ଯନ୍ତ୍ରଣା ଦେଉଛି ଭୂତଳ ବିଦ୍ୟୁତ୍‌ କେବୁଲ କାମ

ଭୁବନେଶ୍ବର,୨୯।୭(ବ୍ୟୁରୋ) : ସ୍ମାର୍ଟସିଟି ଭୁବନେଶ୍ୱରରେ ଚାଲିଛି ଭୂତଳ ବିଦ୍ୟୁତ୍‌ କେବୁଲ ବିଛାଇବା କାମ। ତାରିଖ ପରେ ତାରିଖ ଗଡୁଥିଲେ ମଧ୍ୟ ସରିବାର ନାଁ ଧରୁନି। ୧୮ ମାସ ବଦଳରେ ବିତିଗଲାଣି ୩ବର୍ଷ। ହେଲେ କାର୍ଯ୍ୟ ସରୁ ନ ଥିବାରୁ ନାନା ସମସ୍ୟା ଭୋଗୁଛନ୍ତି ରାଜଧାନୀବାସୀ। କାମ ପାଇଁ ଚାରିଆଡ଼େ ରାସ୍ତା ଖୋଳି ଦିଆଯାଇଛି। ବିପଦର ଆଁ ଭଳି ରହିଛି ବଡ଼ ବଡ଼ ଗାତ। ଏଥିଯୋଗୁ ବାରମ୍ବାର ଦୁର୍ଘଟଣା ଘଟୁଥିବାବେଳେ ପ୍ରତିଦିନ ଯାତ୍ରୀମାନେ ହଟହଟା ହେଉଛନ୍ତି। ଅନେକ ସମୟରେ ଅପ୍ରୀତିକର ପରିସ୍ଥିତି ସୃଷ୍ଟି ହେଉଛି। କାମ ଅତି ମନ୍ଥର ତଥା ମନଇଚ୍ଛା ହେଉଥିବା ଅଭିଯୋଗ ହେଉଛି। ଏବେକାର ସ୍ଥିତି ଯାହା, କାମ କେବେ ସରିବ ସେନେଇ ଏବେବି ଅନିଶ୍ଚିତତା ଦେଖାଦେଇଛି। ଫଳରେ ସହରବାସୀଙ୍କୁ ଆହୁରି ବହୁ ଦିନ ସମସ୍ୟାର ସମ୍ମୁଖୀନ ହେବାକୁ ପଡ଼ିବ।
ମିଳିଥିବା ସୂଚନାନୁସାରେ, ୨୦୧୬ ମାର୍ଚ୍ଚରୁ ଓଡ଼ିଶା ପାଓ୍ବାର ଟ୍ରାନ୍ସମିଶନ କର୍ପୋରେଶନ ଲିମିଟେଡ୍‌ (ଓପିଟିସିଏଲ୍‌) ପକ୍ଷରୁ ଭୂତଳ କେବୁଲ ବିଛା କାମ ଆରମ୍ଭ ହୋଇଥିଲା। ୧୮ମାସ ମଧ୍ୟରେ ସାରିବାକୁ ଲକ୍ଷ୍ୟ ରଖାଯାଇଥିଲା। ହେଲେ ଏପର୍ଯ୍ୟନ୍ତ କାର୍ଯ୍ୟ କାହିଁକି ସରୁନାହିଁ ତାହାକୁ ନେଇ ବିଧାନସଭାରେ ମଧ୍ୟ ପ୍ରଶ୍ନ ଉଠିଛି। ବିଧାୟକ ଅନନ୍ତ ନାରାୟଣ ଜେନାଙ୍କ ଏକ ପ୍ରଶ୍ନରେ ଶକ୍ତିମନ୍ତ୍ରୀ ଦିବ୍ୟଶଙ୍କର ମିଶ୍ର କହିଛନ୍ତି, ଏସ୍‌ସିଆର୍‌ଆଇପିଏସ୍‌, ଆଇପିଡିଏସ୍‌ ଓ ଆର୍‌-ଏପିଡିଆର୍‌ପି ଯୋଜନାରେ ଭୂତଳ କେବୁଲ ମାଧ୍ୟମରେ ପର୍ଯ୍ୟାୟକ୍ରମେ ରାଜଧାନୀର ପ୍ରମୁଖ ଅଞ୍ଚଳକୁ ବିଦ୍ୟୁତ୍‌ ଯୋଗାଣ ଲାଗି ବ୍ୟବସ୍ଥା କରାଯାଉଛି। ବର୍ତ୍ତମାନ ଭୁବନେଶ୍ୱରରେ ଏହି କାର୍ଯ୍ୟ ସରି ନ ଥିବାରୁ ପ୍ରତି ଅଞ୍ଚଳକୁ ଭୂତଳ କେବୁଲ ମାଧ୍ୟମରେ ବିଦ୍ୟୁତ୍‌ ବ୍ୟବସ୍ଥା କାର୍ଯ୍ୟକାରୀ କରିବା ଯୋଜନା ନାହିଁ ବୋଲି ସେ କହିଛନ୍ତି। ଅନ୍ୟପକ୍ଷରେ ଓପିଟିସିଏଲ୍‌ ଶକ୍ତି ବିଭାଗକୁ ଦେଇଥିବା ତଥ୍ୟରୁ ଜଣାପଡିଛି ଯେ, ଭୁବନେଶ୍ବରର ପାଖାପାଖି ୧୦୦ କିମି ରାସ୍ତାରେ ଭୂତଳ କେବୁଲ ବିଛାଯାଉଛି। ଜନପଥ, ୟୁନିଟ-୫, କଟକ ରୋଡ୍‌, ବିଦ୍ୟୁତ୍‌ ମାର୍ଗ, ସଚିବାଳୟ ମାର୍ଗରେ ଏବେ ଏହି କାମ ଜାରି ରହିଛି। କାମ ନ ସରିବାର ବିଭିନ୍ନ କାରଣ ରହିଛି। ଅନ୍ୟ ବିଭାଗମାନଙ୍କ ସହ ସମନ୍ବୟ ରକ୍ଷା କରି କାର୍ଯ୍ୟକୁ ଆଗକୁ ବଢାଯାଉଥିବାରୁ ବିଳମ୍ବ ହେଉଛି। ୨୦୨୦ ମଧ୍ୟରେ କାମ ସାରିବାକୁ ଉଦ୍ୟମ ଚାଲିଥିବା ଓପିଟିସିଏଲ ପକ୍ଷରୁ କୁହାଯାଇଛି। ସେହିପରି ପୁରୁଣା ଭୁବନେଶ୍ବର ଓ ଚନ୍ଦ୍ରଶେଖରପୁରର କିଛି ଅଞ୍ଚଳରେ ଭୂତଳ କେବୁଲ୍‌ ବିଛା ବହୁ ପୂର୍ବରୁ ସରିଛି। ଏହାର ପରୀକ୍ଷାମୂଳକ ଭାବେ ଚାର୍ଜ କରାଯାଇଛି। କିନ୍ତୁ ସମ୍ପୂର୍ଣ୍ଣ ଭାବେ କାର୍ଯ୍ୟ ସରି ନ ଥିବାରୁ ଚାର୍ଜ କରାଯାଉ ନାହିଁ ବୋଲି ଓପିଟିସିଏଲ ରିପୋର୍ଟ ଦେଇଛି।

