ଭରତପୁର କୋଇଲା ଖଣି ଦୁର୍ଘଟଣା: ଏମ୍‌ସିଏଲ୍‌ର କାର୍ଯ୍ୟାନୁଷ୍ଠାନକୁ ନେଇ ପ୍ରଶ୍ନବାଚୀ

ତାଳଚେର,୨୯ା୭(ନି.ପ୍ର.) ଅନୁଗୋଳ ଜିଲା ତାଳଚେରସ୍ଥିତ ମହାନଦୀ କୋଲ୍‌ ଫିଲ୍‌ଡସ ଲିମିଟେଡ (ଏମ୍‌ସିଏଲ୍‌)ର ଭରତପୁର କୋଇଲା ଖଣିରେ ଗତ ୨୩ ତାରିଖ ରାତିରେ ଘଟିଥିବା ଦୁର୍ଘଟଣାରେ ଏଯାଏ ୩ଜଣଙ୍କ ମୃତଦେହ ଉଦ୍ଧାର କରାଯାଇଛି। କୋଇଲା ତଳେ ପୋତି ହୋଇ ରହିଥିବା ଆଉ ଜଣଙ୍କ ମୃତଦେହ ବାହାର କରିବା ପାଇଁ ଉଦ୍ୟମ ଜାରି ରହିଛି। ତେବେ ଉଦ୍ଧାର କାର୍ଯ୍ୟ ସମ୍ପୂର୍ଣ୍ଣ ହୋଇ ନ ଥିଲେ ବି ଏହି ଦୁର୍ଘଟଣା ପାଇଁ ଏମ୍‌ସିଏଲ୍‌ ପକ୍ଷରୁ ଗତ ୨୭ ତାରିଖରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଭରତପୁର ଖଣି ପରିଚାଳକ ଭି.କେ. ସିଂଙ୍କୁ ଏମ୍‌ସିଏଲ୍‌ ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ନିଲମ୍ବିତ କରିଛନ୍ତି। ହେଲେ ଏତେବଡ଼ ଦୁର୍ଘଟଣା ପାଇଁ କେବଳ ଜଣେ ମାତ୍ର ଅଧିକାରୀଙ୍କୁ ନିଲମ୍ବନ କରାଯିବାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି।
ଏମ୍‌ସିଏଲ୍‌ର ଏପରି କାର୍ଯ୍ୟାନୁଷ୍ଠାନକୁ ତାଳଚେରର ଜନସାଧାରଣଙ୍କଠାରୁ ଆରମ୍ଭ କରି ବୁଦ୍ଧିଜୀବୀ, ପରିବେଶବିତ୍‌ ଓ ବିଭିନ୍ନ ସଙ୍ଗଠନ ପକ୍ଷରୁ ସମାଲୋଚନା କରାଯାଇଛି। ସେମାନଙ୍କ କହିବା ଅନୁଯାୟୀ, ନିୟମିତ ବ୍ୟବଧାନରେ ଆଇଏସ୍‌ଓ (ଇଣ୍ଟର ନ୍ୟାଶନାଲ ସେଫ୍ଟି ଅର୍ଗାନାଇଜେଶନ) ଟିମ୍‌ର ବରିଷ୍ଠ ପଦାଧିକାରୀ, ଡିଜିଏମ୍‌ଏସ୍‌ ଖଣି ପରିଦର୍ଶନ କରିଥାନ୍ତି। ଏହା ସତ୍ତ୍ୱେ ଖଣି ଖନନ ବେଳେ କେମିତି ଏତେବଡ଼ ଦୁର୍ଘଟଣା ଘଟିଲା। ଖନନ କିମ୍ବା ସୁରକ୍ଷା ନିୟମରେ ତ୍ରୁଟି ଥିଲା କି? ଯଦି କିଛି ନୀତି ନିୟମ ଉଲ୍ଲଂଘନ କରାଯାଇଥିଲା ତା’ହେଲେ ସେସବୁ ଉପରୋକ୍ତ ଟିମ୍‌ ଓ ପଦାଧିକାରୀଙ୍କ ନଜରକୁ କିଭଳି ଆସି ପାରିଲା ନାହିଁ, ନା’ ସୁରକ୍ଷା ପ୍ରସଙ୍ଗ ପ୍ରତି ଆଖି ବୁଜି ଦିଆଯାଇଥିଲା। ଖଣି ପରିଦର୍ଶନ ଓ ନିରୀକ୍ଷଣ ବେଳେ ଏ ଦିଗ ପ୍ରତି ଧ୍ୟାନ ଦିଆ ନ ଯିବା ଆଶ୍ଚର୍ଯ୍ୟଜନକ। ସୁରକ୍ଷା ନିୟମର ଉଲ୍ଲଂଘନ, ଠିକାଦାରଙ୍କ ନିକଟରେ ପ୍ରଶିକ୍ଷିତ ଶ୍ରମିକଙ୍କ ଅଭାବ, ସୁରକ୍ଷା ବ୍ୟାରିଅର କମ୍‌ ଥିବା ଓ ଉକ୍ତ ବ୍ୟାରିଅର ନିକଟ ଜମିରେ ବ୍ଲାଷ୍ଟିଂ ଯୋଗୁ ଏହି ଦୁର୍ଘଟଣା ଘଟିଲା ବୋଲି କୁହାଯାଇପାରେ। ଏଥିରେ ଉପର ଠାରୁ ତଳସ୍ତର ପର୍ଯ୍ୟନ୍ତ ବହୁ ଅଧିକାରୀ ଓ ଠିକା ସଂସ୍ଥା କର୍ତ୍ତୃପକ୍ଷ ଦାୟୀ ହୋଇଥିବା ବେଳେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆ ନ ଯାଇ କେବଳ ଭରତପୁର ଖଣି ପରିଚାଳକଙ୍କୁ କାହିଁକି ନିଲମ୍ବନ କରାଗଲା ବୋଲି ପରିବେଶବିତ୍‌ ବାଉରୀବନ୍ଧୁ ବେଜ, ମହାନଦୀ କୋଇଲା ଠିକା ଶ୍ରମିକ କଂଗ୍ରେସ ସଭାପତି ରାଜକିଶୋର ସାହୁ ଓ ବ୍ରାହ୍ମଣୀ ସୁରକ୍ଷା ପରିଷଦ ସଭାପତି ତଥା ପରିବେଶବିତ୍‌ ବିଭୁଦେନ୍ଦ୍ର ପ୍ରତାପ ଦାସ ପ୍ରଶ୍ନ କରିଛନ୍ତି। ବଡ ଅଧିକାରୀଙ୍କ ବିରୋଧରେ ଦଣ୍ଡବିଧାନ କରା ନ ଯିବା କି ପ୍ରକାର ତଦନ୍ତ ଓ ନ୍ୟାୟ ବୋଲି ବିଏମ୍‌ଏସ୍‌ର ରାଜ୍ୟ ସମ୍ପାଦକ ବାଦଲ ମହାରଣା ପ୍ରେସ୍‌ ଇସ୍ତାହାରରେ ମଧ୍ୟ ପ୍ରଶ୍ନ ଉଠାଇଛନ୍ତି। ଏଠାରେ ଥିବା ସମସ୍ତ କୋଇଲା ଖଣିରୁ କିପରି ଅଧିକ ଉତ୍ପାଦନ ହେବ ତାହା ଉପରେ ମୁଖ୍ୟାଳୟ ଠାରୁ ପ୍ରବନ୍ଧନ ପର୍ଯ୍ୟନ୍ତ ସମସ୍ତେ ନଜର ରଖୁଥିବା ବେଳେ ଶ୍ରମିକଙ୍କ ସୁରକ୍ଷା, ଜମି ଅଧିଗ୍ରହଣ, କ୍ଷତିପୂରଣ ପ୍ରଦାନ, ବିସ୍ଥାପିତଙ୍କ ଥଇଥାନ ଏବଂ ନିଯୁକ୍ତି ପ୍ରତି କେହି ଧ୍ୟାନ ଦେଉ ନ ଥିବା ପରିବେଶବିତ୍‌ମାନେ ଅଭିଯୋଗ କରିଛନ୍ତି।


