Posted inଖେଳ

ଆଶେସ ସିରିଜ ଆରମ୍ଭ: ବ୍ରଡ୍‌ଙ୍କୁ ୫ ଉଇକେଟ, ସ୍ମିଥଙ୍କ ଶତକ

ବର୍ମିଂହାମ, ୨।୮- ସ୍ଥାନୀୟ ଏଜବାଷ୍ଟନ ଗ୍ରାଉଣ୍ଡରେ ଗୁରୁବାର ଆରମ୍ଭ ହୋଇଛି ଇଂଲଣ୍ଡ-ଅଷ୍ଟ୍ରେଲିଆ ଆଶେସ ସିରିଜ-୨୦୧୯। ଘରୋଇ ପରିବେଶ ଏବଂ ଦର୍ଶକ ସମର୍ଥନରେ ଇଂଲଣ୍ଡ ବୋଲରମାନେ ଆରମ୍ଭରେ ପ୍ରଭାବୀ ପ୍ରଦର୍ଶନ କରିଥିବାବେଳେ ଲଢ଼ୁଆ ଶତକ ହାସଲ କରି ପ୍ରଥମ ଦିନର ସମ୍ମାନ ଭାଗ କରିଛନ୍ତି ଅଷ୍ଟ୍ରେଲିଆର ଷ୍ଟିଭ୍‌ ସ୍ମିଥ। ଏକବର୍ଷ ବାସନ୍ଦ ପରେ ପ୍ରଥମଥରପାଇଁ ଟେଷ୍ଟ ଖେଳୁଥିବା ସ୍ମିଥଙ୍କ ଶତକୀୟ ଇନିଂସ ବଳରେ ଅଷ୍ଟ୍ରେଲିଆ ସମ୍ମାନଜନକ ସ୍କୋର କରିବାରେ ସକ୍ଷମ ହୋଇଛି। ଏକଦା ୧୨୨ ରନରେ ୮ ଉଇକେଟ ହରାଇ ବିପଦରେ ପଡ଼ିଥିବା ଅଷ୍ଟ୍ରେଲିଆ ସ୍ମିଥଙ୍କ ଶତକ ବଳରେ ୨୮୪ ରନ କରିବାକୁ ସକ୍ଷମ ହୋଇଛି। ପ୍ରଥମ ଦିବସ ଶେଷ ବେଳକୁ ଇଂଲଣ୍ଡ ୨ ଓଭରରେ କୌଣସି ଉଇକେଟ ନ ହରାଇ ୧୦ ରନ ସଂଗ୍ରହ କରିଛି।
ଆରମ୍ଭରେ ବୋଲର ପ୍ରଭାବୀ
ଏଠାରେ ଟସ୍‌ ଜିତି ବ୍ୟାଟିଂ ନିଷ୍ପତ୍ତି ନେଇଥିଲେ ଅଷ୍ଟ୍ରେଲିଆ ଅଧିନାୟକ ଟିମ୍‌ ପେନ୍‌। ମାତ୍ର ତାଙ୍କ ନିଷ୍ପତ୍ତିକୁ ଭୁଲ ପ୍ରମାଣିତ କରିଥିଲେ ଇଂଲଣ୍ଡର ଷ୍ଟାର ଷ୍ଟ୍ରାଇକର କ୍ରିସ୍‌ ଓ୍ବକ୍ସ ଓ ଷ୍ଟୁଆର୍ଟ ବ୍ରଡ୍‌। ୩ ଓଭର ଶେଷ ବେଳକୁ ମାତ୍ର ୨ ରନ କରିଥିବା ଅଷ୍ଟ୍ରେଲିଆ ୪ର୍ଥ ଓଭରର ୫ମ ବଲ୍‌ରେ ଡେଭିଡ ଓ୍ବାର୍ନରଙ୍କ ଉଇକେଟ ହରାଇ ପ୍ରଥମ ଝଟ୍‌କା ଖାଇଥିଲା। ବ୍ରଡ୍‌ ନିଜ ଦ୍ୱିତୀୟ ଓଭରରେ ଇଂଲଣ୍ଡପାଇଁ ଏହି ସଫଳତା ଆଣିଥିଲେ। ଏହାପରେ ସ୍ବାଭାବିକଭାବେ ଦୃଢ଼ ମନୋବଳର ସହିତ ବୋଲିଂ କରିଥିଲେ ବ୍ରଡ୍‌। ଏହାର ଫାଇଦା ମଧ୍ୟ ତାଙ୍କୁ ମିଳିଥିଲା। ନିଜର ୪ର୍ଥ ଓଭରରେ ସେ ଅନ୍ୟତମ ଓପନର କାମେରନ ବ୍ୟାଙ୍କ୍ରଫ୍ଟଙ୍କୁ ପ୍ୟାଭିଲିୟନ ଫେରାଇ ସେ ଇଂଲଣ୍ଡ ଶିବିରରେ ଆନନ୍ଦ ଖେଳାଇ ଦେଇଥିଲେ। ଓ୍ବାର୍ନର ୨ ରନ କରିବାକୁ ସକ୍ଷମ ହୋଇଥିବାବେଳେ ବ୍ୟାଙ୍କ୍ରଫ୍ଟ ୮ ରନ କରି କ୍ରିଜ୍‌ ଛାଡ଼ିଥିଲେ। ଉସମାନ ଖ୍ବାଜାଙ୍କ ସହ କ୍ରିଜ୍‌ରେ ଯୋଗଦେଇ ଷ୍ଟିଭ୍‌ ସ୍ମିଥ ଇନିଂସ ସଜାଡ଼ିବାରେ ମନୋନିବେଶ କରିଥିଲେ। ମାତ୍ର ଓ୍ବକ୍ସ ତାହା ହେବାକୁ ଦେଇ ନ ଥିଲେ। ୧୩ ରନ କରିଥିବା ଖ୍ବାଜାଙ୍କୁ ଉଇକେଟ କିପର ଜନି ବେୟାରଷ୍ଟୋଙ୍କ ହାତରେ କ୍ୟାଚ କରାଇ ସେ ଇଂଲଣ୍ଡକୁ ତୃତୀୟ ସଫଳତା ଦେଇଥିଲେ। ପ୍ରଥମେ ଓ୍ବକ୍ସଙ୍କ ଆବେଦନ ଅମ୍ପାୟରଙ୍କ ଦ୍ୱାରା ନାକଚ ହୋଇଯାଇଥିଲେ ହେଁ ଇଂଲଣ୍ଡ ଡିଆରଏସର ସହାୟତା ନେଇ ଫାଇଦା ପାଇଥିଲା। ଏଥିସହ ୧୪.୨ ଓଭର ବେଳକୁ ଅଷ୍ଟ୍ରେଲିଆ ସ୍କୋର ୩୫/୩ ହୋଇ ଯାଇଥିଲା।
