ମନଲୋଭା କେନ୍ଦୁଝରର ବଡ଼ି

କେନ୍ଦୁଝର, ୨୫ା୭(ଦୀପକ ମିଶ୍ର): କେନ୍ଦୁଝରର ଓଡ଼ିଶା ପ୍ରସିଦ୍ଧ ବଡ଼ି କଥା କିଏ ନ ଜାଣେ। ଏହି ବଡିକୁ ନେଇ ଆଦର ବଢୁଥିଲେ ମଧ୍ୟ ସେପରି ଭାବେ ସରକାରୀ ଭାବେ ପ୍ରୋତ୍ସାହନ ମିଳୁନାହିଁ। କେନ୍ଦୁଝରରେ ଏହା ପାଇଁ ଏକ ସ୍ବତନ୍ତ୍ର ବଜାର ଟିଏ କରାଗଲେ ବହୁ ଲୋକ ଜାଣିପାରନ୍ତେ। କେନ୍ଦୁଝରରେ ପ୍ରସ୍ତୁତ ହେଉଥିବା ବଡି ସାଧାରଣତଃ ବେଶ ସ୍ବାଦିଷ୍ଟ ବୋଲି ଏଇଥି ପାଇଁ ସମସ୍ତଙ୍କ ରୁଚି ରହିଥିବାବେଳେ ଏହାର ମୁଖ୍ୟ କାରଣ ହେଉଛି କେନ୍ଦୁଝରର ଜଳବାୟୁ। ଶୀତ ଦିନରେ ଏହି ବଡିଗୁଡିକ ଅଧିକ ସ୍ବାଦିଷ୍ଟ ଓ ଖାଇବା ଉପଯୋଗୀ ହୋଇଥାଏ।
କେବଳ ଓଡିଶା କାହିଁକି ଅନ୍ୟ ରାଜ୍ୟରେ ମଧ୍ୟ କେନ୍ଦୁଝରର ବଡି ବେଶ ପ୍ରସିଦ୍ଧିଲାଭ କରିଛି। ତେବେ ବିଭିନ୍ନ କିସମର ବଡି ରହିଛି। ଫୁଲବଡି, କଖାରୁ ବଡି, ମଞ୍ଜି ବଡି, ବାଦାମ ବଡି ପ୍ରଭୃତି। ତେବେ ଅନେକ କିସମର ବଡି ଥିଲେ ମଧ୍ୟ ଫୁଲବଡିର ସ୍ବତନ୍ତ୍ର ଆଦର ରହିଛି। ଫୁଲବଡି ପାଇଁ କେନ୍ଦୁଝରର ପାହାଡିଆ ଅଞ୍ଚଳରେ ପ୍ରସ୍ତୁତ ପେଜୁଆ ବିରି ଓ ଖସା ପ୍ରସ୍ତୁତ ହୋଇଥାଏ। ପୂର୍ବଦିନ ରାତିରୁ ବିରିକୁ ଭିଜାଯାଇ ସକାଳେ ତାକୁ ଶିଳରେ ବାଟି ମହିଳାମାନଙ୍କ ଦ୍ୱାରା ସେହି ବଟା ଯାଇଥିବା ଅଂଶକୁ ଭଲଭାବେ ଫେଣାଯାଇ ଗୋଟିଏ ଶକ୍ତ କପଡାରେ ରଖାଯାଇଥାଏ। କପଡାର ମଝି ଅଂଶଟି କଣା ହୋଇଥିବାବେଳେ ପୂର୍ବରୁ ସଫା କରାଯାଇ ରଖାଯାଇଥିବା ଖସା ଉପରେ ତାକୁ ଫୁଲ ଆକାରରେ ମଡା ଯାଇ ବଡି ପ୍ରସ୍ତୁତ କରାଯାଇଥାଏ। ସେହିପରି କଖାରୁ ବଡିରେ ପାଣି କଖାରୁର ସସ ଓ ବଟା ବିରିକୁ ମିଶ୍ରଣ କରାଯାଇ ତାକୁ କେବଳ ଯେ କୌଣସି ବାଉଁଶ ନିର୍ମିତ ଖଟିଆରେ ଶୁଖା ଯାଇଥାଏ। ମଞ୍ଜି ବଡିରେ କଖାରୁର ମଞ୍ଜି ଓ ବିରିବଟାକୁ ମିଶ୍ରଣ କରାଯାଇ ପ୍ରସ୍ତୁତ କରାଯାଇଥାଏ। ବାଦାମ ବଡିରେ ବିରିବଟା ଓ ବାଦାମର ମିଶ୍ରଣ ହୋଇଥାଏ।
କେନ୍ଦୁଝର ପୁରୁଣା ସହରଠାରୁ ଆରମ୍ଭ କରି ଆଟୋପୁର ଓ ତତ୍‌ସଂଲଗ୍ନ ଅଞ୍ଚଳରେ ବର୍ଷ ସାରା ବଡି ବ୍ୟବସାୟ କରାଯାଉଥିବାବେଳେ ଅନ୍ୟ ଅଞ୍ଚଳରେ ମଧ୍ୟ ବଡିର ବ୍ୟବସାୟ ରହିଛି। କେନ୍ଦୁଝରକୁ ଆସୁଥିବା ବିଭିନ୍ନ ବ୍ୟକ୍ତିବିଶେଷ ଏହି ବଡିକୁ କିଣିବା ପାଇଁ ଆଗ୍ରହ ପ୍ରକାଶ କରୁଥିବାବେଳେ କେନ୍ଦୁଝର ମାର୍କେଟଠାରୁ ଆରମ୍ଭ କରି ବଳଦେବଜୀଉଙ୍କ ମନ୍ଦିର ଯିବା ରାସ୍ତାରେ ବଡି ବିକ୍ରୟ କରାଯାଇଥାଏ। ତେବେ ବଡି ପାଇଁ ସ୍ବତନ୍ତ୍ର ବଜାର ନ ଥିବାବେଳେ ଏହାର ବ୍ୟାପକ ପ୍ରଚାର ପ୍ରସାର ହୋଇପାରୁନାହିଁ। ଗତ କିଛିବର୍ଷ ତଳେ କେନ୍ଦୁଝର ସହର ଉପକଣ୍ଠ ଡିମ୍ବୋର ତେନ୍ତୁଳିନଣ୍ଡାଠାରେ ଏକ ବଡ଼ି ପ୍ରକ୍ରିୟାକରଣ ୟୁନିଟ୍‌ ଖୋଲାଯାଇଥିଲେ ମଧ୍ୟ ତାହା ଏବେ ସଙ୍କଟଘେରରେ। ବଡି ପାଇଁ ସ୍ବତନ୍ତ୍ର ବଜାର ରହିବା ସହିତ ଏହାର ବ୍ୟାପକ ପ୍ରଚାର ପ୍ରସାର କରାଗଲେ ବହୁ ଲୋକ ଏହାଦ୍ୱାରା ଉପକୃତ ହୋଇପାରନ୍ତେ। କେନ୍ଦୁଝରର ମହିଳାମାନେ ବଡି ପ୍ରସ୍ତୁତ ଓ ବିକ୍ରୟ କରି ଆର୍ଥିକ ସ୍ବାବଲମ୍ବୀ ହୋଇପାରୁଥିବାବେଳେ ସମବାୟ ସଂସ୍ଥା ମାଧ୍ୟମରେ ଏଥିପାଇଁ ଋଣ ପ୍ରଦାନଠାରୁ ଆରମ୍ଭ କରି ଅନ୍ୟ ସହାୟତା ଯୋଗାଇବାକୁ ସେମାନେ ନିବେଦନ କରିଛନ୍ତି।


