ବିନା ପଞ୍ଜୀକରଣରେ ଚାଲିଛି ରାସ୍ତା ପାର୍ଶ୍ୱ ବ୍ୟବସାୟ: ତଦାରଖ ହେଉନି ଖାଦ୍ୟର ମାନ

ଅନୁଗୋଳ ଅଫିସ, ୧ା୮ – ଅନୁଗୋଳ ସହରର ବିଭିନ୍ନ ରାସ୍ତା ପାର୍ଶ୍ୱରେ ଛତୁ ଫୁଟିଲା ପରି ଖୋଲୁଛି ଜଳଖିଆ ଦୋକାନ, ହୋଟେଲ। ଠେଲା ଗାଡ଼ିରେ ଭଳିକି ଭଳି ଖାଦ୍ୟ ବିକ୍ରି ହେଉଛି ଜନଗହଳିପୂର୍ଣ୍ଣ ସ୍ଥାନରେ। ହେଲେ ଏଥିରୁ ଅନେକ ବ୍ୟବସାୟ ଅଣପଞ୍ଜୀକୃତ ଭାବେ ଚାଲିଥିବା ଅଭିଯୋଗ ହେଉଛି। ଏପରି କି ଏସବୁ ଖାଦ୍ୟର ମାନ କିପରି ତାହା ନା’ ଜାଣିଛନ୍ତି ଗ୍ରାହକ ନା’ ଜନସ୍ବାସ୍ଥ୍ୟ ବିଭାଗ। ଏହାର ଫାଇଦା ଉଠାଇ ବହୁ ବ୍ୟବସାୟୀ ନିମ୍ନମାନର ଓ ଅସ୍ବାସ୍ଥ୍ୟକର ପରିବେଶରେ ଖାଦ୍ୟ ସାମଗ୍ରୀ ପ୍ରସ୍ତୁତ କରି ବିକ୍ରି କରୁଥିବା ଅଭିଯୋଗ ହେଉଥିଲେ ବି ଜନସ୍ବାସ୍ଥ୍ୟ ବିଭାଗ ପକ୍ଷରୁ ଏହାର ଯାଞ୍ଚ କରାଯାଉ ନାହିଁ। ଏହାକୁ ନେଇ ସହରବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି।
ସହରବାସୀଙ୍କ ଅଭିଯୋଗ ଅନୁଯାୟୀ, ଅନୁଗୋଳର ବିଭିନ୍ନ ବଜାର ପାର୍ଶ୍ୱରେ ପ୍ରାୟ ହଜାରେରୁ ଊର୍ଦ୍ଧ୍ୱ ଜଳଖିଆ, ହୋଟେଲ ଓ ଠେଲା ଦୋକାନ ଖୋଲାଯାଇଛି। କେତୋଟି ନିର୍ଦ୍ଦିଷ୍ଟ ଦୋକାନକୁ ଛାଡ଼ି ଦେଲେ ବହୁ ବ୍ୟବସାୟୀ ଖାଦ୍ୟ ପଦାର୍ଥ ପ୍ରତି ଯତ୍ନଶୀଳ ରହୁନାହାନ୍ତି। ଖାଦ୍ୟ ପ୍ରସ୍ତୁତ ବେଳେ ଯେତିକି ସତର୍କତା ଅବଲମ୍ବନ କରିବା କଥା ତାହା ଆଦୌ କରାଯାଉ ନାହିଁ। ଅସ୍ବଚ୍ଛ ତଥା ଅସ୍ବାସ୍ଥ୍ୟକର ପରିବେଶରେ ଖାଦ୍ୟ ପଦାର୍ଥ ପ୍ରସ୍ତୁତ କରାଯାଉଛି। ଗ୍ରାହକଙ୍କୁ ଯେଉଁ ପାତ୍ରରେ ଖାଦ୍ୟ ପରଷା କରାଯାଉଛି ତାହାକୁ ଠିକ୍‌ ଭାବେ ସଫା କରାଯାଉନି। ଅଧିକାଂଶ ଦୋକାନୀ ବାସି ଖାଦ୍ୟକୁ ତା ପରଦିନ ଖାଦ୍ୟରେ ମିଶାଇ ବିକ୍ରି କରୁଛନ୍ତି। ସେହିପରି ରାସ୍ତା ପାର୍ଶ୍ୱରେ ଯାଇଥିବା ପାଣି ପାଇପର ବହୁ ବ୍ୟବସାୟୀ ଦୁରୁପଯୋଗ କରୁଥିବା ନଜରକୁ ଆସୁଛି। ଦୋକାନୀମାନେ ବେଆଇନ ଭାବେ ସଂଯୋଗ ନେଉଛନ୍ତି ନଚେତ ପାଇପ୍‌ ଫୁଟାଇ ଦୋକାନ ପାଇଁ ପାଣି ସଂଗ୍ରହ କରୁଛନ୍ତି। ଫଳରେ ନିମ୍ନମାନର ଖାଦ୍ୟ ସହ ଅସ୍ବାସ୍ଥ୍ୟକର ପରିବେଶରେ ପାଣି ନିଆଯାଉଥିବାରୁ ଏହା ବିଭିନ୍ନ ରୋଗର କାରଣ ହେଉଥିବା ଲୋକେ ପ୍ରକାଶ କରିଛନ୍ତି। ସମ୍ପୃକ୍ତ ବ୍ୟବସାୟୀମାନଙ୍କ ଏପରି କାର୍ଯ୍ୟକଳାପ ବାବଦରେ ଜନସ୍ବାସ୍ଥ୍ୟ ବିଭାଗ ନିକଟରେ ଅଭିଯୋଗ ହେଉଥିଲେ ବି ବିଭାଗ ପକ୍ଷରୁ ଯାଞ୍ଚ ହେଉନାହିଁ। ଯେକୌଣସି ଖାଦ୍ୟ ସାମଗ୍ରୀ ବ୍ୟବସାୟ ଆରମ୍ଭ କରିବା ପୂର୍ବରୁ ଜନସ୍ବାସ୍ଥ୍ୟ ବିଭାଗରେ ପଞ୍ଜୀକୃତ କରିବାର ନିୟମ ରହିଛି। ମାତ୍ର ସହରର ବହୁ ବ୍ୟବସାୟୀ ଉକ୍ତ ନିୟମ ପାଳନ କରୁ ନ ଥିବା ବେଳେ ଜନସ୍ବାସ୍ଥ୍ୟ ବିଭାଗ ମଧ୍ୟ ନିଷ୍କ୍ରିୟ ଅବସ୍ଥାରେ ଚାଲିଛି। ସହରରେ କେତୋଟି ଦୋକାନ ପଞ୍ଜୀକୃତ ଏବଂ ବର୍ଷରେ କେତେ ଥର ଖାଦ୍ୟ ପଦାର୍ଥ ମାନ ଯାଞ୍ଚ ହୋଇଛି ସେ ନେଇ ବିଭାଗ ପାଖରେ ନିର୍ଦ୍ଦିଷ୍ଟ ସୂଚନା ନାହିଁ। ଅନୁଗୋଳରେ ଥିବା ଖାଦ୍ୟ ଇନ୍ସପେକ୍ଟର ହରପ୍ରିୟା ବେହେରା କହିଛନ୍ତି, ୬ ମାସ ହେବ ମାଟରନିଟି ଲିଭ୍‌ରେ ଥିଲି। ତେଣୁ ଏହି ୬ ମାସ ମଧ୍ୟରେ କ’ଣ ହୋଇଛି ଜାଣି ନାହିଁ। ସହରରେ ଥିବା କିଛି ଦୋକାନ ପଞ୍ଜୀକରଣ କରିଛନ୍ତି। ମୋ ଅନୁପସ୍ଥିତିରେ କେନ୍ଦୁଝରରେ ଥିବା ଖାଦ୍ୟ ଇନ୍ସପେକ୍ଟର ଅନୁଗୋଳ ଦାୟିତ୍ୱରେ ଥିଲେ। ସେ କ’ଣ କରିଛନ୍ତି ସେ ସମ୍ପର୍କରେ ଅନୁଧ୍ୟାନ କରିବି। ଖାଦ୍ୟର ମାନ ଠିକ୍‌ ରଖିବା ଓ ପଞ୍ଜୀକରଣ କରିବା ସମ୍ପର୍କରେ ଦୋକାନୀମାନଙ୍କୁ ସଚେତନ କରିବାକୁ ଆଗକୁ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯିବ। ଯେଉଁଠୁ ବି ଅଭିଯୋଗ ଆସୁଛି ସେଠାରେ ଅନୁଧ୍ୟାନ କରାଯାଉଛି ବୋଲି ବେହେରା କହିଛନ୍ତି। ଏଡିଏମ୍‌ଓ ପିଏଚ୍‌ ରାକେଶ ସାହୁ କହିଛନ୍ତି, ସହରରେ ହଜାରେ ପାଖାପାଖି ଦୋକାନ ପଞ୍ଜୀକରଣ ହୋଇଛି। ଖାଦ୍ୟ ଇନ୍ସପେକ୍ଟର ନ ଥିବାରୁ ନିୟମିତ ଚଢ଼ାଉ ହୋଇପାରୁନାହିଁ।


