୫ ବର୍ଷ ପରେ ଘରକୁ ଫେରିଲେ ନାବାଳିକା: ଚୋରା ଚାଲାଣ ର଼୍ୟାକେଟର ପର୍ଦ୍ଦାଫାଶ, ଦଲାଲ ଗିରଫ

ବଡବିଲ, ୧୫।୫(ସ୍ବ.ପ୍ର.)-କେନ୍ଦୁଝର ଜିଲାରେ ନାବାଳିକା ଚାଲାଣ ର଼୍ୟାକେଟ୍‌ କିଭଳି ସକ୍ରିୟ ରହିଛି ତାହାର ଏକ ନଜିର ପଦାକୁ ଆସିଛି। ବଲାଣୀ ଥାନା ଅଞ୍ଚଳର ଜଣେ ନାବାଳିକାଙ୍କୁ ପ୍ରତାରଣା କରି ର଼୍ୟାକେଟ୍‌ରେ ସମ୍ପୃକ୍ତ ଏକ ଦମ୍ପତି ତାଙ୍କୁ ଦିଲ୍ଲୀ ଚାଲାଣ କରିଥିଲେ। ଦୀର୍ଘ ୫ ବର୍ଷ ଧରି ନାନା ନିର୍ଯାତନାର ଶିକାର ହୋଇ ଶିଶୁ ଶ୍ରମିକ ଭାବେ କାମ କରିବା ପରେ ଜମ୍ମୁର ନାମକ ଜଣେ ବ୍ୟକ୍ତିଙ୍କ ସହାୟତାରେ ଏହି ନାବାଳିକା ଉଦ୍ଧାର ପାଇ ଘରକୁ ଫେରିଆସିଛନ୍ତି। ଗତ ୧୨ ତାରିଖରେ ଆସି ସେ ନିଜ ଘରେ ପହଞ୍ଚିବା ପରେ ନାବାଳିକା ଚାଲାଣ ର଼୍ୟାକେଟର ପର୍ଦ୍ଦାଫାଶ ହୋଇଛି। ଏହି ସମ୍ପର୍କରେ ପରିବାରବର୍ଗ ଥାନାରେ ଅଭିଯୋଗ କରିବାପରେ ପୋଲିସ ତଦନ୍ତ ଚଳାଇ ଉକ୍ତ ର଼୍ୟାକେଟ୍‌ ସହ ସମ୍ପୃକ୍ତ ରାଜା ସିଂହ ନାମକ ଜଣେ ବିହାରୀ ଦଲାଲଙ୍କୁ ଗିରଫ କରି ମଙ୍ଗଳବାର କୋର୍ଟଚାଲାଣ କରିଛି। ନାବାଳିକା ଚାଲାଣ ର଼୍ୟାକେଟ୍‌ରେ ଏକାଧିକ ଦମ୍ପତି କାମ କରୁଥିବା ସୂଚନା ମିଳିଥିବାରୁ ଏନେଇ ଅଧିକ ତନାଘନା ଜାରି ରହିଥିବା ପୋଲିସ କହିଛି।

୨୦୧୪ ଅଗଷ୍ଟ ମାସ ୨୦ ତାରିଖର ଘଟଣା। ସେଦିନ ପୂର୍ବାହ୍ନ ୯ଟା ବେଳେ ଏହି ନାବାଳିକାଙ୍କ ହଠାତ୍‌ ନିଖୋଜ ହୋଇଯାଇଥିଲେ। ପରିବାର ଲୋକେ ଖୋଜାଖୋଜି କରି କୌଣସି ସନ୍ଧାନ ନ ପାଇବାରୁ ଏନେଇ ବଲାଣୀ ଥାନାରେ ଅଭିଯୋଗ କରିଥିଲେ। ବଲାଣୀ ପୋଲିସ ଏକ ନିଖୋଜ ମାମଲା (ନଂ.୫୨/୨୦୧୪) ରୁଜୁ କରି ତଦନ୍ତ ଆରମ୍ଭ କରିଥିଲା। ଏହାମଧ୍ୟରେ ବର୍ଷପରେ ବର୍ଷ ବିତିଯାଇଥିଲେ ବି ନାବାଳିକାଙ୍କର କୌଣସି ଖୋଜଖବର ମିଳି ନ ଥିଲା। ପୋଲିସ ମଧ୍ୟ କିଛି ସୁରାକ ପାଇପାରି ନ ଥିଲା। ଗତ ୧୨ତାରିଖରେ ନିଖୋଜ ନାବାଳିକା ହଠାତ୍‌ ଆସି ବଲାଣୀସ୍ଥିତ ତାଙ୍କ ଘରେ ପହଞ୍ଚିଥିଲେ। ନାବାଳିକା ଫେରି ଆସିବା ଦେଖି ପରିବାର ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ। ହଜିଲା ଝିଅକୁ ପାଇ ସେମାନଙ୍କ ଆଖି ଲୁହରେ ଭରି ଯାଇଥିଲା। ଏସମ୍ପର୍କରେ ଖବର ପାଇବା ପରେ ବଲାଣୀ ଥାନା ପୋଲିସ ସେଠାକୁ ଯାଇ ସମ୍ପୃକ୍ତ ନାବାଳିକାଙ୍କୁ ଘଟଣା ସମ୍ପର୍କରେ ପଚାରି ବୁଝିଥିଲା। ଏଥିରୁ ନାବାଳିକା ଚୋରାଚାଲାଣର ଏକ ବଡ ର଼୍ୟାକେଟ କାର୍ଯ୍ୟକରୁଥିବା ଜଣାପଡିଛି।

