୨୮ ମାସରେ ୭୨୮ ଶିଶୁ ଅପପୁଷ୍ଟିର ଶିକାର

ନୟାଗଡ଼ ଅଫିସ,୨ା୮: ଯାଜପୁର ଜିଲା ନଗଡ଼ାକୁ କେହି ଭୁଲି ପାରିନାହାନ୍ତି। ୨୦୧୬ରେ ନଗଡ଼ାର ଶିଶୁମାନେ ଅପପୁଷ୍ଟିର ଶିକାର ହେବା ଘଟଣା ସମଗ୍ର ରାଜ୍ୟରେ ଚର୍ଚ୍ଚାର ବିଷୟ ହୋଇଥିଲା। ଏବେ ନୟାଗଡ଼ ଜିଲାରେ ଏଭଳି ଚିତ୍ର ସାମ୍‌ନାକୁ ଆସିଛି। ୨୮ ମାସ ମଧ୍ୟରେ ଜିଲାର ୭୨୮ ଶିଶୁ ଅପପୁଷ୍ଟିର ଶିକାର ହୋଇଛନ୍ତି। ରାଜ୍ୟ ସରକାର ମା’ ପେଟରେ ଥିବା ଛୁଆଙ୍କଠାରୁ ଆରମ୍ଭ କରି ମଶାଣି ପର୍ଯ୍ୟନ୍ତ ବିଭିନ୍ନ ଯୋଜନା ପ୍ରଣୟନ କରିଛନ୍ତି। ହେଲେ ଜିଲାର ଏତେ ଶିଶୁ ଅପପୁଷ୍ଟିର ଶିକାର ହେବା ଘଟଣା ଯୋଜନାର କାର୍ଯ୍ୟକାରିତା ଉପରେ ପ୍ରଶ୍ନବାଚୀ ସୃଷ୍ଟି କରିଛି।
ଅପପୁଷ୍ଟିର ଆକ୍ରାନ୍ତ ଶିଶୁଙ୍କ ଚିକିତ୍ସା ଲାଗି ଜିଲାରେ ଦୁଇଟି ପୁଷ୍ଟି ପୁନର୍ବାସ କେନ୍ଦ୍ର (ଏନ୍‌ଆର୍‌ସି) ରହିଛି। ଗୋଟିଏ ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟ ପରିସର ଓ ଅନ୍ୟଟି ଖଣ୍ଡପଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପରିସରରେ। ନୟାଗଡ଼ ପୁଷ୍ଟି ପୁନର୍ବାସ କେନ୍ଦ୍ରରେ ନୟାଗଡ଼, ଓଡ଼ଗାଁ, ନୂଆଗାଁ, ରଣପୁର ଓ ଦଶପଲ୍ଲା ବ୍ଲକର ଶିଶୁମାନେ ଚିକିତ୍ସିତ ହେଉଥିବା ବେଳେ ଖଣ୍ଡପଡ଼ା କେନ୍ଦ୍ରରେ ଖଣ୍ଡପଡ଼ା, ଭାପୁର ଓ ଗଣିଆ ବ୍ଲକର ଶିଶୁମାନେ ଚିକିତ୍ସିତ ହୁଅନ୍ତି। ୨୦୧୭-୧୮ ଆର୍ଥିକ ବର୍ଷରେ ୧୯୧, ୨୦୧୮-୧୯ରେ ୧୯୬, ୨୦୧୯ରୁ ବର୍ତ୍ତମାନ ସୁଦ୍ଧା ୨୯ ଏହିଭଳି ୪୧୬ ଜଣ ଶିଶୁ ନୟାଗଡ଼ କେନ୍ଦ୍ରରେ ଚିକିତ୍ସିତ ହୋଇଛନ୍ତି। ସେହିଭଳି ଖଣ୍ଡପଡ଼ା କେନ୍ଦ୍ରରେ ୨୦୧୭-୧୮ରେ ୧୦୨, ୨୦୧୮-୧୯ରେ ୧୪୩, ୨୦୧୯ରୁ ବର୍ତ୍ତମାନ ସୁଦ୍ଧା ୬୭ ଏହିଭଳି ମୋଟ ୩୧୨ ଜଣ ଶିଶୁ ଚିକିତ୍ସିିତ ହୋଇଛନ୍ତି। ୨ଟି କେନ୍ଦ୍ରରେ ୨୮ ମାସରେ ୭୨୮ ଜଣ ଶିଶୁ ଅପପୁଷ୍ଟିର ଶିକାର ହୋଇ ଚିକିତ୍ସିତ ହୋଇଥିବା ସୂଚନା ମିଳିଛି।
ସୂଚନାଯୋଗ୍ୟ ଯେ, ୬ ମାସରୁ ୫ବର୍ଷ ମଧ୍ୟରେ ଶିଶୁ ଅପପୁଷ୍ଟିର ଶିକାର ହୋଇଥିବା ଚିହ୍ନଟ ହେଲେ ସେମାନଙ୍କୁ ସ୍ଥାନୀୟ ଏନ୍‌ଆର୍‌ସିରେ ଭର୍ତ୍ତି କରାଯାଇ ଚିକିତ୍ସିତ କରାଯାଇଥାଏ। ସରକାରଙ୍କ ତରଫରୁ ରାଷ୍ଟ୍ରୀୟ ବାଲ୍‌ ସ୍ବାସ୍ଥ୍ୟ ଟିମ୍‌ର ସଦସ୍ୟମାନେ ବିଭିନ୍ନ ଗ୍ରାମ ଓ ସ୍କୁଲକୁ ଯାଇ ଅପପୁଷ୍ଟିର ଆକ୍ରାନ୍ତ ହୋଇଥିବା ଶିଶୁଙ୍କୁ ଚିହ୍ନଟ କରନ୍ତି। ଏହା ପରେ ସେମାନଙ୍କୁ ପୁଷ୍ଟି