କଟକରେ ଗଳାକାଟି ୩ ଜଣଙ୍କୁ ହତ୍ୟା ଘଟଣା: ନାରାୟଣଙ୍କୁ ଫସାଇ ଦେଇଛି ପୋଲିସ

ନୟାଗଡ଼ ଅଫିସ,୧।୮: କଟକ ସହରରେ ଗତ ୨୩ ଓ ୨୪ ତାରିଖରେ ଫୁଟ୍‌ପାଥ୍‌ରେ ଶୋଇଥିବା ୩ ଜଣ ଲୋକଙ୍କ ଗଳାକାଟିି ହତ୍ୟା ଘଟଣା ସାରା ରାଜ୍ୟରେ ଚାଞ୍ଚଲ୍ୟ ସୃଷ୍ଟିକରିଛି। ଏହି ଘଟଣାରେ ୨୭ ତାରିଖ ବିଳମ୍ବିତ ରାତ୍ରିରେ କଟକ ଓ ଓଡ଼ଗାଁ ପୋଲିସ ମିଳିତ ଭାବେ ନୟାଗଡ଼ ଜିଲା ଓଡ଼ଗାଁ ବ୍ଲ୍ଳକ ସୁନାମୁହିଁ ଗ୍ରାମ ଗୋପୀନାଥପୁର ସାହିରେ ଚଢ଼ାଉ କରି ନାରାୟଣ ସାହୁ ନାମକ ଜଣେ ବ୍ୟକ୍ତିଙ୍କୁ ଗିରଫ କରିଥିଲେ। ସେ ମାନସିକ ବିକାରଗ୍ରସ୍ତ ବ୍ୟକ୍ତି ହୋଇଥିବା ବେଳେ ଉକ୍ତ ୩ଟି ହତ୍ୟାକାଣ୍ଡରେ ସାମିଲ ଥିବା କଟକ ପୋଲିସ ସୂଚନା ଦେଇଥିଲା। ହେଲେ ବର୍ତ୍ତମାନ ଏହି ଘଟଣା ଭିନ୍ନ ମୋଡ଼ ନେଇଛି।
ନାରାୟଣ ନିର୍ଦ୍ଦୋଷ ଥିବା ବେଳେ ପୋଲିସ ତାଙ୍କୁ ଫସାଇ ଦେଇଥିବା ତାଙ୍କ ପରିବାର ଲୋକ ଅଭିଯୋଗ କରିଛନ୍ତି। ଏ ନେଇ ନାରାୟଣଙ୍କ ସ୍ତ୍ରୀ ଗୀତାଞ୍ଜଳି ସାହୁ, ବାପା ଦୟାନିଧି ସାହୁ ଓ ଗୋପୀନାଥପୁର ସାହିର କେତେକ ଲୋକ ବୁଧବାର ନୟାଗଡ଼ ଏସ୍‌ପିଙ୍କ ଦ୍ୱାରସ୍ଥ ହୋଇଛନ୍ତି। ଏସ୍‌ପି ଅନୁପସ୍ଥିତ ଥିବାରୁ ପରିବାର ଲୋକେ ଏଏସପିଙ୍କଠାରେ ଅଭିଯୋଗ କରିଛନ୍ତି। ଏଏସ୍‌ପି ଦିଲୀପ ସାହାଣୀ କଟକ ପୋଲିସ ଅଧୀନରେ ଏହି ଘଟଣା ହୋଇଥିବାରୁ ଏ ନେଇ ସେମାନେ କଟକ ପୋଲିସଙ୍କୁ ଜଣାଇବେ ବୋଲି ସୂଚନା ଦେଇଛନ୍ତି।
କହିବାନୁସାରେ ତାଙ୍କ ସ୍ବାମୀ ନିର୍ଦ୍ଦୋଷ । ୨୩ ତାରିଖରେ ନାରାୟଣ ଗ୍ରାମରେ ଥିବା ବେଳେ ପୋଲିସ କିପରି ସେ ହତ୍ୟା କରିଛନ୍ତି ବୋଲି କହୁଛି। ଏହି ଘଟଣାକୁ ନେଇ ସେ ପ୍ରଶ୍ନ କରିବା ସହିତ ପୋଲିସର କାର୍ଯ୍ୟକଳାପ ପ୍ରତି ମଧ୍ୟ ସେ ଅଙ୍ଗୁଳି ଉଠାଇଛନ୍ତି।
