିଆ ନିର୍ବାଚନମଣ୍ଡଳୀରେ ୮ମ ରାଉଣ୍ଡ ସୁଦ୍ଧା ବିଜେଡି ବିଧାୟକ ପ୍ରାର୍ଥୀ ଜ୍ୟୋତି ପ୍ରକାଶ ପାଣିଗ୍ରାହୀ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ଭାଜପାର ପଦ୍ମଲୋଚନ ପଣ୍ଡାଙ୍କଠାରୁ ୩୨୯୧ଖଣ୍ଡ...

କେନ୍ଦୁଝରରେ ଥମୁନି କଳା ପଲ୍‌ସର ଆତଙ୍କ: ପାଟଣାରେ ଦୁର୍ବୃତ୍ତ ଲୁଟି ନେଲେ ୧ ଲକ୍ଷ ୯୩ ହଜାର ଟଙ୍କା, ଲୁଟେରାଙ୍କ ଟେର୍‌ ପାଉନି ପୋଲିସ

ପାଟଣା,୧୧।୬(ସ୍ବ.ପ୍ର.): କେନ୍ଦୁଝର ଜିଲାର ବିଭିନ୍ନ ଅଞ୍ଚଳରେ ଥମୁନି କଳା ପଲ୍‌ସର ଆତଙ୍କ। ବିଶେଷକରି ପର୍ବ ପର୍ବାଣୀ ସମୟରେ ଲୁଟେରା ଗ୍ୟାଙ୍ଗ ସକ୍ରିୟ ହୋଇ ବିଭିନ୍ନ ଅଞ୍ଚଳରେ...

୯୭ ଖଣିରେ ୧୪୪ ଧାରା ଜାରି କଲା ପ୍ରଶାସନ

ଖଇରା, ୯।୧୧(ଡି.ଏନ.ଏ.)-ଜାତୀୟ ଗ୍ରୀନ ଟ୍ରିବ୍ୟୁନାଲର ନାଲି ଆଖି ପରେ ବାଲେଶ୍ୱର ଜିଲା ଖଇରା ତହସିଲ ଅଧୀନ ଶରୀଶୁଆ ପାହାଡରେ ଶୁକ୍ରବାର ପ୍ରଶାସନ ପକ୍ଷରୁ ୯୭ଟି ଖଣି...

ସରିଲା ‘ସାଗରକବଚ’

ରୂପ୍‌ସା, ୧୯।୯(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ଅନ୍ତର୍ଗତ ବାହାବଳପୁର ଓ ବଳରାମଗଡ଼ି ନିକଟ ସମୁଦ୍ରରେ ୨ଦିନ ବ୍ୟାପୀ ଅନୁଷ୍ଠିତ ତଟ ସୁରକ୍ଷା ସମରାଭ୍ୟାସ ‘ସାଗରକବଚ’ ଗୁରୁବାର ଶେଷ...

Leave a comment

Your email address will not be published. Required fields are marked *