ପୁନର୍ବାସ କେନ୍ଦ୍ରରେ ଭର୍ତ୍ତି କରାଯାଇଥାଏ। ଅଙ୍ଗନୱାଡ଼ି, ଆଶା ଦିଦି ଓ ଏଏନ୍‌ଏମ୍‌ମାନେ ମଧ୍ୟ ଏଭଳି ଶିଶୁଙ୍କୁ ଚିହ୍ନଟ ପାଇଁ ନିୟମ ରହିଛି। ହେଲେ ସେମାନେ ଏ ଦିଗରେ ତପତ୍ରତା ଦେଖାଉ ନ ଥିବା ଜଣାପଡ଼ିଛି। ୩ଟି ଲକ୍ଷଣ ଦେଖାଦେଲେ ସମ୍ପୃକ୍ତ ଶିଶୁ ଅପପୁଷ୍ଟିର ଶିକାର ହୋଇଛି ବୋଲି ଜଣାପଡେ। ଉଚ୍ଚତା ଅନୁସାରେ ଓଜନ -୩ ଏସ୍‌ଡ଼ିରୁ କମ୍‌ ରହିବା, ବାହୁର ଆକାର ୧୧.୫ ସେଣ୍ଟିମିଟରରୁ କମ୍‌ ରହିବା, ଦୁଇପାଦ, ହାତ କିମ୍ବା ଶରୀର ଫୁଲିଲେ ଜଣେ ଶିଶୁ ଅପପୃଷ୍ଟିର ଶିକାର ହୋଇଛି ବୋଲି ଧରାଯିବ। ଯେଉଁ ଶିଶୁ ଅପପୁଷ୍ଟିର ଶିକାର ହୋଇଥିବା ଜଣାପଡେ ସେମାନଙ୍କୁ ପୁଷ୍ଟି ପୁନର୍ବାସ କେନ୍ଦ୍ରରେ ଭର୍ତ୍ତି କରାଯାଇଥାଏ। ସେଠାରେ ନ୍ୟୁଟ୍ରିସନ କାଉନସିଲର ରହି ଶିଶୁମାନଙ୍କର ତଦାରଖ କରିଥାନ୍ତି। ଶିଶୁଟିଏ ଭର୍ତ୍ତି ହେବା ପରେ ତା’ର ଓଜନ ବୃଦ୍ଧି ପାଇଁ ଖାଦ୍ୟ ଦିଆଯିବା ସହ ଚିକିତ୍ସା କରାଯାଇଥାଏ। ୧୦ରୁ ୨୦ଦିନ ଉକ୍ତ କେନ୍ଦ୍ରରେ ଶିଶୁ ରହିବା ପରେ ଓଜନ ବୃଦ୍ଧି କରାଯାଇ ଘରକୁ ପଠାଇ ଦିଆଯାଏ। ଏହା ପରେ ସେମାନଙ୍କୁ ୧୫-୧୫-୩୦ ଦିନରେ ୩ଥର କେନ୍ଦ୍ରକୁ ଚେକ୍‌ଅପ୍‌ କରିବା ପାଇଁ ଆସିବାକୁ କୁହାଯାଇଥାଏ। ଏହି ସମୟରେ ଡାକ୍ତରମାନେ ଶିଶୁକୁ ଦେଖି ଭଲ ଥିଲେ ଘରକୁ ଛାଡ଼ନ୍ତି ନ ହେଲେ ପୁନର୍ବାର ଉକ୍ତ କେନ୍ଦ୍ରରେ ଭର୍ତ୍ତି କରି ଚିକିତ୍ସା କରାଇଥାନ୍ତି। ଶିଶୁଟିଏ କେନ୍ଦ୍ରରେ ଭର୍ତ୍ତି ହେବା ପରେ ପ୍ରତିଦିନ ଖାଦ୍ୟ ପାଇଁ ଶିଶୁମାନଙ୍କ ଅଭିଭାବକଙ୍କୁ ୧୦୦ ଟଙ୍କା ପ୍ରଦାନ କରାଯାଇଥାଏ। ସେହିଭଳି ଚେକ୍‌ଅପ୍‌ କରିବା ପାଇଁ ଆସିଲା ବେଳେ ଯାତାୟାତ ବାବଦରେ ୧୦୦ ଟଙ୍କା ଦିଆଯାଇଥାଏ। ଏତେସବୁ ସୁବିଧା ଥିଲେ ମଧ୍ୟ ଶିଶୁମାନେ ଅପପୁଷ୍ଟିର ଶିକାର ହେବା ଘଟଣାକୁ ନଜର ଅନ୍ଦାଜ କରାଯାଇ ନ ପାରେ ବୋଲି ସାଧାରଣରେ ମତପ୍ରକାଶ ପାଉଛି। ଏ ନେଇ ନୟାଗଡ଼ ପୁଷ୍ଟି ପୁନର୍ବାସ କେନ୍ଦ୍ରର ନ୍ୟୁଟ୍ରିସନ୍‌ କାଉନସିଲର ଗାୟତ୍ରୀ ପଣ୍ଡା କହନ୍ତି, ଦଶପଲ୍ଲା ଓ ଗଣିଆ ଅଞ୍ଚଳର ଅଧିକାଂଶ ଶିଶୁ ଅପପୁଷ୍ଟିର ଶିକାର ହେଉଥିବା ବେଳେ ସେଠାକାର ମା’ମାନେ ଏ ଦିଗରେ ସଚେତନ ନୁହନ୍ତି। ଅନ୍ୟ ବ୍ଲକର ମା’ମାନେ ସଚେତନ ଥିଲେ ମଧ୍ୟ ଛୁଆମାନଙ୍କ ପ୍ରତି ଅବହେଳା ଓ ଠିକ୍‌ ସମୟରେ ଖାଦ୍ୟ ଖୁଆଉ ନ ଥିବାରୁ ଶିଶୁମାନେ ଅପପୁଷ୍ଟିର ଶିକାର ହେଉଥିବା ସେ ପ୍ରକାଶ କରିଥିଲେ।