All Right Reserved By Dharitri.Com

ଯୋର ପାର ହୋଇ ସ୍କୁଲ ଯାଉଛନ୍ତି ଛାତ୍ରୀଛାତ୍ର

ଅମରପାଲି, ୪।୮ (ଡି.ଏନ.ଏ.)-ବିପଦପୂର୍ଣ୍ଣ ଭାବେ ଯୋର ପାର ହୋଇ ସ୍କୁଲ ଯାଉଛନ୍ତି ଛାତ୍ରୀଛାତ୍ର। ଏଭଳି ଘଟଣା ଦେଖିବାକୁ ମିଳିଛି ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ଦୁର୍ଜନତୈଲା...

ଦୁର୍ଗାପୂଜା ପ୍ରସ୍ତୁତି ବୈଠକ:ମଦ ଦୋକାନରେ ପିଓଏସ୍‌ ବ୍ୟବସ୍ଥା

ଜଗତ୍‌ସିଂହପୁର ଅଫିସ, ୧୭ା୯: ଭାରତ ସରକାର ଡିଜିଟାଲ ପେମେଣ୍ଟ ଉପରେ ଗୁରୁତ୍ୱ ଦେଉଛନ୍ତି। ଏହି ଆଧାରରେ ଦଶହରା ସମୟରେ ଜଗତ୍‌ସିଂହପୁର ସହରରେ ଥିବା ମଦ ଦୋକାନଗୁଡିକରେ...

