ମଞ୍ଚେଶ୍ୱର ଥାନାଞ୍ଚଳ ପାଲଟିଛି ଲୁଟେରାଙ୍କ ସୁରକ୍ଷିତ ଜୋନ୍‌:୧୬ ଘଣ୍ଟାରେ ୩ ବଡ଼ ଲୁଟ୍‌, ଡକାୟତି

ରାଜଧାନୀରେ ପୁଣି ମାତିଲେ ଲୁଟେରା। ଏଥର ମଞ୍ଚେଶ୍ୱର ଥାନାଞ୍ଚଳରେ ଦିନ ତମାମ ଖେଳାଇଛନ୍ତି ଆତଙ୍କ। କମିଶନରେଟ ପୋଲିସକୁ ଚ୍ୟାଲେଞ୍ଜ କରି ୧୬ ଘଣ୍ଟାରେ ଘଟାଇଛନ୍ତି ୩ ବଡ଼ ଲୁଟ୍‌ ଓ ଡକାୟତି। ଦୁଇଟି ଘଟଣା ଭୋର୍‌ ସମୟରେ ଘଟିଥିବାବେଳେ ପୋଲିସ ସେପରି ପଦକ୍ଷେପ ଗ୍ରହଣ କରି ନ ଥିଲା। ଫଳରେ ଅପରାହ୍ନରେ ପୁଣି ଲୁଟ୍‌ପାଟ କରିଥିଲେ ଲୁଟେରା। ସବୁ ଲୁଟ୍‌ ଘଟଣାରେ ଗୋଟିଏ ଗ୍ୟାଙ୍ଗ୍‌ର ସମ୍ପୃକ୍ତି ଥିବା ଅନୁମାନ କରାଯାଉଛି। ଏହି ଘଟଣା ଏବେ ମଞ୍ଚେଶ୍ୱର ପୋଲିସର ଦକ୍ଷତାକୁ ନେଇ ପ୍ରଶ୍ନବାଚୀ ସୃଷ୍ଟି କରିଥିବାବେଳେ ସହରବାସୀଙ୍କ ସୁରକ୍ଷାକୁ ନେଇ ଆଶଙ୍କା ପ୍ରକାଶ ପାଇଛି।

ବନ୍ଧୁକ ମୁନରେ ରେଲ୍‌ଓ୍ବେ କର୍ମଚାରୀଙ୍କଠାରୁ ଲୁଟିଲେ ୩ଲକ୍ଷର ଅଳଙ୍କାର
ଭୁବନେଶ୍ୱର, ୩୦ା୭(ବ୍ୟୁରୋ): ପ୍ରଥମ ଲୁଟ୍‌ ଘଟଣା ମଙ୍ଗଳବାର ଭୋର୍‌ ପ୍ରାୟ ୫ଟାରେ ଆଦିମାତା ଲେନ୍‌ରେ ଘଟିଥିଲା। ଲୁଟେରାମାନେ ବନ୍ଧୁକ ଦେଖାଇ ୩ଲକ୍ଷ ଟଙ୍କାର ସୁନା ଗହଣା ଲୁଟି ନେଇଥିଲେ। ଲୁଟ୍‌ର ଶିକାର ହୋଇଛନ୍ତି ସ୍ଥାନୀୟ କେଳୁଚରଣ ପାର୍କ ନିକଟରେ ରହୁଥିବା ଉମାକାନ୍ତ ମିଶ୍ର ଓ ତାଙ୍କ ପରିବାର ସଦସ୍ୟ। ଉମାକାନ୍ତ ଜଣେ ରେଲଓ୍ବେ କର୍ମଚାରୀ। ସେ ସ୍ତ୍ରୀ ଓ ପୁଅ ସହ ବ୍ରହ୍ମପୁର ଯିବା ପାଇଁ ପାର୍କ ନିକଟରୁ ଏକ ଅଟୋରେ ରେଳ ଷ୍ଟେଶନ ଅଭିମୁଖେ ଯାଉଥିଲେ। ଏହି ସମୟରେ ଏକ ପଲ୍‌ସର ବାଇକରେ ୩ଜଣ ଦୁର୍ବୃତ୍ତ ହଠାତ୍‌ ସେଠାରେ ପହଞ୍ଚତ୍ ଅଟୋକୁ ଅଟକାଇଥିଲେ। ସେମାନେ କିଛି ବୁଝିବା ପୂର୍ବରୁ ଦୁର୍ବୃତ୍ତମାନେ ଉମାକାନ୍ତଙ୍କ ମୁଣ୍ଡରେ ବନ୍ଧୁକ ରଖି ତାଙ୍କ ସ୍ତ୍ରୀ ପିନ୍ଧିଥିବା ସୁନା ଗ୍ରହଣା କାଢି ଦେବାକୁ କହିଥିଲେ। ସୁନାଗହଣା ଲୁଟୁଥିବାବେଳେ ପଛରେ ଆଉ ଏକ ଅଟୋ ଲାଗିଥିଲା। ଏହାଦେଖି ଦୁର୍ବୃତ୍ତମାନେ ୮୦ ଗ୍ରାମ ଓଜନର ଅଳଙ୍କାର ନେଇ ଫେରାର ହୋଇଯାଇଥିଲେ। ଏହାର ଆନୁମାନିକ ମୂଲ୍ୟ ୩ଲକ୍ଷ ଟଙ୍କାରୁ ଊର୍ଦ୍ଧ୍ୱ ହେବ। ଏ ନେଇ ଉମାକାନ୍ତ ମଞ୍ଚେଶ୍ୱର ଥାନାରେ ଅଭିଯୋଗ କରିବା ପରେ ପୋଲିସ ମମାଲା ନଂ.୩୦୦/୧୯ ରୁଜୁ କରି ତଦନ୍ତ ଚଳାଇଛି।

