Posted inUncategorized

ଆଞ୍ଚଳିକ ଗ୍ରାମୀଣ ବ୍ୟାଙ୍କକୁ ଷ୍ଟକ୍‌ ମାର୍କେଟରେ ସାମିଲ ଯୋଜନା

ନୂଆଦିଲ୍ଲୀ,୨୯-୭: କେନ୍ଦ୍ର ସରକାର ଚଳିତ ଆର୍ଥିକ ବର୍ଷରେ ଆର୍ଥିକ ଦୃଷ୍ଟିରୁ ଶକ୍ତିଶାଳୀ ୩ରୁ୪ ଆଞ୍ଚଳିକ ଗ୍ରାମୀଣ ବ୍ୟାଙ୍କ(ଆର୍‌ଆର୍‌ବି)କୁ ଷ୍ଟକ୍‌ମାର୍କେଟରେ ତାଲିକାଭୁକ୍ତ କରିବାକୁ ପ୍ରସ୍ତୁତି ଚଳାଇଛନ୍ତି। ପ୍ରାପ୍ତ ସୂତ୍ର ଅନୁଯାୟୀ ମିଶ୍ରଣ ପ୍ରକ୍ରିୟା ଶେଷ ହେବା ପରେ ଆର୍‌ଆର୍‌ବିଙ୍କ ଇନିସିଆଲ ପବ୍ଲିକ୍‌ ଅଫରିଂ(ଆଇପିଓ) ଅଣାଯିବ। ଏବେ ଆର୍‌ଆର୍‌ବିଗୁଡ଼ିକ ମଧ୍ୟରେ ମିଶ୍ରଣ ପ୍ରକ୍ରିୟା ଜାରି ରହିଛି। ବର୍ତ୍ତମାନ ଏହି ସଂଖ୍ୟା ୪୫ ଥିବା ବେଳେ ଏହାକୁ ୩୮କୁ ହ୍ରାସ କରାଯିବ। ଉକ୍ତ ସୂତ୍ର ଅନୁଯାୟୀ ଆହୁରି କେତେକ ଆର୍‌ଆର୍‌ବିର ମିଶ୍ରଣ କରାଯିବ। କାରଣ ଏନେଇ ସମ୍ପୃକ୍ତ ରାଜ୍ୟ ସରକାରଗୁଡ଼ିକରୁ ଅନୁମତି ମିଳିସାରିଛି। ରାଜ୍ୟ ଭିତରେ ଆର୍‌ଆର୍‌ବିଗୁଡ଼ିକର ମିଶ୍ରଣ ଯୋଗୁ ସେମାନଙ୍କ ଖର୍ଚ୍ଚ କମିବ। ପ୍ରଯୁକ୍ତିର ସର୍ବାଧିକ ବ୍ୟବହାର ହୋଇପାରିବ। ସେହିପରି ପୁଞ୍ଜି ଆଧାରକୁ ସେମାନଙ୍କ ପରିଚାଳନା କ୍ଷେତ୍ରର ବିସ୍ତାର ଲାଗି ବ୍ୟବହାର କରାଯିବ ଏବଂ ସେମାନେ ଅଧିକ ପୁଞ୍ଜି ହାସଲ କରିପାରିବେ। ସୂଚନାଥାଉ କି, ଗତ କିଛି ମାସ ମଧ୍ୟରେ ବିଭିନ୍ନ ରାଜ୍ୟରେ ୨୧ ଆର୍‌ଆର୍‌ବିର ମିଶ୍ରଣ ପ୍ରକ୍ରିୟା ଶେଷ ହୋଇଛି। ଉକ୍ତ ସୂତ୍ର ଅନୁଯାୟୀ ୩ରୁ୪ ଗ୍ରାମୀଣ ଆର୍‌ଆର୍‌ବି ଏବେ ଆଇପିଓ ଆଣିବା ଲାଗି ଉପଯୁକ୍ତ ହୋଇଛନ୍ତି। ଚଳିତ ବର୍ଷ ସେମାନଙ୍କର ଆଇପିଓ ଆସିବ। ଆର୍‌ଆର୍‌ବି ଆଇନ, ୧୯୭୬ ଅନୁଯାୟୀ ଆଞ୍ଚଳିକ ଗ୍ରାମୀଣ ବ୍ୟାଙ୍କ ସ୍ଥାପନ କରାଯାଇଥିଲା। ଗ୍ରାମାଞ୍ଚଳରେ କୃଷକ, କୃଷି