ପାର୍ଲାମେଣ୍ଟରେ ଆଗତ ହୋଇଛି ବିଲ୍‌;ଓଭରଟାଇମ୍‌ ପାଇଁ ଲିଖିତ ଅନୁମତି ଆବଶ୍ୟକ

ନୂଆଦିଲ୍ଲୀ,୩୦-୭: ମୋଦି ସରକାରଙ୍କ ପ୍ରସ୍ତାବ ଲାଗୁ ହେଲେ ସମସ୍ତ କମ୍ପାନୀ ଓ ପ୍ରତିଷ୍ଠାନର କର୍ମଚାରୀଙ୍କ ଉପରେ ନିଯୁକ୍ତିଦାତା ଆଉ ହାକିମାତି ଦେଖାଇପାରିବେ ନାହିଁ। କାମ ଶେଷ ପାଇଁ ଓଭର ଟାଇମର ଆବଶ୍ୟକତା ହେଲେ ନିଯୁକ୍ତିଦାତାଙ୍କୁ ସମ୍ପୃକ୍ତ କର୍ମଚାରୀଙ୍କ ଠାରୁ ଏଥିପାଇଁ ଲିଖିତ ଅନୁମତି ନେବାକୁ ହେବ। ତାଙ୍କ ମଞ୍ଜୁରୀ ବିନା କମ୍ପାନୀ ତାଙ୍କୁ ଓଭର ଟାଇମରେ କାମ କରାଇ ପାରିବେ ନାହିଁ। କେବଳ ସେତିକି ନୁହେଁ ତାଙ୍କର ଓଭର ଟାଇମ ପାଇଁ ଦୁଇଗୁଣା ମଜୁରୀ ଦେବାକୁ ପଡିବ।
କର୍ମଚାରୀଙ୍କ କାର୍ଯ୍ୟାଳୟ,ପେସାଗତ ସୁରକ୍ଷା, ସ୍ବାସ୍ଥ୍ୟ ଓ କାର୍ଯ୍ୟଦଶା ଉପରେ କୋଡ୍‌ ଅନ୍‌ ଅକୁପେଶନାଲ ସେଫ୍ଟି ହେଲ୍‌ଥ ଆଣ୍ଡ ଓ୍ବାର୍କିଂ କଣ୍ଡିଶନ ୨୦୧୯ ବିଲ୍‌କୁ କେନ୍ଦ୍ର ଶ୍ରମ ଏବଂ ରୋଜଗାର ମନ୍ତ୍ରୀ ସନ୍ତୋଷ କୁମାର ଗଙ୍ଗଓ୍ବାର ଲୋକ ସଭାରେ ଉପସ୍ଥାପନ କରିଛନ୍ତି। ଏଥିରେ ବେସିକ ପେ, ମୁଦ୍ରାସ୍ଫୀତି ଭତ୍ତା ଓ ରିଟେନ୍ସନ ପେ’କୁ ସାମିଲ କରାଯାଇଛି। ବିଲ୍‌ରେ କୁହାଯାଇଛି ଯେ, ନିଯୁକ୍ତିଦାତା କମ୍ପାନୀ କୌଣସି କର୍ମଚାରୀଙ୍କୁ ବିନା ତାଙ୍କର ଲିଖିତ ଅନୁମୋଦନରେ ଓଭର ଟାଇମ କରାଇ ପାରିବେ ନାହିଁ। ନ୍ୟାଶନାଲ ଷ୍ଟାଟିଷ୍ଟିକାଲ ଅଫିସ୍‌(ଏନ୍‌ଏସ୍‌ଓ)ର ପିରିଓଡିକ୍‌ ଲେବର ଫୋର୍ସ ସର୍ଭେ ୨୦୧୭-୧୮ ମୁତାବକ, ଦେଶରେ ଅଧିକାଂଶ କର୍ମଚାରୀ ସପ୍ତାହରେ ୪୮ ଘଣ୍ଟାରୁ ଅଧିକ ସମୟ କାମ କରୁଛନ୍ତି। ଯାହା କି ଅନ୍ତର୍ଜାତୀୟ ଶ୍ରମ ସଂଗଠନ ଦ୍ୱାରା ନିର୍ଦ୍ଧାରିତ ସମୟସୀମା ଠାରୁ ଅଧିକ। ସର୍ଭେ ଅନୁଯାୟୀ, ବେତନଭୋଗୀ ଅଥବା ନିୟମିତ କର୍ମୀ ସପ୍ତାହରେ ୫୩ରୁ ୫୬ ଘଣ୍ଟା ପର୍ଯ୍ୟନ୍ତ କାମ କରୁଛନ୍ତି। ସେହିପରି ସ୍ବରୋଜଗାରରେ ନିୟୋଜିତ ବ୍ୟକ୍ତି ସପ୍ତାହରେ ୪୬ରୁ ୫୪ ଘଣ୍ଟା କାର୍ଯ୍ୟ କରୁଥିବା ବେଳେ କାଜୁଆଲ କର୍ମଚାରୀ ୪୩ରୁ ୪୮ ଘଣ୍ଟା କାମ କରୁଛନ୍ତି। ପୂର୍ବରୁ ଓଭର ଟାଇମ ଲାଗି କୌଣସି କର୍ମଚାରୀଙ୍କ ଠାରୁ ଅନୁମତି ନେବାକୁ ପଡୁ ନ ଥିଲା। ଏହା ଆପେ ଆପେ ମିଳିଛି ବୋଲି ଧରିନିଆଯାଉଥିଲା। ତେବେ ସରକାର ନୂଆ ବିଲ୍‌ ମାଧ୍ୟମରେ ଏହି ବ୍ୟବସ୍ଥାରେ ପରିବର୍ତ୍ତନ ଆଣିବାକୁ ଯାଉଛନ୍ତି। ଏଥିରେ କୁହାଯାଇଛି ଯେ, ମାସରେ ସର୍ବାଧିକ ଓଭରଟାଇମ ୧୦୦ ଘଣ୍ଟା ବଦଳରେ ୧୨୫ ଘଣ୍ଟା ହେବ। ଗତ ବର୍ଷ ଏଥିଲାଗି ଜନତାଙ୍କ ଠାରୁ ମତାମତ ଲୋଡାଯାଇଥିଲା। ଏଥିରେ କୁହାଯାଇଥିଲା ଯେ, ଗୋଟିଏ ଦିନରେ ୧୦ ଘଣ୍ଟାରୁ ଅଧିକ କାମ କରାଯାଇପାରିବ ନାହିଁ। କିନ୍ତୁ ବର୍ତ୍ତମାନର ବିଲ୍‌ରେ ଏହାକୁ ସାମିଲ କରାଯାଇନାହିଁ। ବହୁ ବର୍ଷର ପରିଶ୍ରମ ପରେ ଅବଶେଷରେ କେନ୍ଦ୍ର ସରକାର ପୁନର୍ବାର ଶ୍ରମିକଙ୍କ ସ୍ବାର୍ଥରକ୍ଷା ଲାଗି ସଂଗଠିତ ତଥା ଅସଂଗଠିତ ସେକ୍ଟରରେ ଶ୍ରମ ଆଇନ ସଂସ୍କାର ବିଲ୍‌ ୨୦୧୯ ଜରିଆରେ ସର୍ବନିମ୍ନ ମଜୁରି ବୃଦ୍ଧି ଲାଗି ନିଷ୍ପତ୍ତି ନେଇଛନ୍ତି। ଗତଥର ୨୦୧୭ରେ ସରକାର ଏଭଳି ପ୍ରୟାସ କରିଥିଲେ। ପରେ ଏହି ବିଲ୍‌ର ତର୍ଜମା ଲାଗି ଷ୍ଟାଣ୍ଡିଂ କମିଟି ନିକଟକୁ ପଠାଯାଇଥିଲା। କିନ୍ତୁ ଏହାକୁ ପାର୍ଲାମେଣ୍ଟରେ ଅନୁମୋଦନ ମିଳି ନ ଥିଲା। ଏହି ବିଲ୍‌ରେ ଶ୍ରମିକଙ୍କ ବେତନ ସହ ଜଡ଼ିତ ବର୍ତ୍ତମାନର ୪ ଆଇନ ପେମେଣ୍ଟସ ଅଫ୍‌ ଓ୍ବେଜେସ୍‌ ଆକ୍ଟ ୧୯୩୬, ମିନିମମ୍‌ ଓ୍ବେଜେସ୍‌ ଆକ୍ଟ ୧୯୪୯, ପେମେଣ୍ଟ ଅଫ୍‌ ବୋନସ୍‌ ଆକ୍ଟ ୧୯୬୫ ଓ ଇକୁଆଲ ରେମୁନରେଶନ ଆକ୍ଟ ୧୯୭୬କୁ କୋଡ୍‌ରେ ସାମିଲ କରାଯାଇଛି। କୋଡ୍‌ ଅନ୍‌ ଓ୍ବେଜେସ୍‌ରେ ସର୍ବନିମ୍ନ ମଜୁରିକୁ ପ୍ରତ୍ୟେକ ସ୍ଥାନରେ ସମାନ ଭାବେ ଲାଗୁ କରିବାକୁ ବ୍ୟବସ୍ଥା ହୋଇଛି। ଏହାଦ୍ୱାରା ସାରା ଦେଶରେ ଶ୍ରମିକଙ୍କୁ ଏକ ସମାନ ବେତନ ମିଳିବା ସୁନିଶ୍ଚିତ ହୋଇପାରିବ।


