ସାହାଯ୍‌ ଲାଗି ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀକୁଁ ଗୁହାରି କଲେ ଗାଁବାସୀ: ବୋନମ୍ୟାରୋ ସମସିଆରେ ପୀଡ଼ିତ ମାନସ

ଲୋଇସିଂହା,୨୫।୭ (ଡି.ଏନ୍‌.ଏ):  ବଲାଙ୍ଗୀର ଜିଲା ଆଗଲପୁର ବ୍ଲକ ହରଭଙ୍ଗା ଗାଁର ବେଣୁଧର ବିଶ୍ୱାଳକଁର ପୁଓ ମାନସ ବିଶ୍ୱାଳ(୭)। ଏହେଦେ ସେ ବୋନମ୍ୟାରୋ ସମସିଆରେ ପୀଡ଼ିତ ଥିଲାବେଲେ ତାକର ଗୁଟେ କିଡ଼୍‌ନୀ ଥିବାର ପରୀକ୍ଷା ନିରୀକ୍ଷାରୁ ଜନାପଡ଼ିଛେ। ଏନ୍‌ତାଥି ତାକର ଚିକିତ୍ସା ଲାଗି ଲକ୍ଷାଧିକ୍‌ ଟଁକା ଦରକାର ପଡ଼ୁଥିଲାବେଲେ ଗରିବ୍‌ ମା’ବାପ୍‌ ଉପରେ ଚଡ଼କ ପଡ଼ିଛେ।
ସୂଚନା ହିସାବେ ହରଭଙ୍ଗା ଗାଁର ବେଣୁଧରକଁର ପୁଓ ମାନସ(୭) ଜନମ୍‌ ବେଲୁ ୫ ବଛର ତକ୍‌ ଠିକ୍‌ଠାକ୍‌ ଥିଲେ। ଏହେଦେ ସେ ଗାଁ ସ୍କୁଲରେ ଦୁତୀଅ ଶ୍ରେଣୀରେ ପଢ଼ୁଛନ୍‌। ହେଲେ ମାନସର ବଏସ୍‌ ବଢ଼ବାର ସଂଗେ ଶରୀର ନାଇଁ ବଢ଼ଲାରୁ ମା’ବାପ୍‌ର ଚିନ୍‌ତା ବଢ଼ିଥିଲା। ପରିବାର ଲୋକ ମାନସକେ ବଲାଙ୍ଗୀର, ବୁର୍ଲା ଡାକ୍‌ତରଖାନା ନେଇ ଚିକିତ୍ସା କରାଲେ। ଡାକ୍‌ତର ଅପପୁଷ୍ଟିର ଲକ୍ଷନ କହି ଚିକିସତ୍ା କଲେ। ହଜାର ହଜାର ଟଁକା ଉଷୋକଷା କଲା ଉତାରୁ ବି ମାନସର ଶରୀରରେ କିଛି ପରିବରତନ୍‌ ନାଇଁ ହେଲା। ଶେଷେ ଲୁକ୍‌କର ପରାମଶ୍‌ରେ ପରିବାର ଲୋକ୍‌ ମାନସକେ ଚିକିତ୍ସା ଲାଗି ଭୁବନେଶ୍ୱର ଏମ୍ସ ନେଲେ। ସେଠାନେ ଡାକ୍‌ତର ପରୀକ୍ଷା ନିରୀକ୍ଷା କରି ଜାନବାକେ ପାଏଲେ ଯେ, ମାନସର ବୋନମ୍ୟାରୋରେ ସମସିଆ ରହିଛେ, ରକତ୍‌ ଠିକ୍‌ସେ ତିଆର ହେଇ ନାଇଁପାରବାର। ସେନ୍‌ତା ତାକର ଗୁଟେ କିଡ଼୍‌ନୀ ରହିଥିବାର ଜନା ପଡ଼ିଥିଲା। ଡାକ୍‌ତର ମାନସର ଚିକିସତ୍ା ଲାଗି ଅତି କମ୍‌ରେ ୧୫ ଲାଖ୍‌ ଟଁକା ଖରଚ୍‌ ହେବା ବଲି କହିଥିଲେ। ଇ କଥାଟା ଶୁନି ବରଗଡ଼ ଜିଲା ଯୋଖିପାଲିର ୟୁଥ ଏଗେଁଷ୍ଟ କରପ୍‌ସନ ସଂଗଠନ ମୁଖ୍ୟମନ୍ତ୍ରୀକଁର ଦୁରୁଷ୍‌ଟି ଆକରଷନ୍‌ କରିଥିଲା। ଶେଷେ ବଲାଙ୍ଗୀର ଜିଲାପାଲକଁର ନିରଦେଶରେ ଆଗଲପୁର ବିଡିଓ ଇ ଦୁଖି ପରିବାରକେ ରେଡକ୍ରସରୁ ୨୦ ହଜାର ଟଁକା ସାହାଯ୍‌ ଦେଇଥିଲେ। ସେ ଟଁକାରେ ପରିବାର ଲୋକ୍‌ ମାନସକେ ଦୁତୀଅ ଥର ଭୁବନେଶ୍ୱର ଏମ୍ସକେ ଚିକିତ୍ସା ଲାଗି ନେଇଥିଲେ। ହେଲେ ସେଠାନେ ଡାକ୍‌ତର ମାନସର ଚିକିତ୍ସା ଲାଗି ୧୫ ନୁହେ ୨୫ ଲାଖ୍‌ ଟଁକା ଦରକାର ପଡ଼ବା ଆର ଚିକିତ୍ସା ଦିଲ୍ଲୀ ଏମ୍ସରେ ହେବା ବଲି କହିଥିଲେ। ଇ କଥା ଶୁନି ମା’ବାପ୍‌ର ମୁଡ଼େ ଚଡ଼କ ପଡ଼ିଥିଲା। ହେନ୍‌ଥେଇ ବି ପରିବାରର ଥିତି ଭଲ ନାଇଁ। ସବୁବେଲେ ଅଭାବ ଅନାଟନ ଲାଗି ରହିଛେ। ମା’ବାପ୍‌ ନିରାଶ ହେଇ ବୁଧୁବାର ପୁଓକେ ଧରି ଗାଁକେ ଫିରି ଅସିଛନ୍‌। ଇଆଡ଼େ ବିଜୁ ସ୍ବାସ୍ଥ୍ୟ କଲ୍ୟାଣ ବୀମା ଯୋଜନାରେ ୫ ଲାଖ୍‌ ତକ୍‌ ଚିକିତ୍ସା ସାହାଯ୍‌ ମିଲିପାରବା। ବାକି ଟଁକାର ଲାଗି ଘରଦୁଆର, ଜମିବାଡ଼ି ବିକ୍‌ଲେ ବି ଠୋଲ ନାଇଁ ହେଇପାରେ। ଏନ୍‌ତାଥି ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ସାହାଯ୍‌ର ହାତ୍‌ ବଢ଼ାଲେ ମୋର ପୁଓ ନୁକୋ ହେଇପାରବା ବଲି ବେଣୁଧର କହିଛନ୍‌। ସେନ୍‌ତା ଗାଁବାସୀ ବି ଇ ଦୁଖି ପରିବାରକେ ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ସାହାଯ୍‌ର ହାତ୍‌ ବଢ଼ାବାକେ ଗଣମାଧ୍ୟମ ଜରିଆରେ ଗୁହାରି କରିଛନ୍‌।


