ଜୁବୁଲି ପାର୍କରୁ ମୁହଁ ଫେରାଉଛନ୍ତି ଲୋକେ

ବାରିପଦା ଅଫିସ,୨୫।୭- ସହରବାସୀ ନିଜ ବ୍ୟସ୍ତ ବହୁଳ ଜୀବନରୁ କିଛି ସମୟ ପାଇଲେ ବୁଲିବାକୁ ଭଲ ପାଆନ୍ତି। ପ୍ରକୃତିକ ପରିବେଶ ହୋଇଥିଲେ ଲୋକେ ଭିଡ଼ ଜମାଇଥାନ୍ତି। ଲୋକଙ୍କ ଚିତ୍ତବିନୋଦନ ସହିତ ଏଥିରୁ ରାଜସ୍ବ ଆଦାୟ ଲକ୍ଷ୍ୟ ନେଇ ବାରିପଦା ପୌର ପରିଷଦ ପକ୍ଷରୁ ଜିଲାପାଳଙ୍କ କାର୍ଯ୍ୟାଳୟ ପଛ ରାସ୍ତାରେ ଏକ ପାର୍କ ନିର୍ମାଣ କରାଯାଇଥିଲା। ୨୦୧୦-୧୧ ଆର୍ଥିକ ବର୍ଷରେ ୧୨ ଏକର ଜମିରେ ଏହି ନୂତନ ଜୁବୁଲି ପାର୍କ ନିର୍ମାଣ କାର୍ଯ୍ୟ ଆରମ୍ଭ କରାଯାଇଥିଲା। ଏଥିପାଇଁ ପ୍ରାୟ ୨ କୋଟି ଟଙ୍କା ଖର୍ଚ୍ଚ କରାଯାଇଥିଲା। ଏହି ପାର୍କରେ ପ୍ରଶସ୍ତ ଜଳାଶୟ ନିର୍ମାଣ କରାଯାଇ ବୋଟିଂ ସୁବିଧା ତଥା ଜଳ କ୍ରୀଡା ବ୍ୟବସ୍ଥା କରାଯାଇଥିଲା। ଏହା ସହିତ ଛୋଟ ଛୋଟ ପିଲାଙ୍କ ପାଇଁ ଦୋଳି, ରଙ୍ଗ ବେରଙ୍ଗର ଆଲୋକ, ପ୍ରାତଃଭ୍ରମଣ ପାଇଁ ପାଦଚଲା ରାସ୍ତା, ବ୍ୟାୟାମ ପାଇଁ ଆବଶ୍ୟକ ସରଞ୍ଜାମ, ବିଶ୍ରାମାଗାର, ଶୌଚାଳୟ, ନରମ ଘାସ ଗାଲିଚା, ପ୍ରାକୃତିକ ଶୋଭା ସହିତ ଦେଶୀ ବିଦେଶୀ ଗଛ, ଫୁଲ ଗଛ ଏବଂ ଝରଣା ଆଦିର ବ୍ୟବସ୍ଥା କରାଯାଇଛି। ଗତ ୨୦୧୬ ନଭେମ୍ବର ୨୬ ତାରିଖରେ ଏହା ଉଦଘାଟିତ ହୋଇଥିଲା। ତତ୍କାଳୀନ ଉପବାଚସ୍ପତି ସାନନ୍ଦ ମାରାଣ୍ଡି, ରାଜ୍ୟସଭା ସଦସ୍ୟା ସରୋଜିନୀ ହେମ୍ବ୍ରମ, ତତ୍କାଳୀନ ବଡସାହି ବିଧାୟକ ଗଣେଶ୍ୱର ପାତ୍ର, ତତ୍କାଳୀନ ଜିଲାପାଳ ରାଜେଶ ପ୍ରଭାକର ପାଟିଲ ଏବଂ ପୌର ପରିଷଦର ତତ୍କାଳୀନ ନଗରପାଳ ବବିତା ଦାସ ଓ ଉପନଗରପାଳ ଜିତେନ୍ଦ୍ର ମହାନ୍ତିଙ୍କ ସମେତ ସମସ୍ତ କାଉନସିଲାର ବୃନ୍ଦ ଉପସ୍ଥିତ ରହି ଏହାକୁ ଉଦଘାଟନ କରିଥିଲେ। ସେତେବେଳର ସ୍ଥିତି ଓ ବତ୍ତର୍ର୍ମାନର ସ୍ଥିତି ଦେଖିଲେ ବହୁ ପାର୍ଥକ୍ୟ ପରିଲ୍ଲଖିତ ହେଉଛି। ବର୍ତ୍ତମାନ ଏଠାକୁ ଆସିବାକୁ ଲୋକେ ରାଜି ହେଉ ନାହାନ୍ତି। ଏଠାରୁ ମୁହଁ ଫେରାଇ ନେଉଥିବା ଅଭିଯୋଗ ହେଉଛି। ଘାସ ସବୁ ନଷ୍ଟ ହୋଇ ଯାଇଥିବା ବେଳେ ପ୍ରାକୃତିକ ପରିବେଶ ଜଣାପଡୁନାହିଁ। ସେହିପରି ଜଳାଶୟରେ ପାଣି ଅପରିସ୍କାର ହୋଇଯାଇଥିବା ବେଳେ ବୋଟ ତଥା ଡଙ୍ଗା ଭାଙ୍ଗି ଗଲାଣି। ସେହିପରି କୃତ୍ରିମ ଝରଣାରୁ ଆଉ ପାଣି ବାହାରୁନାହିଁ। ଏଠାକୁ ଆସୁଥିବା ଲୋକେ ଖରାପ ଅନୁଭୁତି ନେଇ ପୁନର୍ବାର ଆସୁ ନ ଥିବା ବାରିପଦା ସହରର ବିନୋଦ କୁମାର ସାହୁ କହିଛନ୍ତି। କାରଣ ପୂର୍ବଭଳି ଏବେ ଏଠାରେ ଲୋକେ ଚିତ୍ତବିନୋଦନ କରିବା ଭଳି ପରିବେଶ ମିଳୁନାହିଁ। ଚାରିଆଡେ ଅଳିଆ ପଡି ରହୁଥିବା ବେଳେ ପୂତିଗନ୍ଧମୟ ପରିବେଶ ସୃଷ୍ଟି ହୋଇଛି। ଏଠାକୁ ମୁଖ୍ୟତଃ ବୋଟିଂ ପାଇଁ ଲୋକେ ଆସୁଥିବା ବେଳେ ଏହା ବନ୍ଦ ହୋଇଯାଇଛି। ପ୍ରାୟ ୧ ବର୍ଷରୁ ଊର୍ଦ୍ଧ୍ୱ ସମୟ ହେବ ଡଙ୍ଗାଗୁଡିକ ନଷ୍ଟ ହୋଇ ଯାଇଥିବା ବେଳେ ଏଗୁଡିକୁ ମରାମତି କରିବା କିମ୍ବା ନୂଆ ଡଙ୍ଗା ଆଣିବା ପାଇଁ ପୌର ପରିଷଦ ଗୁରତ୍ୱ ଦେଉ ନ ଥିବା ସାହୁ ଅଭିଯୋଗ କରିଛନ୍ତି। ସେହିପରି ବାରିପଦା ସହରର ଅଶୋକ କୁମାର ନାୟକ କୁହନ୍ତି ଏଠାରେ ବିଭିନ୍ନ ସମୟରେ ଅସାମାଜିକ ଯୁବକଙ୍କ ଭିଡ଼ ଲାଗି ରହୁଛି। ସୁରକ୍ଷା ଦିଗ ପ୍ରତି ମଧ୍ୟ ପୌର ପରିଷଦ ପକ୍ଷରୁ ଗୁରୁତ୍ୱ ଦିଆଯାଉ ନାହିଁ। ଫଳରେ ବରିଷ୍ଠ ନାଗରିକମାନେ ଏଠାକୁ ଆସିବା ବନ୍ଦ କରିଦେଇଥିବା ସେ କହିଛନ୍ତି। ଏ ସମ୍ପର୍କରେ ବାରିପଦା ପୌର ପରିଷଦର ନିର୍ବାହୀ ଅଧିକାରୀ ସରୋଜ କୁମାର ଦାସଙ୍କୁ ପଚାରିବାରୁ ଏଠାରୁ ଲୋକେ ମୁହଁ ଫେରାଉ ନାହାନ୍ତି ଏବଂ ପାର୍କର ରକ୍ଷଣାବେକ୍ଷଣ ପାଇଁ ପଦକ୍ଷେପ ନିଆଯିବ ବୋଲି କହିଛନ୍ତି।


