ବିଶ୍ୱବିଦ୍ୟାଳୟ ଘୋଷଣା ବର୍ଷରେ ଅର୍ଥନୀତି: ଏମ୍‌.ଫିଲ୍‌ ପାଠ୍ୟକ୍ରମ ବନ୍ଦ

ବଲାଙ୍ଗୀର ଅଫିସ, ୪ା୮-ଏହାକୁ ବିଡମ୍ବନା କୁହାଯିବ କି ଆଉ କ’ଣ। ରାଜେନ୍ଦ୍ର ସ୍ବୟଂଶାସିତ କଲେଜକୁ ବିଶ୍ୱବିଦ୍ୟାଳୟ ଘୋଷଣା କରାଯିବାର ମାସ କେଇଟା ପରେ ଏହି କଲେଜରୁ ଅର୍ଥନୀତି ବିଭାଗର ଏମ୍‌ଫିଲ ପାଠ୍ୟକ୍ରମ ବନ୍ଦ ହୋଇଯିବା ଘଟଣା ସରକାରଙ୍କ ବିଚିତ୍ର ଶିକ୍ଷାନୀତିକୁ ପ୍ରତିଫଳିତ କରୁଛି ା ଏଭଳି ଘଟଣାକୁ କଲେଜ ଛାତ୍ରୀଛାତ୍ର ଓ ବଲାଙ୍ଗୀରବାସୀ ବିଶ୍ୱାସ କରିପାରୁ ନାହାନ୍ତି ା ତେବେ ଘଟଣାଟି ସତ ା ରାଜେନ୍ଦ୍ର କଲେଜରେ ଅର୍ଥନୀତି ବିଭାଗରେ ଜଣେ ହେଲେ ସ୍ଥାୟୀ ଅଧ୍ୟାପକ ନଥିବାରୁ ଏହି କଲେଜରେ ଚଳିତବର୍ଷ ଅର୍ଥନୀତି ଏମ୍‌ଫିଲ ପାଠ୍ୟକ୍ରମ ବନ୍ଦ ହୋଇଯାଇଛି ା ଏହାକୁ ନେଇ ଛାତ୍ରୀଛାତ୍ର, ଅଭିଭାବକ ଓ ଶିକ୍ଷାପ୍ରେମୀ ମହଲରେ ଚିନ୍ତା ପ୍ରକଟ କରାଯାଇଛି ା
ପଶ୍ଚିମ ଓଡିଶାର ସର୍ବପୁରାତନ ଏବଂ ସମଗ୍ର ରାଜ୍ୟରେ ଏକ ପ୍ରମୁଖ ଶିକ୍ଷାନୁଷ୍ଠାନ ଭାବେ ସ୍ବୀକୃତିଲାଭ କରିଥିତ୍ବା ରାଜେନ୍ଦ୍ର କଲେଜ ଏବେ ବିଭିନ୍ନ ସମସ୍ୟା ଦେଇ ଗତି କରୁଛି ା ରାଜେନ୍ଦ୍ର ସ୍ବୟଂଶାସିତ କଲେଜରେ ଅଧ୍ୟାପକ ଅଭାବଜନିତ ସମସ୍ୟା ଯୋଗୁଁ ଶୈକ୍ଷିକ ବାତାବରଣ ପ୍ରଭାବିତ ହେଉଛି ା କଲେଜରେ ୭୫ଟି ଅଧ୍ୟାପକ ପଦବୀରୁ ୪୩ଟି ପଦବୀ ଖାଲି ପଡିଛି ା ମାତ୍ର ୩୨ଟି ଅଧ୍ୟାପକରେ ଏହି କଲେଜ ଏବେ ଚାଲିଛି ା ସେଥିମଧ୍ୟରୁ ଅର୍ଥନୀତି ବିଭାଗରେ ୬ଟି ପଦବୀରେ ଜଣେ ବି ଅଧ୍ୟାପକ ନାହାନ୍ତି ା ଶିକ୍ଷା ବିଭାଗରେ ଅଧ୍ୟାପକ ନାହାନ୍ତି ା ଇଂରାଜୀ ବିଭାଗରେ ୬ଟିରୁ ୨ଟି ଅଧ୍ୟାପକ ରହିଛନ୍ତି ା ଗଣିତରେ ୩ଟିରୁ ଜଣେ ଅଧ୍ୟାପକ ଅଛନ୍ତି ା ରସାୟନ ବିଜ୍ଞାନରେ ୮ଟି ପଦବୀରୁ ୪ଟି ଖାଲି ପଡିଛି ା ପଦାର୍ଥ ବିଜ୍ଞାନ ବିଭାଗରେ ୭ଟିରୁ ୨ଟି ଅଧ୍ୟାପକ ଅଛନ୍ତି ା ଏଭଳି ପ୍ରାୟ ସବୁ ବିଭାଗରେ ପଦବୀ ଖାଲିପଡିଛି ା କଲେଜରେ ସ୍ଥାୟୀ ଅଧ୍ୟକ୍ଷ ନାହାନ୍ତି ା ଏହା ସହିତ ଅଣଶିକ୍ଷା କର୍ମଚାରୀରେ ୮୨ ପଦବୀରୁ ୩୫ ପଦବୀ ଖାଲି ପଡିଛି ା ଏଭଳି ସ୍ଥିତିରେ ଛାତ୍ରୀଛାତ୍ରଙ୍କ ପାଠପଢ଼ାରେ ଅତିଥି ଅଧ୍ୟାପକ ହିଁ ସାହାଭରସା ସାଜିଛନ୍ତି ା ଅର୍ଥନୀତି ଏମ୍‌ଫିଲ ପାଠ୍ୟକ୍ରମ ବନ୍ଦ ହୋଇଯିବା ପରେ ପୁରାତନ ଛାତ୍ର ଡ. ବିପିନ କୁଶଲିଆଙ୍କ ଭିଆଇପି ପାର୍ଟି ଓ ଅଲ୍‌ ଇଣ୍ଡିଆ ଡେମୋକ୍ରେଟିକ୍‌ ଷ୍ଟୁଡେଣ୍ଟ ଅର୍ଗାନାଇଜେସନ୍‌ (ଏଆଇଡିଏସ୍‌ଓ) ତରଫରୁ କଲେଜ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଅଧ୍ୟକ୍ଷଙ୍କ ଜରିଆରେ ଉଚ୍ଚଶିକ୍ଷା ବିଭାଗ ମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରିଥିଲେ ା ଏହି କଲେଜର ରାଜନୀତି ବିଭାଗ, ଇତିହାସ ଓ ବାଣିଜ୍ୟ ବିଭାଗ ଏମଫିଲ ପାଠ୍ୟକ୍ରମ ମଧ୍ୟ ସଙ୍କଟାପନ୍ନ ଅବସ୍ଥାରେ ଥିତ୍ବା ଲେଖିଛନ୍ତି ା ଚଳିତବର୍ଷ ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ରାଜେନ୍ଦ୍ର କଲେଜକୁ ବିଶ୍ୱବିଦ୍ୟାଳୟଭାବେ ଉନ୍ନୀତ କରାଯିବା ନେଇ ସରକାର ସକରାତ୍ମକ ଚିନ୍ତା କରୁଥିତ୍ବା ବଲାଙ୍ଗୀର ଗସ୍ତରେ ଆସି ଘୋଷଣା କରିଥିଲେ ା ଏହାପରେ ମାର୍ଚ୍ଚ ୨ ତାରିଖରେ ଉଚ୍ଚଶିକ୍ଷା ପକ୍ଷରୁ ନୋଟିସ୍‌ ଜାରି କରି ସମ୍ବଲପୁର ବିଶ୍ୱବିଦ୍ୟାଳୟର ସୀମା ବିଭକ୍ତିକରଣ କରାଯାଇ ରାଜେନ୍ଦ୍ର ବିଶ୍ୱବିଦ୍ୟାଳୟ ଭାବେ ଏକ ନୂଆ ବିଶ୍ୱବିଦ୍ୟାଳୟ ଘୋଷଣା କରାଯାଇଥିଲା। ଏଭଳି ଘୋଷଣା ପରେ ବଲାଙ୍ଗୀରର ଛାତ୍ରୀଛାତ୍ର, ଜନସାଧାରଣ ଖୁସି ବ୍ୟକ୍ତ କରିଥିଲେ ା ତେବେ ନିର୍ବାଚନ ପରେ ସରକାରଙ୍କ ଏହି ଘୋଷଣା ସାଇନ୍‌ ବୋର୍ଡରେ ସୀମିତ ହୋଇଯାଇଛି ା ରାଜେନ୍ଦ୍ର କଲେଜକୁ କ୍ରମାଗତ ଭାବେ ଅବହେଳା କରାଯିବାରୁ ଏହି ପ୍ରମୁଖ ଶିକ୍ଷାନୁଷ୍ଠାନଟି ଏବେ ମୁମୂର୍ଷୁ ଅବସ୍ଥାରେ ଗତି କରୁଛି ା ଏହି ଶିକ୍ଷାନୁଷ୍ଠା ଚଳିତବର୍ଷ ୭୫ ବର୍ଷରେ ପଦାର୍ପଣ କରିସାରିଛି ା ଏହି ବର୍ଷରେ ସରକାର ଜିଲାବାସୀଙ୍କୁ ବିଶ୍ୱବିଦ୍ୟାଳୟ ଉପହାର ନଦେଇ ଘୋଷଣା ସତ୍ତ୍ୱେ ଏହା ଆଗାମୀ ବର୍ଷରେ ଯାଇ କାର୍ଯ୍ୟ କରିବ ବୋଲି କହିଲେଣି ା ଏଭଳି ସମୟରେ ବଲାଙ୍ଗୀରବାସୀ ୭୫ ବର୍ଷର ପ୍ଳାଟିନମ୍‌ ଜୁବଲିକୁ ନେଇ ଉତ୍ସବ ପାଳନ କରିବେ ନଁା କଲେଜର ଅଧ୍ୟାପକ ଅଭାବଜନିତ ସମସ୍ୟାକୁ ପ୍ରଥମେ ସମାଧାନ କରିବେ ସେଇ ଚିନ୍ତାରେ ପଡିଛନ୍ତି ା ଏସବୁ ଅବସ୍ଥାକୁ ଦେଖି ଛାତ୍ରୀଛାତ୍ର ଓ ଅଭିଭାବକ ସବୁଠୁ ବେଶୀ ଚିନ୍ତାରେ ପଡିଛନ୍ତି ା