All Right Reserved By Dharitri.Com

ରେଲଓ୍ବେର ଘରୋଇକରଣ ଉଦ୍ୟମକୁ ୟୁନିୟନର ବିରୋଧ

ନୂଆଦିଲ୍ଲୀ,୮ା୭: ଭାରତୀୟ ରେଲଓ୍ବେର ଘରୋଇକରଣ ଉଦ୍ୟମକୁ ରେଲଓ୍ବେ ୟୁନିୟନ ବିରୋଧ କରିଛି। ନ୍ୟାଶନାଲ ଫେଡେରେଶନ ଅଫ୍‌ ଇଣ୍ଡିଆନ ରେଲଓ୍ବେମେନ ପକ୍ଷରୁ ଏହାକୁ ବିରୋଧ କରି ସାରା...

ଡେଲ୍‌,ଜିପ୍‌,ଏଲ୍‌ଆଇସି ଦେଶର ଭରସାଯୁକ୍ତ ବ୍ରାଣ୍ଡ

ନୂଆଦିଲ୍ଲୀ,୫-୬: ଲାପ୍‌ଟପ୍‌ କମ୍ପାନୀ ଡେଲ୍‌ ଭାରତର ସବୁଠାରୁ ଭରସାଯୋଗ୍ୟ ବ୍ରାଣ୍ଡ। ଏହାପରେ ଗାଡ଼ି କମ୍ପାନୀ ଜୀପ ଓ ବୀମା କ୍ଷେତ୍ରର ଶୀର୍ଷ କମ୍ପାନୀ ଏଲ୍‌ଆଇସି ରହିଛି।...

ନୂଆ ପ୍ୟାକ୍‌ରେ ଭିକୋ ବଜ୍ରଦନ୍ତି ପେଷ୍ଟ

ଭୁବନେଶ୍ୱର,୨୧-୬: ଭିକୋ ବଜ୍ରଦନ୍ତି ପେଷ୍ଟ ଏବେ ନୂଆ ପ୍ୟାକରେ ଉପଲବ୍ଧ ହେଉଛି। ଏହି ପ୍ରଡକ୍ଟରେ କମ୍ପାନୀ ୧୮ ପ୍ରକାରର ଜଡିବୁଟିର ସମାହାରକୁ ସାମିଲ କରିଛି। ଏହା...

