ଦୁର୍ଦ୍ଦିନରେ କଳିଙ୍ଗନଗର ଶିଳ୍ପାଞ୍ଚଳ: ବିକ୍ରି ଅପେକ୍ଷାରେ ନୀଳାଚଳ, ରୋହିତ

ଯାଜପୁର ଅଫିିସ, ୪ା୮: ଯାଜପୁର ଜିଲା କଳିଙ୍ଗନଗର ଶିଳ୍ପାଞ୍ଚଳକୁ ଷ୍ଟିଲ ହବ୍‌ ଭାବେ ପରିଣତ କରିବାକୁ ରାଜ୍ୟ ସରକାର ସ୍ବପ୍ନ ଦେଖୁଛନ୍ତି। ଏହାବାଦ ମଧ୍ୟମ ଧରଣର ଶିଳ୍ପ ପ୍ରତିଷ୍ଠା ପାଇଁ ସରକାର ଇତିମଧ୍ୟରେ ୨ଥର ମେକ୍‌ ଇନ୍‌ ଓଡ଼ିଶା କନକ୍ଲେଭ ଆୟୋଜନ କରି ଶିଳ୍ପ ସଂସ୍ଥାଗୁଡିକୁ ପୁଞ୍ଜି ବିନିଯୋଗ କରିବାକୁ ଆହ୍ବାନ ଦେଉଥିଲେ ହେଁ ସେମାନେ ପଛଘୁଞ୍ଚା ଦେଉଛନ୍ତି । ଅନ୍ୟପକ୍ଷେ କଳିଙ୍ଗନଗର ଶିଳ୍ପାଞ୍ଚଳର ୮ଟି ବୃହତ ଶିଳ୍ପ କାରଖାନା ଆର୍ଥିକ ଦୁର୍ବଳ ଅବସ୍ଥାକୁ ଚାଲି ଆସିଛି । ସୁସ୍ଥ ଶିଳ୍ପାୟନ ବାତାବରଣ ସୃଷ୍ଟି କରିବାରେ କାହାରି ଆନ୍ତରିକତା ନ ଥିବା ମନେ ହେଉଛି। କଞ୍ଚାମାଲ ଦର ବୃଦ୍ଧି, ମାନ୍ଦାବସ୍ଥା, ପରିବହନ ଖର୍ଚ୍ଚ ସମେତ ବିଦ୍ୟୁତ, ଶ୍ରମ ସାମର୍ଥ୍ୟ ଓ ବିଭିନ୍ନ ଚାନ୍ଦା ଆଦି କାରଣ ଯୋଗୁ ବିକ୍ରି ଦର ତୁଳନାରେ ଖର୍ଚ୍ଚ ଅଧିକ ହେଉଥିବା ଶିଳ୍ପ କର୍ତ୍ତୃପକ୍ଷ ଯୁକ୍ତି ବାଢୁଛନ୍ତି। ଗତ ୪ ବର୍ଷ ଧରି ନୀଳାଚଳ ଇସ୍ପାତ ନିଗମ ଲିଃ(ଏନ୍‌ଆଇଏନ୍‌ଏଲ) ୨୦୧୦ କୋଟି ଟଙ୍କା କ୍ଷତିରେ ଚାଲୁଥିବାବେଳେ ରୋହିତ ଫେରୋଟେକ୍‌ ମଧ୍ୟ ଗତ ୩ବର୍ଷ ଧରି କୋଟି କୋଟି ଟଙ୍କା କ୍ଷତି ସହିବାରେ ଲାଗିଛି। ରାଜ୍ୟର ଅନ୍ୟ କେତେକ ସ୍ଥାନରେ ଶିଳ୍ପ ସୁରୁଖୁରୁରେ ଚାଲିଥିବାବେଳେ କଳିଙ୍ଗନଗରରେ କାହିଁକି ବ୍ୟତିକ୍ରମ ଘଟୁଛି ସେ ନେଇ ସମୀକ୍ଷାର ବେଳ ଆସିଛି ବୋଲି ମତପ୍ରକାଶ ପାଇଛି। ଆରପିଡିଏସ୍‌ସି ବୈଠକ ପାଇଁ ସମୀକ୍ଷା ଚାଲିଥିବାବେଳେ ଏନ୍‌ଆଇଏନ୍‌ଏଲ ଓ ରୋହିତ ଫେରୋଟେକ ବିକ୍ରି ଅପେକ୍ଷାରେ ରହିଥିବା ଚର୍ଚ୍ଚା ହେଉଛି। କେଜେ ଇସ୍ପାତ, ମଇଥାନ ଷ୍ଟିଲ, ୟାଜଦାନି, ଯାଜପୁରରୋଡ ଫେରୋକ୍ରୋମ କାରଖାନା ବନ୍ଦ ପଡିଛି। ଜିନ୍ଦଲ ଷ୍ଟେନଲେସ ଷ୍ଟିଲ, ମଇଥାନ ଷ୍ଟିଲ ଓ ଭିସା ଷ୍ଟିଲ ସିଡିଆର(କର୍ପୋରେଟ ଋଣ ପୁନର୍ଗଠନ) ହୋଇଥିବାବେଳେ ମେସ୍କୋ ଷ୍ଟିଲ କାରଖାନା ଆର୍ଥତ୍କ ଦୁରାବସ୍ଥାର ସମ୍ମୁଖୀନ ହୋଇଛନ୍ତି। ଏହିକ୍ରମରେ କଳିଙ୍ଗନଗର ଶିଳ୍ପାଞ୍ଚଳରେ ଗତ ୩ବର୍ଷ ମଧ୍ୟରେ ୪୦ ହଜାରରୁ ଊର୍ଦ୍ଧ୍ୱ ଶ୍ରମିକ ଓ କର୍ମଚାରୀ ଛଟେଇ ହୋଇ ସାରିଛନ୍ତି । ତେଣୁ ସରକାର ଏଥିପ୍ରତି ଅଧିକ ଧ୍ୟାନ ନ ଦେଲେ କଳିଙ୍ଗନଗର ଶିଳ୍ପାଞ୍ଚଳରେ ହାତଗଣତି ଶିଳ୍ପ ରହିଯିବ ବୋଲି ମତପ୍ରକାଶ ପାଉଛି।
ମଧ୍ୟମ ଉଦ୍ୟୋଗ ଶିଳ୍ପ ସମ୍ପର୍କରେ ଜିଲା ଶିଳ୍ପକେନ୍ଦ୍ର ପାଖରେ କୌଣସି ଖବର ନାହିଁ। ଚଳିତ ବିଧାନସଭାରେ ବିଧାୟକ ଚକ୍ରମଣି କହଁର ପଚାରିଥିବା ତାରକା ଚିହ୍ନିତ ପ୍ରଶ୍ନସଂଖ୍ୟା ୧୬୬୧ର ଉତ୍ତରରେ କଳିଙ୍ଗନଗର ଆଞ୍ଚଳିକ ଶିଳ୍ପକେନ୍ଦ୍ରର ସାଧାରଣ ପରିଚାଳକ ଆହୁରି ଦର୍ଶାଇଛନ୍ତି ଯେ, ଜିଲାରେ କେଉଁ ମଧ୍ୟମ ଉଦ୍ୟୋଗର ଆବଶ୍ୟକତା ଅଛି, ବିଗତ ଦିନରେ ୨ଥର ମେକ୍‌ ଇନ୍‌ ଓଡ଼ିଶା କନକ୍ଲେଭରେ କେତୋଟି ଉଦ୍ୟୋଗ କେଉଁ ସ୍ଥାନରେ ପ୍ରତିଷ୍ଠା କରିବା ପାଇଁ ରାଜି ହୋଇଥିଲେ ତାହାର କିଛି ତଥ୍ୟ ନାହିଁ। ଏପରିକି କେଉଁ ଉଦ୍ୟୋଗ କେଉଁଠାରେ କାମ ଆରମ୍ଭ କଲେଣି ଓ କେତେ ପୁଞ୍ଜି ରାଜ୍ୟକୁ ଆସିଛି, କେତେ ନିଯୁକ୍ତି ସୁଯୋଗ ସୃଷ୍ଟି ହୋଇଛି ବା ହେବାର ଅଛି ଏହାର କୌଣସି ସୂଚନା କଳିଙ୍ଗନଗର ଆଞ୍ଚଳିକ ଶିଳ୍ପକେନ୍ଦ୍ର ପାଖରେ ନାହିଁ। ଯଦି ଏହି