ଏକ୍ସସାଇଜ୍‌ ଆକ୍ଟ ଓ ରୁଲ୍‌କୁ ନେଇ ଦ୍ୱନ୍ଦ୍ୱ : ଫାଇଦା ନେଉଛନ୍ତି ଡ୍ୟାନ୍ସ ବାର୍‌ ମାଲିକ

ଭୁବନେଶ୍ୱର,୨୯।୭(ବ୍ୟୁରୋ): ଡ୍ୟାନ୍ସ ବାର୍‌ରେ ଯୁବତୀଙ୍କୁ ନିୟୋଜିତ କରିବା ନେଇ ଏକ୍ସସାଇଜ୍‌ ଆକ୍ଟ ଓ ରୁଲ୍‌ ମଧ୍ୟରେ ତାଳମେଳ ନାହିଁ। ଓଡିଶା ଅବକାରୀ ଆଇନ୍‌ ୨୦୦୮ ସେକ୍ସନ-୨୬ରେ ଉଲ୍ଲେଖ ରହିଛି ଯେ, ଯୁବତୀମାନଙ୍କୁ ବାର୍‌ରେ ନିୟୋଜିତ କରାଯିବା ସମ୍ପୂର୍ଣ୍ଣ ବେଆଇନ। ସେପଟେ ୨୦୧୭ ରୁଲ୍‌ସ ମୁତାବକ, ୨୧ବର୍ଷରୁ ଅଧିକ ବୟସର ଯୁବତୀମାନେ ସଙ୍ଗୀତ, ନୃତ୍ୟ, ବିଦେଶୀ ମଦ ବିକ୍ରି ହେଉଥିବା ସ୍ଥାନରେ ଅର୍କେଷ୍ଟ୍ରାରେ ନୃତ୍ୟ କରିପାରିବେ। ଏକ୍ସସାଇଜ ରୁଲ୍‌ ୪୪(୫) ଅନୁସାରେ, ଏଭଳି ନୃତ୍ୟ ହେଉଥିବା ଜାଗାରେ ଯୁବତୀଙ୍କ ନୃତ୍ୟକୁ ସ୍ବୀକୃତି ଦେବା ପୂର୍ବରୁ କମିଶନରେଟ ପୋଲିସ ଓ ଅବକାରୀ ବିଭାଗ କିଛି ସର୍ତ୍ତ ରଖିପାରିବେ। ସେହିଭଳି ୨୦୧୪ରେ ବମ୍ବେର ଏକ ପିଟିଶନର ବିଚାର କରି ସୁପ୍ରିମକୋର୍ଟ ବାରରେ ଯୁବତୀମାନେ ଡ୍ୟାନ୍ସ କରିବା ପାଇଁ ୧୫ ସର୍ତ୍ତ ରଖିଥିଲେ। ଏହାକୁ ଆଧାର କରି ପରବର୍ତ୍ତୀ ସମୟରେ ଓଡ଼ିଶା ହାଇକୋର୍ଟ ସ୍ବତନ୍ତ୍ର ରୁଲ୍‌ କରିଥିଲେ। ଦେଖିବାକୁ ଗଲେ ରୁଲ୍‌ ଆକ୍ଟ ଉପରେ ନିର୍ଭର କରେ। ରହିଥିବା ଆକ୍ଟରେ ଯୁବତୀଙ୍କୁ ବାର୍‌ରେ ଡ୍ୟାନ୍ସ କରାଇବା ବାରଣ କରାଯାଇଥିବାରୁ ଏହା ସମ୍ପୂର୍ଣ୍ଣରୂପେ ବେଆଇନ। କିନ୍ତୁ ରୁଲ୍‌ ହେବା ସମୟରେ ଏକ୍ସସାଇଜ ଆକ୍ଟ ଉପରେ ଧ୍ୟାନ ଦିଆଗଲା ନାହିଁ। ଫଳରେ ଆକ୍ଟ ଓ ରୁଲ୍‌କୁ ନେଇ ଯେଉଁ ଦ୍ୱନ୍ଦ୍ୱ ରହିଲା ତାହାର ଫାଇଦା ନେଉଛନ୍ତି ଡ୍ୟାନ୍ସ ବାର୍‌ ମାଲିକ।
ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ, ୪ସପ୍ତାହ ମଧ୍ୟରେ ଅବକାରୀ ବିଭାଗ ଲାଇସେନ୍ସ ଦେବେ। କିନ୍ତୁ ଏକ୍ସସାଇଜ୍‌ ଆକ୍ଟରେ ସଂଶୋଧନ ହୋଇ ନ ଥିବାରୁ ଲାଇସେନ୍ସ ଦିଆଯାଇପାରୁ ନ ଥିଲା। ୨୦୧୭ରେ ବୋର୍ଡ ଅଫ୍‌ ରେଭିନ୍ୟୁ ଏବଂ ଅବକାରୀ ବିଭାଗ ହଠାତ ବାର୍‌ ମାଲିକମାନଙ୍କୁ ଡ୍ୟାନ୍ସ ପାଇଁ ଲାଇସେନ୍ସ ପ୍ରଦାନ କରିଥିଲେ। ହେଲେ ଆକ୍ଟକୁ ଅନୁଧ୍ୟାନ କରିବା ପରେ ପରବର୍ତ୍ତୀ ସମୟରୁ ଲାଇସେନ୍ସ ପ୍ରଦାନ ବନ୍ଦ ରହିଛି। ଏହାସତ୍ତ୍ୱେ ବାର ମାଲିକମାନେ ରୁଲ୍‌କୁ ଲିଗାଲ ଦାବି କରି ବାର୍‌ରେ ଯୁବତୀମାନଙ୍କୁ ନିୟୋଜିତ କରୁଛନ୍ତି। ଡ୍ୟାନ୍ସ କରିବା ସହ ମଦ ପରଷୁଛନ୍ତି। ଏପରିକି ରୁଲ୍‌ରେ ରହିଥିବା କଟକଣାକୁ ମାନୁନାହାନ୍ତି। ଅନ୍ୟପକ୍ଷରେ ପୋଲିସ କାର୍ଯ୍ୟାନୁଷ୍ଠାନ ନେବା ଅବକାରୀ ବିଭାଗର କାର୍ଯ୍ୟ ବୋଲି କହୁଛି। ହେଲେ ଅବକାରୀ ବିଭାଗ ଆକ୍ଟରେ ନା କିଛି ପରିବର୍ତ୍ତନ ଆଣିବାକୁ ଚେଷ୍ଟା କରୁଛି, ଅବା ବାର୍‌ ମାଲିକଙ୍କ ବିରୋଧରେ କିଛି କାର୍ଯ୍ୟାନୁଷ୍ଠାନ ଗ୍ରହଣ କରୁଛି। ଏକ୍ସସାଇଜ ଆକ୍ଟ ଓ ରୁଲ୍‌ ଦ୍ୱନ୍ଦ୍ୱକୁ ବାହାନା କରି ଚୁପ୍‌ ବସୁଛି। ଅବକାରୀ ବିଭାଗ ଲାଇସେନ୍ସ ଦେଇ ନ ଥିବାରୁ କମିଶନରେଟ ପୋଲିସ ମଧ୍ୟ ବାର୍‌ଗୁଡିକୁ ମ୍ୟୁଜିକ୍‌ ଲାଇସେନ୍ସ ଦେଇ ନ ଥିଲା। ମ୍ୟୁଜିକ୍‌ ଲାଇସେନ୍ସକୁ ନେଇ ହିଁ କମିଶନରେଟ ପୋଲିସ ୧୧ ବାରରେ ଚଢାଉ କରି ୯୬ଜଣ ଯୁବତୀଙ୍କୁ ଉଦ୍ଧାର କରି ପରେ ଛାଡ଼ି ଦେଇଥିଲା।