ଘରେ ପଶି ନେଇଗଲେ ୪ଲକ୍ଷର ଅଳଙ୍କାର
ପ୍ରଥମ ଘଟଣାର ଅଧଘଣ୍ଟା ପରେ ଆଦିମାତା କଲୋନୀରେ ଘଟିଥିଲା ବଡ଼ଧରଣର ଡକାୟତି। ଭୋର୍‌ ପ୍ରାୟ ୫ଟା ୩୦ରେ ଉକ୍ତ କଲୋନୀରେ ରହୁଥିବା ଅବସରପ୍ରାପ୍ତ ବ୍ୟାଙ୍କ୍‌ ମ୍ୟାନେଜର ସଦାନନ୍ଦ ବିଶ୍ୱାଳଙ୍କ ଘରୁ ହୋଇଥିଲା ଡକାୟତି। ସଦାନନ୍ଦ ଓ ତାଙ୍କ ସ୍ତ୍ରୀ ସକାଳୁ ଉଠିଥିଲେ। ସଦାନନ୍ଦ ଘର ପରିସରରେ ଥିବାବେଳେ ସ୍ତ୍ରୀ ବାହାରକୁ ଫୁଲ ତୋଳିବାକୁ ଯାଇଥିଲେ। ଘରର କବାଟ ଓ ଗେଟ୍‌ ଖୋଲା ଥିବା ଦେଖି ୩ଜଣ ଦୁର୍ବୃତ୍ତ ଭୁଜାଲି ଦେଖାଇ ସଦାନନ୍ଦଙ୍କୁ ଘର ଭିତରକୁ ନେଇଯାଇଥିଲେ। ଆଲମାରି ଚାବି ନେଇ ସେଥିରେ ଥିବା ୪ଲକ୍ଷ ଟଙ୍କାର ସୁନା ମୁଦି ଓ ଚେନ୍‌ ଲୁଟି ନେଇ ଫେରାର ହୋଇଯାଇଥିଲେ। ଖବର ପାଇ ମଞ୍ଚେଶ୍ୱର ଥାନା ଅଧିକାରୀ ଜିତେନ୍ଦ୍ରନାଥ ସେଠୀ ଘଟଣା ସ୍ଥଳରେ ପହଞ୍ଚତ୍ ତଦନ୍ତ ଆରମ୍ଭ କରିଥିଲେ। ସଦାନନ୍ଦଙ୍କ ଅଭିଯୋଗକ୍ରମେ ପୋଲିସ କେସ୍‌ ନଂ. ୩୦୨/୧୯ରେ ଏକ ମାମଲା ରୁଜୁ କରିଥିଲେ ମଧ୍ୟ ଦୁର୍ବୃତ୍ତଙ୍କ ପତ୍ତା ପାଇପାରିନି।