ଉତ୍ତରରେ ସତ୍ୟତା ରହିଛି ତେବେ ଏହାର ଅର୍ଥ କଳିଙ୍ଗନଗର ଶିଳ୍ପାଞ୍ଚଳରେ କୌଣସି ମଧ୍ୟମ ଉଦ୍ୟୋଗ ଆଗ୍ରହ ପ୍ରକାଶ କରିନାହାନ୍ତି। ତେଣୁ କେଉଁ କାରଣରୁ କଳିଙ୍ଗନଗର ଶିଳ୍ପାଞ୍ଚଳ ପ୍ରତି ଶିଳ୍ପପତିମାନେ ଆଗ୍ରହ ପ୍ରକାଶ କରୁନାହାନ୍ତି ସେ ନେଇ ବିତର୍କର ଆବଶ୍ୟକତା ରହିଛି। ଏଠାରେ ଲାଭରେ ହ୍ରାସ ଘଟୁଥିବାରୁ ଦେଶର କର୍ପୋରେଟ ସେକ୍ଟର ସମୂହ ସେମାନଙ୍କ ଆଗାମୀ ପୁଞ୍ଜି ନିବେଶ ଯୋଜନାକୁ ସାମୟିକ ସ୍ଥଗିତ ରଖିଥିବା ଏଥିରୁ ସ୍ପଷ୍ଟ ହୋଇଛି। ଏହାସହ ଯେଉଁ ଶିଳ୍ପ କାରଖାନା ଚାଲିଛି ସେଠାରେ କେବଳ କର୍ମଚାରୀ ଛଟେଇ ଅର୍ଥନୈତିକ ଅସ୍ଥିରତାରେ ସହଯୋଗ କରିବ ତାହା ନୁହେଁ, ବରଂ ସାମାଜିକ ଅସ୍ଥିରତାର ମୂଳଦୁଆକୁ ଆହୁରି ମଜବୁତ କରିଛି ା ସମସ୍ୟା ବଢିଲାଣି, କର୍ମଚାରୀ ବିଦା ହୋଇଚାଲିଲେ ଅର୍ଥନୀତି ରୁଗ୍‌ଣ ହେବ ଏଥିରେ ସନ୍ଦେହ ନାହିଁ। ଏଥିଯୋଗୁ ପାରିପାର୍ଶ୍ୱିକ ବିକାଶ କାର୍ଯ୍ୟକ୍ରମ ମଧ୍ୟ ପ୍ରଭାବିତ ହେଉଛି। କାରଖାନା ଯୋଗୁ ବିସ୍ଥାପିତ ଓ ପ୍ରଭାବିତ ଲୋକଙ୍କ ମଧ୍ୟରେ ଅସନ୍ତୋଷ ବୃଦ୍ଧି ଘଟିଛି । ଏହି କାରଣରୁ ଶୁକ୍ରବାର ଆରପିଡିଏସିର ସମୀକ୍ଷା ବୈଠକ କଳିଙ୍ଗନଗର କିମ୍ବା ଯାଜପୁର ଜିଲାରେ ନ ହୋଇ କଟକ ଆରଡିସି କାର୍ଯ୍ୟାଳୟରେ ହୋଇଥିବା ଆଲୋଚନା ହେଉଛି ା ଏ ସଂକ୍ରାନ୍ତରେ କଳିଙ୍ଗନଗର ଅତିରିକ୍ତ ଜିଲାପାଳ ସନ୍ତୋଷ କୁମାର ମିଶ୍ରଙ୍କୁ ପଚାରିବାରେ, ଆରପିଡିଏସି ସମୀକ୍ଷା ବୈଠକ ଆରଡିସି କାର୍ଯ୍ୟାଳୟରେ କରିବାକୁ ଆରଡିସି ନିଷ୍ପତ୍ତି ନେଇଥିଲେ। ତେବେ ଆରପିଡିଏସି ବୈଠକ କଳିଙ୍ଗନଗର ଶିଳ୍ପାଞ୍ଚଳରେ ଅୟୋଜିତ ହେବ ବୋଲି କହିଛନ୍ତି।


