ପ୍ରଦୂଷଣ ବଳୟରେ ଖୋର୍ଦ୍ଧା : ରୋଗ ବାଣ୍ଟୁଛି କ୍ରଶର, ଖଣି ବିଗାଡୁଛି ପରିବେଶ

ଖୋର୍ଦ୍ଧା ଅଫିସ,୨୬।୭ : ପ୍ରଦୂଷିତ ହୋଇଚାଲିଛି ଖୋର୍ଦ୍ଧାର ପରିବେଶ। ଖୋର୍ଦ୍ଧା ତହସିଲ ଓ ଆଖପାଖ ଅଞ୍ଚଳରେ କ୍ରଶର ରୋଗ ବାଣ୍ଟୁଥିଲାବେଳେ ପଥର ଖଣି ପରିବେଶକୁ ବିଗାଡି ଦେଇଛି। ବୁଦ୍ଧିଜୀବୀଙ୍କଠାରୁ ଆରମ୍ଭ କରି ସାଧାରଣ ମଣିଷଙ୍କ ପର୍ଯ୍ୟନ୍ତ ପରିବେଶ ସୁରକ୍ଷା ଚିନ୍ତା ଘାରୁଥିଲେ ମଧ୍ୟ କ୍ରଶର ମାଲିକ ଓ ସରକାରୀ କର୍ମଚାରୀ ଏବଂ ଅଧିକାରୀ ମାଲେମାଲ ହେଉଛନ୍ତି। ଲକ୍ଷ ଲକ୍ଷ ଟଙ୍କା ରୋଜଗାର କରି ସାଧାରଣ ଲୋକଙ୍କୁ ଅଭିଶପ୍ତ ଜୀବନ ବିତାଇବାକୁ ବାଧ୍ୟ କରାଉଛନ୍ତି। ହେଲେ ଏସ୍‌ଟିଏଫ୍‌ର କ୍ରଶର ଉପରେ ଚଢ଼ାଉ ସାଧାରଣ ଲୋକଙ୍କୁ ଆଶ୍ୱସ୍ତି ଦେଇଛି। ବେଆଇନ କ୍ରଶର ଓ ଖଣି ଖନନ ଉପରେ ଲଗାମ ଲଗାଇ ପରିବେଶକୁ ବଞ୍ଚାଅ ବୋଲି ସାଧାରଣରେ ଦାବି ଉଠିଛି। ଅନ୍ୟପକ୍ଷେ କୁରାଢ଼ମଲ୍ଲଠାରୁ କାଇପଦର ଗାଁ ରାସ୍ତାର ଉଭୟପାର୍ଶ୍ୱରେ ୫୦ରୁ ଊର୍ଦ୍ଧ୍ୱ କ୍ରଶର ଗଢ଼ି ଉଠିଛି। ସେହିଭଳି ୧୬ ନଂ. ଜାତୀୟ ରାଜପଥର ଦଧିମାଛଗାଡିଆଠାରୁ ବାଜପୁର ରାସ୍ତା ପାର୍ଶ୍ୱରେ ୨୫, ଦଧିମାଛଗାଡିଆ ଛକରୁ ଦଧିମାଛଗାଡିଆ ଗାଁକୁ ପଡିଥିବା ରାସ୍ତାରେ ୩୦, ତାପଙ୍ଗ ଛକରୁ ତାପଙ୍ଗ ଗାଁକୁ ପଡିଥିବା ରାସ୍ତାପାର୍ଶ୍ୱରେ ୫୦, ଓସିସି ଛକରୁ ତାପଙ୍ଗ ଛକ ପର୍ଯ୍ୟନ୍ତ ରାସ୍ତାରେ ପ୍ରାୟ ୩୩ କ୍ରଶର ଗଢ଼ି ଉଠିଛି। ପୁଣି କୁରାଢ଼ମଲ୍ଲରୁ ଦେଉଳଟାଙ୍ଗୀ ରାସ୍ତାପାର୍ଶ୍ୱରେ ୨୦, କାଞ୍ଜିଆଗଡରୁ ଝିଙ୍କିଝାରୀ ଗାଁ ରାସ୍ତାପାର୍ଶ୍ୱରେ ୧୨, ଛତ୍ରମା ଛକରୁ ଛତ୍ରମା ଗାଁ ରାସ୍ତାରେ ୫୦ରୁ ଊର୍ଦ୍ଧ୍ୱ କ୍ରଶର ରହିଛି। ଦୁର୍ଗାପୁର ଗାଁ ନିକଟରେ ୩୦ ରୁ ଊର୍ଦ୍ଧ୍ୱ ଓ ତୋଟାପଡା ଛକରୁ କଦଳୀବାରି ଗାଁକୁ ୧୨, ଶିଆଳିଆରୁ ବ୍ରହ୍ମପୁରା ରାସ୍ତାକଡରେ ପ୍ରାୟ ୫ କ୍ରଶର ଅନୁରୂପ ଭାବେ ରହିଛି। କ୍ରଶରଗୁଡିକ ଆଇନତଃ ହେଉ ଅଥବା ବେଆଇନ ଭାବେ ହେଉ ଏଗୁଡିକର ଧୂଳିକଣାରେ ସାଧାରଣ ଲୋକ ରୋଗର ଶିକାର ହେଉଛନ୍ତି। ସମ୍ପୃକ୍ତ ରାସ୍ତା ଦେଇ ଯିବାବେଳେ ପ୍ୟାଣ୍ଟ, ଶାର୍ଟ ଓ ଦେହ ଉପରେ ଏକ ଧୂଳିର ଆସ୍ତରଣ ବସିଯାଉଛି। ଏହାର ପ୍ରତିକାର ପାଇଁ ଦାବି ହେଉଥିଲେ ହେଁ ଏହା ଶୀତଳଭଣ୍ଡାରରେ ରହିଯାଉଛି ବୋଲି ଅଭିଯୋଗ ରହିଛି।
