ଯୋଡ଼ାମୁଣ୍ଡ ଶିଶୁ ଅଲଗା ହେଲେ

ଢାକା: ହଙ୍ଗେରୀର ଏକ ଚିକିତ୍ସକ ଦଳ ସଫଳତାର ସହିତ ବାଂଲାଦେଶର ମୁଣ୍ଡଯୋଡା ଯମଜ ଶିଶୁଙ୍କୁ ଅଲଗା କରିବାରେ ସଫଳ ହୋଇଛନ୍ତି। ଏଥିପାଇଁ ଉକ୍ତ ଡାକ୍ତରୀ ଟିମ୍‌କୁ ୩୩ଘଣ୍ଟାର ପରିଶ୍ରମ କରିବାକୁ ପଡିଥିଲା। ଉଭୟ ଶିଶୁଙ୍କ ଖପୁରି ଯୋଡି ହୋଇ ରହିଥିଲା। ସ୍ଥାନୀୟ ମିଲିଟାରି ହସ୍ପିଟାଲ୍‌ରେ ଏପରି ଏକ ବିରଳ ଅସ୍ତ୍ରୋପଚାର ସଫଳ ହେବା ପରେ ଶିଶୁଦ୍ୱୟଙ୍କ ମାତାପିତା ଆନନ୍ଦ ପ୍ରକାଶ କରିଛନ୍ତି।
ବାଂଲାଦେଶ ସାମରିକ ବିଭାଗ ଇଣ୍ଟର-ସର୍ଭିସ ପବ୍ଲିକ୍‌ ରିଲେଶନ୍ସର ସହକାରୀ ନିର୍ଦ୍ଦେଶକ ମହମ୍ମଦ ନୁର ଇସଲାମ୍‌ ଖବରଦାତାଙ୍କୁ କହିଛନ୍ତି, ଗୁରୁବାର ଅସ୍ତ୍ରୋପଚାର କରାଯିବା ପରେ ବର୍ତ୍ତମାନ ଶିଶୁଦୁହିଁଙ୍କୁ ପର୍ଯ୍ୟବେକ୍ଷଣରେ ରଖାଯାଇଛି।
ବୁଦାପେଷ୍ଟ ଭିତ୍ତିକ ମେଡିକାଲ ଏଡ୍‌ ଚାରିଟି ଆକ୍ସନ ଫର ଡିଫେନ୍ସଲେସ୍‌ ପିପୁଲ ଫାଉଣ୍ଡେଶନ୍‌(ଏଡିପିଏଫ୍‌)ର ଚିକିତ୍ସକ ଏବଂ ସ୍ଥାନୀୟ ଡାକ୍ତରମାନେ ଦୀର୍ଘ ୩୩ଘଣ୍ଟା ପରିଶ୍ରମ କରି ଯୋଡାଶିଶୁଙ୍କୁ ପୃଥକ୍‌ କରିବାରେ ସଫଳ ହୋଇଛନ୍ତି। ରବେୟା ଏବଂ ରୁକିୟା ନାମକ ଏହି ଦୁଇ ଶିଶୁଙ୍କ ବୟସ ଜୁଲାଇରେ ୩ବର୍ଷ ପୂରଣ ହୋଇଛି। ସେମାନଙ୍କ ପିତା ରଫିକୁଲ ଇସଲାମ୍‌ କହିଛନ୍ତି, ଶିଶୁଙ୍କ ସ୍ବାସ୍ଥ୍ୟାବସ୍ଥା ବର୍ତ୍ତମାନ ଭଲ ରହିଥିବା ଡାକ୍ତରଙ୍କଠାରୁ ସୂଚନା ମିଳିଛି।
