ଆଉ ଜାଲରେ ପଡୁନାହାନ୍ତି ଇଲିଶି

ଭୋଗରାଇ, ୩୦।୭(ପ୍ରଦୀପ ଦାସ)-ଆଷାଢରୁ ଭାଦ୍ରବ ମାସ ଯାଏ ସୁବର୍ଣ୍ଣରେଖା ମୁହାଣରୁ ପ୍ରଚୁର ଇଲିଶି ମାଛ ଧରାଯାଇଥାଏ। ବାଲେଶ୍ୱର ଜିଲା ସମୁଦ୍ର ଉପକୂଳବର୍ତ୍ତୀ ମତ୍ସ୍ୟଜୀବୀ ଏହି ମାଛ ଧରି ରାଜ୍ୟ ଓ ରାଜ୍ୟ ବାହାରକୁ ଚାଲାଣ କରିଥାନ୍ତି। ଏହା ମତ୍ସ୍ୟଜୀବୀଙ୍କ ରୋଜଗାରର ମୁଖ୍ୟ ପନ୍ଥା ହୋଇଥିବାବେଳେ ଆଗଭଳି ଆଉ ଇଲିଶି ମିଳୁନାହାନ୍ତି। ଫଳରେ ମତ୍ସ୍ୟଜୀବୀଙ୍କ ଜୀବନ ଜୀବିକା ପ୍ରଭାବିତ ହେଉଛି। ଅନ୍ୟ ମାଛ ତୁଳନାରେ ସୁବର୍ଣ୍ଣରେଖା ମୁହାଣରୁ ଧରାଯାଉଥିବା ଇଲିଶିର ଚାହିଦା ଅଧିକ ରହିଛି। ଏହି ମାଛ ଅଧିକ ସ୍ବାଦିଷ୍ଟ ହୋଇଥିବାରୁ ଖାଉଟିମାନେ ଆଗ୍ରହର ସହ ଏହାକୁ କିଣିଥାନ୍ତି। ଏଥର ଶ୍ରାବଣ ମାସ ଆରମ୍ଭ ହୋଇଥିଲେ ମଧ୍ୟ ମୌସୁମୀ ବର୍ଷାର ଅନିୟମିତତା ଓ ପ୍ରତିକୂଳ ପାଗ ଯୋଗୁ ଇଲିଶି ଉତ୍ପାଦନ ହ୍ରାସ ପାଇଥିବା ମତ୍ସ୍ୟଜୀବୀମାନେ କହିଛନ୍ତି।
ସୁବର୍ଣ୍ଣରେଖା ମୁହାଣ ନିକଟରୁ ଏବେ ଦୈନିକ ୫ରୁ ୬ ଟନ୍‌ ଇଲିଶି ଧରାଯାଇ ଉଦୟପୁର, ତାଳସାରୀ, କୀର୍ତ୍ତନିଆ, ଚୌମୁଖ, କଷାଫଳ, ବାହାବଳପୁର ମତ୍ସ୍ୟ ଅବତରଣ କେନ୍ଦ୍ରରେ ବିକ୍ରି କରାଯାଉଛି। ସେହିପରି ପଶ୍ଚିମବଙ୍ଗ ସୀମାନ୍ତବର୍ତ୍ତୀ ମତ୍ସ୍ୟ ଅବତରଣ କେନ୍ଦ୍ରରେ ବାଲେଶ୍ୱର ମତ୍ସ୍ୟଜୀବୀ ମଧ୍ୟ ଇଲିଶି ବିକ୍ରି କରିଥାନ୍ତି। ଅନ୍ୟ ବର୍ଷରେ ଦୈନିକ ୨୦ରୁ ୨୫ ଟନ୍‌ ଇଲିଶି ଧରାଯାଉଥିବା ବେଳେ ଉତ୍ପାଦନ କ୍ରମେ ହ୍ରାସ ପାଉଥିବାରୁ ଏହାର ବଜାର ଦର ଅଧିକ ରହିଛି। ଏଥର ଛୋଟ ଇଲିଶି ୫ଶହ ଓ ବଡ ଇଲିଶି କେଜି ୧ହଜାରରୁ ୧୨ଶହ ଟଙ୍କା ପର୍ଯ୍ୟନ୍ତ ବିକ୍ରି ହେଉଛି। ମାଛମରା ଟ୍ରଲର ଓ ମତ୍ସ୍ୟଜୀବୀମାନେ ଆଷାଢ ମାସରୁ ମାଛଧରା ଆରମ୍ଭ କରିଥିଲେ ମଧ୍ୟ ଦିନେ ଦିନେ ଇଲିସି ନ ପାଇ ଖାଲି ହାତରେ ଫେରୁଛନ୍ତି। ସାଧାରଣତଃ ମୌସୁମୀ ବର୍ଷା ହେଲେ ନଦୀ ମୁହାଣ ଦେଇ ମଧୁର ଜଳ ସମୁଦ୍ରକୁ ପ୍ରବେଶ କରିଥାଏ। ଏହି ସମୟରେ ପୂର୍ବାଳି ପବନରେ ବାଂଲାଦେଶ ଓ ମ୍ୟାନମାର ଗଭୀର ସମୁଦ୍ରରୁ ଇଲିଶି ପଶ୍ଚିମବଙ୍ଗ ଓ ଓଡ଼ିଶା ଉପକୂଳ ନଦୀ ମୁହାଣକୁ ଚାଲିଆସି ମଧୁରଜଳରେ ଯାଆଁଳ ଛାଡ଼ିଥାନ୍ତି। ଏହି ସମୟରେ ମତ୍ସ୍ୟଜୀବୀମାନେ ଜାଲ ବିଛାଇ ସମୁଦ୍ରରେ ପ୍ରଚୁର ଇଲିଶି ଧରିଥାନ୍ତି। ଜଳବାୟୁର ପରିବର୍ତ୍ତନ ଓ ଅସ୍ବାଭାବିକ ମୌସୁମୀ ବର୍ଷା ଇଲିଶି ଉତ୍ପାଦନରେ ବାଧକ ହୋଇଥିବାରୁ ମତ୍ସ୍ୟଜୀବୀମାନେ ହତାଶ ହେଉଛନ୍ତି। ଅନ୍ୟପକ୍ଷେ ଇଲିସି ପ୍ରତି ଦୁର୍ବଳତା ରଖୁଥିବା ନିମ୍ନ ମଧ୍ୟବିତ୍ତଶ୍ରେଣୀର ଲୋକେ ଅଧିକ ଚଢାଦର ଦେଇ ଇଲିଶି କିଣିପାରୁ ନ ଥିବା କହିଛନ୍ତି।
ବାଲେଶ୍ୱର ଉପକୂଳରେ ହଜାର ହଜାର ମତ୍ସ୍ୟଜୀବୀଙ୍କ ପରିବାରର ଆର୍ଥିକ ମାନଦଣ୍ଡ ମତ୍ସ୍ୟ ସମ୍ପଦ ଉପରେ ନିର୍ଭର କରୁଥିବା ବେଳେ ସେମାନଙ୍କ ସମସ୍ୟା ପ୍ରତି ପ୍ରଶାସନ ଦୃଷ୍ଟି ଦେଉ ନ ଥିବା ଅନେକ ଅଭିଯୋଗ କରିଛନ୍ତି। ଗଭୀର ସମୁଦ୍ରକୁ ମାଛ ମାରିବା ପାଇଁ ଯାଉଥିବା ମତ୍ସ୍ୟଜୀବୀଙ୍କୁ ଲାଇଫ ଜ୍ୟାକେଟ୍‌ ଦିଆଯାଉନାହିଁ କି ଟ୍ରଲରରେ ଜରୁରୀ ସୂଚନା ଦେବା ନିମନ୍ତେ ଡାଟା ମେଶିନ୍‌ ଲଗାଯାଉ ନ ଥିବା ଗମ୍ଭାରିଆ ଗ୍ରାମର ଡଙ୍ଗା ମାଲିକ କୈଳାସ ଚନ୍ଦ୍ର ଗଙ୍ଗେଇ କହିଛନ୍ତି। କୀର୍ତ୍ତନିଆ ଗ୍ରାମର ଜୟଦେବ ବେହେରା ଓ ସାହାପୁର ଗ୍ରାମର ମତ୍ସ୍ୟଜୀବୀ ନିତ୍ୟାନନ୍ଦ ବେହେରା ମଧ୍ୟ ଅନୁରୂପ ଅଭିଯୋଗ କରିଛନ୍ତି। ଏ ସମ୍ପର୍କରେ ସାମୁଦ୍ରିକ ସହକାରୀ ମତ୍ସ୍ୟ ଅଧିକାରୀ ଗଣେଶ ଚନ୍ଦ୍ର ପାତ୍ରଙ୍କୁ ପଚାରିବାରୁ କହିଛନ୍ତି, ମୌସୁମୀ ବର୍ଷା ଆଶାନୁରୂପ ନ ହେବାରୁ ଏହାର ପ୍ରଭାବ ଇଲିଶି ଉତ୍ପାଦନ ଉପରେ ପଡିଛି। ଏଠାରେ ୨୪୦ଟି ଛୋଟ, ବଡ଼ ଡଙ୍ଗାର ପଞ୍ଜୀକରଣ କରାଯାଇ ୧୦୭ ଡଙ୍ଗାରେ ଡାଟା ମେଶିନ୍‌ ଲଗାଯାଇଛି। ଲାଇଫ୍‌ ଜ୍ୟାକେଟ ଯୋଗାଇ ଦେବାକୁ ପଦକ୍ଷେପ ନିଆଯାଇଛି ବୋଲି ସେ କହିଛନ୍ତି।