All Right Reserved By Dharitri.Com

ଚିକିତ୍ସା ଲାଗି ଟଁକା ବାଧକ୍‌: ରକ୍ତ କର୍କଟ ରୋଗ୍‌ରେ ପୀଡ଼ିତ ଲକ୍ଷ୍ମୀପ୍ରିୟା

ରାଉରକେଲା ଅଫିସ,୨୫।୪: ଟଁକା ପଏସା ଅଭାବ ଥିଲେ ବି ଝି’କେ ପାଠ୍‌ ପଢ଼ାବାରେ କେହେନ୍‌ସି ପରକାର ଉନା ନାଇଁକରି। ତାକର ଗୁଟେନ ଉଦେଶ ଥିଲା ଝି’କେ ପାଠ୍‌...

ବିକାଶର ଆଁଖିରେ ବଢ଼ୁଛେ ଆବୁ: ଟଁକା ଯୁଗାଡ଼ ଚିନ୍‌ତାରେ ଗରିବ୍‌ ମା’ବାପ୍‌

କୋକସରା,୨୫।୭(ଡି.ଏନ.ଏ.): କଳାହାଣ୍ଡି ଜିଲା କୋକସରା ବ୍ଲକ ଗୋତୋମୁଣ୍ଡା ପଁଚେତ୍‌ ଅଧୀନ ଚୋରଣିଦୁଆର ଗାଁର ମଙ୍ଗଲେ ମାଝି ଆର ତ୍ରୀନାଥ ମାଝିକଁର ପୁଓ ବିକାଶ ମାଝି(୫)। ସେ...