ବିଦ୍ୟାଳୟ ଫାଟକରେ ତାଲା ପକାଇ ଧାରଣାରେ ବସିଲେ ଛାତ୍ରୀଛାତ୍ର,ଅଭିଭାବକ

ଭେଡ଼େନ,୨୫।୧୦(ଡି.ଏନ୍‌.ଏ): ବରଗଡ଼ ଜିଲା ଭେଡ଼େନ ବ୍ଲକ ଅନ୍ତର୍ଗତ ବଡ଼ପିପିଲିପାଲି ନୋଡାଲ ଉଚ୍ଚ ବିଦ୍ୟାଳୟର ଛାତ୍ରୀଛାତ୍ର ଏବଂ ଅଭିଭାବକମାନେ ଶୁକ୍ରବାର ବିଦ୍ୟାଳୟ ମୁଖ୍ୟ ଫାଟକରେ ତାଲା ପକାଇ...

ପୋକତୁଙ୍ଗା ସେବା ସମବାୟ ବ୍ୟାଙ୍କରୁ ଲୁଟ୍‌: ତାଲା ତାଡ଼ି ନେଇଗଲେ ଆଇରନ ଚେଷ୍ଟ

ବନ୍ତଳା,୭।୮ (ଡି.ଏନ.ଏ.):ଅନୁଗୋଳ ଜିଲା ବନ୍ତଳା ଥାନା ପୋକତୁଙ୍ଗା ସେବା ସମବାୟ ବ୍ୟାଙ୍କରୁ ସୋମବାର ରାତିରେ ଲୁଟ୍‌ ହୋଇଛି। ଦୁର୍ବୃତ୍ତମାନେ ବ୍ୟାଙ୍କ ଗ୍ରୀଲ ତାଡି ଭିତରେ ପଶିବା...

ମିଳୁନି ପକ୍କାଘର: ଭଙ୍ଗାଘରେ ନିରୁପମାଙ୍କ ପରିବାର

ବାଲିକୁଦା,୧୦ା୧୧(ସ୍ବ.ପ୍ର.): ବାଲିକୁଦା ବ୍ଲକ ଅଧୀନ ସଂଗ୍ରାମପୁର ପଞ୍ଚାୟତ ଗୋଗୋଳ ଗ୍ରାମର ବିଧବା ବୃଦ୍ଧା ନିରୁପମା ମଲ୍ଲିକଙ୍କ ଫାଇଁ ପକ୍କାଘର ସାତସପନ ପାଲଟିଛି। ଫଳରେ ସେ ଭାଗ୍ୟକୁ...

ଧାନରେ ସାଆରା ରୋଗ: ଚାଷୀ ଆତଙ୍କିତ

କର୍ଲାମୁଣ୍ଡା,(ଡି.ଏନ୍‌.ଏ): ୮।୧୨: କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ଚାଷୀ ଧାନ ଅମଳ ସମୟରେ ‘ସାଆରା’ ରୋଗ ଆକ୍ରମଣ ଯୋଗୁ ଆତଙ୍କିତ ହୋଇଛନ୍ତି। ଚଳିତବର୍ଷ ବ୍ଲକରେ ଜୁନ,...

ଉଚ୍ଛେଦ ପରେ ଜବରଦଖଲ

ଭଦ୍ରକ ଅଫିସ,୨୨।୯ – ଭଦ୍ରକ ସହରକୁ ସ୍ମାର୍ଟସିଟି କରାଯିବା ପାଇଁ ମୁଖ୍ୟରାସ୍ତାଗୁଡ଼ିକୁ ଜବରଦଖଲମୁକ୍ତ ଲାଗି ଉଦ୍ୟମ କରାଯାଇଛି। ଗତ ଜୁନ୍‌ ଶେଷ ସପ୍ତାହରେ ମହତାବ ଛକଠାରୁ...

ଜେଲ୍‌ରୁ କଏଦୀ ଫେରାର

ଯାଜପୁର ଅଫିସ,୨୫।୧୦: ଯାଜପୁର ସବ୍‌ଜେଲରୁ ଗୁରୁବାର ରାତିରେ ଜଣେ କଏଦୀ ଫେରାର ହୋଇଯାଇଛନ୍ତି। ଫେରାର କଏଦୀ ହେଲେ ମୟୂରଭଞ୍ଜ ଜିଲାର ରାଜେଶ ମୁଣ୍ଡା। ପାଚେରୀ ଡେଇଁ...

Leave a comment

Your email address will not be published. Required fields are marked *