କାହିଁକି ଭୂତଳ ବିଦ୍ୟୁତ୍‌ କେବୁଲ ଯୋଜନା :
ବାତ୍ୟା, କାଳବୈଶାଖୀ ଭଳି ପ୍ରାକୃତିକ ଦୁର୍ବିପାକ ସମୟରେ ବି ରାଜଧାନୀବାସୀଙ୍କୁ ୨୪ଘଣ୍ଟା ବିଦ୍ୟୁତ୍‌ ଯୋଗାଇବା ଲକ୍ଷ୍ୟ ରଖି ଭୂତଳ କେବୁଲ ଯୋଜନା କରାଯାଇଛି। ସେହିଭଳି ବିଦ୍ୟୁତ୍‌ ନଷ୍ଟ ଓ ଚୋରି ରୋକିବା ହେଉଛି ଅନ୍ୟ ଏକ ଉଦ୍ଦେଶ୍ୟ। ପୂରା ସହରରେ ୩୫୦ କିମି କେବୁଲ ବିଛା ଯିବାକୁ ଲକ୍ଷ୍ୟ ରଖାଯାଇ ୧୫ଶହ କୋଟି ଟଙ୍କା ବ୍ୟୟ ଅଟକଳ କରାଯାଇଥିଲା। ପ୍ରଥମେ ୪ଟି ରୁଟ୍‌ ଯଥା ଏୟାରପୋର୍ଟ ଛକରୁ ଆଚାର୍ଯ୍ୟ ବିହାର, ଏୟାରପୋର୍ଟ ଛକରୁ ନନ୍ଦନକାନନ, ଏକାମ୍ର ଛକରୁ ବାଣୀବିହାର ଓ ରବି ଟକିଜରୁ ରସୁଲଗଡ଼ ପର୍ଯ୍ୟନ୍ତ ଏହି କାମ ହେବା ପାଇଁ ଯୋଜନା ହୋଇଥିଲା। ପ୍ରଥମ ପର୍ଯ୍ୟାୟରେ ୩୫୦ କୋଟି ଟଙ୍କା ମଞ୍ଜୁର ହୋଇଥିଲା। ରାଜ୍ୟ ସରକାରଙ୍କ ଶିଳ୍ପ ବିଭାଗ ଦ୍ୱାରା ଓପିଟିସିଏଲ୍‌କୁ ଏହି କାର୍ଯ୍ୟ ହସ୍ତାନ୍ତର କରାଯାଇଥିଲା। ୩୩ କେଭି ଓ ୧୧ କେଭି ତାର ଉପରେ ନ ଯାଇ ମାଟିତଳେ ନେବା ପାଇଁ ନିଷ୍ପତ୍ତି ହୋଇଥିଲା। ହେଲେ ବିଭାଗଗୁଡ଼ିକ ମଧ୍ୟରେ ତାଳମେଳ ଅଭାବ ଯୋଗୁ କାର୍ଯ୍ୟରେ ସେପରି ଅଗ୍ରଗତି ହୋଇପାରୁ ନ ଥିବା ଜଣାପଡ଼ିଛି।