ଜିଲାର ବିଭିନ୍ନ ପାହାଡ ଓ ଜଙ୍ଗଲିଆ ଅଞ୍ଚଳରେ ପଥର ଚୋରମାନେ କମ୍ପ୍ରେସର ସାହାଯ୍ୟରେ ଗ୍ରାନାଇଟ ପଥର ମୁଣ୍ଡିଆରୁ ପଥର ବ୍ଲାଷ୍ଟିଂ ପାଇଁ ଡିଟୋନେଟର, ଜିଲୋଟିନ, ଆମୋନିୟମ ନାଇଟ୍ରେଟ୍‌ ଭଳି ବିସ୍ଫୋରକ ପଦାର୍ଥ ବ୍ୟବହାର କରୁଛନ୍ତି। ଏପରିସ୍ଥଳେ ଖୋର୍ଦ୍ଧା ଜିଲାରେ ବିସ୍ଫୋରକର ଅପବ୍ୟବହାର ସାଙ୍ଗକୁ ବେଆଇନ କାରବାର ବୃଦ୍ଧି ପାଇବାରେ ଲାଗିଛି। ବିସ୍ଫୋରକ ମହଜୁଦ ଓ ବିକ୍ରୟ ଲାଗି ଦୁଇ ପ୍ରକାର ୨୧/୨୨ ଲାଇସେନ୍ସ ବ୍ୟବସ୍ଥା ରହିଛି। ଖୋର୍ଦ୍ଧା ଜିଲାରେ ୩ ଜଣଙ୍କୁ ବିସ୍ଫୋରକ ପାଇଁ ଲାଇସେନ୍ସ ମିଳିଛି। କିନ୍ତୁ ଏବେ ଗାଁ ଗାଁରେ ଚୋରାରେ ଏହି ବିସ୍ଫୋରକ ସାମଗ୍ରୀ ଗଚ୍ଛିିତ ରହୁଛି। ଆବଶ୍ୟକତାଠାରୁ ଅଧିକ ପୁଣି ଗଚ୍ଛିତ ରହୁଛି। ତାହା ପୁଣି ବିପଦସଙ୍କୁଳ ଭାବେ ରଖାଯାଉଥିବାର ଅଭିଯୋଗ ହେଉଛି। ଅନ୍ୟପକ୍ଷେ ଦିନରାତି ମୁଣ୍ଡିଆଗୁଡିକରେ ବିସ୍ଫୋରକ ବ୍ୟବହାର ପଦାର୍ଥ ବ୍ଲାଷ୍ଟିଂ କରାଯାଉଛି। ଏସ୍‌ଟିଏଫ୍‌ର ଚଢ଼ାଉ ପରେ ବେଆଇନ ଖଣି ବନ୍ଦ ରହିଥିଲା। ପରେ ସରକାରୀ ସ୍ବୀକୃତିପ୍ରାପ୍ତ ଖଣି ବି ଦିନରାତି ପଥର ବ୍ଲାଷ୍ଟିଂ କରିବାର ଅଭିଯୋଗ ରହିଛି। ବ୍ଲାଷ୍ଟିଂ ଯୋଗୁଁ ପରିବେଶ ପ୍ରଦୂଷିତ ହେଉଛି। ଗ୍ରାନାଇଟ ପଥରକୁ ଆଖି ଆଗରେ ରଖି ଖୋର୍ଦ୍ଧା ଜିଲାରେ ଗଢି ଉଠିଛି ଷ୍ଟୋନ କ୍ରଶର ଶିଳ୍ପ। ସରକାରୀ ସ୍ତରରେ ୩୫୬ କ୍ରଶର ପରିବେଶ ମଞ୍ଜୁରୀ ପାଇଥିବାବେଳେ ରାଜନୈତିକ ପ୍ରୋତ୍ସାହନ ଓ ପ୍ରଶାସନିକ ଆଶୀର୍ବାଦରୁ ଜିଲାରେ ୫୪୪ରୁ ଊର୍ଦ୍ଧ୍ୱ ବେଆଇନ କ୍ରଶର ଗଢ଼ି ଉଠିଥିବା ଅଭିଯୋଗ ରହିଛି। କ୍ରଶର ବେଆଇନ ଭାବେ ଚାଲୁ ଅଥବା ପଞ୍ଜୀକୃତ ହୋଇଥାଉ, କେହି ବି ସାଇଟିଂ ନିୟମକୁ ମାନୁନାହାନ୍ତି। ଏହି ବେଆଇନ କାର୍ଯ୍ୟ ନେଇ ଜିଲା ପ୍ରଶାସନ ଓ ପ୍ରଦୂଷଣ ବୋର୍ଡ ଜାଣି ମଧ୍ୟ ନୀରବତା ଅବଲମ୍ବନ କରୁଛନ୍ତି। ନୀରବତା ପଛରେ ହାତଗୁଞ୍ଜା କାରବାର ରହିଥିବାର ଅଭିଯୋଗ ହୋଇ ଆସୁଛି। କେବଳ ଅଦାଲତଙ୍କ ନିର୍ଦ୍ଦେଶ ମିଳିଲେ ଆଖିଦୃଶିଆ ଚଢାଉ କରାଯାଇ କାର୍ଯ୍ୟ ଶେଷ କରାଯାଉଛି।


