ଉଧେଇ ପାରୁନି ବେଦ ବିଦ୍ୟାଳୟ

କେନ୍ଦୁଝର, ୩ା୮ (ସ୍ବ.ପ୍ର.) -କେନ୍ଦୁଝର ପୁରୁଣା ବଜାର ନିକଟ ସିଦ୍ଧମଠଠାରେ ୨୦୦୪ରୁ ଗଢି ଉଠିଥିବା ବେଦ ବିଦ୍ୟାଳୟ ପ୍ରୋତ୍ସାହନ ଅଭାବରୁ ଆଗକୁ ବଢି ପାରୁନାହିଁ ା ମଧ୍ୟପ୍ରଦେଶ ଉଜ୍ଜୟନୀ ସ୍ଥିତ ମହର୍ଷି ଶାନ୍ତିପନୀ ରାଷ୍ଟ୍ରୀୟ ବେଦ ବିଦ୍ୟା ପ୍ରତିଷ୍ଠାନ ଅଧୀନରେ ଚାଲିଥିବା ଏହି ବିଦ୍ୟାଳୟରେ ଏବେ ୨୭ ଜଣ ଛାତ୍ର ଅଧ୍ୟୟନ କରୁଛନ୍ତି। ପଞ୍ଚମ ରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ପିଲାଙ୍କୁ ପାଠ ପଢାଯାଉଛି ା ଅନ୍ୟ ପାଠକ୍ରମ ସହିତ ଶୁକ୍ଳ ୟଦୁଃର୍ବେଦ କାଣ୍ବ ଶାଖା ଅଧ୍ୟୟନ କରାଯାଉଛି ା ସେହିପରି ଋକବେଦର କାଣ୍ବ ଶାଖା ମଧ୍ୟ ଏଠାରେ ପଢାଯାଉଛି ା ଋଷି କଣ୍ବଙ୍କ ନାମରେ ଏହି ଶାଖା ର ନାମ କରଣ ହୋଇଥିବା କୁହାଯାଏ ା
ଏହି ଶିକ୍ଷାନୁଷ୍ଠାର ଶିକ୍ଷାର୍ଥୀମାନେ ସ୍ବତନ୍ତ୍ର ଅନୁଶାସନ ମଧ୍ୟରେ ବେଦ ଅଧ୍ୟୟନ କରିଥାନ୍ତି। ପବିତ୍ର ବେଦଧ୍ୱନିରେ ବିଦ୍ୟାଳୟ ପରିସର ପ୍ରକମ୍ପିତ ହୋଇ ଉଠିଥାଏ। ଏଠାରେ ନାମ ଲେଖା ପାଇଁ ପ୍ରବେଶିକା ପରୀକ୍ଷା ହୋଇଥାଏ ା ପ୍ରତିବର୍ଷ ୭ ଜଣ ପିଲା ନାମ ଲେଖାଇଥାନ୍ତି ା ଅଧିକ ପିଲା ବେଦ ଅଧ୍ୟୟନ ଲାଗି ଆଗ୍ରହ ପ୍ରକାଶ କରୁଥିଲେ ମଧ୍ୟ ଭିତ୍ତିଭୂମି ଓ ଅର୍ଥାଭାବ କାରଣରୁ ସେମାନଙ୍କ ନାମ ଲେଖାଯାଇ ପାରୁନାହିଁ ବୋଲି ପରିଚାଳନା କମିଟି ପକ୍ଷରୁ କୁହାଯାଇଛି ା ଉଜ୍ଜୟିନୀ ପକ୍ଷରୁ ପ୍ରତି ପିଲାଙ୍କୁ ୧ ହଜାର ଟଙ୍କା ଲେଖାଏ ସହାୟତା ମିଳୁଛି, ଯାହାକି ପର୍ଯ୍ୟାପ୍ତ ହେଉନାହିଁ ା ବଦାନ୍ୟ ବ୍ୟକ୍ତିଙ୍କ ଆର୍ଥିକ ସହାୟତାରେ ଏହି ଶିକ୍ଷାନୁଷ୍ଠାନ ପରିଚାଳିତ ହେଉଛି। ବେଦ ଶିକ୍ଷାଦାନ ଲାଗି ୩ ଜଣ, ସଂସ୍କୃତ ପାଠ ପାଇଁ ଜଣେ ଓ ଅନ୍ୟ ପାଠ୍ୟକ୍ରମ ପାଇଁ ଆଉ ଜଣେ ଶିକ୍ଷକ ନିଯୁକ୍ତି ପାଇଛନ୍ତି। ଏଠାରୁ ଶିକ୍ଷା ଲାଭ କରିବା ପରେ ଛାତ୍ରମାନେ ପୁରୀ ସଂସ୍କୃତ ବିଶ୍ୱ ବିଦ୍ୟାଳୟ ସମେତ ବିଭିନ୍ନ ଅନୁଷ୍ଠାନରେ ପାଠ ପଢିପାରୁଛନ୍ତି।