ସ୍ଥିତପ୍ରଜ୍ଞ ମିଶ୍ର


All Right Reserved By Dharitri.Com

ଏପ୍ରିଲ ୮ରୁ ଓଡ଼ିଶା ଅଳଙ୍କାର ପ୍ରଦର୍ଶନୀ

ଭୁବନେଶ୍ୱର, ୨୯।୨ (ବ୍ୟୁରୋ): ଓଡ଼ିଶା ଜୁଏଲରୀ ଆସୋସିଏଶନ୍‌ (ଓଜେଏ) ଓ କେଏନ୍‌ସି ସର୍ଭିସ୍‌ର ମିଳିତ ଆନୁକୂଲ୍ୟରେ ପ୍ରଥମ ଥର ପାଇଁ ଓଡ଼ିଶା ଅଳଙ୍କାର ପ୍ରଦର୍ଶନୀ ଆୟୋଜିତ...

ମାସେ ବନ୍ଦ ରହିବ ଭୁବନେଶ୍ୱର-ବ୍ୟାଙ୍କକ୍‌ ବିମାନ ସେବା

ଭୁବନେଶ୍ୱର,୧୯।୯(ବ୍ୟୁରୋ): ଭୁବନେଶ୍ୱରକୁ ବ୍ୟାଙ୍କକ୍‌କୁ ଚଳାଚଳ କରୁଥିବା ଏୟାର ଇଣ୍ଡିଆର ଡାଇରେକ୍ଟ ଫ୍ଲାଇଟ୍‌ ସେବା ସେପ୍ଟେମ୍ବର ୨୩ରୁ ଅସ୍ଥାୟୀଭାବେ ବନ୍ଦ ରହିବ। ଏହା ଅକ୍ଟୋବର ଶେଷ କିମ୍ବା...

ଡାକ୍ତର, ପାରାମେଡିକାଲ କର୍ମଚାରୀ ଆବଶ୍ୟକ କଲା ସ୍ବାସ୍ଥ୍ୟବିଭାଗ

ଭୁବନେଶ୍ୱର,୨୫।୩(ବ୍ୟୁରୋ): କରୋନା ମୁକାବିଲା ଲାଗି ଡାକ୍ତର ଓ ପାରାମେଡିକାଲ କର୍ମଚାରୀ ଆବଶ୍ୟକ କଲା ରାଜ୍ୟ ସ୍ବାସ୍ଥ୍ୟବିଭାଗ। ୩ ମାସ ପାଇଁ ଚୁକ୍ତି ଭିତ୍ତିରେ ଡାକ୍ତର, ନର୍ସ,...

