କୃଷି ସଙ୍କଟ ପାଇଁ ସରକାରୀ ନୀତି ଦାୟୀ

ବ୍ରହ୍ମପୁର ଅଫିସ୍‌,୩୧ା୭- ଅଖିଳ ଭାରତ କିଶାନ୍‌ ମଜଦୁର ସଭା (ଏଆଇକେଏମ୍‌ଏସ୍‌)ର ଦୁଇଦିନିଆ ସର୍ବଭାରତୀୟ ସାଧାରଣ ପରିଷଦ ଅଧିବେଶନ ମଙ୍ଗଳବାରଠାରୁ ପ୍ରକାଶମ୍‌ ହଲ୍‌ରେ ଆରମ୍ଭ ହୋଇଛି। ସଂଗଠନର ଜାତୀୟ ଉପ ସଭାପତି ସୁଶାନ୍ତ ଝା ବିପ୍ଳବୀ ପତାକା ଉତ୍ତୋଳନ କରିବା ପରେ ଅଧିବେଶନ ଅନୁଷ୍ଠିତ ହୋଇଥିଲା। ସ୍ଥାନୀୟ ଆୟୋଜକଙ୍କ ପକ୍ଷରୁ ସଂଗଠନର ଜାତୀୟ ସମ୍ପାଦକ ଭାଲଚନ୍ଦ୍ର ଷଡ଼ଙ୍ଗୀ ପ୍ରାରମ୍ଭିକ ସୂଚନା ଦେଇଥିଲେ। ଅଭ୍ୟର୍ଥନା ସମିତି ଅଧ୍ୟକ୍ଷ ଭଗବାନ ସାହୁ ପ୍ରତିନିଧିମାନଙ୍କୁ ସ୍ବାଗତ ଜଣାଇଥିଲେ। ଗଞ୍ଜାମର କୃଷକ ଆନ୍ଦୋଳନର ଅବତାରଣା କରି ଦେଶରେ କୃଷି ସଙ୍କଟର ସମାଧାନ ପାଇଁ ଏକ ଶକ୍ତିଶାଳଳୀ କୃଷକ ଆନ୍ଦୋଳନର ଆବଶ୍ୟକତା ରହିଥିବା କହିଥିଲେ। ଜାତୀୟ ଉପ ସଭାପତି ସୁଶାନ୍ତ ଝାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଅଧିବେଶନରେ ମୁଖ୍ୟ ଅତିଥି ଭାବେ ଯୋଗଦେଇ ଅବସରପ୍ରାପ୍ତ ଅର୍ଥନୀତି ପ୍ରଫେସର ଡ଼. ଗୋଲକ ବିହାରୀ ନାଥ ଦେଶରେ କୃଷି ସଙ୍କଟ ପଛରେ ଜନବିରୋଧୀ ସରକାରୀ ନୀତି ଦାୟୀ ବୋଲି କହିଥିଲେ। ଦେଶର ଅର୍ଥନୀତି ଖରାପ ସ୍ଥିତିରେ ରହିଥିବା ବେଳେ ବେରୋଜଗାରୀ, ଆର୍ଥିକ ବୈଷମ୍ୟ ଚରମ ସୀମାରେ ପହଞ୍ଚିଛି। ଏଭଳି ସ୍ଥିତିରେ ସରକାର ଏହି ସଙ୍କଟର ସମାଧାନ କରିବା ପରିବର୍ତ୍ତେ ଲୋକଙ୍କୁ ଲଲିପପ୍‌ ବାଣ୍ଟିବାରେ ଲାଗିଛନ୍ତି। ସରକାରଙ୍କ ବହୁ ପ୍ରଚାରିତ କୃଷକଙ୍କ ଆୟକୁ ଦ୍ୱିଗୁଣିତ କରିବା ଘୋଷଣା ଏକ ଧୂଅଁାବାଣ । ଫସଲର ଲାଭଜନକ ଦର ପ୍ରଦାନ ଜରିଆରେ ହିଁ କୃଷି ସଙ୍କଟରୁ ମୁକ୍ତି ମିଳିପାରିବ ବୋଲି ସେ କହିଥିଲେ।