ବିଧାନସଭାରେ ମଞ୍ଜୁରୀ ମିଳିବା ପରେ ସଂଶୋଧନ
କିଛିଦିନ ତଳେ ଅବକାରୀ କମିଶନର, ମୁଖ୍ୟ ଶାସନ ସଚିବ ଓ ଅନ୍ୟ ବରିଷ୍ଠ ଅଧିକାରୀଙ୍କୁ ନେଇ ଏକ ବୈଠକରେ ଏହି ପ୍ରସଙ୍ଗରେ ଆଲୋଚନା ହୋଇଥିଲା। ମୁଖ୍ୟଶାସନ ସଚିବ ଉକ୍ତ ଆକ୍ଟକୁ ତୁରନ୍ତ ସଂଶୋଧନ ପାଇଁ ଅବକାରୀ କମିଶନରଙ୍କୁ କହିଥିଲେ। ଏହି ପ୍ରକ୍ରିୟା ସେବେଠାରୁ ଜାରି ରହିଛି। ଆକ୍ଟ ପାଇଁ ବିଧାନସଭାରେ ପ୍ରସ୍ତାବ ଅଣାଯିବ। ମଞ୍ଜୁରୀ ମିଳିବା ପରେ ଆକ୍ଟ ସଂଶୋଧନ କରାଯାଇ ଡ୍ୟାନ୍ସ ବାର୍‌ ଲାଇସେନ୍ସ ଦେଇହେବ ବୋଲି କୁହାଯାଉଛି।
ଅବକାରୀ ବିଭାଗ ପଦକ୍ଷେପ ନେଇପାରିବ
ପୋଲିସ କମିଶନର ସତ୍ୟଜିତ୍‌ ମହାନ୍ତି କହିଛନ୍ତି, ବାର ମାଲିକଙ୍କ ବିରୋଧରେ ଆମେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିପାରିବୁ ନାହିଁ। ସେମାନେ ବିନା ଲାଇସେନ୍ସରେ ମ୍ୟୁଜିକ ବଜାଉଥିବାରୁ ଚଢାଉ କରାଯାଇଥିଲା। କାର୍ଯ୍ୟାନୁଷ୍ଠାନ ଭାବେ ଅର୍ବାନ ପୋଲିସ ଆକ୍ଟ ଅନୁଯାୟୀ କେବଳ କିଛି ଜରିମାନା କରାଯାଇପାରିବ। ବାରଗୁଡିକ ବନ୍ଦ କରିବାର କ୍ଷମତା ପୋଲିସର ନାହିଁ। ତେଣୁ କାର୍ଯ୍ୟାନୁଷ୍ଠାନ ପାଇଁ ପୋଲିସ ଅବକାରୀ ବିଭାଗକୁ ଚିଠି ଲେଖାଯାଇଛି।
ପୋଲିସ ରିପୋର୍ଟ ଅନୁଯାୟୀ ହେବ କାର୍ଯ୍ୟାନୁଷ୍ଠାନ
ଏକ୍ସସାଇଜ୍‌ ସୁପରିଣ୍ଟେଣ୍ଡେଣ୍ଟ ପ୍ରସନ୍ନ କୁମାର ଆଚାର୍ଯ୍ୟ କହିଛନ୍ତି, ଆକ୍ଟରେ ଯୁବତୀମାନଙ୍କୁ ବାର୍‌ରେ ଡ୍ୟାନ୍ସ କରାଇବା ବେଆଇନ ଥିଲେ ମଧ୍ୟ ରୁଲ୍‌ରେ କିନ୍ତୁ ନିୟମ ରହିିଛି। ତେଣୁ ଏହି ଆକ୍ଟ ପରିବର୍ତ୍ତନ ଶୀଘ୍ର ହୋଇଯିବ ବୋଲି ଆଶା କରାଯାଉଛି। ତେବେ ପୋଲିସ ଯେଉଁ ରିପୋର୍ଟ ଦେବେ ତାହା ଅନୁଯାୟୀ ଯାଞ୍ଚ ପରେ କାର୍ଯ୍ୟାନୁଷ୍ଠାନ ହେବ।