All Right Reserved By Dharitri.Com

ଦେଶୀ ଆମ୍ବ ଏବେ ଅଲୋଡ଼ା

କେନ୍ଦୁଝର,୨୮।୫(ସ୍ବ.ପ୍ର.)-ଏକଦା କେନ୍ଦୁଝର ଜିଲାର ଦେଶୀ ଆମ୍ବର ଅଧିକ ଚାହିଦା ରହିଥିଲା। ଆଦିବାସୀମାନେ ବଣ ପାହାଡ଼ ବୁଲି ଏହାକୁ ସଂଗ୍ରହ କରୁଥିଲେ। ଏଣୁ ଜିଲାରୁ ଦେଶୀ ଆମ୍ବ...

ସୁବିଧାଠାରୁ ବହୁ ଦୂରରେ ଯୋଡ଼ା ବସ୍‌ଷ୍ଟାଣ୍ଡ

0ଯୋଡ଼ା,୨୮।୫(ଡି.ଏନ.ଏ.)-କେନ୍ଦୁଝର ଜିଲା ଯୋଡ଼ା ସହର ବସ୍‌ଷ୍ଟାଣ୍ଡର ସ୍ଥିତି ଦିନକୁ ଦିନ ସଙ୍ଗିନ ହୋଇପଡ଼ୁଥିବା ବେଳେ ଏହି ବସ୍‌ଷ୍ଟାଣ୍ଡ ପ୍ରତି ଯୋଡ଼ା ପୌରପାଳିକା କିମ୍ବା ଜିଲା ପ୍ରଶାସନ...