ଶୋ’ରୁମ୍‌ ମାଲିକ, ଗ୍ରାହକଙ୍କୁ ଭୁଜାଲିରେ ହାଣିଲେ

ତୃତୀୟ ଘଟଣା କଟକ-ପୁରୀ ବାଇପାସ୍‌ ଜଗନ୍ନାଥ ସଡ଼କରେ ଘଟିଥିଲା। ବ୍ୟବହୃତ ଗାର୍‌ ଶୋ’ରୁମ୍‌ ମହିମା ମୋଟର୍ସ ମାଲିକ ଓ ଜଣେ ଗ୍ରାହକଙ୍କୁ ୫ଜଣ ଦୁର୍ବୃତ୍ତ ଭୁଜାଲିରେ ହାଣି ଲୁଟ୍‌ପାଟ କରିଛନ୍ତି। ଶୋ’ରୁମ୍‌ ମାଲିକଙ୍କଠାରୁ ସୁନା ଚେନ୍‌ ଓ ଗ୍ରାହକଙ୍କଠାରୁ ୨ଲକ୍ଷ ଟଙ୍କା ଲୁଟି ନେଇଛନ୍ତି। ଲୁଟ୍‌ର ଶିକାର ଦୁଇଜଣ ହେଲେ ଶୋରୁମ୍‌ ମାଲିକ କଟକ ୪୨ମୌଜାର ତାପସ କୁମାର ପରିଡା। ତାଙ୍କୁ ଗୁରୁତର ଅବସ୍ଥାରେ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ସେହିପରି ଗାଡି କିଣିବାକୁ ଆସିଥିବା ରାଇରଙ୍ଗପୁରର ଭିକି ଶର୍ମା ମୁଣ୍ଡରେ ଆଘାତ ଲାଗିଥିବାରୁ ତାଙ୍କୁ ମଧ୍ୟ ହସ୍ପିଟାଲରେ ଭର୍ତ୍ତି କରାଯାଇଛି। ସୂଚନା ଅନୁଯାୟୀ, ତାପସଙ୍କ ପୁରୀ ବାଇପାସ ରୋଡ୍‌ ଜଗନ୍ନାଥ ସଡ଼କ ନିକଟରେ ବ୍ୟବହୃତ ଗାଡି ବ୍ୟବସାୟ କରନ୍ତି। ସେ ଦୋକାନରେ ବସିଥିବାବେଳେ ଅପରାହ୍ନ ପ୍ରାୟ ୩ଟା ୩୦ରେ ଦୁଇଟି ବାଇକରେ ୫ଜଣ ଦୁର୍ବୃତ୍ତ ଆସିଥିଲେ। ସେମାନେ ମୁହଁରେ କପଡା ବାନ୍ଧିଥିଲେ। ହଠାତ୍‌ ତାପସଙ୍କୁ ମାଡ଼ ମାରି ଟଙ୍କା ଦେବାକୁ କହି ବେକରେ ଭୁଜାଲି ଲଗାଇ କ୍ୟାଶ୍‌ କାଉଣ୍ଟର ନିକଟକୁ ନେଇଥିଲେ। ହେଲେ ତାପସ ଚତୁରତାର ସହ ଅନ୍ୟ ଏକ କ୍ୟାଶ୍‌ କାଉଣ୍ଟର ଦେଖାଇବାରୁ ଲୁଟେରାମାନେ ତାଙ୍କ ମୁଣ୍ଡ ଓ କାନ୍ଧକୁ ହାଣି ସେ ପିନ୍ଧିଥିବା ସୁନା ଚେନ୍‌ ଲୁଟି ନେଇଥିଲେ। ପରେ ଭିକିଙ୍କୁ ହାଣି ତାଙ୍କଠାରୁ ଟଙ୍କା ବ୍ୟାଗ୍‌ ନେଇ ଚମ୍ପଟ ମାରିଥିଲେ।


All Right Reserved By Dharitri.Com

ଗରଡ଼ିହି ହାଇସ୍କୁଲର ଶିକ୍ଷକଙ୍କ ବଦଳି ପ୍ରତିବାଦ: ଛାତ୍ରୀଛାତ୍ରଙ୍କ ବିକ୍ଷୋଭ, ଟାୟାର ଜାଳି ଆନ୍ଦୋଳନ

ସଜନାଗଡ଼,୧୫।୧୦(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ବ୍ଲକ ଅଧୀନ ଗରଡ଼ିହି ହାଇସ୍କୁଲର ଜଣେ ଶିକ୍ଷକଙ୍କୁ ଅନ୍ୟତ୍ର ବଦଳି ପ୍ରତିବାଦରେ ଛାତ୍ରୀଛାତ୍ରମାନେ ବିଦ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି। ସେମାନେ...

ଆଧାର ଦେଇଛି ଦୁଃଖ

ରାଇସୁଆଁ,୨୯।୯(ଡି.ଏନ.ଏ.)- କେନ୍ଦୁଝର ଜିଲା ସଦର ବ୍ଲକ ଅନ୍ତର୍ଗତ ମହାଦେଇଯୋଡା ପଞ୍ଚାୟତର ସଲରାପେଣ୍ଠ ଗ୍ରାମର ମା’ ବାପା ଛେଉଣ୍ଡ ୧୧ ବର୍ଷର ଝିଅ ସୀମା । ଜନ୍ମ...