ଜନ୍ମର ୫ଦିନ ପରେ ଯୋଡ଼ାମୁଣ୍ଡ ଶିଶୁଙ୍କୁ ଢାକାର ବଙ୍ଗବନ୍ଧୁ ଶେଖ୍‌ ମୁଜିବ ମେଡିକାଲ ୟୁନିଭର୍ସିଟିକୁ ଚିକିତ୍ସା ପାଇଁ ନିଆଯାଇଥିଲା। କିନ୍ତୁ ଜଟିଳତା ଦୃଷ୍ଟିରୁ ଡାକ୍ତରମାନେ ସେତେବେଳେ ଅସ୍ତ୍ରୋପଚାର କରି ନ ଥିଲେ। ବାଂଲାଦେଶ ପ୍ରଧାନମନ୍ତ୍ରୀ ଶେଖ୍‌ ହାସିନା ଶିଶୁଙ୍କର ଏହି ଅବସ୍ଥା ଜାଣିବା ପରେ ଆବଶ୍ୟକୀୟ ଚିକିତ୍ସା ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଥିଲେ। ଜାନୁୟାରୀ ୪ରେ ବାଂଲାଦେଶ ସ୍ବାସ୍ଥ୍ୟମନ୍ତ୍ରୀ ମହମ୍ମଦ ନସିମ ଯୋଡାମୁଣ୍ଡ ଶିଶୁଙ୍କ ମାତାପିତାଙ୍କୁ ସରକାରଙ୍କ ପକ୍ଷରୁ ଆର୍ଥତ୍କ ସହାୟତା ପ୍ରଦାନ କରିବା ପରେ ସେମାନେ ଶିଶୁଙ୍କୁ ନେଇ ହଙ୍ଗେରି ଯାତ୍ରା କରିଥିଲେ। ଯୋଡା ଶିଶୁଙ୍କୁ ଚଳିତବର୍ଷ ଜାନୁୟାରୀଠାରୁ ୭ମାସ ପର୍ଯ୍ୟନ୍ତ ହଙ୍ଗେରୀ ଡାକ୍ତରଙ୍କ ତତ୍ତ୍ୱାବଧାନରେ ରଖାଯାଇଥିଲା। ଜୁଲାଇ ୨୨ରେ ଦୁହିଁଙ୍କୁ ଢାକା ଅଣାଯାଇଥିଲା। ସାଙ୍ଗରେ ଥିଲେ ପାଖାପାଖି ୩୦ଜଣିଆ ଡାକ୍ତର ଟିମ୍‌। ସେମାନେ ଅପରେଶନ୍‌ କାର୍ଯ୍ୟ ସଫଳତାର ସହିତ ସମ୍ପାଦନ କରିଥିବାରୁ ରଫିକୁଲ ସନ୍ତୋଷ ପ୍ରକାଶ କରିଛନ୍ତି। ସେ କହିଛନ୍ତି, ‘ଆମେ ଡାକ୍ତର ଟିମ୍‌ ଏବଂ ସାହାଯ୍ୟ କରିଥିବା ବ୍ୟକ୍ତିବିଶେଷଙ୍କ ପ୍ରତି ବାସ୍ତବରେ କୃତଜ୍ଞ। ଆମେ ଆଜି ପୁନର୍ଜୀବନ ଲାଭକରିବା ଭଳି ଅନୁଭବ କରୁଛୁ।’
୨୦୧୬ ଜୁଲାଇ ୧୬ରେ ପାବ୍‌ନା ଜିଲାର ଏକ ଚିକିତ୍ସାଳୟରେ ସିଜରିଆନ୍‌ ଅପରେଶନ୍‌ ଦ୍ୱାରା ଯୋଡା ଶିଶୁଙ୍କୁ ପ୍ରସବ କରାଯାଇଥିଲା। ଶିକ୍ଷକ ଦମ୍ପତି ରଫିକୁଲ ଏବଂ ତସ୍‌ଲିମା ଖାତୁନ ଯୋଡାଶିଶୁଙ୍କୁ ଅଲଗା କରାଯାଇଥିବାରୁ ସନ୍ତୋଷ ପ୍ରକାଶ କରିଛନ୍ତି।