ମନ୍ତ୍ରୀ ସୁଶାନ୍ତ ସିଂଙ୍କ ହ୍ୟାଟ୍ରିକ:୨୩,୩୩୦ ଖଣ୍ଡ ଭୋଟରେ ବିଜୟୀ ହେଲେ

ସୋହେଲା/ଭଟଲି, ୨୪-୫(ଡି.ଏନ.ଏ):ବରଗଡ ଜିଲା ଭଟଲି ବିଧାନସଭା ନିର୍ବାଚନ ମଣ୍ଡଳୀରେ ଚଳିତ ନିର୍ବାଚନରେ ଶ୍ରମ ଓ ଶକ୍ତିମନ୍ତ୍ରୀ ସୁଶାନ୍ତ ସିଂ ତୃତୀୟ ଥର ପାଇଁ ବିଜୟ ହାସଲ...

ପକ୍ଷାଘାତରେ ପୀଡ଼ିତ ବଶିଷ୍ଠ: ହେଲପରି କରି କୁଟୁମ ପୁଷୁଛେ ମଝିଆଁ ପୁଓ

ଲୋଇସିଂହା,୨୪।୬ (ଡି.ଏନ୍‌.ଏ): ବଲାଙ୍ଗୀର ଜିଲା ଲୋଇସିଂହା ବ୍ଲକ ନେଗିପାଲି ଗାଁର ବଶିଷ୍ଠ(୬୦)। ଦିନ୍‌ଥିଲା ସେ ବାହା ଜାଂଗଲ ମାଜି ୮ ପରାନୀ କୁଟୁମ ପୁଷୁଥିଲେ। ସେଥ୍‌ରୁ...

ମହାନଦୀରେ ଯୁବତୀ ଭାସିଯିବା ଘଟଣା: ୭୮ ଘଣ୍ଟାପରେ ନିଖୋଜ ପିଙ୍କିଙ୍କ ମୃତଦେହ ଉଦ୍ଧାର

ସମ୍ବଲପୁର,୯ା୧୦(ବ୍ୟୁରୋ): ସମ୍ବଲପୁର ଦେଇ ବହିଯାଇଥିବା ମହାନଦୀରେ ଭାସିଯାଇ ଗତ ରବିବାରଠାରୁ ନିଖୋଜଥିବା ପିଙ୍କି ବିଶ୍ୱକର୍ମା(୧୪)ଙ୍କ ମୃତଦେହ ୭୮ ଘଣ୍ଟାପରେ ମମହାନଦୀ ଦ୍ୱିତୀୟ ସେତୁ ନିକଟରୁ ବୁଧବାର...

ସ୍କୁଲ ବାରନ୍‌ଡାରେ ଚାଲିଛେ ଅଙ୍ଗନଓ୍ବାଡି କେନ୍ଦ୍ର

ଲାଠୋର, ୨୫ା୬ (ଡି.ଏନ୍‌.ଏ): ସରକାର ଗଁ। ଗଁଲିରୁ ସହରତକ୍‌ ସବୁ ଜାଗାରେ ଅଙ୍ଗନଓ୍ବାଡି କେନ୍ଦ୍ର ଖୁଲୁଛନ୍‌। ଗୁଟେ କେନ୍ଦ୍ରରେ ମୁଖିଆ ଘର ସମେତ ରଁଧାଘର, ଶୌଚାଲୟ,...

କାଳ ବୈଶାଖୀରେ ଘର ଉପରେ ଗଛ ପଡ଼ିଲା: ମା’ ଝିଅ ମୃତ, ବାପା ଗୁରୁତର

ନୂଆପଡ଼ା ଅଫିସ,୨୧।୪-ନୂଆପଡ଼ା ଜିଲା ଜୋଙ୍କ ଥାନା ଅନ୍ତର୍ଗତ ଭଏଁଷାଟାଲ ଗ୍ରାମପଞ୍ଚାୟତ ଭଣ୍ଡାରପୁରୀ ଗାଁ ମଝିରେ ଥିବା ଏକ ବୃହଦାକାୟ ପିପଲ ଗଛ କାଳ ବୈଶାଖୀ ପ୍ରଭାବରେ...

ଉତ୍ତାପ କମାଇବାକୁ କାର୍ଯ୍ୟକାରୀ ହେବ ପାଇଲଟ୍‌ ପ୍ରକଳ୍ପ: କୁମୁଡ଼ା ପାହାଡ ଉନ୍ନତି ଲାଗି ଖର୍ଚ୍ଚ ହେବ ୪.୭୪ କୋଟି

ବଲାଙ୍ଗୀର ଅଫିସ,୫।୬- ଉତ୍ତପ୍ତ ଅଞ୍ଚଳ ଭାବେ ପରିଚିତ ବଲାଙ୍ଗୀର ଜିଲା ଟିଟିଲାଗଡ଼ ଏବଂ ଆଖପାଖ ଅଞ୍ଚଳରେ ତାପମାତ୍ର ବୃଦ୍ଧି ରୋକିବା ଦିଗରେ ବନ ବିଭାଗ ପକ୍ଷରୁ...

Leave a comment

Your email address will not be published. Required fields are marked *