ପ୍ରକାଶ ଯେ, ସୁନାମୁହଁ ଗ୍ରାମ ଗୋପୀନାଥପୁର ସାହିର ଦୟାନିଧିଙ୍କ ସାନପୁଅ ହେଉଛନ୍ତି ନାରାୟଣ। ନାରାୟଣ ପ୍ରାୟ ୨୦ ବର୍ଷ ତଳେ ଗଞ୍ଜାମ ଜିଲା କୁମ୍ପାପଡ଼ା ଅଞ୍ଚଳରେ ଭଡ଼ାରେ ରହି ବୁଲି ବୁଲି ଚୁଡ଼ି ଓ ଚପଲ ବେପାର କରୁଥିଲେ। ୧ ମାର୍ଚ୍ଚ ୨୦୦୬ରେ ନାରାୟଣ ନୟାଗଡ଼ ଜିଲା ନୂଆଗାଁ ବ୍ଲକ ମହିପୁର ଗ୍ରାମର ଗୀତାଞ୍ଜଳିଙ୍କୁ ବିବାହ କରିଥିଲେ। ପରେ ନାରାୟଣ ସ୍ତ୍ରୀ ଗୀତାଞ୍ଜଳିଙ୍କୁ କୁମ୍ପାପଡ଼ା ନେଇ ସେଠାରେ ରହି ବେପାର କରୁଥିଲେ । କିଛି ଦିନ ପରେ ତାଙ୍କର ବେପାର ବଢିବାରେ ଲାଗିଲା। ଫଳରେ ସେ ଟଙ୍କା ସଞ୍ଚୟ କରି ୨୦୦୯ରେ ରୁପା ଜିନିଷ ବିକ୍ରି ଆରମ୍ଭ କରିଥିଲେ। ବିଭିନ୍ନ ଗ୍ରାମ ବୁଲି ରୁପା ଜିନିଷ ବିକ୍ରି କରୁଥିଲେ। ଏହି ସମୟରେ ନାରାୟଣ କୁମ୍ପାପଡ଼ାରେ ଜାଗା କିଣି ୨ ମହଲା ଘର କରିଥିଲେ। ବେପାର ପଇସା ଘର ତିଆରିରେ ଲଗାଇ ଦେଇଥିବାରୁ ପରେ ବେପାର କରିବାରେ ସମସ୍ୟା ଦେଖାଦେଇଥିଲା । ଫଳରେ ନାରାୟଣ କୁମ୍ପାପଡ଼ାର ଜଣେ ବ୍ୟକ୍ତିଙ୍କଠାରୁ ୧ ଲକ୍ଷ ୬୨ ହଜାର ଟଙ୍କା ଧାର ଆଣିଥିଲେ। ହେଲେ ସେ ଟଙ୍କା ଶୁଝି ନ ପାରିବାରୁ ୨୦୧୭ରେ ଟଙ୍କା ଦେଇଥିବା ବ୍ୟକ୍ତିଙ୍କ ପରିବାର ଲୋକ ଉକ୍ତ ଘର ଓ ଜମିକୁ ସେମାନଙ୍କ ନାମରେ ପଟ୍ଟା କରି ନେଇଥିବା ଗୀତାଞ୍ଜଳି ପ୍ରକାଶ କରିଛନ୍ତି। ଏହା ପରେ ନାରାୟଣ କୁମ୍ପାପଡ଼ା ଅଞ୍ଚଳରେ ଭଡ଼ାରେ ରହି ବେପାର କରୁଥିଲେ। ବିଭିନ୍ନ ଆଡୁ ଟଙ୍କା ଧାର ଆଣିଥିବାରୁ ପ୍ରତିଦିନ ଲୋକମାନେ ଟଙ୍କା ମାଗିବା ପାଇଁ ଘରକୁ ଆସନ୍ତି। ଯାହାକୁ ନେଇ ନାରାୟଣ ମାନସିକ ଅଶାନ୍ତିରେ ରହୁଥିଲେ। ଏହା ପରେ ତାଙ୍କର ମାନସିକ ବିକୃତି ଦେଖା ଦେଇଥିଲା। ଫଳରେ ସ୍ତ୍ରୀ ତାଙ୍କ ପୁଅ ଓ ଝିଅଙ୍କୁ ନେଇ ଶ୍ୱଶୁର ଘର ଗୋପୀନାଥପୁର ସାହିକୁ ପଳାଇ ଆସିଥିଲେ। ପରେ ଗୀତାଞ୍ଜଳି ବାପଘର ମହିପୁରକୁ ପିଲାମାନଙ୍କୁ ନେଇ ଚାଲି ଆସିଥିଲେ। ଏବେ ନାରାୟଣଙ୍କ ପୁଅ ଅଷ୍ଟମ ଶ୍ରେଣୀରେ ପଢ଼ୁଥିବା ବେଳେ ଝିଅ ସପ୍ତମ ଶ୍ରେଣୀରେ ପଢ଼ୁଛନ୍ତି।