(ରଞ୍ଜନ କୁମାର ପ୍ରଧାନ)


All Right Reserved By Dharitri.Com

ବାଇକ୍‌ ମୁହଁ।ମୁହିଁ ପରେ ବସ୍‌ରେ ପିଟିହେଲା, ୨ ମୃତ

ଦିଗପହଣ୍ଡି(ଡି.ଏନ.ଏ.)/ପାଟପୁର,୨୫ା୧- ଦିଗପହଣ୍ଡି-ରାୟଗଡ଼ା ୩୨୬ ନଂ. ରାଜ୍ୟ ରାଜପଥର କଂସାମାରି-ଧର୍ମପୁର ମଧ୍ୟବର୍ତ୍ତୀ ଶ୍ମଶାନ ସମ୍ମୁଖ ମୁଖ୍ୟ ରାସ୍ତାରେ ଶୁକ୍ରବାର ସକାଳ ପ୍ରାୟ ସାଢେ ୮ଟାରେ ଏକ ଦୁର୍ଘଟଣା...

ଚାକିରି ଦେବା ନାଁରେ ନିର୍ଯାତନା

ଜଗତ୍‌ସିଂହପୁର ଅଫିସ୍‌, ୯।୧: ଭଲ କମ୍ପାନୀରେ ଚାକିରି କରାଇଦେବାକୁ କହି ଜଗତ୍‌ସିଂହପୁର ଥାନା ଅଳସୁଧା ଗ୍ରାମର ଦେବେନ୍ଦ୍ର ବେହେରାଙ୍କଠାରୁ ଜଣେ ବ୍ୟକ୍ତି ୫୦ ହଜାର ଟଙ୍କା,...