All Right Reserved By Dharitri.Com

ବାଲିଆପାଳର ପରିବା ଚାଷୀ ନିରୁତ୍ସାହିତ

ବାଲିଆପାଳ, ୨୧।୬(ଡି.ଏନ.ଏ.)-ବାଲେଶ୍ୱର ଜିଲା ବାଲିଆପାଳ ଅଞ୍ଚଳର ପନିପରିବା ଚାଷୀ ପ୍ରାକୃତିକ ବିପର୍ଯ୍ୟୟ, ଅଭାବୀ ବିକ୍ରି ଓ ଶୀତଳଭଣ୍ଡାର ଅଭାବ ଆଦି କାରଣରୁ କ୍ରମେ ଚାଷ ଛାଡିବାକୁ...

ବ୍ରାଉନସୁଗାର ଜବତ: ଜଣେ ଗିରଫ

ଭଦ୍ରକ ଅଫିସ, ୨୦।୭ – ଭଦ୍ରକ ଜିଲା ଅବକାରୀ ପୋଲିସର ଏକ ସ୍ବତନ୍ତ୍ର ଟିମ୍‌ ଶୁକ୍ରବାର ଅପରାହ୍ନରେ ଚଢ଼ାଉ କରି ଆରଡ଼ି ଛକ ନିକଟରୁ ୭...

ଚାହିଦା ଥିଲେ ବି ଅଲୋଡ଼ା

କେନ୍ଦୁଝର, ୨୫ା୬ (ସ୍ବ.ପ୍ର.)-ବଣପାହାଡ ଘେରା କେନ୍ଦୁଝର ଜିଲାରେ ଅନେକ ବନବାସୀ ଆଜି ବି ଜଙ୍ଗଲଜାତ ଦ୍ରବ୍ୟ ଉପରେ ନିର୍ଭର କରି ଚଳୁଛନ୍ତି। ସେମାନେ ବିଭିନ୍ନ ଋତୁକାଳୀନ...

ନିଟ୍‌ ପରୀକ୍ଷାରେ କେନ୍ଦୁଝରର ଦିବ୍ୟଜ୍ୟୋତି ଉତ୍ତୀର୍ଣ୍ଣ: ଡାକ୍ତର ହୋଇ ରୋଗୀସେବା କରିବା ପାଇଁ ଲକ୍ଷ୍ୟ

କେନ୍ଦୁଝର:୬।୬(ସ୍ବ.ପ୍ର.): କେନ୍ଦୁଝର ଜିଲା ସଦର ବ୍ଲକ ଅନ୍ତର୍ଗତ କଣ୍ଡରାପସି ପଞ୍ଚାୟତ ଆହାରପସି ଗ୍ରାମର ଶୈରେନ୍ଦ୍ରୀ ମହାନ୍ତଙ୍କ ପୁଅ ଦିବ୍ୟଜ୍ୟୋତି ନିଟ୍‌ ପରୀକ୍ଷାରେ ୬୦୦ ନମ୍ବର ରଖି...