ନ୍ୟପକ୍ଷେ ଦେଢ଼ବର୍ଷ ତଳେ ନାରାୟଣଙ୍କ କିଛି ସମ୍ପର୍କୀୟ କଟକ ଏସ୍‌ସିବି ମେଡିକାଲ୍‌କୁ ତାଙ୍କୁ ଚିକିତ୍ସା ପାଇଁ ନେଇଥିଲେ। ହେଲେ ସେ ମେଡ଼ିକାଲ୍‌କୁ ନ ଯାଇ ବାରଣ୍ଡାରୁ ଫେରାର ହୋଇଯାଇଥିବା ପରିବାର ଲୋକ ପ୍ରକାଶ କରିଛନ୍ତି। ଏହାପରେ ନାରାୟଣଙ୍କ ପତ୍ତା ମିଳି ନ ଥିଲା। ପରିବାର ଲୋକେ ନାରାୟଣ କଟକ ଓ ଭୁବନେଶ୍ୱର ଅଞ୍ଚଳରେ ବୁଲୁଥିବାର ଖବର ପାଉଥିଲେ। ଗତ ୨୨ ତାରିଖରେ ନାରାୟଣ ଭୁବନେଶ୍ୱରରେ ରହୁଥିବା ଭଉଣୀ ଘରକୁ ଯାଇଥିଲେ। ସେଠାରେ ତାଙ୍କ ଭଉଣୀ ତାଙ୍କୁ ନୂଆ ଶାର୍ଟ ପ୍ୟାଣ୍ଟ କିିଣି ଦେବା ସହିତ ୨୦୦ ଟଙ୍କା ଦେଇଥିଲେ। ୨୩ ତାରିଖ ସନ୍ଧ୍ୟାରେ ନାରାୟଣ ତାଙ୍କ ଗ୍ରାମକୁ ଆସିଥିବା ଗ୍ରାମବାସୀ ପ୍ରକାଶ କରିଛନ୍ତି। ଗ୍ରାମରେ ଚୁପଚାପ ବୁଲୁଥିବା ବେଳେ ୨୭ ତାରିଖ ରାତିରେ ନାରାୟଣଙ୍କୁ ପୋଲିସ ନେଇ ଯାଇଥିବା ତାଙ୍କ ବାପା ଦୟାନିଧି ପ୍ରକାଶ କରିଛନ୍ତି। ସେ ୨୩ ତାରିଖରେ ଗ୍ରାମରେ ଥିବା ବେଳେ ୨୩ ଓ ୨୪ ତାରିଖରେ କିପରି ହତ୍ୟାକାଣ୍ଡ ଘଟାଇଲେ ବୋଲି ପରିବାର ଓ ଗ୍ରାମବାସୀ ପ୍ରଶ୍ନ କରିଛନ୍ତି। ପୋଲିସ ଜାଣିଶୁଣି ନିରୀହ ଲୋକଙ୍କୁ ଫସାଇଥିବା ସେମାନେ ଅଭିଯୋଗ କରିଛନ୍ତି। ତେଣୁ ଉପଯୁକ୍ତ ତଦନ୍ତ ପାଇଁ ବୁଧବାର ପରିବାର ଲୋକ ଓ ଗ୍ରାମବାସୀ ଏସ୍‌ପିଙ୍କ ଦ୍ୱାରସ୍ଥ ହୋଇଥିଲେ। ଅନ୍ୟପକ୍ଷେ ନାରାୟଣ ଗୁଣି କରୁଥିବାରୁ ବଳି ପାଇଁ ଏହିଭଳି ହତ୍ୟା କରିଥିବା ନେଇ ପୋଲିସ ସୂଚନା ଦେଉଥିବା ବେଳେ ଗ୍ରାମବାସୀ ଏହାକୁ ଖଣ୍ଡନ କରିଛନ୍ତି।