ମା’ଙ୍କ ଅନ୍ତିମ ସଂସ୍କାରରେ ଯୋଗ ଦେବାକୁ ଜେଲ୍‌ରୁ ବାହାରିଲେ ପୁଞ୍ଜିଲାଲ୍‌

ବଲାଙ୍ଗୀର ଅଫିସ,୧୨।୧: ବହୁଚର୍ଚ୍ଚିତ ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାର ଅଭିଯୁକ୍ତ ପୁଞ୍ଜିଲାଲ ମେହେରଙ୍କ ମା’ ଇନ୍ଦୁମତୀ ମେହେର(୭୨)ଙ୍କ ଶୁକ୍ରବାର ରାତିରେ ବଲାଙ୍ଗୀର ଭୀମଭୋଇ ମେଡିକାଲ...

ରାସ୍ତାକଡ଼ରେ ଡିମିରି ଫଳର ପସରା

କେନ୍ଦୁଝର,୨୮।୫(ସ୍ବ.ପ୍ର.)-ବନବାସୀ ବର୍ଷ ତମାମ ଜଙ୍ଗଲ ଉପରେ ନିର୍ଭର କରି ବିଭିନ୍ନ ପ୍ରକାରର ଫଳମୂଳ ଓ କୋଳି ଆଦି ସଂଗ୍ରହ କରିଥାନ୍ତି। ଖରାଦିନେ ଗଛରେ ଡିମିରି ଫଳ...

ସୁଦର୍ଶନଙ୍କୁ ଇଟାଲିଆନ ଗୋଲ୍ଡେନ ସ୍ୟାଣ୍ଡ ଆର୍ଟ ଆୱାର୍ଡ

ପୁରୀ ଅଫିସ,୧୭।୧୧: ଅନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକଙ୍କୁ ମିଳିଛି ଇଟାଲିଆନ ଗୋଲ୍ଡେନ ସ୍ୟାଣ୍ଡ ଆର୍ଟ ଆୱାର୍ଡ। ଇଟାଲୀର ରାଜଧାନୀ ରୋମ୍‌ରେ ଅନୁଷ୍ଠିତ ବିଶ୍ୱସ୍ତରୀୟ...

ଜୟପୁରରେ ଭାଜପାର ସିଏଏକୁ ସମର୍ଥନ ରାଲି: ଯୋଗ ଦେଲେ ରୂପା ଗାଙ୍ଗୁଲୀ

ଜୟପୁର,୨୨।୧(ଡି.ଏନ୍‌.ଏ.): ଦୁଇ ଦିନିଆ ଓଡ଼ିଶା ଗସ୍ତରେ ଆସିଥିବା ରାଜ୍ୟ ସଭା ଏମ୍‌ପି ରୂପା ଗାଙ୍ଗୁଲୀ ବୁଧବାର କୋରାପୁଟ ଜିଲା ଜୟପୁର ଯାତ୍ରା କରିଛନ୍ତି। ସେଠାରେ ନାଗରିକତ୍ୱ...

ପାଉଁଶ ପ୍ରଦୂଷଣ

ଜିଲାରେ କୋଇଲାକୁ ଜାଳେଣି ଭାବେ ବ୍ୟବହାର କରୁଥିବା ଅନେକ ଶିଳ୍ପାନୁଷ୍ଠାନ ରହିଛି। ଏହି ଶିଳ୍ପାନୁଷ୍ଠାନରୁ ପ୍ରତିଦିନ ରାସାୟନିକ ମିଶ୍ରିତ ଶହ ଶହ ଟନ ପାଉଁଶ (ଫ୍ଲାଏଆଶ୍‌)...

ସଡ଼କ ସୁରକ୍ଷା ସଚେତନତା କାର୍ଯ୍ୟକ୍ରମ

କୋକସରା,୨୨।୯(ଡି.ଏନ.ଏ.) କଳାହାଣ୍ଡି ଜିଲା କୋକସରା ବ୍ଲକ ଆମପାଣି ଥାନା ପକ୍ଷରୁ ଥାନା ଅଧିକାରୀ ପୁଷ୍ପାଞ୍ଜଳି ନେଗୀଙ୍କ ନେତୃତରେ ସଡକ ସୁରକ୍ଷା ନେଇ ସଚେତନତା କାର୍ଯ୍ୟକ୍ରମ ଶନିବାର...

Leave a comment

Your email address will not be published. Required fields are marked *