ନାବାଳିକାଙ୍କ ବୟାନ ଅନୁଯାୟୀ, ସେଦିନ ଘରେ ତାଙ୍କ ବାପା ଅନୁପସ୍ଥିତ ଥିବାବେଳେ ଅଭିଯୁକ୍ତ ଦଲାଲ ରାଜା ସିଂହ ଓ ତାଙ୍କ ପତ୍ନୀ ଆସି ତାଙ୍କୁ ଟଙ୍କାର ପ୍ରଲୋଭନ ଦେଖାଇ ପ୍ରଥମେ ଟାଟାନଗରକୁ ନେଇଯାଇଥିଲେ। ସେଠାରେ ପୂର୍ବରୁ ଅପେକ୍ଷା କରିଥିବା ଦିଲ୍ଲୀର ଦଲାଲ ଅଶୋକ ଯାଦବ ଓ ତାଙ୍କ ପତ୍ନୀ ଏହି ଦଲାଲ ଦମ୍ପତିଙ୍କଠାରୁ  ନାବାଳିକାଙ୍କୁ ନେଇଯାଇଥିଲେ। ନାବାଳିକା ଜଣଙ୍କ ଦିଲ୍ଲୀରେ ଶିଶୁ ଶ୍ରମିକ ଭାବେ କାର୍ଯ୍ୟ କରୁଥିଲେ। ପରେ ଜମ୍ମୁର ନାମକ ଜଣେ ବ୍ୟକ୍ତିଙ୍କ ସହାୟତାରେ ସେ ସେଠାରୁ ଖସି ଆସିଥିଲେ ବୋଲି ପୋଲିସକୁ କହିଥିଲେ। ନାବାଳିକା ଚାଲାଣ ଘଟଣା ସ୍ପଷ୍ଟ ହେବାପରେ ବଲାଣୀ ପୋଲିସ ଆଇପିସି ଦଫା ୩୬୩/୩୭୦/୧୨୦(ବି)ରେ ଏକ ମାମଲା ରୁଜୁ କରି ବିହାରୀ ଦଲାଲ ରାଜାଙ୍କୁ ଗିରଫ କରିଛି। ଏହି ଅଭିଯୁକ୍ତଙ୍କ ଘର ବିହାର ରାଜ୍ୟର ଆରା ଜିଲା ଅଞ୍ଚଳରେ। ସେ ବଲାଣୀ ଥାନା ଅନ୍ତର୍ଗତ ଏକ ଉପାସନା ପୀଠ ନିକଟରେ ରହୁଥିଲେ। ଏହି ଘଟଣାରେ ସମ୍ପୃକ୍ତ ରାଜାଙ୍କ ପତ୍ନୀ ଓ ଅନ୍ୟ ଦମ୍ପତିଙ୍କୁ ଧରିବାପାଇଁ ପୋଲିସ ଉଦ୍ୟମ କରୁଥିବା କହିଛି।


All Right Reserved By Dharitri.Com

ଚୋରି ବୋଲେରୋ ଖୋଜିବାରେ ପୋଲିସର ଅବହେଳା : ପ୍ରତିବାଦରେ ରାସ୍ତା ଅବରୋଧ

ବାଲେଶ୍ୱର ଅଫିସ,୨୨।୮: ବାଲେଶ୍ୱର ସଦର ଥାନା ଅନ୍ତର୍ଗତ ପରଖି ଗ୍ରାମ ମୁଖ୍ୟ ରାସ୍ତାକୁ ଗୁରୁବାର ପୂର୍ବାହ୍ନରେ ଗ୍ରାମବାସୀ ଅବରୋଧ କରିଛନ୍ତି। ସୂଚନା ଯେ, ଗତ ୧୯...