ପ୍ରଫେସର ନାଥ କହିଥିଲେ, ଭୂସଂସ୍କାର ନଁାରେ କ୍ରମାଗତ ଭାବେ ସବୁ ସରକାର ପ୍ରତାରଣା କରିଛନ୍ତି। ସାମ୍ରାଜ୍ୟବାଦୀ କମ୍ପାନୀଙ୍କ ଚାପରେ ଦେଶରେ ଭୂସଂସ୍କାରକୁ ରାଜନୀତିର ଏଜେଣ୍ଡାରୁ ହଟେଇ ଦିଆଯାଇଛି। ଜମିର ଉପଯୁକ୍ତ ବଣ୍ଟନ, ଜମି ସିଲିଂର ସୀମା ହ୍ରାସ କରିବା, ସରକାରୀ ଜମିକୁ ଭୂମିହୀନଙ୍କ ମଧ୍ୟରେ ବାଣ୍ଟିବା ମଧ୍ୟ ଦେଇ ହିଁ ଦେଶରେ ଉଭୟ କୃଷି ଏବଂ କୃଷକର ବିକାଶ ହୋଇ ପାରିବ ବୋଲି ସେ ପ୍ରକାଶ କରିଥିଲେ। ଅନ୍ୟତମ ଅତିଥି ଭାବେ ସମଦୃଷ୍ଟି ସମ୍ପାଦକ ସୁଧୀର ପଟ୍ଟନାୟକ ବିକାଶ ନଁାରେ କର୍ପୋରେଟ୍‌ମାନଙ୍କୁ ଜମି ହସ୍ତାନ୍ତରର ବିରୋଧ କରିବା ସହିତ ଚାଷୀ ହାତରେ ଜମିର ଅଧିକାର କଥା କହିଥିଲେ। ଯେଉଁ ପର୍ଯ୍ୟନ୍ତ ଚାଷୀର ଜମି ଉପରେ ଅଧିକାର ନାହିଁ ସେ ପର୍ଯ୍ୟନ୍ତ ଚାଷୀର ଶ୍ରମ କଦାପି ତାର ନିଜର ହୋଇପାରିବ ନାହିଁ ବୋଲି କହିଥିଲେ। ଅପରାହ୍ନରେ ପ୍ରତିନିଧି ଅଧିବେଶନ ଅନୁଷ୍ଠିତ ହୋଇଥିଲା। ଏଆଇକେଏମ୍‌ଏସ୍‌ ଜାତୀୟ କମିଟି ପକ୍ଷରୁ ସାଧାରଣ ସମ୍ପାଦକ ଡ଼. ଆଶିଷ ମିତ୍ତଲ ଦେଶର କୃଷି ଓ କୃଷକଙ୍କ ବିଭିନ୍ନ ସମସ୍ୟା ଉପରେ ଏକ ଚିଠା ଉପସ୍ଥାପନ କରିଥିଲେ। ବିଭିନ୍ନ ରାଜ୍ୟରୁ ଆସିଥିବା ପ୍ରତିନିଧିମାନେ ନିଜ ମତ ଦେଇଥିଲେ। କାର୍ଯ୍ୟକ୍ରମରେ ପ୍ରଗତିଶୀଳ ସଂସ୍କୃତିକ ସଂଘ କଳାକାରମାନେ ଅଂଶଗ୍ରହଣ କରି ସଂଗ୍ରାମୀ ନୃତ୍ୟ ଓ ଗୀତ ପରିବେଷଣ କରିଥିଲେ। ଜାତୀୟ କମିଟି ଉପସଭାପତି ଭି. ଚଲପତି ରାଓ, ସମ୍ପାଦକ କେ. ରଙ୍ଗେୟା, ଜାତୀୟ କମିଟି ସଭ୍ୟ ରାମବୃକ୍ଷ ରାମ, ଧରମପାଲ ସିଂ, ପଞ୍ଜାବର ଚାଷୀନେତା ତାରସେନ ପିଟର, ଉତ୍ତର ପ୍ରଦେଶରୁ ହୀରାଲାଲ, ବିହାରର ଶମ୍ଭୁ ସିଂ ପ୍ରମୁଖ ଜାତୀୟ କମିଟି ସଭ୍ୟ ନିଜ ନିଜର ବକ୍ତବ୍ୟ ରଖିଥିଲେ। ଅନ୍ୟମାନଙ୍କ ମଧ୍ୟରେ ହେତୁବାଦୀ ସଂଗଠନର ସମ୍ପାଦକ କେ. ନାନ୍ଦେଶୁ ସେନାପତି, ଇଂ. ରାଜା ସୁରେଶ, ସ୍ବାସ୍ଥ୍ୟ-ଶିକ୍ଷା ଆନ୍ଦୋଳନର ନେତା ଅବନୀ କୁମାର ଗୟା, ଆଡ଼ଭୋକେଟ୍‌ କେ. ସୁବ୍ରମଣ୍ୟମ୍‌ ରାଓ, ଖାଉଟି ଅଧିକାର କର୍ମୀ କାମେଶ୍ୱର ରାଓ, ପ୍ରଗତିଶୀଳ ବୁଦ୍ଧିଜୀବୀ ପି. କାମେଶ୍ୱର ରାଓ, ଶ୍ରମିକ ନେତା କର୍ମଚାରୀ ନେତା ପ୍ରତାପ ଚନ୍ଦ୍ର ପ୍ରଧାନ, ପ୍ରମୁଖ ଅଭ୍ୟର୍ଥନା ସମିତିର ସଦସ୍ୟ ଯୋଗ ଦେଇଥିଲେ।