ଏହି ବିଦ୍ୟାଳୟକୁ ଲିଜ୍‌ ସୂତ୍ରରେ ମିଳିଛ ମାତ୍ର ୨୩ ଡିସିମିଲ ଜମି। ଲିଜ୍‌ ବାବଦକୁ ଅର୍ଥ ଜମା ହୋଇଥିଲେ ବି ପଟ୍ଟା ମିଳିନାହିଁ ା ପିଲାମାନଙ୍କ ଖେଳକୁଦ ପାଇଁ ଅଧିକ ଜମିର ଆବଶ୍ୟକତା ରହିଛି। ପ୍ରଶାସନ ପକ୍ଷରୁ ଜମି ଓ ଅନ୍ୟ ସୁବିଧା ମିଳିଲେ ଏହି ବିଦ୍ୟାଳୟ ବିକଶିତ ହୋଇ ପାରନ୍ତା ବୋଲି କମିଟିର ସମ୍ପାଦକ ନିମାଁଇ ଚରଣ ଦାସ କହଛନ୍ତି। ା ପାହାଡ ଓ ଜଙ୍ଗଲ ପରିବେଶ ମଧ୍ୟରେ ରହିଥିବା ଏହି ବିଦ୍ୟାଳୟର ସୁରକ୍ଷା ପାଚେରି ନ ଥିବାରୁ ସବୁବେଳେ ବନ୍ୟଜନ୍ତୁ ଓ ସରୀସୃପ ପଶି ଆସିବାର ଭୟ ରହୁଛି ା କେତେକ ବଦାନ୍ୟ ସଂସ୍ଥା ଓ ବ୍ୟକ୍ତିବିଶେଷଙ୍କ ସହାୟତାରେ ଏହାର ଘର, ପାଲା ମଣ୍ଡପ ଆଦି ନିର୍ମାଣ କରାଯାଇଛି ା ଉଜ୍ଜୟିନୀରୁ ୨ ଜଣ ଶିକ୍ଷକ ଯୋଗାଇ ଦିଆଯାଇଥିବା ବେଳେ ଅନ୍ୟମାନଙ୍କ ଦରମା କମିଟି ଯୋଗାଡ କରୁଛି। ବର୍ତ୍ତମାନ କୈଳାସ ଚନ୍ଦ୍ର ପଣ୍ଡା କମିଟିର ସଭାପତି ସଭାପତି ଥିବା ବେଳେ ଚର୍ତୁଭୁଜ ହୋତା କାର୍ଯ୍ୟକାରୀ ସଭାପତି ଓ ନିମାଈଁ ଚରଣ ଏହାର ସମ୍ପାଦକ ରହିଛନ୍ତି। ବିଭିନ୍ନ ସମୟରେ ଶିକ୍ଷାନୁଷ୍ଠାନରେ ଅଧ୍ୟୟନ କରୁଥିବା ଶୀକ୍ଷାର୍ଥୀମାନେ ଧାର୍ମିକ ଓ ସାମାଜିକ କାର୍ଯ୍ୟକ୍ରମରେ ଯୋଗ ଦେଇଥାନ୍ତି। ରଥ ଯାତ୍ରା ସମୟରେ ସ୍ବଛ ଭାରତ ଅଭିଯାନରେ ସଫେଇ କରିବା ସହ ପରିବେଶ ସୁରକ୍ଷା ପାଇଁ ଚାରା ରୋପଣ କରିଥାନ୍ତି। ଗୀତା ପାରାୟଣରେ ଯୋଗଦେଇ ଶିକ୍ଷାର୍ଥୀମାନେ ପାଉଥିବା ଦକ୍ଷିଣାରେ ପୋଷାକ କିଣିଥାନ୍ତି ା ବିଭିନ୍ନ ଉତ୍ସବରେ ଶକ୍ତି ମନ୍ତ୍ର, ବେଦ ମନ୍ତ୍ର ଓ ମନ୍ଦିରରେ ମନ୍ତ୍ର ଗାନ କରି ସେଥିରେ ପାଉଥିବା ଦାନଦକ୍ଷିଣାରେ ସେମାନେ ଅନ୍ୟ ଖର୍ଚ୍ଚ ତୁଲାଇଥାନ୍ତି ।