All Right Reserved By Dharitri.Com

ବନକଲାଗି: ୪ ଘଣ୍ଟା ମହାପ୍ରଭୁଙ୍କ ଦର୍ଶନ ବନ୍ଦ

ପୁରୀ ଅଫିସ, ୨୯।୫: ଶ୍ରୀମନ୍ଦିରରେ ବୁଧବାର ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହେବ। ଏହା ଏକ ଗୁପ୍ତ ନୀତି ହୋଇଥିବାରୁ ଜୟ ବିଜୟ ଦ୍ୱାର ବନ୍ଦ...

ଚିଟ୍‌ଫଣ୍ଡ ତଦନ୍ତ କମିଶନଙ୍କ ଶୁଣାଣି ବନ୍ଦ ନେଇ ଆନ୍ଦୋଳନକୁ ଓହ୍ଲାଇବ କଂଗ୍ରେସ: ସୁର

ଭୁବନେଶ୍ୱର,୪।୩(ବ୍ୟୁରୋ): ଚିଟ୍‌ଫଣ୍ଡ ତଦନ୍ତ କମିଶନଙ୍କ ଶୁଣାଣି ବନ୍ଦ ନେଇ ନୋଟିସ ଜାରି କରାଯିବା ପରେ କଂଗ୍ରେସ ପକ୍ଷରୁ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଏ ନେଇ...