All Right Reserved By Dharitri.Com

ଅଜଣା ହାଇଓ୍ବା ଧକ୍କାରେ ବୃଦ୍ଧା ମୃତ: କ୍ଷତିପୁରଣ ଦାବିରେ ବ୍ରାହ୍ମଣୀପାଳ-ଦୈତାରୀ ରାସ୍ତା ଅବରୋଧ

କେନ୍ଦୁଝର,୨୨।୫(ସ୍ବ.ପ୍ର.): କେନ୍ଦୁଝର ଜିଲା ହରିଚନ୍ଦନପୁର ବ୍ଲକ ଦୈତାରୀ ଥାନା ଅନ୍ତର୍ଗତ ବଳିପର୍ବତ ନିକଟରେ ଏକ ଅଜଣା ଗାଡି ଧକ୍କାରେ ବୁଧବାର ରାତିରେ ଜଣେ ବୃଦ୍ଧା ପ୍ରାଣ...

ଚତୁର୍ଥ ରାଜ୍ୟସ୍ତରୀୟ ଟେନିସ୍‌ ଭଲିବଲ ଚାମ୍ପିୟନଶିପ୍‌: ଭାଗ ନେଲେ ୧୦ ଜିଲାରୁ ୪୦ ଟିମ୍‌

ସିମୁଳିଆ, ୨୦ା୧୦(ଡି.ଏନ୍‌.ଏ.)-ଚତୁର୍ଥ ରାଜ୍ୟସ୍ତରୀୟ ସବ୍‌ଜୁନିୟର ଓ ଜୁନିୟର ଟେନିସ୍‌ ଭଲିବଲ ଚମ୍ପିୟନଶିପ୍‌-୨୦୧୯ ଶନିବାର ସିମୁଳିଆର ରଘୁନାରାୟଣ ହାଇସ୍କୁଲ ପରିସର ବିଜୁ ପଟ୍ଟନାୟକ ମିନି ଷ୍ଟାଡିୟମରେ ଉଦ୍‌ଘାଟିତ...

ଯୋଡ଼ାରେ କଂଗ୍ରେସର ପ୍ରଚାର

ଯୋଡ଼ା, ୨୧ା୪(ଡି.ଏନ.ଏ.): ଚମ୍ପୁଆ ନିର୍ବାଚନମଣ୍ଡଳୀର ଯୋଡ଼ାଠାରେ ଶନିବାର ନିର୍ବାଚନ ପ୍ରଚାରକୁ କଂଗ୍ରେସ ଜୋରଦାର କରିଛି।  ଦଳୀୟ ପ୍ରାର୍ଥୀ ଯଦୁମଣି ବାରିକଙ୍କ ସହିତ କେନ୍ଦୁଝର ଜିଲା କାର୍ଯ୍ୟକାରୀ...