All Right Reserved By Dharitri.Com

ଏକ ପ୍ଲେଟ କବାବ ମଗାଇଲେ ମହିଳା: କ୍ରେଡିଟ କାର୍ଡରୁ କଟିଗଲା୨ଲକ୍ଷରୁ ଊର୍ଦ୍ଧ୍ୱ ଟଙ୍କା

ଜେରୁଜେଲମ,୯।୯: ଆମେରିକାର ଜଣେ ମହିଳା ପର୍ଯ୍ୟଟକ ଏକ ପ୍ଲେଟ କବାବ ପାଇଁ ୨ଲକ୍ଷ ୭ହଜାର ଟଙ୍କା ଦେଇଥିବା ଘଟଣା ସମ୍ନାକୁ ଆସିଛି। ଏହି ଘଟଣା ଘଟିଛି...

ସୌଦିରେ ୨ ଭାରତୀୟଙ୍କ ମୁଣ୍ଡକାଟ

ରିୟାଦ୍‌,୧୭।୪: ସୌଦିରେ ୨ ଭାରତୀୟଙ୍କ ମୁଣ୍ଡ କାଟ କରାଯାଇଛି। ସେମାନଙ୍କ ବିରୋଧରେ ହତ୍ୟା ଅଭିଯୋଗ ହୋଇଥିଲା। ବିଚାରରେ ସେମାନେ ଦୋଷୀ ସାବ୍ୟସ୍ତ ହେବା ପରେ ଏଭଳି...

ଡୋରିଆନ ସାମୁଦ୍ରିକ ଝଡ଼ ପାଇଁ ୬ଶହ ବିମାନ ବାତିଲ

ଓ୍ବାଶିଂଟନ,୨।୯: ମାଡି ଆସୁଛି ସାମୁଦ୍ରିକ ଝଡ଼ ଡୋରିଆନ। ଏହା ଉତ୍ତର ବାହାମସରେ ଲ୍ୟାଣ୍ଡଫଲ୍‌ କରିବାର ଅନୁମାନ କରାଯାଉଛି। ଏହା ଆମେରିକାରେ ତାଣ୍ଡବ ରଚିବ ବୋଲି କହିଛି...

ପୁଣି ସୌରମଣ୍ଡଳ ନବଗ୍ରହରେ ସାମିଲ୍‌ ହେଲା ପ୍ଲୁଟୋ

ଓ୍ବାଶିଂଟନ,୨୯।୮: ଆମେରିକା ମହାକାଶ ଗବେଷଣା ସଂସ୍ଥା ନାସା ପକ୍ଷରୁ ପୁଣିଥରେ ନବଗ୍ରହ ତାଲିକାରେ ପ୍ଲୁଟୋକୁ ସାମିଲ୍‌ କରାଯାଇଛି। ପୂର୍ବରୁ ୨୦୦୬ରେ ଏହା ସୌରମଣ୍ଡଳର ଗ୍ରହ ନୁହେଁ...

ଜାପାନରେ ଓଡ଼ିଶାକୁ ପ୍ରଶଂସା କଲେ ମୋଦି

ଓସାକା, ୨୮।୬: ଜି-୨୦ ସମ୍ମିଳନୀରେ ଭାଗନେବା ପାଇଁ ଜାପାନ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶାକୁ ପ୍ରଶଂସା କରିଛନ୍ତି। ପ୍ରବାସୀ ଭାରତୀଙ୍କୁ ସମ୍ବୋଧିତ କରି...

ସ୍ପେନ୍‌ରେ ଦିନକରେ ୨ ହଜାର ସଂକ୍ରମିତ

ମାଡ୍ରିଡ୍‌,୧୬।୩ : ଚାଇନାରେ କରୋନା ଭୂତାଣୁ ସଂକ୍ରମଣ ହାର କମିଥିବାବେଳେ ୟୁରୋପୀୟ ଦେଶଗୁଡ଼ିକରେ ଏହା ଦ୍ରୁତବେଗରେ ମାଡିଚାଲିଛି। ସ୍ପେନ୍‌ରେ ଗତ ୨୪ ଘଣ୍ଟା ମଧ୍ୟରେ ୨୦୦୦...

କରୋନାଭାଇରସ: ଚାଲୁ ଚାଲୁ ଟଳି ପଡୁଛନ୍ତି ଲୋକେ

ବେଜିଂ,୧।୨: ସମଗ୍ର ଚାଇନା ଏବେ କରୋନାଭାଇରସ କବଳରେ। ଏବେସୁଦ୍ଧା ସେଠାରେ ପ୍ରାୟ ୨୫୯ଜଣଙ୍କ ମୃତ୍ୟୁ ହୋଇଥିବା ବେଳେ ହଜାର ହଜାର ଲୋକ ଆକ୍ରାନ୍ତ ଅଛନ୍ତି। ଏମାନଙ୍କ...

ଆଫଗାନ ସେନା ଘାଟିକୁ ତାଲିବାନର ଟାର୍ଗେଟ

କାବୁଲ,୪ା୩(ଏଏଫ୍‌ପି): ଆଫଗାନିସ୍ତାନର ସେନା ଘାଟି ଉପରେ ତାଲିବାନ ପକ୍ଷରୁ ଏକାଧିକ ଆକ୍ରମଣ କରାଯାଇଛି। ଫଳରେ ଆମେରିକା-ଆଫଗାନିସ୍ତାନ ଶାନ୍ତି ଆଲୋଚନାର ସଫଳତାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି।...

Leave a comment

Your email address will not be published. Required fields are marked *