ଶ୍ରମିକ, ଶିଳ୍ପୀଙ୍କୁ ଋଣ ପ୍ରଦାନ ଲାଗି ଏହା ଗଠନ ହୋଇଥିଲା। ୨୦୧୫ରେ ଏହି ଆଇନରେ ସଂଶୋଧନ କରାଯାଇଥିଲା। ଫଳରେ ଗ୍ରାମୀଣ ବ୍ୟାଙ୍କଗୁଡ଼ିକ କେନ୍ଦ୍ର, ରାଜ୍ୟ ଏବଂ ସ୍ପନଶନ କରୁଥିବା ବ୍ୟାଙ୍କ ବ୍ୟତୀତ ଅନ୍ୟ ବିକଳ୍ପ ସୂତ୍ରରୁ ପୁଞ୍ଜି ସଂଗ୍ରହ କରିବାକୁ ଅନୁମତି ପାଇଲେ। ବର୍ତ୍ତମାନ ଆର୍‌ଆର୍‌ବିରେ ୫୦ ପ୍ରତିଶତ ଅଂଶଧନ କେନ୍ଦ୍ର ସରକାରଙ୍କ ନିକଟରେ ରହିଛି। ସେହିପରି ୩୫ ପ୍ରତିଶତ ରାଜ୍ୟ ସରକାର ଓ ୧୫ ପ୍ରତିଶତ ସ୍ପନଶନ ବ୍ୟାଙ୍କ ନିକଟରେ ରହିଥାଏ। ତେବେ ଆଇପିଓ ଆସିବା ପରେ ମଧ୍ୟ କେନ୍ଦ୍ର ଓ ସ୍ପନଶନ ବ୍ୟାଙ୍କର ଅଂଶଧନ ୫୦ ପ୍ରତିଶତରୁ କମ୍‌ ହେବ ନାହିଁ ବୋଲି ସଂଶୋଧିତ ଆଇନରେ ଦର୍ଶାଯାଇଛି। ଫଳତଃ ଶେୟାରମାର୍କେଟରେ ତାଲିକାଭୁକ୍ତ ହେବା ପରେ ମଧ୍ୟ ଆର୍‌ଆର୍‌ବିଗୁଡ଼ିକର ନିୟନ୍ତ୍ରଣ କେନ୍ଦ୍ର ସରକାରଙ୍କ ନିକଟରେ ରହିବ। ଗ୍ରାମୀଣ ବ୍ୟାଙ୍କଗୁଡ଼ିକର ଆର୍ଥିକ ପରିଚାଳନାକୁ ଆହୁରି ସୁଦୃଢ଼ କରିବା ଲାଗି ସରକାର ୨୦୦୫ରୁ ନିଷ୍ପତ୍ତି ନେଇଥିଲେ। ୨୦୦୫ସୁଦ୍ଧା ଦେଶରେ ୧୯୬ ଆର୍‌ଆର୍‌ବି ଥିବା ବେଳେ ୨୦୦୬ରେ ଏହାକୁ ୧୩୩ରେ ହ୍ରାସ କରାଯାଇଥିଲା। ଏହାକୁ ପରେ ୧୦୫ରେ ଏବଂ ମାର୍ଚ୍ଚ ୨୦୧୨ ସୁଦ୍ଧା ୮୨କୁ ହ୍ରାସ କରାଯାଇଥିଲା। ୨୦୧୯-୨୦ ବଜେଟରେ ଗ୍ରାମୀଣ ବ୍ୟାଙ୍କଗୁଡ଼ିକ ପାଇଁ ସରକାର ୨୩୫ କୋଟି ଟଙ୍କା ବ୍ୟୟବରାଦ କରିଛନ୍ତି। ନିୟାମକୀୟ ନିର୍ଦ୍ଦେଶ ପାଳନ କରିବାକୁ ଯାଇ ସରକାର ସେମାନଙ୍କୁ ପୁଞ୍ଜି ସହାୟତା ପ୍ରଦାନ କରିଛନ୍ତି। ବର୍ତ୍ତମାନର ବ୍ୟବସ୍ଥାରେ ଗ୍ରାମୀଣ ବ୍ୟାଙ୍କଗୁଡ଼ିକୁ କେନ୍ଦ୍ର,ରାଜ୍ୟ ଓ ସ୍ପନଶନ ବ୍ୟାଙ୍କ ୫୦:୧୫:୩୫ ପ୍ରତିଶତ ହାରରେ ପୁଞ୍ଜି ପ୍ରଦାନ କରିଥାନ୍ତି।