ସ୍ମିଥ, ସିଡଲଙ୍କ ଲଢ଼ୁଆ ବ୍ୟାଟିଂ
ଗୋଟିଏ ପଟରେ ଉଇକେଟ ପଡ଼ି ଚାଲିଥିଲେ ହେଁ ଅନ୍ୟପଟରେ ଦୃଢ଼ ବ୍ୟାଟିଂ ଜାରି ରଖିଥିଲେ ସ୍ମିଥ। ସେ ୪ର୍ଥ ଉଇକେଟରେ ଟ୍ରାଭିସ ହେଡ୍‌ଙ୍କ ସହ ୬୪ ରନର ଭାଗୀଦାରି ଗଢ଼ିଥିଲେ। ଭଲ ଆରମ୍ଭ କରିଥିବା ହେଡ୍‌ ୬୧ ବଲ୍‌ରୁ ୩୫ ରନ କରିଥିବାବେଳେ ଓ୍ବକ୍ସଙ୍କ ଦ୍ୱିତୀୟ ଶିକାର ବନିଥିଲେ। ଅମ୍ପାୟର ଆଉଟ ଦେଇଥିଲେ ହେଁ ହେଡ୍‌ ରିଭ୍ୟୁ ନେଇ ବିଫଳ ହୋଇଥିଲେ। ପରବର୍ତ୍ତୀ ବ୍ୟାଟ୍ସମ୍ୟାନ ମାଥ୍ୟୁ ଓ୍ବାଡେ ୧, ଅଧିନାୟକ ଟିମ୍‌ ପେନ୍‌ ୫ ରନ କରିଥିବାବେଳେ ଜେମ୍ସ ପ୍ୟାଟିନସନ ଖାତା ଖୋଲିବାକୁ ସକ୍ଷମ ହୋଇ ନ ଥିଲେ। ପ୍ୟାଟ୍‌ କୁମିନ୍ସ ମଧ୍ୟ ୫ ରନ କରି ଆଉଟ ହୋଇଥିଲେ। ଫଳରେ ୯୯ ରନରେ ୪ର୍ଥ ଉଇକେଟ ହରାଇଥିବା ଅଷ୍ଟ୍ରେଲିଆ ପରବର୍ତ୍ତୀ ୨୩ ରନ ମଧ୍ୟରେ ଆଉ ୪ଟି ଉଇକେଟ ହରାଇ ବିପଦରେ ପଡ଼ିଥିଲା। ତେବେ ଏଥିରେ ବିଚଳିତ ହୋଇ ନ ଥିଲେ ସ୍ମିଥ। ସେ କ୍ୟାରିୟରର ୨୪ତମ ଶତକ ହାସଲ କରି ଦଳପାଇଁ ଶେଷ ପର୍ଯ୍ୟନ୍ତ ଲଢ଼େଇ ଜାରି ରଖିଥିଲେ। ସ୍ମିଥଙ୍କୁ ଉଚିତ ସହାୟତା କରିଥିଲେ ପିଟର ସିଡଲ। ଫଳରେ ଅଷ୍ଟ୍ରେଲିଆ ସ୍କୋର ୫୧.୧ ଓଭରରେ ୧୫୦ ଅତିକ୍ରମ କରିଥିଲା। ଚା’ ବିରତି ପୂର୍ବରୁ ବର୍ଷା ଯୋଗୁ ଖେଳ ବାଧାପ୍ରାପ୍ତ ହୋଇଥିଲା। ବର୍ଷା ସମୟରେ ଚା’ ବିରତି ଶେଷ କରାଯାଇଥିଲା। ଏହାପରେ ସ୍ମିଥ ଓ ସିଡଲ ୯ମ ଉଇକେଟରେ ୮୮ ରନ ଯୋଗକରି ଦଳୀୟ ସ୍କୋରକୁ ୨୦୦ ଅତିକ୍ରମ କରାଇଥିଲେ। ସିଡଲ ୮୫ ବଲ୍‌ରୁ ୪ ଚୌକା ସହ ୪୪ ରନ କରି ଆଉଟ ହୋଇଥିଲେ। ସ୍ମିଥ କିନ୍ତୁ ଖେଳିଥିଲେ କ୍ୟାରିୟରର ଅନ୍ୟତମ ଶ୍ରେଷ୍ଠ ଇନିଂସ। ୯ମ ଉଇକେଟ ପତନ ପରେ ଆକ୍ରମଣାତ୍ମକ ଖେଳିଥିବା ସ୍ମିଥ ୨୧୯ ବଲ୍‌ରୁ ୧୬ ଚୌକା ଓ ୨ ଛକା ସହାୟତାରେ ୧୪୪ ରନ କରି ଶେଷ ଖେଳାଳିଭାବେ ଆଉଟ ହୋଇଥିଲେ। ନାଥାନ ଲିୟନ ୧୨ ରନରେ ଅପରାଜିତ ରହିଥିଲେ। ସ୍ମିଥଙ୍କୁ ଆଉଟ କରି ୫ ଉଇକେଟ ସଫଳତା ପାଇଥିଲେ କ୍ରିସ ବ୍ରଡ୍‌। ଅଷ୍ଟ୍ରେଲିଆ ଇନିଂସ ଶେଷରେ ତାଙ୍କ ବୋଲିଂ ଫିଗର ୨୨.୪-୪-୮୬-୫ ରହିଥିଲା। ଟେଷ୍ଟ କ୍ରିକେଟରେ ଏହାଥିଲା ତାଙ୍କର ୧୭ତମ ୫ ଉଇକେଟ ସଫଳତା। ଅନ୍ୟ ବୋଲରଙ୍କ ମଧ୍ୟରେ କ୍ରିସ୍‌ ଓ୍ବକ୍ସ ୩ଟି ଏବଂ ବେନ୍‌ ଷ୍ଟୋକ୍ସ ଓ ମୋଇନ ଅଲୀ ଗୋଟିଏ ଲେଖାଏ ଉଇକେଟ ନେଇଥିଲେ।


