ପଶୁପାଳନ ବିକାଶ ସହାୟତା ବାଟବଣା

ଧାମନଗର, ୧।୮(ଡି.ଏନ.ଏ.)- ଗାଈ, ଛେଳି, କୁକୁଡ଼ା ପାଳନ ଭଳି ଆନୁଷଙ୍ଗିକ କୃଷି ବିକାଶ ଯୋଜନା ହେଉଥିଲେ ମଧ୍ୟ ଏହାର ରୂପାୟନ ଠିକ୍‌ ଭାବେ ହୋଇପାରୁ ନାହିଁ। ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତ ଯୋଜନାରେ ଗୃହପାଳିତ ପ୍ରାଣୀଧନଙ୍କ ଲାଗି ଗୁହାଳ ତିଆରି ଲାଗି ଯୋଜନା ହୋଇ ହିତାଧିକାରୀ ଚୟନ ହେବାର ୨ ବର୍ଷ ବିତିଥିଲେ ବି ତାହା ଏଯାଏ କାର୍ଯ୍ୟକାରୀ ହୋଇ ନାହିଁ। ଭଦ୍ରକ ଜିଲା ଧାମନଗର ଅଞ୍ଚଳରେ ପ୍ରସ୍ତୁତ ହିତାଧିକାରୀ ତାଲିକା ଜିଲାସ୍ତରକୁ ପଠାଯାଇଥିବା କୁହାଯାଉଛି। ବର୍ତ୍ତମାନ ଏହି ଯୋଜନାର ଭବିଷ୍ୟତ ରୂପରେଖ ନେଇ ଆଉ କୌଣସି ସୂଚନା ମିଳୁ ନ ଥିବାରୁ ଚାଷୀମାନେ ଦ୍ୱନ୍ଦ୍ୱରେ ରହିଛନ୍ତି।
ଉଲ୍ଲେଖନୀୟ ଯେ, ଗାଈଗୋରୁଙ୍କ ସୁରକ୍ଷା ଲାଗି ଏହି ଯୋଜନାରେ ପ୍ରତ୍ୟେକ ଚାଷୀଙ୍କୁ ଆର୍ଥକ ଅନୁଦାନ ଦେଇ ପକ୍କାଗୁହାଳ ତିଆରି ସକାଶେ ପ୍ରଥମେ ପରିକଳ୍ପନା କରାଯାଇଥିଲା। ଏ ନେଇ ଜିଲା ପ୍ରକଳ୍ପ ଅଧୀନରେ ବିଜ୍ଞପ୍ତି ପ୍ରକାଶ ପାଇଥିଲା। ଏହାପରେ ୨୦୧୭ ରେ ପଶୁପାଳକମାନେ ପଲ୍ଲିସଭା ଜରିଆରେ ଆବେଦନ ଆରମ୍ଭ କରିଥିଲେ। ଜିଲା ପ୍ରାଣୀଧନ ବିଭାଗ ତରଫରୁ ସ୍ଥାନୀୟ ଭିଏଏସଙ୍କ ଜରିଆରେ ଘରଘର ବୁଲି ପଲ୍ଲିସଭା କରି ଆବେଦନ ରିପୋର୍ଟକୁ ଯାଞ୍ଚ କରାଯାଇଥିଲା। ଅତିକମରେ ୬ଟି ଗୋରୁଥିବା ଚାଷୀଙ୍କୁ ଘର ମିଳିବ ବୋଲି ସେତେବେଳେ ପ୍ରଚାର କରାଯାଇଥିଲା। ପରବର୍ତ୍ତୀ ଅବସ୍ଥାରେ ସମସ୍ତ ପଶୁପାଳକଙ୍କୁ ଘର ମିଳିବ ବୋଲି କୁହାଯାଇଥିଲା। ତଦନୁଯାୟୀ ଧୂଷୁରୀ ପ୍ରାଣୀ ଚିକିତ୍ସା କେନ୍ଦ୍ରର ଭିଏଏସ ଡା. ନିରାକାର ଜେନା ତାଙ୍କ ଅଧୀନରେ ଥିବା ବିଭିନ୍ନ ପଞ୍ଚାୟତରୁ ୪୭୭ ଗୋପାଳକ,୧୩୦ ଛେଳିପାଳକ ଏବଂ ୮୯ କୁକୁଡା ପାଳକଙ୍କୁ ଚିହ୍ନଟ କରି ବ୍ଲକକୁ ରିପୋର୍ଟ ପ୍ରଦାନ କରିଥିଲେ। ଅପରପକ୍ଷେ ଧାମନଗର ପ୍ରାଣୀ ଚିକିତ୍ସା କେନ୍ଦ୍ର ଅଧୀନରେ ଥିବା ବିଭିନ୍ନ ପଞ୍ଚାୟତରୁ ହିତାଧିକାରୀ ଚିହ୍ନଟ କରି ଭିଏଏସ ଡା. ଯୋଗମାୟା ସିଂ ବ୍ଲକକୁ ରିପୋର୍ଟ ପଠାଇଥିଲେ। ବ୍ଲକରେ ଏହି ରିପୋର୍ଟ ଦୀର୍ଘଦିନ ପଡି ରହିବା ଯୋଗୁ ଏ ନେଇ ରାଜନୀତି ଜୋର ଧରିଥିଲା। ଶେଷରେ ଉକ୍ତ ଯୋଜନାରେ ପ୍ରତି ପଞ୍ଚାୟତରୁ ଜଣେ ଲେଖାଏ ହିତାଧିକାରୀ ଚିହ୍ନଟ କରି ଧାମନଗର ବ୍ଲକ ପକ୍ଷରୁ ମୋଟ ୨୮ ଜଣଙ୍କ ନାମ ଜିଲାସ୍ତରକୁ ସୁପାରିସ କରାଯାଇଥିଲା। ଏହାମଧ୍ୟରେ ୨ ବର୍ଷ ବିତିଯାଇଥିଲେ ମଧ୍ୟ ଜିଲାରୁ କୌଣସି ରିପୋର୍ଟ ଆସି ନ ଥିବା ବ୍ଲକ ପ୍ରଶାସନ ତରଫରୁ କୁହାଯାଇଛି। ଫଳରେ ଉକ୍ତ ଯୋଜନାର ଭବିଷ୍ୟତ ଅନ୍ଧାରକୁ ଠେଲି ହୋଇଯାଇଛି।
ଉଲ୍ଲେଖନୀୟ ଯେ, ଭଦ୍ରକ ଜିଲାରେ ଧାମନଗର ବ୍ଲକ ନଦୀ ଅବବାହିକା ତଥା ବନ୍ୟା ପ୍ରଭାବିତ ଅଞ୍ଚଳ ହୋଇଥିବାରୁ ପଶୁପାଳନ ନିମନ୍ତେ ଗୁହାଳ ତିଆରି ଯୋଜନାକୁ ଚାଷୀମାନେ ସ୍ବାଗତ କରିଥିଲେ। ସାଧାରଣତଃ ବନ୍ୟା ପରିସ୍ଥିତିରେ ଲୋକେ ଗୋରୁଙ୍କୁ ଫିଟାଇ ଦେଉଥିବାରୁ ଏମାନଙ୍କ ମଧ୍ୟରୁ ଅନେକ ବନ୍ୟାଜଳରେ ଭାସି ଯାଉଥିଲେ। ଏଣୁ ଗୋସମ୍ପଦ ତଥା ପ୍ରାଣୀଧନଙ୍କ ସୁରକ୍ଷା ଲାଗି ଜିଲା ପ୍ରଶାସନର ଏହି ଯୋଜନା ଉପାଦେୟ ହେବ ବୋଲି ସମସ୍ତେ ଭାବିଥିଲେ। ଏଣୁ ଉକ୍ତ ଯୋଜନାକୁ ତୁରନ୍ତ କାର୍ଯ୍ୟକାରୀ କରା ନ ଗଲେ ଚାଷୀମାନେ ରାଜରାସ୍ତାକୁ ଓହ୍ଲାଇବେ ବୋଲି ଏଠାରେ ଚେତାବନୀ ଦେଇଛନ୍ତି।