ତ୍ରିନାଥ ମହାନ୍ତି


All Right Reserved By Dharitri.Com

‘ଧରିତ୍ରୀ’ରେ ପ୍ରକାଶିତ ଖବରକୁ ନେଇ ଗୃହରେ ଉଦ୍‌ବେଗ: କୁମ୍ଭକାରଙ୍କ ଦୁରାବସ୍ଥା ସୁଧାରିବାକୁ ମହାରଥୀଙ୍କ ଅନୁରୋଧ

ଭୁବନେଶ୍ୱର,୨୯।୭(ବ୍ୟୁରୋ): ଚଳିତ ମାସ ୨୮ ତାରିଖରେ ଧରିତ୍ରୀରେ ପ୍ରକାଶିତ ହୋଇଥିବା ‘ଶ୍ରୀମନ୍ଦିରରେ କୁଡ଼ୁଆ ସଙ୍କଟ, ଫନୀ ପରଠୁ ଅଣ୍ଟା ସଳଖି ପାରିନାହାନ୍ତି କୁମ୍ଭକାର’ ଶୀର୍ଷକ ଖବରକୁ...

ବିଜେପୁର ଉପନିର୍ବାଚନରେ ଲଢ଼ିବାକୁ କଂଗ୍ରେସ ପାଖରେ ଟଙ୍କା ନାହିଁ, ବଦାନ୍ୟ ବ୍ୟକ୍ତି ଆର୍ଥିକ ସହାୟତା ଦିଅନ୍ତୁ: ନିରଞ୍ଜନ

ଭୁବନେଶ୍ୱର,୨୫।୯(ବ୍ୟୁରୋ): ବିଜେପୁର ଉପନିର୍ବାଚନ ପାଇଁ ତାରିଖ ଘୋଷଣା ସରିଛି। ନିର୍ବାଚନକୁ ଓହ୍ଲାଇବା ଲାଗି ରାଜ୍ୟର ୩ ପ୍ରମୁଖ ଦଳ ପାଗ ଭିଡୁଥିବା ବେଳେ ଲଢ଼ିବା ପାଇଁ...