All Right Reserved By Dharitri.Com

Posted inଖେଳ View All

କରୋନା ଦ୍ୱାରା ଭାରତୀୟ କ୍ରୀଡ଼ା ପ୍ରଭାବିତ

ନୂଆଦିଲ୍ଲୀ,୭।୩(ପି.ଟି.)- ବିଶ୍ୱବ୍ୟାପୀ କରୋନାଭାଇରସ୍‌ର ଆତଙ୍କ ଦେଖା ଦେଇଛି। ଏହା ମଧ୍ୟ ଭାରତୀୟ କ୍ରୀଡ଼ାକୁ ପ୍ରଭାବିତ କରିଛି। ପ୍ରଥମ ମେଜର ଇଭେଣ୍ଟ ଭାବେ ଶୁଟିଂ ବିଶ୍ୱକପକୁ ଘୁଞ୍ଚାଇବା...

୧୯ ବର୍ଷରୁ କମ୍‌ ବିଶ୍ୱକପ୍‌: ପାକିସ୍ତାନ ଦଳରେ ନସିମ ଶାହ

କରାଚି, ୬।୧୨ (ପି.ଟି.)- ଜାନୁୟାରୀ ୧୭ରୁ ଦକ୍ଷିଣ ଆଫ୍ରିକାରେ ଆରମ୍ଭ ହେବାକୁ ଥିବା ୧୯ ବର୍ଷରୁ କମ୍‌ କ୍ରିକେଟ୍‌ ବିଶ୍ୱକପ୍‌ ପ୍ରତିଯୋଗିତା ଲାଗି ଶୁକ୍ରବାର ପାକିସ୍ତାନ...