ଐତିହ୍ୟ ପଦଯାତ୍ରାରେ ଟୁର୍‌ ଅପରେଟର

ଭୁବନେଶ୍ୱର, ୨୦ା୧୦(ବ୍ୟୁରୋ) : ଓଡ଼ିଶା ଟ୍ରାଭେଲ୍‌ ବଜାରର ୩ୟ ସଂସ୍କରଣରେ ଯୋଗଦେବାକୁ ଆସିଥିବା ଦେଶର ବିଭିନ୍ନ ସ୍ଥାନର ଟୁର୍‌ ଅପରେଟର୍‌ମାନେ ଶନିବାର ପୁରୁଣା ଭୁବନେଶ୍ୱରରେ ଏକ...

ବିଦେଶରେ ଶ୍ରମିକଙ୍କୁ ନିର୍ଯାତନା ପ୍ରସଙ୍ଗ: ଦଲାଲଙ୍କ ତଥ୍ୟ ସଂଗ୍ରହ ନିର୍ଦ୍ଦେଶ

ଛତ୍ରପୁର,୨୪ା୧୦(ଡି.ଏନ.ଏ.)-ଗଞ୍ଜାମ ଜିଲାର ଶ୍ରମିକମାନେ ଅନ୍ୟ ରାଜ୍ୟ ତଥା ବିଦେଶରେ ନିର୍ଯାତିତ ହେଉଛନ୍ତି। ଏପରିକି କେତେଜଣଙ୍କ ମୃତ୍ୟୁ ମଧ୍ୟ ହେଉଛି । ଏ ନେଇ ଜିଲା ପ୍ରଶାସନ,...

ଦାଦନ ଶ୍ରମିକଙ୍କୁ ନେଇ ସମ୍ମିଳନୀ: ନିର୍ଯାତନା, ହତ୍ୟା ମାମଲାକୁ ଚପା ଯାଉଛି

ବଲାଙ୍ଗୀର ଅଫିସ,୩୦ା୬ ବଲାଙ୍ଗୀର ଜିଲାର ଦାଦନ ଶ୍ରମିକଙ୍କ ଉପରେ ହେଉଥିବା ନିର୍ଯାତନା ତଥା ହତ୍ୟା, ଅପହରଣ, ଆର୍ଥିକ ଶୋଷଣ ଭଳି ଗୁରୁତର ଘଟଣାଗୁଡିକୁ ଅଭିଯୋଗସତ୍ତ୍ୱେ ପୋଲିସ...

ଭୁବନେଶ୍ୱରରେ ପହଞ୍ଚିଲେ ରାଷ୍ଟ୍ରପତି

ଭୁବନେଶ୍ୱର,୭।୧୨(ବ୍ୟୁରୋ) : ଶନିବାର ସନ୍ଧ୍ୟାରେ ରାଷ୍ଟ୍ରପତି ରାମନାଥ କୋବିନ୍ଦ ବାୟୁସେନାର ସ୍ବତନ୍ତ୍ର ବିମାନରେ ଆସି ଭୁବନେଶ୍ୱର ବିମାନବନ୍ଦରରେ ପହଞ୍ଚିଛନ୍ତି। ରାଷ୍ଟ୍ରପତିଙ୍କୁ ରାଜ୍ୟପାଳ ଗଣେଶୀ ଲାଲ, ମୁଖ୍ୟମନ୍ତ୍ରୀ...

ନିଷ୍କାସନ ହୋଇପାରୁନି ବର୍ଷାଜଳ: ଦୁର୍ଦ୍ଦଶାରେ ୨୦ଗଁ।ର ଗ୍ରାମବାସୀ

ଗୋପ,୨୭।୮(ଡି.ଏନ୍‌.ଏ.): ନାଗପୁର-ନୟାହାଟ ପୂର୍ତ୍ତ ବିଭାଗ ରାସ୍ତାରେ ତିନିତିଅର, ବେଦପୁର, ବାଲିକନ୍ଦଳ ଆଦି ଗ୍ରାମ ନିକଟରେ ବର୍ଷାଜଳ ନିଷ୍କାସନ ହୋଇ ନ ପାରିବାରୁ ପ୍ରାୟ ୨୦ ଗାଁର...

ରାସ୍ତା ମଝିରେ କାରରଖି ହଙ୍ଗାମାକଲେ ୨ ବଙ୍ଗୀୟ ଯୁବତୀ

ଭୁବନେଶ୍ୱର,୨୧।୯(ବ୍ୟୁରୋ): ରାସ୍ତା ମଝିରେ କାର୍‌ ରଖି ହଙ୍ଗାମା କଲେ ନିଶାସକ୍ତ ୨ ବଙ୍ଗୀୟ ଯୁବତୀ। ଶନିବାର ଏଭଳି ଘଟଣା ଦେଖିବାକୁ ମିଳିଛି ରାଜଧାନୀ ଭୁବନେଶ୍ୱରରେ। କମିଶନରେଟ...

Leave a comment

Your email address will not be published. Required fields are marked *