ଖାଇବା ତେଲ: ପୋଡ଼ିଲେ ମାରାତ୍ମକ

ଭୁବନେଶ୍ୱର,୧।୮(ବ୍ୟୁରୋ): ଖାଇବା ତେଲ ବିନା ଆମର ନିତିିଦିନିଆ ରୋଷେଇ ଏକ ପ୍ରକାର ଅସମ୍ଭବ। ଅଧିକାଂଶ ଖାଦ୍ୟ ପ୍ରସ୍ତୁତି ବା ସ୍ବାଦିଷ୍ଟ ଭୋଜନ ହୋଇ ନ ଥାଏ। ତେବେ ଏହି ତେଲ ଆମ ପାଇଁ ଯେତିକି ଦରକାରୀ ସେତିକି ଘାତକ ମଧ୍ୟ। ତେଲର ହାନିକାରକ ଦିଗ ବିଷୟରେ ବିଶେଷକରି ରୋଷେଇ କରିବା ସମୟରେ ସାମାନ୍ୟ ଧ୍ୟାନ ନ ଦେଲେ ଏହା ଆମ ପାଇଁ ବିପଦ ଆଣିପାରେ। ରୋଷେଇ କରିବାବେଳେ ଅଧିକାଂଶ ସମୟରେ ଆମେ ଅନ୍ୟମନସ୍କ ହୋଇ ତେଲକୁ ପୋଡ଼ି ଦେଇଥାଉ। ତେଲରୁ ହୁ ହୁ ହୋଇ ଧୁଆଁ ବାହାରୁଥିବାବେଳେ ସେଥିରେ ବିଭିନ୍ନ ସାମଗ୍ରୀ ମିଶାଇ ରୋଷେଇ କରୁ। ତେଲ ପୋଡ଼ିଯିବା ପରେ ରୋଷେଇ କଲେ ତାହା କେବଳ ପାଟିକୁ ପିତା ବା ପୋଡ଼ାଳିଆ ଲାଗେ ନାହିଁ, ସେଥିରୁ ଏକ ବିଷାକ୍ତ ପଦାର୍ଥ ବା ଟକ୍ସିକ୍‌ ରସାୟନ ବାହାରିଥାଏ। ଏହା ଆମ ସ୍ବାସ୍ଥ୍ୟ ପାଇଁ ଭୟଙ୍କର ସାବ୍ୟସ୍ତ ହୋଇପାରେ ବୋଲି ସ୍ବାସ୍ଥ୍ୟ ବିଶେଷଜ୍ଞମାନେ କହିଛନ୍ତି।
ବିଭିନ୍ନ ଖାଦ୍ୟ ପ୍ରସ୍ତୁତି ପାଇଁ ଆମେ ତେଲକୁ ଭିନ୍ନ ଭିନ୍ନ ତାପମାତ୍ରାରେ ବ୍ୟବହାର କରିଥାଉ। ଫ୍ରାଏ କରିବା ପାଇଁ ଅଧିକ ଓ ହାଲ୍‌କା ଭାଜିବା ପାଇଁ ତେଲକୁ କମ୍‌ ଗରମ କରିଥାଉ। ଅନ୍ୟାନ୍ୟ ସାମଗ୍ରୀ ଭଳି ଖାଇବା ତେଲର ମଧ୍ୟ ଏକ ‘ସ୍ମୋକ୍‌ ପଏଣ୍ଟ’ ରହିଥାଏ। ଏହି ସ୍ମୋକ୍‌ ପଏଣ୍ଟରୁ ଅଧିକ ତେଲକୁ ଗରମ କଲେ ତାହା ବିଷାକ୍ତ ହେବାସହ ସେଥିରୁ ଫ୍ରି ରାଡିକାଲ୍‌ ନିର୍ଗତ ହୁଏ, ଯାହାକି କର୍କଟ ରୋଗର ଅନ୍ୟତମ କାରଣ ହୋଇଥାଏ। ତେଣୁ ତେଲର ସ୍ମୋକ୍‌ ପଏଣ୍ଟ ଦେଖି କିଣିବା ସହ ବ୍ୟବହାରବେଳେ ଏହା ଯେପରି ଅଧିକ ନ ପୋଡ଼େ ସେଥିପ୍ରତି ଗୁରୁତ୍ୱ ଦେବା ଆବଶ୍ୟକ। ଅଧିକାଂଶ ଖାଦ୍ୟ ୧୭୬ ଡିଗ୍ରୀରୁ ୨୩୨ ଡିଗ୍ରୀ ସେଲ୍‌ସିୟସ୍‌ ତାପମାତ୍ରା ମଧ୍ୟରେ ପ୍ରସ୍ତୁତ ହେଉଥିବାରୁ କିଣିବାବେଳେ ତେଲର ସ୍ମୋକ୍‌ ପଏଣ୍ଟ ଯେପରି ୨୦୪ ଡିଗ୍ରୀ ସେଲ୍‌ସିୟସ୍‌ ଉପରେ ହୋଇଥିବ ତାହାକୁ ଦୃଷ୍ଟିରେ ରଖିବା ଉଚିତ୍‌। ଆଭୋକାଡୋ ତେଲର ସ୍ମୋକ୍‌ ପଏଣ୍ଟ ସର୍ବାଧିକ ୨୭୧ ଡିଗ୍ରୀ ସେଲ୍‌ସିୟସ୍‌ ହୋଇଥିବାବେଳେ ରିଫାଇନ୍‌ଡ ନଡ଼ିଆ ତେଲର ୨୩୨, ଘିଅର ୨୫୨, ସୋରିଷ ତେଲର ୨୫୦, ରାଇସ୍‌ବ୍ରାନ୍‌ ଅଏଲ୍‌ ୨୩୨, ରିଫାଇନ୍‌ ହୋଇ ନଥିବା ସନ୍‌ଫ୍ଲାୱାର୍‌ ଅଏଲ ୧୦୭, ରିଫାଇନ୍‌ଡ ସନ୍‌ଫ୍ଲାୱାର୍‌ ଅଏଲ୍‌ ୨୩୨, ଏକ୍ସଟ୍ରାଲାଇଟ୍‌ ଅଲିଭ୍‌ ଅଏଲ୍‌ ୨୪୨, ଏକ୍ସଟ୍ରାଭର୍ଜିନ୍‌ ଅଲିଭ୍‌ ଅଏଲ୍‌ ୧୯୧, ପିନଟ୍‌ ଅଏଲ୍‌ ବା ବାଦାମ ତେଲର ୨୩୨, ରିଫାଇନ୍‌ଡ ସୋୟାବିନ୍‌ ତେଲ ୨୩୮, ଭେଜୁଟେବୁଲ୍‌ ଅଏଲ୍‌ ୨୦୫, ବଟର୍‌ର ୧୨୦ରୁ ୧୫୦ ଡିଗ୍ରୀ ସେଲ୍‌ସିୟସ୍‌ ସ୍ମୋକ୍‌ ପଏଣ୍ଟ୍‌ ରହିଥାଏ। ତେବେ ରିଫାଇନ୍‌ ହୋଇଥିବା ତେଲର ସ୍ମୋକ୍‌ ପଏଣ୍ଟ ସାଧାରଣତଃ ଅଧିକ ରହିଥାଏ। ସବୁଠାରୁ ବଡ଼କଥା ହେଲା ଡିପ୍‌ ଫ୍ରାଏରେ ବ୍ୟବହୃତ ତେଲକୁ କେବେ ବି ୨ ଥରରୁ ଅଧିକ ବ୍ୟବହାର କରିବା ଉଚିତ୍‌ ନୁହେଁ।
ପ୍ରାକୃତିକ ଉପାୟରେ ପ୍ରସ୍ତୁତ ତେଲ ବ୍ୟବହାର କରିବାକୁ ଅଧିକାଂଶ ସ୍ବାସ୍ଥ୍ୟ ବିଶେଷଜ୍ଞ ପରାମର୍ଶ ଦେଉଛନ୍ତି। ଏନେଇ ନ୍ୟୁଟ୍ରିଶନିଷ୍ଟ୍‌ ପ୍ରିୟଙ୍କା ଚୌଧୁରୀ କୁହନ୍ତି, ଭାରତୀୟ ଖାଦ୍ୟ ପ୍ରସ୍ତୁତି ପାଇଁ ଅଧିକ ତାପମାତ୍ରା ଆବଶ୍ୟକ ହେଉଥିବାରୁ ହାଇସ୍ମୋକ୍‌ ପଏଣ୍ଟ୍‌ ଥିବା ଖାଇବାତେଲ ବ୍ୟବହାର କରିବା ଉଚିତ୍‌। ଆଉଏକ ଗୁରୁତ୍ୱପୁର୍ଣ୍ଣ କଥା ହେଲା ହାଇ ସ୍ମୋକ୍‌ ପଏଣ୍ଟ ଥିବା ତେଲ କିଣିବା ବେଳେ ଏହାକୁ ରିଫାଇନ୍‌ କରିବା ସମୟରେ ଯେପରି କୌଣସି କେମିକାଲ୍‌ ବ୍ୟବହାର ହୋଇ ନ ଥାଏ ସେଥିପ୍ରତି ମଧ୍ୟ ଦୃଷ୍ଟି ଦେବା ନିହାତି ଜରୁରୀ। ଅଧିକାଂଶ ସମୟରେ ହୋଟେଲ ଏବଂ ରେଷ୍ଟୁରାଣ୍ଟରେ ଖାଦ୍ୟକୁ ସ୍ବାଦିଷ୍ଟ କରିବା ପାଇଁ ତେଲକୁ ଅଧିକ ତାପମାତ୍ରାରେ ବ୍ୟବହାର କରାଯାଏ। ଫଳରେ ତେଲରୁ ବିଷାକ୍ତ ରସାୟନ ବାହାରିବା ସମ୍ଭାବନା ଅଧିକ ରହିଥାଏ। ତେଣୁ ବାହାର ଖାଇବା ନ ଖାଇ ଯଥାସମ୍ଭବ ଲୋ’ ଫ୍ଲେମ୍‌ରେ ପ୍ରସ୍ତୁତ ଘର ଖାଦ୍ୟ ଖାଇବା ଆବଶ୍ୟକ। ସେହିଭଳି ହର୍ବାଲ ଲାଇଫ୍‌ ନ୍ୟୁଟ୍ରିଶନ୍‌ର ଓ୍ବେଲ୍‌ନେସ୍‌ କୋଚ୍‌ ରାଜେଶ କୁମାର ମିଶ୍ରଙ୍କ ମତରେ, ତେଲର ବହୁ ମାରାତ୍ମକ ଦିଗ ରହିଛି। ତେବେ ପ୍ରୋଟିନ୍‌ ଓ ଭିଟାମିନ୍‌ର ଆବଶ୍ୟକତାକୁ ଦୃଷ୍ଟିରେ ରଖି ପ୍ରତି ମାସରେ ଖାଇବା ତେଲ ବଦଳାଇବା ଉଚିତ। ତେଲରେ ଖାଦ୍ୟ ନ ପକାଇ ଖାଇବାରେ ତେଲ ପକାଇ ଖାଇବା ଉଚିତ୍‌।