ରଜରେ ନିଆରା ପରମ୍ପରା: କୁମାରୀଙ୍କ କଣ୍ଢେଇ ବାହାଘର

କାକଟପୁର, ୧୩।୬(ଡି.ଏନ୍‌.ଏ.)-ରଜ ଆସିଲେ ଉତ୍ସବ ମୁଖର ହୋଇପଡେ ପୁରୀ ଜିଲା ଅସ୍ତରଙ୍ଗ ବ୍ଲକର କୁଣ୍ଡେଶ୍ୱର ଗଁା। ଦୀର୍ଘ ୫୦ବର୍ଷରୁ ଊର୍ଦ୍ଧ୍ୱ ହେବ ଗଁାରେ ଚଳିଆସିଛି ଏକ...

ବଲାଙ୍ଗୀରରେ ବିଶ୍ୱର ସର୍ବୋଚ୍ଚ ବାଲୁକା କଳା ସ୍ଥାପନ ଯୋଜନା

ବଲାଙ୍ଗୀର ଅଫିସ, ୧୩ା୧୧ – ବଲାଙ୍ଗୀର ଜିଲା ତୁଷରା ତହସିଲ ଅନ୍ତର୍ଗତ ପେଣ୍ଡିମୁଣ୍ଡା ନିକଟ ତେଲନଦୀ କୂଳରେ ବିଶ୍ୱର ସର୍ବୋଚ୍ଚ ବାଲୁକା କଳା ନିର୍ମାଣ କରାଯିବାର...

ସରକାରୀ ଜମିରୁ ମୋରମ ଲୁଟ୍‌: ରାଜସ୍ବ ହରାଉଛନ୍ତି ସରକାର

ଔପଦା, ୧୭।୭(ଡି.ଏନ.ଏ.)-ବାଲେଶ୍ୱର ଜିଲା ଔପଦା ତହସିଲ ଅନ୍ତର୍ଗତ ଗଡ଼ସାହି ପଞ୍ଚାୟତର କୁସୁନଦାସପୁର, ରଙ୍ଗାମାଟିଆ, ପଣ୍ଡୁଆ, ପଥରପଦା ଆଦି ଗ୍ରାମରେ ଥିବା ସରକାରୀ ଜମିରୁ ମୋରମ ଲୁଟ୍‌...

ବିବାଦରେ ଓଡ଼ିଶା ସଙ୍ଗୀତ ନାଟକ ଏକାଡେମୀ ପୁରସ୍କାର

ଭୁବନେଶ୍ୱର,୩୦ା୧୦(ବ୍ୟୁରୋ):୨୦୧୭ ଏବଂ ୨୦୧୮ ମସିହା ଲାଗି ଘୋଷଣା ହୋଇଥିବା ଓଡ଼ିଶା ସଙ୍ଗୀତ ନାଟକ ଏକାଡେମୀ ପୁରସ୍କାରକୁ ନେଇ ପୁଣିଥରେ ବିବାଦ ଉପୁଜିଛି। ନାଟ୍ୟାନୁଷ୍ଠାନ ‘ଏବଂ ଆମେ’ର...

ଆନ୍ତଃରାଜ୍ୟ ନିଶା ବ୍ୟବସାୟୀ ଗିରଫ

କଟକ ରୋଡ,୨।୭(ଡି.ଏନ୍‌.ଏ.): ସ୍ମାର୍ଟସିଟିରେ ବେଧଡକ ଚାଲିଛି ନିଶା କାରବାର। ଜ୍ୱାଇଁଙ୍କ ଭଡାଘରେ ରହି ଶ୍ୱଶୁର ନିଶାଦ୍ରବ୍ୟ ଚାଲାଣ କରୁଥିବା ଅଭିଯୋଗରେ ସୋମବାର ଭୁବନେଶ୍ୱର ମୋବାଇଲ ସ୍କ୍ବାଡ...

ଚଳିତ ବର୍ଷ ସ୍ପୋଟର୍‌ସ କମ୍ପ୍ଲେକ୍ସ ନିର୍ମାଣ ଯୋଜନା ନାହିଁ:ମନ୍ତ୍ରୀ

ଭୁବନେଶ୍ୱର,୨୬।୭(ବ୍ୟୁରୋ): ୨୦୧୯-୨୦ ଆର୍ଥିକ ବର୍ଷରେ କୌଣସି ଜିଲାରେ ସ୍ପୋଟର୍‌ସ କମ୍ପ୍ଲେକ୍ସ ହେବ ନାହିଁ। ବର୍ତ୍ତମାନ ରାଜ୍ୟରେ ୪ଟି ସାଟେଲାଇଟ୍‌ ଷ୍ଟାଡିୟମ(ଇଣ୍ଟିଗ୍ରେଟେଡ୍‌ ସ୍ପୋଟର୍‌ସ କମ୍ପ୍ଲେକ୍ସ) ନିର୍ମାଣ କାର୍ଯ୍ୟ...

Leave a comment

Your email address will not be published. Required fields are marked *