All Right Reserved By Dharitri.Com

ନିଯୁକ୍ତି ପ୍ରତିଶ୍ରୁତି ପରେ ଆନ୍ଦୋଳନ ପ୍ରତ୍ୟାହୃତ

ବାଲେଶ୍ୱର ଅଫିସ, ୧।୨-ବାଲେଶ୍ୱର ପୌରାଞ୍ଚଳରେ ସଫେଇ କାର୍ଯ୍ୟ ପାଇଁ ଫେବୃୟାରୀ ପହିଲାରୁ ନୂତନ ଠିକାଦାର ନିଯୁକ୍ତି ହୋଇଛନ୍ତି। ଦୀର୍ଘବର୍ଷ ଧରି ପୌର ପରିଷଦ ଓ ଠିକାଦାରମାନଙ୍କ...

‘ପଲ୍ଲିଶ୍ରୀ ମେଳା ଓ ଏକ୍ସପୋ ଓଡ଼ିଶା’ ଉଦ୍‌ଘାଟିତ

ବାଲେଶ୍ୱର ଅଫିସ, ୨୫।୧୨-ବାଲେଶ୍ୱର ଆଇଟିଆଇ ପଡ଼ିଆରେ ଜାତୀୟସ୍ତରୀୟ ଶିଳ୍ପ ଏବଂ ବାଣିଜ୍ୟ ମେଳା ‘ପଲ୍ଲିଶ୍ରୀ ମେଳା ଓ ଏକ୍ସପୋ ଓଡ଼ିଶା’ ମଙ୍ଗଳବାର ସନ୍ଧ୍ୟାରେ କେନ୍ଦ୍ର ଅଣୁ,...