କରୋନା ପରୀକ୍ଷା ଲାଗି କିଟ୍‌ ଦିଅ

ଭୁବନେଶ୍ୱର, ୨।୪(ବ୍ୟୁରୋ): ସରକାର ରାଜ୍ୟରେ କୋଭିଡ୍‌-୧୯ ପ୍ରତିରୋଧ କ୍ଷେତ୍ରରେ ସମସ୍ତ ପ୍ରକାର ସମ୍ଭାବ୍ୟ ପଦକ୍ଷେପ ଗ୍ରହଣ କରିଛନ୍ତି। କେନ୍ଦ୍ର ସରକାର ମଧ୍ୟ ନିୟମିତ ବ୍ୟବଧାନରେ ଭିଡିଓ...

ସୁନ୍ଦରବନରେ ଲ୍ୟାଣ୍ଡଫଲ୍‌ କରିବ ‘ବୁଲବୁଲ୍‌’: ପ୍ରଭାବରେ ଉପକୂଳ ଓଡ଼ିଶାରେ ବର୍ଷା, ବଢ଼ିବ ପବନର ବେଗ

ଭୁବନେଶ୍ୱର,୮।୧୧(ବ୍ୟୁରୋ): ଭୟଙ୍କର ରୂପ ଧାରଣ କରିସାରିଛି ବାତ୍ୟା ‘ବୁଲବୁଲ୍‌’। ଏହା ଘଣ୍ଟା ପ୍ରତି ୧୨ କିମି ବେଗରେ ଉତ୍ତର ଦିଗରେ ଗତି କରୁଛି। ପାଣିପାଗ ବିଭାଗର...

ପହଞ୍ଚତ୍ଲା ରଥ ଦଉଡ଼ି

ପୁରୀ ଅଫିସ, ୭ା୬: ଆସନ୍ତା ଜୁଲାଇ ୪ ତାରିଖରେ ରଥଯାତ୍ରା। ଏଥିପାଇଁ ଆରମ୍ଭ ହୋଇଗଲାଣି ପ୍ରଶାସନିକ ପ୍ରସ୍ତୁତି। ରଥଖଳାରେ ତିନିରଥ ନିର୍ମାଣ କାମ ଆଗେଇ ଚାଲିଥିବାବେଳେ...

ରାଜଧାନୀରେ ଯୁବକଙ୍କୁ ଗଳାକାଟି ହତ୍ୟା, କାର୍ଟୁନରେ ଗୁଡ଼ାଇ ଫିଙ୍ଗିଦେଲେ

ଭୁବନେଶ୍ୱର,୨।୬(ବ୍ୟୁରୋ): ସ୍ଥାନୀୟ ନୟାପଲ୍ଲୀ ଥାନା ରେଣ୍ଟାଲ କଲୋନୀ ନିକଟରେ ଥିବା ଏକ ହର୍ଟିକଲ୍‌ଚର କ୍ୟାମ୍ପସ ଭିତରୁ ଶନିବାର ରାତିରେ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି।...

୪୧ ଜଣ ସିଭିଲ ଜଜ୍‌ ନିଯୁକ୍ତ

ଭୁବନେଶ୍ୱର,୨୩।୭(ବ୍ୟୁରୋ): ଓଡ଼ିଶା ଲୋକସେବା ଆୟୋଗ (ଓପିଏସ୍‌ସି) ସୋମବାର ୪୧ଜଣଙ୍କୁ ସିଭିଲ୍‌ ଜଜ୍‌ ଭାବେ ନିଯୁକ୍ତ କରିଛନ୍ତି। ସେମାନେ ଓଡ଼ିଶା ଜୁଡିସିଆଲ ସର୍ଭିସ୍‌ ପରୀକ୍ଷା-୨୦୧୮ରେ ଉତ୍ତୀର୍ଣ୍ଣ ହୋଇଥିଲେ।...

ପ୍ରତ୍ୟେକ ସ୍କୁଲରେ ପାଳନ ହେବ ଆନ୍ତର୍ଜାତିକ ବୟସ୍କ ଦିବସ

ଭୁବନେଶ୍ୱର, ୧।୧୦(ବ୍ୟୁରୋ)- ଏଣିକି ପ୍ରତିବର୍ଷ ରାଜ୍ୟର ସବୁ ସ୍କୁଲରେ ପାଳନ ହେବ ଆନ୍ତର୍ଜାତିକ ବୟସ୍କ ଦିବସ। ଅକ୍ଟୋବର ୧କୁ ସାରା ଆନ୍ତର୍ଜାତିକ ବୟସ୍କ ଦିବସ ଭାବେ...

Leave a comment

Your email address will not be published. Required fields are marked *