All Right Reserved By Dharitri.Com

ପୋଖରୀରୁ ବୃଦ୍ଧାଙ୍କ ମୃତଦେହ ଉଦ୍ଧାର: ମିଳିନି ପରିଚୟ

କେନ୍ଦୁଝର,୨୦।୮(ସ୍ବ.ପ୍ର.): କେନ୍ଦୁଝର ଜିଲା ସ୍ଥାନୀୟ ବଣିଆପାଟ ସାହିର ଏକ ପୋଖରୀରୁ ମଙ୍ଗଳବାର ଜଣେ ବୃଦ୍ଧାଙ୍କ ମୃତଦେହ ଉଦ୍ଧାର ହୋଇଛି। ବୃଦ୍ଧାଙ୍କ ପରିଚୟ ମିଳିପାରି ନ ଥିବା...

ବଦଳିବ ଶିଆଡିମାଳିଆର ରୂପରେଖ

ଆନନ୍ଦପୁର,୧୩। ୮(ସ୍ବ.ପ୍ର.)-କେନ୍ଦୁଝର ଜିଲା ଆନନ୍ଦପୁର ସହରରେ ଥିବା ଐତିହାସିକ କିମ୍ବଦନ୍ତୀ ଶିଆଡିମାଳିଆର ମା’ ଧନେଇ ଠାକୁରାଣୀଙ୍କ ପାରିପାର୍ଶ୍ୱିକ ସ୍ଥିତି ବଦଳିବାକୁ ଯାଉଛି। ଶିଆଡିମାଳିଆର ୪୦୦ ଏକର...

କୀଟନାଶକ ପିଇ ମହିଳା ମୃତ, ପୋଲିସର ତଦନ୍ତ ଆରମ୍ଭ

କେନ୍ଦୁଝର,୬।୯(ସ୍ବ.ପ୍ର.): କେନ୍ଦୁଝର ଜିଲା ହରିଚନ୍ଦନପୁର ଥାନା ସୁନାପେଣ୍ଠ ପଞ୍ଚାୟତ କଣ୍ଟୁଳା ଗ୍ରାମ ପଙ୍ଗାପଶି ସାହିରେ କୀଟନାଶକ ପିଇ ଶୁକ୍ରବାର ଜଣଙ୍କର ମୃତ୍ୟୁ ଘଟିଛି। ସେ ହେଲେ...