ରାସ୍ତାରେ ସାରୁଗଛ ପୋତି ପ୍ରତିବାଦ

ଖଇରା, ୨୮।୭(ଡି.ଏନ.ଏ.)-୩ବର୍ଷ ତଳେ ନିର୍ମିତ ହୋଇଥିବା ସୋର-କୁପାରୀ ରାଜ୍ୟ ରାଜପଥର ଅବସ୍ଥା ଶୋଚନୀୟ ହେବାକୁ ବସିଲାଣି। ରାସ୍ତାର ସ୍ଥାନେ ସ୍ଥାନେ ବଡ଼ ବଡ଼ ଖାଲ ସୃଷ୍ଟି...

ସହର ଭିତରେ ଭାରୀଯାନ ଚଳାଚଳ ନିଷେଧ: କଟକଣା ଜାରି କଲା ଜିଲା ପ୍ରଶାସନ

ବାଲେଶ୍ୱର ଅଫିସ,୧୧।୧୦-ଦୁର୍ଘଟଣା ହ୍ରାସ ଏବଂ ଟ୍ରାଫିକ୍‌ ଭିଡ଼ ନିୟନ୍ତ୍ରଣ ଉଦ୍ଦେଶ୍ୟରେ ବାଲେଶ୍ୱର ସହରର କେତେକ ବ୍ୟସ୍ତବହୁଳ ରାସ୍ତାରେ ଭାରୀଯାନ ଚଳାଚଳ ଉପରେ କଟକଣା ଜାରି କରାଯାଇଛି।...

ପଞ୍ଚାୟତ ଅଫିସ୍‌ ତାଲା ଭାଙ୍ଗି ଚୋରି

ସଜନାଗଡ଼, ୧।୮(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ଥାନା ଶ୍ୟାମସୁନ୍ଦରପୁର ପଞ୍ଚାୟତ ଅଫିସ୍‌ରୁ ବୁଧବାର ରାତ୍ରିରେ ତାଲା ଭାଙ୍ଗି ଚୋରି ହୋଇଥିବା ଅଭିଯୋଗ ହୋଇଛି। ଦୁର୍ବୃତ୍ତମାନେ ସରପଞ୍ଚଙ୍କ ଅଫିସ୍‌...

ନାବାଳିକା ବଳାତ୍କାର ମାମଲା: ଅଭିଯୁକ୍ତଙ୍କୁ ୧୦ବର୍ଷ ଜେଲଦଣ୍ଡ

ବାଲେଶ୍ୱର ଅଫିସ, ୨୩।୧୨-ଏକ ନାବାଳିକା ବଳାତ୍କାର ମାମଲାର ବିଚାର କରି ସୋମବାର ବାଲେଶ୍ୱର ଅତିରିକ୍ତ ଦୌରାଜଜ୍‌ କମ୍‌ ପୋକ୍ସୋ ଅଦାଲତର ବିଚାରପତି ଗିରିଜା ମହାପାତ୍ର ଅଭିଯୁକ୍ତଙ୍କୁ...

ପୃଥ୍ବୀ-୨ର ରାତ୍ରିକାଳୀନ ବ୍ୟବହାରିକ ପରୀକ୍ଷଣ

ବାଲେଶ୍ୱର ଅଫିସ, ୩।୧୨-ବାଲେଶ୍ୱର ଚାନ୍ଦିପୁର ସମନ୍ବିତ ପରୀକ୍ଷଣ କେନ୍ଦ୍ରର ୩ ନମ୍ବର ଲଞ୍ଚପ୍ୟାଡ଼୍‌ରୁ ଆଣବିକ ଓ ପାରମ୍ପରିକ ଯୁଦ୍ଧାସ୍ତ୍ର ପରିବହନ କ୍ଷମତା ରଖୁଥିବା ପୃଥ୍ବୀ-୨ କ୍ଷେପଣାସ୍ତ୍ରର...

Leave a comment

Your email address will not be published. Required fields are marked *