All Right Reserved By

ଅଭିଯୁକ୍ତଙ୍କୁ ଗିରଫ କରିବାର ନାଁ ଧରୁନି ପୋଲିସ: ପୀଡିତାଙ୍କ ପରିବାରକୁ ହତ୍ୟା ଧମକ

ବିଞ୍ଝାରପୁର,୧୨।୧୦(ଡି.ଏନ.ଏ): ରାଜ୍ୟ ସରକାର ମୋ ସରକାର ଯୋଜନାର ସଫଳତା ପାଇଁ ଦିନ ରାତି ଏକ କରିଦେଇଛନ୍ତି। ହେଲେ ବିଞ୍ଝାରପୁର ଥାନା ଅଞ୍ଚଳରେ ଜଣେ ବଳାତ୍କାର ଓ...

୬୫ତମ ଜିଲାସ୍ତରୀୟ କ୍ରୀଡ଼ା ପ୍ରତିଯୋଗିତା ଉଦ୍‌ଘାଟିତ

ଧର୍ମଶାଳା/ଜେନାପୁର,୨୦-୯(ଡି.ଏନ୍‌.ଏ.)- ଯାଜପୁର ଜିଲା ଧର୍ମଶାଳା ବ୍ଲକ ଅଧୀନ ଜେନାପୁର ନୋଡ଼ାଲ ଉଚ୍ଚ ବିଦ୍ୟାଳୟ ପରିସରରେ ଗୁରୁବାର ୬୫ତମ ଜିଲାସ୍ତରୀୟ ବିଦ୍ୟାଳୟ ସମୂହ କ୍ରୀଡ଼ା ପ୍ରତିଯୋଗିତା ଉଦ୍‌ଘାଟିତ...

ଜାରକା ବଜାର ଉଛେଦ ପ୍ରକ୍ରିୟା ଆରମ୍ଭ

ଧର୍ମଶାଳା ୧୭ା୮(ଡି.ଏନ୍‌.ଏ.)- ଧର୍ମଶାଳା ତହସିଲ ଅନ୍ତର୍ଗତ ୧୬ନମ୍ବର ଜାତୀୟ ରାଜପଥ ପ୍ରସସ୍ଥିକରଣ ପାଇଁ ଜାରକା ବଜାର ଉଭୟ ପାର୍ଶ୍ୱରେ ବେଆଇନ ଭାବେ ନିର୍ମିତ ଦୋକାନଗୁଡିକୁ ତହସିଲ...

ମା’ ବିରଜାଙ୍କ ଦୁର୍ଗୋତ୍ସବ ପାଇଁ ପ୍ରସ୍ତୁତି

ଯାଜପୁର ଟାଉନ,୧୨।୯(ଡିଏନଏ): ଯାଜପୁରର ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କର ଚଳିତ ବର୍ଷ ପାର୍ବଣ ଯାତ୍ରା ତଥା ଦୁର୍ଗୋସତ୍ବ ପାଇଁ ଏକ ପ୍ରସ୍ତୁତି ବୈଠକ ମନ୍ଦିର ପ୍ରଶାସନ...