ଜବତ ପଲିଥିନ ଛଡ଼ାଇ ନେଲେ

ଚାନ୍ଦବାଲି, ୧।୧୧ (ଡି.ଏନ.ଏ.)-ଭଦ୍ରକ ଜିଲା ଚାନ୍ଦବାଲି ଏନ୍‌ଏସି ପକ୍ଷରୁ ଗୁରୁବାର ଅପରାହ୍ନରେ କେତେକ ଦୋକାନରୁ ଜବତ କରାଯାଇଥିବା ପଲିଥିନକୁ ବ୍ୟବସାୟୀମାନେ ଛଡ଼ାଇ ନେଇଥିବା ଜଣାଯାଇଛି। ଅପରାହ୍ନ...

୧ରୁ ଲାଗୁହେବ ଫାଷ୍ଟ ଟ୍ୟାଗ୍‌ ଆଇନ

କେନ୍ଦୁଝର ୨୩।୧୧ (ସ୍ବ.ପ୍ର./ଡି.ଏନ.ଏ.)- କେନ୍ଦ୍ର ସରକାରଙ୍କ ନୂତନ ଆଇନ ଅନୁଯାୟୀ ପ୍ରତ୍ୟେକ ଗାଡିରେ ଫାଷ୍ଟ ଟ୍ୟାଗ୍‌ (ଚିପସ) ନ ଲଗାଇଲେ ଟୋଲ ଗେଟ୍‌ରେ ଦୁଇଗୁଣ ଜରିମାନା...

ସମସ୍ୟା ଘେରରେ ତାମଡ଼ା ବଜାର:କାଦୁଅ ପାଣିରେ ଚାଲିଛି କିଣାବିକା

ବଅଁରପାଳ, ୩୦।୭(ଡି.ଏନ.ଏ.)ଅନୁଗୋଳ ଜିଲା ବଅଁରପାଳଠାରେ ଥିବା ତାମଡ଼ା ବଜାରରେ ବିଭିନ୍ନ ସମସ୍ୟା ଲାଗି ରହିଛି। ଏଠାରେ ପ୍ରାୟ ୪୦ରୁ ଊର୍ଦ୍ଧ୍ୱ ଦୋକାନ ଗୃହ ରହିଥିବାବେଳେ ମରାମତି...

ଗଣପର୍ବ ମକର ପାଇଁ ଗାଁଠୁ ସହର ଚଳଚଞ୍ଚଳ

ଗଣପର୍ବ ମକର ପାଇଁ ଆଦିବାସୀ ବହୁଳ କେନ୍ଦୁଝର ଜିଲାର ଗାଁଠୁ ସହର ହୋଇଉଠିଛି ଚଳଚଞ୍ଚଳ। ଜିଲା ଓ ରାଜ୍ୟ ବାହାରେ କର୍ମକ୍ଷେତ୍ରରେ ରହୁଥିବା ଲୋକେ ଘରକୁ...

ତୁଟିଲା ଟୋକନ ବିବାଦ: ନଡ଼ିଆ ଫଟାଇ ଧାନବିକ୍ରିର ଶୁଭାରମ୍ଭ କଲେ ଚାଷୀ

ବରଗଡ଼ ଅଫିସ,୨୨।୧୧: ରାଜ୍ୟ ସରକାରଙ୍କ ଟୋକନ ବ୍ୟବସ୍ଥାକୁ ନେଇ ଗତ କିଛିଦିନ ଧରି ଖରିଫ ଧାନ ସଂଗ୍ରହ ପ୍ରକ୍ରିୟାରେ ଦେଖାଯାଇଥିବା ଅଚଳାବସ୍ଥା ଆପାତତଃ ଦୂର ହୋଇଛି।...

ଜିପସମ୍‌ ପରିବହନକୁ ନେଇ ବିବାଦ: ପିପିଏଲ୍‌ କାରଖାନା ଆଗରେ ଜେସିସିର ଧାରଣା

ପାରାଦୀପ,୪ା୨(ସ୍ବ.ପ୍ର.): ପାରାଦୀପରେ ଥିବା ଶିଳ୍ପ ସଂସ୍ଥାର ପଣ୍ୟ ପରିବହନକୁ ନେଇ ବର୍ଷେ ହେଲା ଚାଲିଥିବା ବିବାଦ ସୋମବାର ଭିନ୍ନମୋଡ଼ ନେଇଛି। ଅର୍ଥାତ୍‌ ୩ଟି ଟ୍ରକ ମାଲିକ...

Leave a comment

Your email address will not be published. Required fields are marked *