All Right Reserved By Dharitri.Com

୨୫ରୁ ବିଧାନସଭା ମୌସୁମୀ ଅଧିବେଶନ : ୨୪ରେ ବିଜେଡି ବିଧାୟକ ଦଳ ବୈଠକ

ଭୁବନେଶ୍ୱର,୧୯।୬(ବ୍ୟୁରୋ): ଷୋଡ଼ଶ ବିଧାନସଭାର ପ୍ରଥମ ତଥା ମୌସୁମୀ ଅଧିବେଶନ ଚଳିତ ମାସ ୨୫ରୁ ଆରମ୍ଭ ହେବାକୁ ଯାଉଛି। ଏହାର ଗୋଟିଏ ଦିନ ପୂର୍ବରୁ ଅର୍ଥାତ୍‌ ୨୪ରେ...

ଚର୍ଚ୍ଚାରେ ରାଜ୍ୟ ସଭା ଲଢ଼େଇ

ଭୁବନେଶ୍ୱର,୨୬।୨(ବ୍ୟୁରୋ): ଓଡିଶାର ୩ଟି ରାଜ୍ୟ ସଭା ଆସନ ଏପ୍ରିଲ ୨ତାରିଖରେ ଖାଲି ହେବାକୁ ଥିବାବେଳେ ଗୋଟିଏ ଆସନ ୨୦୧୯ ସାଧାରଣ ନିର୍ବାଚନ ଫଳାଫଳ ବାହାରିବା ପରଠାରୁ...

ଧନୀଙ୍କ ପସନ୍ଦ ଦୁବାଇ

ଭୁବନେଶ୍ୱର,୧୮ା୭(ବ୍ୟୁରୋ):ସଂଯୁକ୍ତ ଆରବ ଏମିରେଟ୍ସ(ୟୁଏଇ)ର ପ୍ରମୁଖ ସହର ଦୁବାଇର ଦୃଢ଼ ଆର୍ଥିକ ବ୍ୟବସ୍ଥା, ଉଚ୍ଚତମ ଅଟ୍ଟାଳିକା, ଉନ୍ନତମାନର ଅନ୍ତଃରାଷ୍ଟ୍ରୀୟ ବିଦ୍ୟାଳୟ ଓ ବିଶ୍ୱବିଦ୍ୟାଳୟ, ବ୍ୟବସାୟ ପ୍ରତିଷ୍ଠାନ, ସୌନ୍ଦର୍ଯ୍ୟଭରା...