All Right Reserved By Dharitri.Com

ବୁଧବାର ବନକଲାଗି, ୪ ଘଣ୍ଟା ମହାପ୍ରଭୁଙ୍କ ଦର୍ଶନ ବନ୍ଦ

ପୁରୀ ଅଫିସ, ୩ା୧୨: ଶ୍ରୀମନ୍ଦିରରେ ବୁଧବାର ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହେବ। ଏଥିପାଇଁ ଅପରାହ୍ନ ପ୍ରାୟ ୪ଟାରୁ ରାତି ୮ଟା ପର୍ଯ୍ୟନ୍ତ ୪ ଘଣ୍ଟା...

୧୪ ଦିନରେ ହେଲା ସ୍ଥିତି ସ୍ବାଭାବିକ: ତାଳଚେର କୋଲ୍‌ ଫିଲ୍ଡସ ଚଳଚଞ୍ଚଳ

ତାଳଚେର, ୭ା୮ (ନି.ପ୍ର.)-ଭରତପୁର ଖଣି ଦୁର୍ଘଟଣା ପରେ ୧୪ ଦିନ ଧରି ଠପ୍‌ ହୋଇଯାଇଥିବା ତାଳଚେର କୋଲ୍‌ ଫିଲ୍ଡସରେ ମଙ୍ଗଳବାର ସ୍ଥିତି ଧୀରେ ଧୀରେ ସ୍ବାଭାବିକ...

ସ୍ପେଶାଲ ଡ୍ରାଇଭରେ ଦିଆଗଲାଣି ୭୭.୯୬ କୋଟି ଋଣ

ଛତ୍ରପୁର,୫ା୧୦(ଡି.ଏନ.ଏ.)-ଛତ୍ରପୁରସ୍ଥିତ ଅନସ୍ଲୋ ସରକାରୀ ହାଇସ୍କୁଲ ଖେଳପଡିଆରେ ଗଞ୍ଜାମ ଜିଲାର ସମସ୍ତ ବ୍ୟାଙ୍କକୁ ନେଇ ଚାଲିଥିବା ଗ୍ରାହକ ସମ୍ପର୍କ, ଋଣ ବଣ୍ଟନ ମେଳା ଶୁକ୍ରବାର ଉଦଯାପିତ ହୋଇଯାଇଛି...