ଚାଇନା ଓପନ୍‌: ସାତ୍ତ୍ୱିକ-ଅଶ୍ୱିନୀଙ୍କ ଦମ୍‌ଦାର ବିଜୟ

ଚାଙ୍ଗ୍‌ଝୋଉ (ଚାଇନା), ୧୭।୯ (ପି.ଟି.)- ଦଶ ଲକ୍ଷ ଆମେରିକୀୟ ଡଲାର ପୁରସ୍କାର ରାଶିବିଶିଷ୍ଟ ଚାଇନା ଓପନ୍‌ ବ୍ୟାଡ୍‌ମିଣ୍ଟନ ପ୍ରତିଯୋଗିତାର ମିକ୍ସଡ୍‌ ଡବଲ୍ସରେ ଭାରତୀୟ ଯୋଡ଼ି ସାତ୍ତ୍ୱିକ...

୧ ରନ୍‌ ପାଇଁ ଦ୍ୱିଶତକରୁ ହୋଇଛନ୍ତି ବଞ୍ଚିତ ୫ କ୍ରିକେଟର

କ୍ରିକେଟରେ ଆଉଟ୍‌ ଏକ ଏଭଳି ଶବ୍ଦ, ଯାହା କୌଣସି ବ୍ୟାଟ୍ସମ୍ୟାନ୍‌ ଶୁଣିବାକୁ ଚାହିଁନଥାନ୍ତି । ଟେଷ୍ଟ ମ୍ୟାଚରେ ବ୍ୟାଟ୍ସମ୍ୟାନ୍‌ ୧ ରନ୍‌ କରି ଖାତା ଖୋଲିଲେ...

ରେକର୍ଡ ଭାଙ୍ଗିଲେ ହର୍ମିଲାନ

ଭୁବନେଶ୍ୱର, ୨୯।୨(କ୍ରୀଡ଼ା ପ୍ରତିନିଧି)-ପଞ୍ଜାବୀ ବିଶ୍ୱବିଦ୍ୟାଳୟର ହର୍ମିଲାନ ବେନ୍ସ ଚଳିତ ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡ଼ା ମହିଳା ୧୫୦୦ ମିଟରରେ ନୂଆ ରେକର୍ଡର ଅଧିକାରିଣୀ ହୋଇଛନ୍ତି। ଶୁକ୍ରବାର...

ଆହତ ସମସ୍ୟାରୁ ମୁକ୍ତ ହେଲେ ଷ୍ଟୋଇନିସ

ନଟିଂହାମ,୧୯।୬(ପିଟି)- ଅଲରାଉଣ୍ଡର ମାର୍କସ ଷ୍ଟୋଇନିସ ଏବେ ସମ୍ପୂର୍ଣ୍ଣ ଫିଟ୍‌। ଫଳରେ ଅଷ୍ଟ୍ରେଲିଆ ଦଳକୁ ବଡ଼ ଆଶ୍ୱସ୍ତି ମିଳିଛି। ସେ ଦଳ ପାଇଁ ବଳକା ଥିବା ମ୍ୟାଚ୍‌ଗୁଡ଼ିକରେ...

ଭାରତ- ଦକ୍ଷିଣ ଆଫ୍ରିକା ଦ୍ୱିତୀୟ ଟି୨୦: ଚାପରେ ପନ୍ତ

ମୋହଲି,୧୮।୯(ପି.ଟି.)- ଧର୍ମଶାଳାରେ ଖେଳାଯିବାକୁ ଥିବା ପ୍ରଥମ ଟି-୨୦ ମ୍ୟାଚ୍‌ ବର୍ଷା ଯୋଗୁ ବାତିଲ ହେବାରେ ଭାରତ ଓ ଭ୍ରମଣକାରୀ ଦକ୍ଷିଣ ଆଫ୍ରିକା ବୁଧବାର ଦ୍ୱିତୀୟ ଦିନିକିଆରେ...

ଯୁବ ଭାରତୀୟ ଦଳକୁ ରେକର୍ଡ ଏସିଆ କପ୍‌

କଲମ୍ବୋ,୧୪।୯: ବାମହାତୀ ସ୍ପିନର ଅଥର୍ବ ଆଙ୍କୋଲେକରଙ୍କ ଚମତ୍କାର ପ୍ରଦର୍ଶନ ବଳରେ ଭାରତୀୟ ଦଳ ୧୯ ବର୍ଷରୁ କମ୍‌ କ୍ରିକେଟ ଏସିଆ କପ୍‌ ଜିତିଛି। ସ୍ଥାନୀୟ ଆର....

Leave a comment

Your email address will not be published. Required fields are marked *