ବାଟହୁଡ଼ା ଉଜ୍ଜ୍ୱଳା ଯୋଜନା: ମିଳୁନି ଏଲ୍‌ଇଡି ବଲ୍‌ବ: କାର୍ଯ୍ୟାଳୟ ବନ୍ଦ

ଭୁବନେଶ୍ୱର,୩୦।୭(ବ୍ୟୁରୋ): ସବୁ ଘରକୁ ବିଦ୍ୟୁତ୍‌ ସଂଯୋଗ ସହ ଏଲଇଡି ବଲ୍‌ବ। ଘର ପିଛା ୧୦ ଏଲ୍‌ଇଡି ବଜାର ମୂଲ୍ୟଠାରୁ ଅଧା ଦାମରେ ମିଳିବ। କେନ୍ଦ୍ର ସରକାରଙ୍କ ଉଜ୍ଜ୍ୱଳା ଯୋଜନାରେ ସବୁ ବିଦ୍ୟୁତ୍‌ କାର୍ଯ୍ୟାଳୟରେ ଏହା ଉପଲବ୍ଧ ହେବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାକୁ ଉଦ୍‌ଘାଟନ କରିବା ସମୟରେ କହିଥିଲେ। ହେଲେ ଭୁବନେଶ୍ୱରରେ ଏହାର ବିପରୀତ ଚିତ୍ର ଦେଖିବାକୁ ମିଳିଛି। ରାଜଧାନୀରେ ବଲ୍‌ବ ଯୋଗାଉଥିବା ସଂସ୍ଥାର ଦେଖା ମିଳୁନି। ଉକ୍ତ ସଂସ୍ଥା ହିତାଧିକାରୀଙ୍କୁ ଯୋଗାଇ ଦେଇଥିବା ବଲ୍‌ଗୁଡ଼ିକର ୩ବର୍ଷ ଓ୍ବାରେଣ୍ଟି ଦେବା ସହ ତାରିଖ ଉଲ୍ଲେଖ କରିଥିଲା। ହେଲେ ତାହା ୬ମାସ ବି ଜଳିପାରିଲା ନାହିଁ। ବଲ୍‌ବ ବଦଳାଇବାକୁ ଲୋକେ କାର୍ଯ୍ୟାଳୟକୁ ବାରମ୍ବାର ଦୌଡ଼ି ନିରାଶରେ ଫେରୁଥିବା ଦେଖିବାକୁ ମିଳୁଛି।
ଏନର୍ଜି ଏଫିସିଏନ୍ସି ସର୍ଭିସେସ୍‌ ଲିମିଟେଡ୍‌ (ଇଇଏସ୍‌ଏଲ୍‌) ଏଲ୍‌ଇଡି ବଲ୍‌ବ ଯୋଗାଣ ଦାୟିତ୍ୱ ନେଇଥିଲା। ପ୍ରଥମେ ସଂସ୍ଥାର କର୍ମଚାରୀମାନେ ସହରର ବିଦ୍ୟୁତ୍‌ କାର୍ଯ୍ୟାଳୟରେ ହିତାଧିକାରୀଙ୍କୁ ବଲ୍‌ବ ଯୋଗାଇଥିଲେ। ପରବର୍ତ୍ତୀ ସମୟରେ ଭୁବନେଶ୍ୱରର ୬ଟି ସ୍ଥାନ ଯଥା ୟୁନିଟ୍‌-୮ କଲ୍ୟାଣ ମଣ୍ଡପ ନିକଟ ମୁଖ୍ୟ ବିଦ୍ୟୁତ୍‌ କାର୍ଯ୍ୟାଳୟ, ପୁରୁଣା ଭୁବନେଶ୍ୱର ବିଦ୍ୟୁତ୍‌ କାର୍ଯ୍ୟାଳୟ, ସୁନ୍ଦରପଦା ବିଦ୍ୟୁତ୍‌ କାର୍ଯ୍ୟାଳୟ, ଲକ୍ଷ୍ମୀସାଗର ବିଦ୍ୟୁତ୍‌ କାର୍ଯ୍ୟାଳୟ, ଇନ୍ଦ୍ରଧନୁ ମାର୍କେଟ କାର୍ଯ୍ୟାଳୟ ଓ କଳିଙ୍ଗ ନଗର ବିଦ୍ୟୁତ୍‌ କାର୍ଯ୍ୟାଳୟରେ ଏହି ସେବାକୁ ଉପଲବ୍ଧ କରାଯାଉଥିଲା। ହେଲେ ଦୀର୍ଘ ୩ମାସ ହେବ ୟୁନିଟ୍‌-୮ ମୁଖ୍ୟ କାର୍ଯ୍ୟାଳୟରେ ଏହି ସେବା ମିଳୁନାହିଁ ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ଏଥିସହିତ ଅନ୍ୟ କାର୍ଯ୍ୟାଳୟଗୁଡ଼ିକ ମଧ୍ୟ ନିୟମିତ ଭାବେ ଖୋଲା ରହୁନି। ଏଥିରେ ଏବେ ନାନା ଅବ୍ୟବସ୍ଥା ପଦାକୁ ଆସିଛି। ସମ୍ପୃକ୍ତ କର୍ମଚାରୀମାନେ ମନ ହେଲେ ସେଠାକୁ ଆସୁଛନ୍ତି ନ ହେଲେ ନାହିଁ। ସଂସ୍ଥାର କୌଣସି ସ୍ଥାୟୀ ଠିକଣା ବା କାର୍ଯ୍ୟାଳୟ ନାହିଁ। ଫଳରେ ଫ୍ୟୁଜ୍‌ ବଲ୍‌ବ ବଦଳାଇବାକୁ ଲୋକେ ବିଦ୍ୟୁତ୍‌ କାର୍ଯ୍ୟାଳୟରେ ସଂସ୍ଥାର କର୍ମଚାରୀଙ୍କୁ ନ ପାଇ ତୀବ୍ର ଅସନ୍ତୋଷ ପ୍ରକାଶ କରୁଛନ୍ତି।
ଏ ସଂକ୍ରାନ୍ତରେ ଇଇଏସ୍‌ଏଲ ଭୁବନେଶ୍ୱରର ଡିଜିଏମ ଅରୁଣ ସାହୁ କହିଛନ୍ତି, ଏଲ୍‌ଇଡି ବଲ୍‌ବ ନିୟମିତ ଭାବେ ଯୋଗାଇ ଦିଆଯାଉଥିଲା। ସମସ୍ତ ହିତାଧିକାରୀଙ୍କୁ ୧୦ଟି ପର୍ଯ୍ୟନ୍ତ ମିଳୁଥିଲା। ହେଲେ କିଛିଦିନ ପରେ ଅଧିକ ସଂଖ୍ୟାରେ ବଲ୍‌ବ ବଦଳାଇବାକୁ ଲୋକେ ଆସିଲେ। କିନ୍ତୁ ଆବଶ୍ୟକ ପରିମାଣର ବଲ୍‌ବ ନ ଥିବାରୁ ଅଧିକାଂଶ ବିତରଣ କେନ୍ଦ୍ରକୁ ବନ୍ଦ ରଖାଯାଇଥିଲା। ଗତ ଦେଢମାସ ହେବ ଅଳ୍ପକିଛି ସ୍ଥାନରେ ଏହି ସେବା ଯୋଗାଇ ଦିଆଯାଉଛି ବୋଲି ସେ କହିଛନ୍ତି। ଅନ୍ୟପକ୍ଷରେ ଇଇଏସ୍‌ଏଲର ଜଣେ କର୍ମଚାରୀ କହିଛନ୍ତି, ରାଜ୍ୟ ସରକାର ‘ଆମ ଘର ଏଲ୍‌ଇଡି ଯୋଜନା’ ଶୁଭାରମ୍ଭ କଲାପରେ ଯେଉଁ ହିତାଧିକାରୀ ଉଜ୍ଜ୍ୱଳାରେ ବଲ୍‌ବ ପାଇଥିଲେ ସେମାନେ ସେଥିରେ ବି ୪ଟି ବଲ୍‌ବ ପାଇଲେ। ଦିନକୁ ୭ରୁ ୮ଘଣ୍ଟା ସେ ବଲ୍‌ବଟି ଜାଳିବା ପାଇଁ ନିୟମ ଥିବାବେଳେ ସେମାନେ ଅହରହ ଜାଳିବାରୁ ଅଧିକାଂଶ ଫ୍ୟୁଜ୍‌ ହେଲା। ତାହାକୁ ବଦଳାଇବାକୁ ଲୋକ ଭିଡ଼ ଜମାଇ ହୋହଲ୍ଲା କଲେ। ଏପରିକି କେତେଜଣ ଲୋକ ବଲ୍‌ବ ଯୋଗାଉଥିବା କର୍ମଚାରୀଙ୍କ ଉପରେ ହାତ ଉଠାଇବା ସହ ଅଶ୍ଳୀଳ ଭାଷାରେ ଗାଳିଗୁଲଜ କରିବାରୁ ବଲ୍‌ବ ଯୋଗାଣକୁ କିଛିଦିନ ଲାଗି ବନ୍ଦ କରି ଦିଆଯାଇଥିଲା। ଏବେ ମୁଖ୍ୟ କାର୍ଯ୍ୟାଳୟକୁ ଛାଡ଼ି ଅନ୍ୟ ସମସ୍ତ କାର୍ଯ୍ୟାଳୟରେ ଇଇଏସ୍‌ଏଲ ବଲ୍‌ବ ଯୋଗାଣ କରୁଛି ବୋଲି ସେ କହିଛନ୍ତି।
ରିପୋର୍ଟ(ଫଟୋ)- ସ୍ଥିତପ୍ରଜ୍ଞ ମିଶ୍ର


All Right Reserved By Dharitri.Com

ଆଜିଠୁ ସ୍କୁଲ ବନ୍ଦ: ଖୋଲା ରହିବ କାର୍ଯ୍ୟାଳୟ, ଉପସ୍ଥିତ ରହିବେ ଶିକ୍ଷକ

ଭୁବନେଶ୍ୱର,୧୮।୪(ବ୍ୟୁରୋ): ରାଜ୍ୟରେ ଜାରି ରହିଥିବା ପ୍ରଚଣ୍ଡ ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ସରକାର ଗୁରୁବାରଠାରୁ ରାଜ୍ୟର ସମସ୍ତ ସରକାରୀ ଏବଂ ବେସରକାରୀ ସ୍କୁଲ ବନ୍ଦ କରିଛନ୍ତି। ଏପ୍ରିଲ...

ଗ୍ୟାସ୍‌ ଲିକ୍‌ ହୋଇ ହୋଟେଲରେ ଅଗ୍ନିକାଣ୍ଡ

ରଣପୁର,୧୫।୬(ସ୍ବ.ପ୍ର.): ନୟାଗଡ ଜିଲା ରଣପୁର ବିଜ୍ଞାପିତ ଅଞ୍ଚଳ ପରିଷଦର ମୁଖ୍ୟ ରାସ୍ତାରେ ଶୁକ୍ରବାର ସନ୍ଧ୍ୟାରେ ଏକ ହୋଟେଲରେ ଗ୍ୟାସ ଲିକ୍‌ ହୋଇ ଅଗ୍ନିକାଣ୍ଡ ଘଟିଛି ।...

ଓଜନିଆ ହେବ ନାହିଁ ସ୍କୁଲ ବ୍ୟାଗ୍‌:ନିୟମ ଉଲ୍ଲଂଘନ କଲେ କାର୍ଯ୍ୟାନୁଷ୍ଠାନ

ଭୁବନେଶ୍ୱର, ୨।୮(ବ୍ୟୁରୋ):ଏଣିକି ସ୍କୁଲ ବ୍ୟାଗ ଓଜନ କରାଯିବ। ଆବଶ୍ୟକଠାରୁ ଅଧିକ ଓଜନ ରହିଲେ କର୍ତ୍ତୃପକ୍ଷଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ। ପ୍ରଥମରୁ ଦଶମ ଶ୍ରେଣୀ ପର୍ଯ୍ୟନ୍ତ ସ୍କୁଲ ବ୍ୟାଗ୍‌...