ଛାତରୁ ଖସି ଜଣଙ୍କ ଜୀବନ ଗଲା

ବ୍ରହ୍ମପୁର ଅଫିସ,୧୦।୧୧: ଗଞ୍ଜାମ ଜିଲା ଟାଉନ୍‌ଥାନା ଅନ୍ତର୍ଗତ ଗାନ୍ଧୀନଗରସ୍ଥିତ ଓଡ଼ିଶା ସେଲ୍ସ ଏକ୍‌ଜିକ୍ୟୁଟିଭ୍‌ ଆସୋସିଏଶନ (ଓସିଆ) ଛାତରୁ ପଡ଼ି ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତ...

ଉଚ୍ଛେଦ ପ୍ରକ୍ରିୟା ୩ୟ ଦିନରେ : ଥଇଥାନ ପାଇଁ ଦାବି

ବଇଣ୍ଡା,୧୩।୯(ଡି.ଏନ.ଏ.)-୫୫ ନଂ. ଜାତୀୟ ରାଜପଥ ରାସ୍ତା ସମ୍ପ୍ରସାରଣ ପାଇଁ ବୁଧବାରଠାରୁ କିଶୋରନଗର ବ୍ଲକ ବଇଣ୍ଡା ଅଞ୍ଚଳରେ ଚାଲିଥିବା ଉଚ୍ଛେଦ ପ୍ରକ୍ରିୟା ଶୁକ୍ରବାର ଶେଷ ହୋଇଛି। ବଳକା...

ନଦୀରୁ ଛାତ୍ରୀଙ୍କ ମୃତଦେହ ଉଦ୍ଧାର

ଫୁଲବାଣୀ ଅଫିସ,୨୩ା୭- ଫୁଲବାଣୀ ନାରାୟଣୀ ମନ୍ଦିର ନିକଟ ସାଲୁଙ୍କି ନଦୀରେ ଭାସୁଥିବା ଜଣେ କଲେଜ ଛାତ୍ରୀଙ୍କ ମୃତଦେହକୁ ସୋମବାର ଉଦ୍ଧାର କରାଯାଇଛି ା ପାରିପାର୍ଶ୍ୱିକ ସ୍ଥିତିକୁ...

ଇକୋ-ରିଟ୍ରେଟ୍‌ ହବ୍‌ ବନ୍ଦ ନିର୍ଦ୍ଦେଶ

ବ୍ରହ୍ମପୁର ଅଫିସ୍‌,୩୧ା୫- ଗଞ୍ଜାମ ଜିଲାପାଳଙ୍କ ଛତ୍ରଛାୟା ତଳେ ବେଆଇନ୍‌ ଭାବେ ନିର୍ମାଣ ଚାଲିଥିବା ଗୋପାଳପୁର ଇକୋ-ରିଟ୍ରେଟ୍‌ ହବ୍‌ ବନ୍ଦ ହେବା ଆଶଙ୍କା ସୃଷ୍ଟି ହୋଇଛି। ସମୁଦ୍ର...

ଏସ୍‌ସିବି ମେଡିକାଲ : କାଡାଭରିକ୍‌ ଟ୍ରାନ୍ସପ୍ଲାଣ୍ଟ ପାଇଁ ତତ୍ପରତା

କଟକ ଅଫିସ,୧।୧୧: ଏସ୍‌ସିବି ମେଡିକାଲରେ କାଡାଭରିକ ଟ୍ରାନ୍ସପ୍ଲାଣ୍ଟ ପାଇଁ ତତ୍ପରତା ପ୍ରକାଶ ପାଇଛି। ଗୁରୁବାର ମେଡିକାଲର ଅଡିଟୋରିୟମ ହଲ୍‌ରେ ଏ ନେଇ ଏକ ଉଚ୍ଚସ୍ତରୀୟ କର୍ମଶାଳା...

Leave a comment

Your email address will not be published. Required fields are marked *