All Right Reserved By Dharitri.Com

ଉଚ୍ଛେଦ ଜାଗା ଚିହ୍ନଟ ନ କରି ହଟହଟା

ସଜନାଗଡ଼, ୧୭।୧୨(ଡି.ଏନ.ଏ.)-ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ନୀଳଗିରି ତହସିଲଦାର ସୁଶ୍ରୀତା ଟୁଡୁ ସୋମବାର ପଞ୍ଚଲିଙ୍ଗେଶ୍ୱର ଶୈବପୀଠରେ ଥିବା ୭ ଡିସିମିଲ ଗୋଚର ଜାଗା ଉପରେ ହୋଇଥିବା ଦୋକାନ...

ଜମା ଟଙ୍କା ମାଗିବାରୁ ମହିଳାଙ୍କୁ ଦୁର୍ବ୍ୟବହାର

ବନ୍ତ,୧୩।୧୧(ଡି.ଏନ.ଏ.): ଭଦ୍ରକ ଜିଲା ବନ୍ତ ଥାନା ଅଧୀନ ବସନ୍ତିଆ ସବ୍‌ପୋଷ୍ଟ ଅଫିସ କର୍ମଚାରୀ ତଥା ଆପଣ୍ଡା ଗ୍ରାମର ଜଣେ ବ୍ୟକ୍ତିଙ୍କୁ କେନ୍ଦୁଝର ଜିଲା ନନ୍ଦିପଦା ଥାନା...