ଜିନ୍ଦଲଙ୍କ ୮୯ତମ ଜୟନ୍ତୀ ପାଳିତ

କଳିଙ୍ଗନଗର,୭ା୮(ଡି.ଏନ୍‌.ଏ.): ଜିନ୍ଦଲ ଗ୍ରୁପ୍‌ର ପ୍ରତିଷ୍ଠାତା ଓ.ପି.ଜିନ୍ଦଲଙ୍କ ୮୯ତମ ଜନ୍ମ ଜୟନ୍ତୀ ଜିନ୍ଦଲ ଷ୍ଟେନଲେସ ଲିମିଟେଡ କଳିଙ୍ଗନଗରଠାରେ ବୁଧବାର ପାଳିତ ହୋଇଯାଇଛି। ଏହି ଅବସରରେ ଜିନ୍ଦଲ କମ୍ପାନୀର...

ଓଭରବ୍ରିଜ୍‌ କଡ଼ ପାଲଟିଛି ଆବର୍ଜନା ସ୍ଥଳ

କୋରେଇ,୨|୮(ସ୍ବ.ପ୍ର.)- ପାଣିକୋଇଲି ଓଭର ବ୍ରିଜ୍‌ ପାର୍ଶ୍ୱ ଏବେ ଆବର୍ଜନା ସ୍ଥଳ ପାଲଟିଛି। ଏଠାରେ ରହିଥିବା ବିଭିନ୍ନ ବ୍ୟବସାୟୀମାନେ ପ୍ରତ୍ୟହ ଆବର୍ଜନାକୁ ପୋଡିବା ପରିବର୍ତ୍ତେ ଓଭରବ୍ରିଜ କଡ଼ରେ...

ଡୁବୁରୀ-ସୁକିନ୍ଦା ୫୩ ନମ୍ବର ଜାତୀୟ ରାଜପଥ :ମରାମତି ଦାବି କଲା ବ୍ୟବସାୟୀ ସଂଘ

ଡୁବୁରୀ,୪-୯(ଡି.ଏନ୍‌.ଏ.)- ଡୁବୁରୀ-ସୁକିନ୍ଦା ୫୩ ନମ୍ବର ଜାତୀୟ ରାଜପଥ ମରାମତି ଓ ରକ୍ଷଣାବେକ୍ଷଣ ଅଭାବରୁ ଶୋଚନୀୟ ହୋଇପଡିଛି। ଡୁବୁରୀ-ସୁକିନ୍ଦା ୯ କିଲୋମିଟର ପାଖାପାଖି ରାସ୍ତାର ଅଧିକାଂଶ ସ୍ଥାନ...

ଢାବା ମାଲିକ ରବୀନ୍ଦ୍ର ହତ୍ୟାକାଣ୍ଡର ପର୍ଦ୍ଦାଫାଶ: ଭଉଣୀଙ୍କୁ ନିର୍ଯାତନା, ପରକୀୟା ପ୍ରୀତି ଯୋଗୁ ହତ୍ୟା

ଯାଜପୁର ଅଫିସ/କୋରେଇ(ନି.ପ୍ର.), ୪ା୮: ଯାଜପୁର ଜିଲା ପାଣିକୋଇଲି ବସଷ୍ଟାଣ୍ଡ ରେଷ୍ଟସେଡ ନିକଟରେ ଥିବା ଢାବା ମାଲିକ ରବୀନ୍ଦ୍ର ସାହୁ (୩୧) ହତ୍ୟା ଘଟଣାର ଶନିବାର ପର୍ଦ୍ଦାଫାଶ...

selfi corner

Model This Week

Why Dharitri

Leave a comment

Your email address will not be published. Required fields are marked *