All Right Reserved By Dharitri.Com

Posted inUncategorized View All

କାନ୍ଥ ଖୋଳି ମୋବାଇଲ ଫୋନ ଲୁଟିନେଲେ

ଭଞ୍ଜନଗର,୨୫।୫(ଡି.ଏନ.ଏ.)- ତାରସିଂ ଥାନା ଗାଲେରୀ ମୁଖ୍ୟ ସଡକରେ ଥିବା ଏକ ମୋବାଇଲ ଦୋକାନରୁ ଶୁକ୍ରବାର ରାତିରେ ଏକ ବଡଧରଣର ଚୋରି ହୋଇଛି। ଦୁର୍ବୃତ୍ତମାନେ ଦୋକାନ ପଛପଟ...

ଢେଙ୍କାନାଳରେ ସାଧାରଣତନ୍ତ୍ର ଦିବସ

ଭୁବନ,୨୬।୧(ଡି.ଏନ୍‌.ଏ.): ଢେଙ୍କାନାଳ ଜିଲା ଭୁବନର ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନ ପକ୍ଷରୁ ରବିବାର ୭୧ ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି । ସେଥି...

ଶିବାଜୀ ସ୍ମାରକରେ ୧୩ ଶହ କୋଟି ଦୁର୍ନୀତି: କଂଗ୍ରେସ-ଏନ୍‌ସିପି କଲେ ଅଭିଯୋଗ

ମୁମ୍ବାଇ,୨୫।୯: ମହାରାଷ୍ଟ୍ର ବିଧାନସଭା ନିର୍ବାଚନ ପାଖେଇ ଆସୁଛି। ଏହାକୁ ଦୃଷ୍ଟିରେ ରଖି କଂଗ୍ରେସ ଏବଂ ଏନ୍‌ସିପି ପକ୍ଷରୁ ସରକାରଙ୍କୁ ଘେରିବା ଆରମ୍ଭ କରାଯାଇଛି। ଆରବ ସାଗରରେ...

ଚାଇନାରୁ ଫେରିଥିବା ଭାରତୀୟମାନେ ମାସ୍କ ପିନ୍ଧି କଲେ ଡ୍ୟାନ୍ସ

ନୂଆଦିଲ୍ଲୀ,୨।୨: ଏୟାର ଇଣ୍ଡିଆର ସ୍ବତନ୍ତ୍ର ବିମାନ ଯୋଗେ ୩୨୪ ଭାରତୀୟ ଚାଇନାରୁ ସ୍ବଦେଶ ଫେରିଛନ୍ତି। ଏମାନଙ୍କ ଭିତରେ ୩ ଶିଶୁ ଓ ୧୧ ଛାତ୍ର ରହିଛନ୍ତି।...

ଫିଲ୍ମରୁ ଦୂରେଇଲେ ଅମିତାଭ୍‌ ବଚ୍ଚନ୍‌

ମୁମ୍ବାଇ: ଯିଏ ବଲିଉଡ୍‌ର ଫ୍ୟାନ୍‌, ସେ ବିଗ୍‌ ବି ଅମିତାଭ୍‌ ବଚ୍ଚନ୍‌ଙ୍କ ଫ୍ୟାନ୍‌ ହୋଇଥିବ ନିଶ୍ଚୟ। ଏଣୁ ଆମ ସମସ୍ତଙ୍କ ପାଇଁ ଏକ ଦୁଃଖ ଖବର।...

ଶିକ୍ଷା ପାଇଁ ଶୋଇବା ସମୟ କମୁଛି

ଭୁବନେଶ୍ୱର, ୭।୧୨(ବ୍ୟୁରୋ): ଓଡ଼ିଶା ଅଭିବାଭକ ମହାସଂଘ ପକ୍ଷରୁ ‘ଗୁଣାତ୍ମକ ଶିକ୍ଷା ଓ ଉତ୍ତମ ଶିଶୁ ସ୍ବାସ୍ଥ୍ୟ’ ଶୀର୍ଷକ କର୍ମଶାଳା ଶୁକ୍ରବାର ଇମେଜ୍‌ ପରିସରରେ ଅନୁଷ୍ଠିତ ହୋଇଯାଇଛି।...

ପୂର୍ବତନ ମନ୍ତ୍ରୀଙ୍କ ବିରୋଧରେ ଜମି ହଡ଼ପ ଅଭିଯୋଗ

ଭୁବନେଶ୍ୱର,୨୬ା୧୧(ବ୍ୟୁରୋ) : ପୂର୍ବତନ ମନ୍ତ୍ରୀ ତଥା ପିପିଲି ବିଧାୟକ ପ୍ରଦୀପ ମହାରଥୀ ୧୦୦ କୋଟି ଟଙ୍କାରୁ ଊର୍ଦ୍ଧ୍ୱ ମୂଲ୍ୟର ସରକାରୀ ଜମିକୁ ହଡ଼ପ କରିଥିବା ଭାଜପା...

Leave a comment

Your email address will not be published. Required fields are marked *