ବ୍ୟବସାୟୀଙ୍କୁ ବନ୍ଧୁକ ଦେଖାଇ ୧୫ ହଜାର ଟଙ୍କା ସହ ମୋବାଇଲ ଛଡ଼ାଇନେଲେ ଲୁଟେରା

କେନ୍ଦୁଝର,୨୬ା୪(ସ୍ବ.ପ୍ର.):କେନ୍ଦୁଝର ମାଇନିଂଛକଠାରୁ ଡିମ୍ବୋ ରାସ୍ତା ମଧ୍ୟରେ ଥିବା ସାଇମନ୍ଦିର ନିକଟରେ ଜଣେ ସିମେଣ୍ଟ ବ୍ୟବସାୟୀଙ୍କ ଠାରୁ ବନ୍ଧୁକ ଦେଖାଇ ୧୫ହଜାର ଟଙ୍କା ସହ ମୋବାଇଲ ଲୁଟି...

ନିରାଶ ହେଲେ ଭାଜପା ଏମ୍‌ପି ଅନନ୍ତ ନାୟକଙ୍କ ସମର୍ଥକ

ଆନନ୍ଦପୁର,୨୫ା୫(ସ୍ବ.ପ୍ର.): ମୋଦି ଲହର ସାଙ୍ଗକୁ ବିଜୟୀ ହେବାର ଆଶା କେନ୍ଦୁଝର ଜିଲା ଭାଜପା ଏମ୍‌ପି ପ୍ରାର୍ଥୀ ଅନନ୍ତ ନାୟକଙ୍କ ସପକ୍ଷରେ ରହି ଆସିଥିବାବେଳେ ଭୋଟଗଣତି ପରେ...

ଇଭିଏମ୍‌ ଅଚଳ, ବନ୍ଦ ରହିଛି ମତଦାନ

ତିହିଡ଼ି,୨୯।୪(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର ନିର୍ବାଚନ ମଣ୍ତଳୀ ଅଧୀନ ତିହଡ଼ି ବ୍ଲକ କୋହ୍ଲ ପଞ୍ଚାୟତର ମୂଷାଙ୍ଗ ପ୍ରାଥମିକ ସ୍କୁଲ ୨୧୯ନଂ ବୁଥ୍‌ରେ ଇଭିଏମ୍‌ ଅଚଳ ଯୋଗୁ...

୩ ଶିକାରୀ ଗିରଫ, ୨ ବନ୍ଧୁକ ଜବତ

ଔପଦା,୧୬।୧୧(ଡି.ଏନ.ଏ.)-ବାଲେଶ୍ୱର ଜିଲା ଔପଦା ବନବିଭାଗ ତରଫରୁ ଶୁକ୍ରବାର ବିଳମ୍ବିତ ରାତିରେ ୩ଜଣ ଶିକାରୀଙ୍କୁ ଗିରଫ କରାଯିବା ସହିତ ୨ଟି ଗୁଳି ଭର୍ତ୍ତି ବନ୍ଧୁକ ଜବତ କରାଯାଇଛି।...

ମୌଳିକ ସୁବିଧାରୁ ବଞ୍ଚିତ ମାଙ୍କଡ଼ଖଳି ଗାଁ

ତେଲକୋଇ, ୨୧।୭(ଡି.ଏନ.ଏ.)-ତେଲକୋଇ ବ୍ଲକ ଅନ୍ତର୍ଗତ ଶିବନାରାୟଣପୁର ଗୋଡା ପଞ୍ଚାୟତରେ ରହିଛି ମାଙ୍କଡଖଳି ଗ୍ରାମ। ଏହି ଗ୍ରାମର ଲୋକେ ମୌଳିକ ସୁବିଧାରୁ ବଞ୍ଚିତ ହୋଇ ନାହିଁ ନ...

ପ୍ରାକୃତିକ ବିପର୍ଯ୍ୟୟ ମୁକାବିଲା ପାଇଁ ପାଟଣାରେ ମକ୍‌ ଡ୍ରିଲ୍‌

ପାଟଣା,୧୯।୬(ସ୍ବ.ପ୍ର.): ପ୍ରାକୃତିକ ବିପର୍ଯ୍ୟୟ ମୁକାବିଲା ପାଇଁ କେନ୍ଦୁଝର ଜିଲା ପାଟଣା ବ୍ଲକ କାର୍ଯ୍ୟାଳୟ ପରିସରରେ ବୁଧବାର ପାଟଣା ଅଗ୍ନିଶମ ବିଭାଗ ପକ୍ଷରୁ ମକ୍‌ ଡ୍ରିଲ୍‌ ପ୍ରସ୍ତୁତ...

Leave a comment

Your email address will not be published. Required fields are marked *