ଭଂଗା କୁରିଆରେ ବୁଢ଼ାବୁଢ଼ିକର ବିତୁଛେ ଜୀବନ: ପକାଘର ଖଁଡ଼େ ଆଶ୍‌ରେ ଭାଗୀରଥି ଆର ନୁର

ଜାମଟିକ୍ରା, ୨୨।୪ (ଡି.ଏନ.ଏ):  କେନ୍ଦ୍ର ଆର ରାଏଜ୍‌ ସରକାର ଗରିବ୍‌ ଦୁଖିକର ଲାଗି ଯୋଜନା ଉପରେ ଯୋଜନା ତିଆର କରୁଛନ୍‌। ଭିନେ ଭିନେ ଯୋଜନାରେ ସରକାର...

୮୫ ହଜାର ଲୁଟ୍‌ ଘଟଣା: ଜେଲ୍‌ ଗଲେ ଅଭିଯୁକ୍ତ

ରୂପ୍‌ସା, ୨୫।୧୦(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ବାହାବଳପୁର ସାମୁଦ୍ରିକ ଥାନା ଅଧୀନ ଦୁବୁଲାଗଡ଼ି ଗ୍ରାମର ଜଣେ ଭୁଟୁଭୁଟି ମାଲିକ ଅଜାମିଲ ବେରାଙ୍କ ମୁହାଣସ୍ଥିତ ଗୋଦାମ ଓ ଅଫିସ୍‌...

ନିସାହା ମହିଲାକଁର ଉପରେ ୫ ଛୁଆର ବୋଝ୍‌

ଭବାନୀପାଟଣା,୧୦।୬ (ଡି.ଏନ.ଏ.): କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ଅଧୀନ ମାଳିଗାଁ ପଁଚେତ୍‌ର ଭିତରପଦର ଗଁାର ସ୍ବର୍ଗତ ଗଙ୍ଗା ମାଝୀକଁର ବିଧବା ମାଏକିନା ବୁଦାଏ ବଓ୍ବୋ।...

ବାହୁଡ଼ିଲା ନରହନ୍ତା ଦନ୍ତା

ପରଜଙ୍ଗ, ୧୪।୮(ଡି.ଏନ୍‌.ଏ.)-ଢେଙ୍କାନାଳ ବନଖଣ୍ଡ ମହାବିରୋଡ ରେଞ୍ଜ ଡିହଡୋଳ ଫରେଷ୍ଟ ସେକ୍ସନରେ କିଛିଦିନ ବ୍ୟବଧାନରେ ପୁଣିଥରେ ନିଜର ଉପସ୍ଥିତି ଜାହିର କରିଛି ନରହନ୍ତା ଦନ୍ତା। ଦାନ୍ତ କଟାଯିବା...

ଅକଥନୀୟ ଅତ୍ୟାଚାରର ସାକ୍ଷୀ ବ୍ରିଟିଶ କୋଠି

ଏରସମା,୨୪।୮(ସ୍ବ.ପ୍ର.): ରାଜ୍ୟ ସରକାରଙ୍କ ସଂସ୍କୃତି ବିଭାଗ ଦ୍ୱାରା ଲକ୍ଷାଧିକ ଟଙ୍କା ବ୍ୟୟ କରାଯାଇ ବିଭିନ୍ନ ସ୍ଥାନରେ ଥିବା ଐତିହାସିକ ସ୍ମୃତିସ୍ଥମ୍ଭ, ପୀଠସ୍ଥଳୀ ଓ ରାଜପ୍ରାସାଦ ଆଦିର...

ଶିକ୍ଷକ ବଦଳି ବିରୋଧରେ ଅଭିଭାବକଙ୍କ ଧାରଣା

ରୂପ୍‌ସା, ୯।୧୨(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ଅନ୍ତର୍ଗତ ହଳଦୀପଦାସ୍ଥିତ ଜନାର୍ଦ୍ଦନ ସରକାରୀ ଉପ୍ରା ବିଦ୍ୟାଳୟରେ ୧ମରୁ ୮ମ ଶ୍ରେଣୀ ପର୍ଯ୍ୟନ୍ତ ୨୭୭ଜଣ ଛାତ୍ରୀଛାତ୍ର ଅଧ୍ୟୟନ କରୁଛନ୍ତି। ଶିକ୍ଷା...

Leave a comment

Your email address will not be published. Required fields are marked *