All Right Reserved By Dharitri.Com

ରାଜ୍ୟସ୍ତରୀୟ ଫୁଟବଲ ଟୁର୍ନାମେଣ୍ଟ ଉଦ୍‌ଘାଟନୀ ମ୍ୟାଚରେ କଟକ ବିଡ଼ାନାସୀ ବିଜୟୀ

ଗଣିଆ,୨୧ା୧(ଡି.ଏନ.ଏ.): ଗଣିଆ ମହାବୀର ସାଂସ୍କୃତିକ ପରିଷଦ ଆନୁକୂଲ୍ୟରେ ଗଣିଆ ମିନି ଷ୍ଟାଡିୟମରେ ସୋମବାର ରାଜ୍ୟସ୍ତରୀୟ ଗଣିଆ କପ ଫୁଟବଲ ଟୁର୍ନାମେଣ୍ଟ ୨୦୨୦ ଉଦ୍‌ଘାଟିତ ହୋଇଯାଇଛି। ରାଜ୍ୟ...

ପର୍ଯ୍ୟଟକଙ୍କ ପାଇଁ ଖୋଲିଲା ସାତକୋଶିଆ ସ୍ୟାଣ୍ଡ ରିସୋର୍ଟ

ଗଣିଆ,୧୭।୧୧(ଡି.ଏନ.ଏ.)-ସାତକୋଶିଆ ଗଣ୍ଡ ଅଭୟାରଣ୍ୟ ଅନ୍ତର୍ଗତ ନୟାଗଡ଼ ମହାନଦୀ ବନ୍ୟପ୍ରାଣୀ ବନଖଣ୍ଡ ଛାମୁଣ୍ଡିଆ ବନାଞ୍ଚଳର ବଡମୂଳ ମଙ୍ଗାନାସୀଠାରେ ରହିଛି ପ୍ରାକୃତିକ ପର୍ଯ୍ୟଟନ କେନ୍ଦ୍ର ସାତକୋଶିଆ ସ୍ୟାଣ୍ଡ ରିସୋର୍ଟ...

ଚିଲିକାରେ ଡଲଫିନ୍‌ ଗଣନା ଆଜି, ଗଠନ ହୋଇଛି ୧୮ ଦଳ

ବାଲୁଗାଁ,୧୯ା୧(ଡି.ଏନ୍‌.ଏ.): ସମଗ୍ର ଚିଲିକାରେ ରବିବାର ବିରଳ ‘ଇରାଓ୍ବାଡି’ ପ୍ରଜାତିର ଡଲଫିନ୍‌ ଗଣନା କରାଯିବ। ଚିଲିକା ବନ୍ୟପ୍ରାଣୀ ବିଭାଗ ଓ ସିଡିଏର ମିଳିତ ଆନୁକୂଲ୍ୟରେ ଏହି ଗଣନା...