ନଭେମ୍ବରରେ ଶକ୍ତି ଚାହିଦା ୪.୨୮% କମିଲା

ନୂଆଦିଲ୍ଲୀ,୧୨-୧୨: ଲଗାତର ଭାବେ ୪ ମାସ ଲାଗି ଦେଶର ଶକ୍ତି ଚାହିଦା ୪.୨୮% ହ୍ରାସ ଘଟି ୯୪.୬ ବିଲିୟନ ୟୁନିଟ ରହିଛି। ବିଶେଷ କରି ଋତୁ...

ସମ୍ପୂର୍ଣ୍ଣ ବୁକିଂ ଅର୍ଥ ରିଫଣ୍ଡ କରିବେ ବିମାନ କମ୍ପାନୀ

ନୂଆଦିଲ୍ଲୀ,୧୭।୪ : ଦୁଇଟି ପର୍ଯ୍ୟାୟରେ ଏବେ ଲକ୍‌ଡାଉନ ମେ ମାସ ୩ ଯାଏ ବଢ଼ିଛି। ୨୫ ମାର୍ଚ୍ଚରୁ ୧୪ ଏପ୍ରିଲ ଯାଏ ବୁକିଂ ହୋଇଥିବା ଟିକେଟର...

ଜିଏସ୍‌ଟି ଅଡିଟ ରିପୋର୍ଟ ଲାଗି ଜାରି ହେଲା ଫର୍ମ

ନୂଆଦିଲ୍ଲୀ,୧୭-୪: ଆର୍ଥିକ ବର୍ଷ ୨୦୧୭-୧୮ ଲାଗି ୨ କୋଟି ଟଙ୍କାରୁ ଅଧିକ ବାର୍ଷିକ କାରବାର କରୁଥିବା କମ୍ପାନୀଗୁଡ଼ିକୁ ଜିଏସ୍‌ଟି ଅଡିଟ ରିପୋର୍ଟ ଦାଖଲ କରିବାକୁ ହେବ।...

କର୍ପୋରେଶନ ବ୍ୟାଙ୍କର ନୂତନ ଆଞ୍ଚଳିକ ମୁଖ୍ୟ

ଭୁବନେଶ୍ୱର,୧୮-୬: କର୍ପୋରେଶନ ବ୍ୟାଙ୍କ ଭୁବନେଶ୍ୱରସ୍ଥିତ ଆଞ୍ଚଳିକ କାର୍ଯ୍ୟାଳୟର ନୂତନ ଆଞ୍ଚଳିକ ମୁଖ୍ୟ ଭାବେ ଏ.ଆର୍‌. ରାଘବେନ୍ଦ୍ର କାର୍ଯ୍ୟଭାର ଗ୍ରହଣ କରିଛନ୍ତି। ସେ ୧୯୮୪ରେ କର୍ନାଟକର ଚିକ୍‌ମାଙ୍ଗାଲୋରଠାରେ...

ଲକ୍‌ଡାଉନ ବିରୋଧୀ ଲଢେଇ; କମ୍ପାନୀ କର୍ମଚାରୀଙ୍କ ୩ ମାସର ବେତନ ଦେବ ଡେନ୍‌ମାର୍କ

ନୂଆଦିଲ୍ଲୀ,୩୦। ୩: କରୋନା ଯୋଗୁ ବର୍ତ୍ତମାନ ସାରା ବିଶ୍ୱରେ ଲକ୍‌ଡାଉନ ପାଇଁ ଆର୍ଥତ୍କ କାର୍ଯ୍ୟକଳାପ ହ୍ରାସ ହୋଇଛି। ଏଭଳି ସମୟରେ କମ୍ପାନୀଗୁଡିକ ଚାପରେ ରହିବା ଫଳରେ...

Leave a comment

Your email address will not be published. Required fields are marked *