ଫାର୍ମାଶିଷ୍ଟଙ୍କ ଦ୍ୱାରା ଚାଲିଛି ଚିକିତ୍ସାଳୟ

ତେଲକୋଇ, ୧।୧(ଡି.ଏନ.ଏ.)-ତେଲକୋଇ ବ୍ଲକ ଅନ୍ତର୍ଗତ ସିରିଗିଡା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଅଚଳାବସ୍ଥା। ଜଣେ ଫାର୍ମାଶିଷ୍ଟଙ୍କ ଦ୍ୱାରା ଚାଲିଛି ସ୍ବାସ୍ଥ୍ୟ କେନ୍ଦ୍ର। ଦୀର୍ଘ ଦିନରୁ ଡାକ୍ତର ଅଭାବ ଯୋଗୁ...

କ୍ୟାନ୍‌ସରରେ ପୀଡ଼ିତ ଯୁବକଙ୍କ ଆତ୍ମହତ୍ୟା, ସୁଇସାଇଡ୍‌ ନୋଟ୍‌ରେ ଲେଖିଲେ ‘ପରିବାରକୁ କଷ୍ଟ ଦେବାକୁ ଚାହେଁନା’

କେନ୍ଦୁଝର,୯।୧୦(ସ୍ବ.ପ୍ର.): କେନ୍ଦୁଝର ସହର ଢାଙ୍ଗରପଡ଼ା ସାହିରେ ଭଡା ଘର କରି ରହୁଥିବା ଜଣେ ଯୁବକ ମଙ୍ଗଳବାର ରାତିରେ ଆତ୍ମହତ୍ୟା କରିଛନ୍ତି। ସେ ହେଲେ ମୟୂରଭଞ୍ଜ ଜିଲା...

କାଟୁ କଲାନି ପ୍ରଶାସନର କଟକଣା: ଏନ୍‌ଏଚ୍‌ରେ ପୁଣି ଖୋଲିଲା ଗ୍ୟାରେଜ

ଘସିପୁରା,୨୦।୧୨(ଡି.ଏନ.ଏ.)-୨୦ନମ୍ବର ଜାତୀୟ ରାଜପଥ ଶାଳପଡ଼ା ଘସିପୁରା ଓ ଶୈଲଙ୍ଗ ରାସ୍ତା ଉପରେ ପୁଣିଥରେ ଗ୍ୟାରେଜ ଖୋଲିବାକୁ କେନ୍ଦ୍ରକରି ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଏହି ଜାତୀୟ...

ପାରିବାରିକ କଳହକୁ ନେଇ ନଦୀକୁ ଡେଇଁଲେ ମହିଳା, ଉଦ୍ଧାର କାର୍ଯ୍ୟ ଜାରି

ହାଟଡ଼ିହୀ,୪।୯(ଡି.ଏନ୍‌.ଏ.): କେନ୍ଦୁଝର ଜିଲା ନନ୍ଦିପଦା ଥାନା ଅମିନପୁର ଗ୍ରାମର ଜଣେ ମହିଳା ହାବଳେଶ୍ୱର ଶିବ ମନ୍ଦିର ନିକଟ ବୈତରଣୀକୁ ଡେଇଁ ବୁଧବାର ଆତ୍ମହତ୍ୟା ଉଦ୍ୟମ କରିଛନ୍ତି।...

ଲୁହାପଥର ବୋଝେଇ ହାଇଓ୍ବା ଜବତ: ମାଷ୍ଟରମାଇଣ୍ଡ ସମେତ ୬ କୋର୍ଟ ଚାଲାଣ

ବଡ଼ବିଲ,୮।୧(ସ୍ବ.ପ୍ର.): କେନ୍ଦୁଝର ଜିଲା ବଡ଼ବିଲ ପୋଲିସ ମଙ୍ଗଳବାର ବିଳମ୍ବିତ ରାତିରେ ଚୋରାଚାଲାଣ ହେଉଥିବା ୨୭ ମେଟ୍ରିକ ଟନ୍‌ ସାଇଜ ଲୁହାପଥର ବୋଝେଇ ହାଇଓ୍ବା ଜବତ କରିବା...

Leave a comment

Your email address will not be published. Required fields are marked *