ଆଶ୍ରମ ସ୍କୁଲରେ ଛାତ୍ରୀଙ୍କୁ ଅସଦାଚରଣ: ପ୍ରଧାନଶିକ୍ଷକ ଗିରଫ, ପୋଲିସର ତଦନ୍ତ ଜାରି

କେନ୍ଦୁଝର,୧୯ା୭ (ସ୍ବ.ପ୍ର.)-କେନ୍ଦୁଝର କାଞ୍ଜିପାଣିରେ ଥିବା ଆଶ୍ରମ ସ୍କୁଲରେ ଛାତ୍ରୀମାନଙ୍କୁ ନିର୍ଯାତନା ଦିଆଯିବା ସହ ଅସଦାଚରଣ କରାଯାଉଛି ା ପ୍ରଧାନଶିକ୍ଷକ ଅଧିକାଂଶ ସମୟରେ ଛାତ୍ରୀମାନଙ୍କୁ ନିଜର ବ୍ୟକ୍ତିଗତ...

ସରିଲା ସୁନ୍ଦରପୁର ରଜ ମହୋତ୍ସବ : ଜୁନିୟରରେ ପ୍ରିୟଙ୍କା, ସିନିୟରରେ ଗାୟତ୍ରୀ ରଜକୁଇନ

ଖଇରା, ୧୮।୬(ଡି.ଏନ.ଏ.)-ଖଇରା ବ୍ଲକ ଅଧୀନ ସୁନ୍ଦରପୁରଠାରେ ଚାଲିଥିବା ଦ୍ୱିତୀୟ ବାର୍ଷିକ ବ୍ଲକସ୍ତରୀୟ ରଜ ମହୋତ୍ସବ ରବିବାର ସନ୍ଧ୍ୟାରେ ଉଦ୍‌ଯାପିତ ହୋଇଯାଇଛି। ଚଳିତବର୍ଷ ଜୁନିୟରରେ ପ୍ରିୟଙ୍କା ପ୍ରିୟଦର୍ଶନୀ...

କାର୍‌ ଓଲଟିଲା, ୫ ଗୁରୁତର

ସୋର, ୨୬।୧୦(ଡି.ଏନ.ଏ.): ବାଲେଶ୍ୱର ଜିଲା ସୋର ୧୬ନଂ. ଜାତୀୟ ରାଜପଥ ଦହିସଡ଼ାଠାରେ ଶନିବାର ଅପରାହ୍ନ ସମୟରେ ଏକ କାର୍‌ (ନଂ. କେଏ୦୩ଏମ୍‌ଏକ୍ସ-୩୮୭୩) ଭାରସାମ୍ୟ ହରାଇ ରାସ୍ତାକଡ଼କୁ...

ବ୍ୟାପୁଛି ଜଣ୍ଡିସ୍‌, ୨ ମୃତ: ୫୦ରୁ ଊର୍ଦ୍ଧ୍ୱ ଆକ୍ରାନ୍ତ

ବାଲେଶ୍ୱର ଅଫିସ,୧୯।୭-ବାଲେଶ୍ୱର ମ୍ୟୁନିସିପାଲିଟି ଅଧୀନ ୧ନଂ. ଓ ୨ନଂ. ୱାର୍ଡ଼ରେ ଜଣ୍ଡିସ୍‌ରେ ୨ଜଣ ପ୍ରାଣ ହରାଇଥିବାବେଳେ ୫୦ରୁ ଊର୍ଦ୍ଧ୍ୱ ଆକ୍ରାନ୍ତ ହୋଇଥିବା ଜଣାପଡ଼ିଛି। ଏନେଇ ‘ଆଚ୍ଛା’...

Leave a comment

Your email address will not be published. Required fields are marked *