ସ୍ବଚ୍ଛ ଗ୍ରାମ କଣ୍ଟାବଣିଆ: ବାହାରେ ମଳତ୍ୟାଗ କଲେ ୧ହଜାର ଜରିମାନା

କଥାରେ ଅଛି ଗାଁ ପରିମଳ ଧୋବା ତୁଠରୁ। ଏହାକୁ ଅକ୍ଷରେ ଅକ୍ଷରେ ପାଳନ କରିଛନ୍ତି ନୟାଗଡ଼ ଜିଲା ସଦର ବ୍ଲକ ବାଲୁଗାଁ ପଞ୍ଚାୟତର କଣ୍ଟାବଣିଆ ଗ୍ରାମବାସୀ।...

ବିଜୟା ଦଶମୀରେ ନୀଳମାଧବ ଜୀଉଙ୍କୁ ଶଙ୍ଖ, ଚକ୍ର ସମର୍ପଣ

ଖଣ୍ଡପଡା,୧୦।୧୦(ସ୍ବ.ପ୍ର.): ମହିଷାସୁରର ନିଧନ ପାଇଁ ମା’ଦୁର୍ଗାଙ୍କୁ ପ୍ରଦାନ କରାଯାଇଥିବା ଶଙ୍ଖ, ଚକ୍ର ଆୟୁଧ ମଙ୍ଗଳବାର ବିଜୟା ଦଶମୀ ତିଥିରେ କଣ୍ଟିଲୋ ନୀଳମାଧବ ଜୀଉଙ୍କୁ ସମର୍ପଣ କରାଯାଇଛି...

ବନ୍ୟାରେ ଲୋକେ ସଂଗ୍ରହ କରୁଛନ୍ତି ଜାଳକାଠ

ଖଣ୍ଡପଡ଼ା,୧୫ା୮(ସ୍ବ.ପ୍ର.)-ଉପର ମୁଣ୍ଡରେ ପ୍ରବଳ ଓ ଲଗାଣ ବର୍ଷା ଯୋଗୁ ମହାନଦୀ ଓ ଏହାର ଉପନଦୀ କମେଇ, କୁଆଁରିଆ, କାଳୀଗିରି ଓ କୁସୁମୀ ନଦୀଗୁଡିକରେ ବନ୍ୟା ଦେଖାଦେଇଛି...

ନୟାଗଡ଼ରେ ୩ ଡେଙ୍ଗୁ ରୋଗୀ ଚିହ୍ନଟ

ନୟାଗଡ଼ ଅଫିସ,୩୦ା୯:  ଗୋଟିଏ ଦିନରେ ନୟାଗଡ଼ରେ ୩ ଜଣ ଡେଙ୍ଗୁ ରୋଗୀଙ୍କୁ ଚିହ୍ନଟ କରାଯାଇଛି। ସେମାନେ ହେଲେ ନୟାଗଡ଼ ବ୍ଲକ ଲାଉସେଣା ଗ୍ରାମର କୃଷ୍ଣଚନ୍ଦ୍ର ପ୍ରଧାନ...

ଯୁବତୀ ନିଖୋଜ ଘଟଣା:ପୂର୍ବ ଶତ୍ରୁତାରୁ ରାଧାରାଣୀଙ୍କୁ ହତ୍ୟା,ଅଟୋ ଚାଳକ ଗିରଫ

ଓଡ଼ଗାଁ, ୪।୯(ସ୍ବ.ପ୍ର.)-ନୟାଗଡ଼ ଜିଲା ଓଡ଼ଗାଁ ଥାନା ଅଞ୍ଚଳରେ ୨୨ ତାରିଖରୁ ନିଖୋଜ ଥିବା ଜଣେ ଯୁବତୀଙ୍କୁ ହତ୍ୟା କରାଯାଇଛି। ଏହି ମାମଲାରେ ସ୍ଥାନୀୟ ପୋଲିସ ସୋମବାର...

Leave a comment

Your email address will not be published. Required fields are marked *