ଦାବି ପୂରଣ ପାଇଁ ଆନ୍ଦୋଳନ, ଲୋୟର ପିଏମ୍‌ଜି ଚଳଚଞ୍ଚଳ

ଭୁବନେଶ୍ୱର, ୧୮।୨ (ବ୍ୟୁରୋ): ୩ମାସ ପରେ ପୁଣି ଚଳଚଞ୍ଚଳ ହୋଇଛି ବିଧାନସଭା ସମ୍ମୁଖ ଲୋୟର ପିଏମ୍‌ଜିଠାରୁ ମାଷ୍ଟର କ୍ୟାଣ୍ଟିନ୍‌ ଛକ। ଗାନ୍ଧୀ ମାର୍ଗରେ ପୋଲିସ ଡେରା...

କ୍ୟାପିଟାଲ ହସ୍ପିଟାଲ ଫେରାଇଦେଲା, ଫୁଟ୍‌ପାଥରେ ସନ୍ତାନ ପ୍ରସବ କଲେ ମହିଳା

ଭୁବନେଶ୍ୱର,୧୨।୧୦(ବ୍ୟୁରୋ): କ୍ୟାପିଟାଲ ହସ୍ପିଟାଲ ଫୁଟ୍‌ପାଥରେ ପ୍ରସବ କରିଛନ୍ତି ଜଣେ ମହିଳା। ଲେବର ରୁମ୍‌ରୁ ଫେରାଇ ଦେବାରୁ ଅସହ୍ୟ ଯନ୍ତ୍ରଣା ଭୋଗୁଥିବା ଗର୍ଭବତୀ ଜଣକ ହସ୍ପିଟାଲ ଫୁଟ୍‌ପାଥରେ...

ଉଚ୍ଛେଦ ଆଶଙ୍କାରେ ଥରହର ଏକାମ୍ର:ଉଠାଦୋକାନୀଙ୍କ ମନ୍ଦିର ସମ୍ମୁଖରେ ପ୍ରତିବାଦ

ପୁରୁଣା ଭୁବନେଶ୍ୱର,୮ା୧୨ (ଡି.ଏନ.ଏ.)ସୌନ୍ଦର୍ଯ୍ୟକରଣ ଓ ବିକାଶ ପାଇଁ ଏକାମ୍ର କ୍ଷେତ୍ରର ବିଭିନ୍ନ ଜବରଦଖଲ ଉଚ୍ଛେଦ ଜାରି ରହିଛି। ଉଠାଦୋକାନୀଗୁଡିକୁ ହଟାଯାଇ ଶ୍ରୀଲିଙ୍ଗରାଜ ମନ୍ଦିର କ୍ଷେତ୍ରକୁ ବିଶ୍ୱ...

ନରହନ୍ତା ଦନ୍ତା ଚନ୍ଦକାମୁହାହାଁ

ଭୁବନେଶ୍ୱର,୨୫ା୨(ବ୍ୟୁରୋ):ପିପିଲି, ନିମାପଡ଼ା, କଣାସ ଓ ଡେଲାଙ୍ଗ ବ୍ଲକ ଅଞ୍ଚଳରେ ତିନି ଦିନ ଧରି ଉପଦ୍ରବ କରିଥିବା ଦନ୍ତାହାତୀ ସୋମବାର ସନ୍ଧ୍ୟାରେ ଚନ୍ଦକା ଜଙ୍ଗଲମୁହାଁ ହୋଇଛି। ତା’ର...

ଅପରାହ୍ନ ୩ଟା ସୁଦ୍ଧା ବିଶ୍ଵରେ ୧୧,୨୧,୯୭୩ ଆକ୍ରାନ୍ତ, ଭାରତରେ ୨,୯୦୨, ଓଡ଼ିଶାରେ ୨୦ ପଜିଟିଭ

ଭୁବନେଶ୍ବର, ୪।୪(ବ୍ୟୁରୋ) : କରୋନା ମହାମାରୀ କବଳରେ ୨୦୫ ଦେଶ ଏବଂ ୨ ଜାହାଜ। ଶୁକ୍ରବାର ସମଗ୍ର ବିଶ୍ଵରେ ୧୦ ଲକ୍ଷ ୧୯ ହଜାର ୩୪୦ଜଣ...

Leave a comment

Your email address will not be published. Required fields are marked *