୫ଟି ସଚିବଙ୍କ ସୁନ୍ଦରଗଡ଼ ଗସ୍ତ : ଜିଲାପାଳଙ୍କୁ କୈଫିୟତ ତଲବ, ସିଡିଏମ୍‌ଓ ନିଲମ୍ବିତ

ସୁନ୍ଦରଗଡ଼,୧୩।୧୦(ଡି.ଏନ୍‌.ଏ.) : ମୋ’ ସରକାର କାର୍ଯ୍ୟକ୍ରମର ସ୍ଥିତି ପରଖିବା ପାଇଁ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ତଥା ୫ଟି ସଚିବ କେ ଭି ପାଣ୍ଡିଆନ ରବିବାର ସୁନ୍ଦରଗଡ଼...

ବନକଲାଗି: ୪ ଘଣ୍ଟା ମହାପ୍ରଭୁଙ୍କ ଦର୍ଶନ ବନ୍ଦ

ପୁରୀ ଅଫିସ, ୨୯।୫: ଶ୍ରୀମନ୍ଦିରରେ ବୁଧବାର ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହେବ। ଏହା ଏକ ଗୁପ୍ତ ନୀତି ହୋଇଥିବାରୁ ଜୟ ବିଜୟ ଦ୍ୱାର ବନ୍ଦ...

କୋର୍ଟରେ ହାଜର ହେଲେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ

ଭୁବନେଶ୍ୱର, ୭ା୯(ବ୍ୟୁରୋ): ଜାତିଆଣ ଆକ୍ଷେପ ମାମଲା ନେଇ ବାଲେଶ୍ୱର ଏମ୍‌ପି ତଥା କେନ୍ଦ୍ର ମନ୍ତ୍ରୀ ପ୍ରତାପ ଷଡ଼ଙ୍ଗୀ ଶୁକ୍ରବାର ଭୁବନେଶ୍ୱର ସ୍ପେଶାଲ କୋର୍ଟରେ ହାଜର ହୋଇଛନ୍ତି।...

ଦେବଗଡ଼ ଜିଲାସ୍ତରୀୟ ଧାନସଂଗ୍ରହ କମିଟି ବୈଠକ: ୨୯ରୁ ଧାନ କିଣା ଆରମ୍ଭ

ଦେବଗଡ, ୯।୧୧(ଡି.ଏନ.ଏ.)-ଦେବଗଡ଼ ଜିଲା ଗ୍ରାମ୍ୟ ଉନ୍ନୟନ ସଂସ୍ଥା ସମ୍ମିଳନୀ କକ୍ଷରେ ଶୁକ୍ରବାର ଜିଲାସ୍ତରୀୟ ଧାନସଂଗ୍ରହ କମିଟି ବୈଠକ ଅନୁଷ୍ଠିତ ହୋଇଯାଇଛି। ଜିଲାପାଳ ସୁଧାଂଶୁ ମୋହନ ସାମଲ...

ନାଲକୋ ଦୁର୍ଘଟଣାରେ ଆଉ ଜଣେ ଠିକା ଶ୍ରମିକଙ୍କ ମୃତ୍ୟୁ: କ୍ଷତିପୂରଣ ଦାବିରେ ଆନ୍ଦୋଳନ

ଅନୁଗୋଳ ଅଫିସ, ୮।୮: ନାଲକୋ ସ୍ମେଲଟର ପ୍ଲାଣ୍ଟ କାଷ୍ଟ ହାଉସ ପରିସରରେ ଗତ ୨୩ରେ ବିଦ୍ୟୁତ ଆଘାତରେ ୪ ଜଣ ଶ୍ରମିକ ଗୁରୁତର ଆହତ ହୋଇଥିଲେ।...

selfi corner

Model This Week

Why Dharitri

Leave a comment

Your email address will not be published. Required fields are marked *