ଉଚ୍ଚଶିକ୍ଷା ମନ୍ତ୍ରୀଙ୍କ ଅଚାନକ ଉତ୍କଳ ବିଶ୍ୱବିଦ୍ୟାଳୟ ଗସ୍ତ,ଭିତ୍ତିଭୂମି ପରଖିବା ପରେ ସମାଧାନର ପ୍ରତିଶ୍ରୁତି

ଭୁବନେଶ୍ୱର, ୨୦-୯(ବ୍ୟୁରୋ):ଉତ୍କଳ ବିଶ୍ୱବିଦ୍ୟାଳୟର ବିକାଶ ପାଇଁ କୋଟି କୋଟି ଟଙ୍କା ଆସୁଛି ହେଲେ ତାର ଉଚିତ୍‌ ବ୍ୟବହାର ହେଉଥିବା ପରିଲକ୍ଷିତ ହେଉନି। ବିଶ୍ୱବିଦ୍ୟାଳୟର ବିକାଶରେ ସେ...

ଚିଲିକା: ବିଭାଗୀୟ ତଥ୍ୟକୁ ହାଇକୋର୍ଟଙ୍କ ସନ୍ଦେହ

ଭୁବନେଶ୍ୱର,୧୦ା୮(ବ୍ୟୁରୋ): ଦ୍ରୁତ ଶିଳ୍ପାୟନ ମାନବ ସମାଜ ପାଇଁ ବିକାଶ ଆଣିଛି। ହେଲେ ଶିଳ୍ପାୟନ ଓ ଅର୍ଥନୈତିକ ଫାଇଦା ପାଇଁ ମନୁଷ୍ୟ ପ୍ରକୃତିକୁ ନିଜ ଇଚ୍ଛା ଅନୁସାରେ...

ତୃତୀୟ ଥର ପାଇଁ ବାହାରିବ ବିଜ୍ଞାପନ; ଖୁବ୍‌ଶୀଘ୍ର ଭୀମସାରର ସ୍ଥାୟୀ ନିର୍ଦ୍ଦେଶକ ନିଯୁକ୍ତି: ସ୍ବାସ୍ଥ୍ୟ ମନ୍ତ୍ରୀ

ଭୁବନେଶ୍ୱର/ ସମ୍ବଲପୁର,୨୨।୯(ବ୍ୟୁରୋ): ଆସନ୍ତା ଡିସେମ୍ବର ସୁଦ୍ଧା ବୁର୍ଲା ଭୀମସାରର ସ୍ଥାୟୀ ନିର୍ଦ୍ଦେଶକ ନିଯୁକ୍ତି ପ୍ରକ୍ରିୟା ଶେଷ ହେବ । ଏ ନେଇ ତୃତୀୟଥର ପାଇଁ ବିଜ୍ଞାପନ...

୨୧ଜଣଙ୍କୁ ଆଦର୍ଶ ସମ୍ମାନ ୨୦୧୯

ଭୁବନେଶ୍ୱର, ୩ା୧୦(ବ୍ୟୁରୋ): ମହାତ୍ମା ଗାନ୍ଧୀ ଅହିଂସାର ମୂଳମନ୍ତ୍ର ଥିଲେ। ତାଙ୍କର ତ୍ୟାଗ ଆଜି ଦେଶକୁ ସ୍ବତନ୍ତ୍ର ପରିଚୟ ଦେଇଛି। ଗାନ୍ଧିଜୀଙ୍କ ୧୫୦ତମ ଜୟନ୍ତୀ ଅବସରରେ ତାଙ୍କ...

ରାଜ୍ୟରେ ‘ବୁଲବୁଲ୍‌’ ପ୍ରଭାବ: ଜଗତସିଂହପୁର, ପୁରୀ, କେନ୍ଦ୍ରାପଡ଼ାର ସମସ୍ତ ସ୍କୁଲ ୨ ଦିନ ଛୁଟି ଘୋଷଣା

ଭୁବନେଶ୍ୱର,୭।୧୧(ବ୍ୟୁରୋ): ସମ୍ଭାବ୍ୟ ବାତ୍ୟା ‘ବୁଲବୁଲ୍‌’ର ପ୍ରଭାବକୁ ଦୃଷ୍ଟିରେ ରଖି ପୁରୀ, ଜଗତସିଂହପୁର, କେନ୍ଦ୍ରାପଡ଼ା ଜିଲାର ସ୍କୁଲଗୁଡ଼ିକୁ ୨ ଦିନ ଲାଗି ଛୁଟି ଘୋଷଣା କରାଯାଇଛି। ଉଭୟ...

Leave a comment

Your email address will not be published. Required fields are marked *