ମନ୍ତ୍ରୀ ପଦ ପାଇଁ ପୂଜାପାଠ

ଭୋଗରାଇ, ୨୫।୫(ଡି.ଏନ.ଏ.)-ନିର୍ବାଚନ ଫଳାଫଳ ଘୋଷଣା ପରେ ଉଭୟ ଭାଜପା ଓ ବିଜେଡିର ବିଜେତା ପ୍ରାର୍ଥୀଙ୍କୁ ମନ୍ତ୍ରୀପଦ ମିଳିବା ନେଇ ଦଳୀୟ କର୍ମୀଙ୍କୁ ଚିନ୍ତା ଘାରିଛି। ଭାଜପା...

ବାଲେଶ୍ୱର ବିଧାନସଭା : ବିଜେଡି ୬, ଭାଜପା ୨

ବାଲେଶ୍ୱର ଅଫିସ,୨୪ା୫: ବାଲେଶ୍ୱର ଜିଲାର ୮ଟି ବିଧାନସଭା କ୍ଷେତ୍ରରୁ ୬ଟିରେ ବିଜେଡି ବିଜୟୀ ହୋଇଥିବା ବେଳେ ୨ଟି ଆସନରୁ ଭାଜପା ବିଜୟଲାଭ କରିଥିବାର ଜଣାପଡ଼ିଛି। ଜଳେଶ୍ୱରରୁ...

ଯୁବକଙ୍କ ଗୁପ୍ତାଙ୍ଗ କାଟିଲେ ଦୁର୍ବୃତ୍ତ

ପାଟଣା,୨୬ା୪(ସ୍ବ.ପ୍ର.) : କେନ୍ଦୁଝର ଜିଲା ପାଟଣା ଥାନା ମୁଖ୍ୟାଳୟସ୍ଥିତ ସଁରାପଶି  ଗ୍ରାମରେ  ବନ୍ଦ ପଡ଼ିଥିବା ଏକ ଆବାସିକ ଶିଶୁମନ୍ଦିର ପ୍ରକୋଷ୍ଠରୁ ଶୁକ୍ରବାର ସକାଳେ ରକ୍ତ ଜୁଡୁବୁଡୁ...

ଜେଏମ୍‌ଏଫସି କୋର୍ଟ ସ୍ଥାନାନ୍ତରକୁ ବିରୋଧ

ଜଳେଶ୍ୱର, ୯ା୯-ବାଲେଶ୍ୱର ଜିଲା ଜଳେଶ୍ୱରରେ ଥିବା ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ(ଜେଏମଏଫସି)ଙ୍କ କୋର୍ଟ ସ୍ଥାନାନ୍ତରକୁ ନେଇ ବୁଦ୍ଧିଜୀବୀ ମହଲରେ ବିରୋଧ କରାଯାଇଛି। ଏହି ପରିପ୍ରେକ୍ଷୀରେ...

ଡ୍ରେନରୁ ମୃତ ନବଜାତ ଶିଶୁ ଉଦ୍ଧାର

ଖଇରା, ୫।୧୨(ଡି.ଏନ.ଏ.)-ବାଲେଶ୍ୱର ଜିଲା ଅଧୀନ ଖଇରା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପଛପଟ ଡ୍ରେନରେ ଗୁରୁବାର ସକାଳେ ଏକ ନବଜାତ ଶିଶୁର ମୃତଦେହ ପଡିଥିବା ଦେଖିବାକୁ ମିଳିଥିଲା। ଖଇରା...

ଦିନେ ଥିଲା ସବୁଜ ବନାନୀ, ଆଜି ଶ୍ରୀହୀନ: ବିତିଗଲା ୫ବର୍ଷ, ଲାଗିପାରିଲାନି ଗଛଟିଏ

ଖଇରା, ୧୩।୯-ବାଲେଶ୍ୱର ଜିଲାର ୨ ପ୍ରମୁଖ ବ୍ଲକ ଖଇରା ଓ ସୋରକୁ ସଂଯୋଗ କରୁଥିବା ସୋର-କୁପାରୀ ରାଜ୍ୟ ରାଜପଥର ଦୁଇ ପାର୍ଶ୍ୱରୁ ଗଛ କଟାଯିବାର ୫...

ଘରୁ ବାହାରିଲା ୧୩ ନାଗ, ବାବୁ ସାହିରେ ଆତଙ୍କ

ଧାମନଗର,୧୨।୬(ଡି.ଏନ୍‌.ଏ.): ଭଦ୍ରକ ଜିଲା ଧାମନଗର ବ୍ଲକ ଆନନ୍ଦପୁର ବାବୁ ସାହିର ଖଗେଶ୍ୱର ମହାକୁଡ଼ଙ୍କ ଘରୁ ଗୋଟିଏ ନାଗୁଣୀ ସହ ୧୨ ନାଗ ଛୁଆ ଉଦ୍ଧାର କରାଯାଇଛି।...

Leave a comment

Your email address will not be published. Required fields are marked *