All Right Reserved By Dharitri.Com

ଅନୁଗୋଳ ପୋଲିସ ହାତରେ ଚୋରା କୋଇଲା ଗ୍ୟାଙ୍ଗ

ଅନୁଗୋଳ ଅଫିସ, ୧୮।୧୨- ଚୋରା କୋଇଲା କାରବାର କରୁଥିବା ଏକ ଗ୍ୟାଙ୍ଗର ୪ଜଣଙ୍କୁ ଅନୁଗୋଳ ପୋଲିସ କାବୁ କରିଛି। ଏଥିସହ ସମ୍ପୃକ୍ତ ମାଫିଆଙ୍କ ନିକଟରୁ ବିପୁଳ...

କଂଗ୍ରେସ ଦେଲା ଖଣି ବନ୍ଦ ଚେତାବନୀ

ତାଳଚେର,୩ା୮(ନି.ପ୍ର.) ତାଳଚେରସ୍ଥିତ ଭରତପୁର ଖଣି ଦୁର୍ଘଟଣାରେ ମୃତାହତ ଶ୍ରମିକଙ୍କୁ ନେଇ ଭାଜପା ଏବଂ ବିଜେଡି ରାଜନୀତି କରୁଥିବା କଂଗ୍ରେସ ଅଭିଯୋଗ କରିଛି। ଏକ ଖବରଦାତା ସମ୍ମିଳନୀରେ...

ପୌରପାଳିକାରେ ଖୋଲିଲା ୨୩ ୱାର୍ଡ ଅଫିସ: ଏଣିକି ସମସ୍ୟା ବୁଝିବେ ଓ୍ବାର୍ଡ ଅଫିସର

ଅନୁଗୋଳ ଅଫିସ,୧।୯ – ଅନୁଗୋଳ ଲୋକଙ୍କ ସମସ୍ୟା ବୁଝିବ ପୌର ପ୍ରଶାସନ। ଏଥିପାଇଁ ଶନିବାର ପୌରପାଳିକା ଅଧୀନରେ ଥିବା ୨୩ଟି ୱାର୍ଡ଼ରେ ଖୋଲା ଯାଇଛି ୱାର୍ଡ଼...

ତୁଟିଲା ସରକାରୀ ବସ୍‌ଷ୍ଟାଣ୍ଡ ଅଡ଼ୁଆ

ଅନୁଗୋଳ ଅଫିସ, ୨୧।୯ – ଅନୁଗୋଳରେ ନିର୍ମାଣ ଚାଲିଥିବା ଅତ୍ୟାଧୁନିକ ସରକାରୀ ବସ୍‌ଷ୍ଟାଣ୍ଡ ସମ୍ମୁଖରେ ଥିବା କେତୋଟି ଦୋକାନକୁ ନେଇ ସୃଷ୍ଟି ହୋଇଥିବା ବିବାଦର ସମାଧାନ...

ଜାତୀୟ ଉସୁ: ଦିବ୍ୟମୋହନଙ୍କୁ ରୌପ୍ୟ

ଅନୁଗୋଳ ଅଫିସ, ୧।୧ – ଜମ୍ମୁରେ ଅନୁଷ୍ଠିତ ୨୮ତମ ଜାତୀୟ ସିନିୟର ଉସୁ ଚାମ୍ପିୟନଶିପ୍‌-୨୦୧୯ରେ ରୌପ୍ୟ ପଦକ ଜିତି ଗୌରବ ଆଣିଛନ୍ତି ଅନୁଗୋଳ ଜିଲା କଣିହଁା...

ପଞ୍ଚାୟତରେ ସରିନି ଆଇସୋଲେଶନ ସେଣ୍ଟର

ଅନୁଗୋଳ ଅଫିସ, ୨୯।୩ – କରୋନା ସଂକ୍ରମଣ ଏବେ ତୃତୀୟ ପର୍ଯ୍ୟାୟରେ ପହଞ୍ଚିଥିବା ରାଜ୍ୟ ସରକାରଙ୍କ ପକ୍ଷରୁ କୁହାଯିବା ସହ ଏହାର ମୁକାବିଲାକୁ ଅଧିକ ଶାଣିତ...

ଦୀନଦୟାଲ ଉପାଧ୍ୟାୟ ଗ୍ରାମୀଣ କୌଶଲ୍ୟ ଯୋଜନାରେ ଆଲୁମନି ମିଟ୍‌:ଅନୁଭୂତି କହିଲେ ନିଯୁକ୍ତି ପାଇଥିବା ୫୭ ଯୁବତୀଯୁବକ

ଅନୁଗୋଳ ଅଫିସ, ୨୮।୧୨ କେନ୍ଦ୍ର ସରକାରଙ୍କ ଦୀନଦୟାଲ ଉପାଧ୍ୟାୟ ଗ୍ରାମୀଣ କୌଶଲ୍ୟ ଯୋଜନାରେ ନିଜ ଦକ୍ଷତା ବୃଦ୍ଧି କରି ଆନ୍ଧ୍ରପ୍ରଦେଶ, ବାଙ୍ଗାଲୋର, ତାମିଲନାଡ଼ୁ ଓ ମହାରାଷ୍ଟ୍ରରେ...

ଉନ୍ନତି, ଉପକୃତଙ୍କ ସମ୍ପର୍କରେ ମାଗିଲେ ରିପୋର୍ଟ

ଅନୁଗୋଳ ଅଫିସ/କଣିହଁ।, ୧୧।୧ – ସାମାଜିକ ନିରାପତ୍ତା ଓ ଭିନ୍ନକ୍ଷମ ସଶକ୍ତୀକରଣ କମିଶନର ତଥା ସଚିବ ଭାସ୍କର ଜ୍ୟୋତି ଶର୍ମା ଅନୁଗୋଳ ଗସ୍ତର ଦ୍ୱିତୀୟ ଦିନରେ...

Leave a comment

Your email address will not be published. Required fields are marked *