ବିଜୁ ପକାଘର ଯୋଜନା ବାଟ୍‌ବନା:୧୦ ବଛର ହେଲା ଗୁହାଲ ପାଲଟିଛେ ଘର

ଦେଓଗାଁ,୨୪ା୭ (ଡି.ଏନ୍‌.ଏ): ବଲାଙ୍ଗୀର ଜିଲା ଦେଓଗାଁ ବ୍ଲକ କୁଲୁତାପଡ଼ା ପଁଚେତ୍‌ରେ ରାଏଜ୍‌ ସରକାରକଁର ବିଜୁ ପକାଘର ଯୋଜନା ବାଟବନା ହେଇଥିବାର ଦେଖ୍‌ବାକେ ମିଲିଛେ। ଇ ପଁଚେତ୍‌ର ମୁଣ୍ଡପଲା ଗଁା ନୂଅଁା କଲୋନୀ ଅଏଁଲାପରାର ଝନେ ଲୋକ୍‌ ତାକର ପିଲାଛୁଆ ଧରି ଗାଈ, ଛେଲି ରଖୁଥିବାର ଗୁହାଲରେ ବଡ଼ା ଗୁଲଗୁଲା ହେଇ ରହୁଥିବାର ଦେଖ୍‌ବାକେ ମିଲିଛେ।
ସୂଚନା ଅନ୍‌ସାରେ ଦେଓଗଁା ବ୍ଲକ କୁଲୁତାପଡ଼ା ପଁଚେତ୍‌ ଅଏଁଲାପରାର ଗୌତମ କରନ କୁଟୁମବସିଆ ଆଏଜ୍‌କେ ୧୦ ବଛର ହେଲା ଗାଈ, ଛେଲିକର ସଂଗେ ଗୁହାଲେ ରହୁଛନ୍‌। ସେ ନିହାତି ଗରିବ ହେଇଥିଲାବେଲେ ପରହର ଗୁତି କରବାର ସଂଗେ ଗାଈ, ଛେଲ୍‌ ପଟ୍‌ଦୁ ରଖି ନିଜର କୁଟୁମ ପୁଷୁଛନ୍‌। ୨ ବଛର ତଲେ ହଠାତ୍‌ କେହେନ୍‌ସି କାରନ୍‌ରୁ ତାକର ମାଏକିନା ଆରପାରକେ ଚାଲିଗଲେ। ସେଦିନଠାନୁ ପରିବାରର ସବୁବୋଝ୍‌ ଗୌତମ ଉପରେ ରହିଛେ। ତାକର ଦୁଇ ଝି’ ପିଙ୍କି ଆର ରିଙ୍କି ପାଠ୍‌ପଢ଼ା ଛାଡ଼ି ଗାଈ, ଛେଲ୍‌ ଚରାବାର ସଂଗେ ଘରର କାମ୍‌ବୁତା କରୁଛନ୍‌। ସେନ୍‌ତା ଗୁଟେ ବଲି ପୁଓ ସୁବ୍ରତ ଉନିଆ ରାଏଜ୍‌କେ ଦାଦନ ଖଟିଯାଇଛନ୍‌। ଏନ୍‌ତାଥି ଗୌତମ ସରକାରୀ ଯୋଜନାରେ ଘର ଖଁଡ଼େ ପାଏବାର ଲାଗି ୪ରୁ ୫ ବଛର ହେଲା ଥାନୀୟ ନେତା, ଅଧ୍‌କାରୀମାନକୁ ଭେଟି ନିରାଶ ହେଇଛନ୍‌। ଏନ୍‌ତା କି ପଁଚେତ୍‌ରେ କାଗଜପତର କରିଦେବାର ଲାଗି ଝନେ କରମ୍‌ଚାରୀ ଟଁକା ମାଗୁଥିବାର ସେ ଅଭିଯୋଗ କରିଛନ୍‌। ଇ ପରିବାର ବାବ୍‌ଦେ ୨୦୧୮ ନଭେମ୍ବର ୫ ତାରିଖ ଧରିତ୍ରୀ ସମ୍ବଲପୁର ସଂସ୍କରଣରେ ‘ଛେଲ୍‌ ଗୁହାଲ ପାଲଟିଛେ ଆଶ୍‌ରେ ଥଲ’ ଶୀରଷକ୍‌ରେ ଖବର ବାହାରିଥିଲା। ଖବର ବାହାରଲାରୁ ସେବେଲର ଦେଓଗଁା ବିଡିଓ ଶଙ୍କର ପ୍ରସାଦ ସାହୁ ଘଟନାର ତଦଁତ୍‌ କରି ଗୌତମକଁର ପରିବାର ଆବାସ ଘର ପାଏବାର ଲାଗି ହକ୍‌ଦାର ଆଏବଲି କହିଥିଲେ। ହେଲେ ସେ ସମିଆରେ ସାଧାରନ ନିରବାଚନର ସଜବାଜ ଆରମ୍‌ ହେଇଯାଇଥିଲା, ଇଆଡ଼େ ବିଡିଓକଁର ଉନିଆ ଜାଗାକେ ବଦଲି ହେଇଯିବାର ଲାଗି ଗୌତମ ଯୋଜନାର ଲାଭ୍‌ ପାଏବାରୁ ବଁଚିତ୍‌ ହେଲେ। ଇ ଘଟନା ବାବ୍‌ଦେ ଏହେଦ୍‌କାର ବିଡିଓ ବେର୍ଣ୍ଣାଦେତ୍‌ ଲାକ୍ରାକୁଁ ପଚରାଲାରୁ ଇ ବାବ୍‌ଦେ ପୂରବର ବିଡିଓ ମତେ କହିଛନ୍‌। ଘଟନାର ତଦଁତ୍‌ କରି ପଦକ୍ଷେପ ନିଆଯିବା ବଲି ସେ କହିଛନ୍‌। ସେନ୍‌ତା ଦେଓଗଁା ବ୍ଲକ ଉପାଧ୍ୟକ୍ଷ ରାଜୁ ବାଗକୁଁ ପଚରାଲାରୁ ଗୌତମକଁର ପରିବାର ବାବ୍‌ଦେ ବିଧାୟକ ନରସିଂହ ମିଶ୍ରକୁଁ ଜନାଲା ଉତାରୁ ଇ ପରିବାରକେ ଆବାସ ଯୋଜନାରେ ସାମିଲ କରବାକେ ସୁପାରିଶ ହେଇଛେ ବଲି ସେ କହିଥିଲେ। ଘଟନା ବାବ୍‌ଦେ କୁଲୁତାପଡ଼ା ପଁଚେତ୍‌ କାର୍ଯ୍ୟନିର୍ବାହୀ ଅଧ୍‌କାରୀ ଲିଙ୍ଗରାଜ ସୁନାକୁଁ ପଚରାଲାରୁ ଗୌତମକଁର ନଁା ତାଲିକାରେ ରହିଛେ, ସେ ବହୁତ୍‌ ଜଲଦି ଯୋଜନାର ଲାଭ ପାଏବେ ବଲି ସେ କହିଥିଲେ।


All Right Reserved By Dharitri.Com

ଭୂତ ଭୟ: ସ୍କୁଲ ହଷ୍ଟେଲ ଛାଡ଼ିଲେ ୪୦ ଛାତ୍ରୀଛାତ୍ର

କେନ୍ଦୁଝର,୧୧।୧୨(ସ୍ବ.ପ୍ର.): କେନ୍ଦୁଝର ଜିଲା ହରିଚନ୍ଦନପୁର ବ୍ଲକ ଭଅଁରପୁର ପ୍ରାଥମିକ ବିଦ୍ୟାଳୟର ସ୍ବଳ୍ପବ୍ୟୟ ଆବାସିକ ହଷ୍ଟେଲରେ ଅଭାବନୀୟ ଘଟଣା ଘଟିଛି। ଭୂତ ଭୟରେ ହଷ୍ଟେଲରେ ଥିବା ସମସ୍ତ...

ନର୍ସଙ୍କ ଅସାବଧାନତା: ଇଞ୍ଜେକ୍‌ସନ ଦେବା ବେଳେ ଶିଶୁ ପିଚାରେ ରହିଗଲା ଛୁଞ୍ଚି, ମାସେ ଯନ୍ତ୍ରଣା ପରେ ବାହାରିଲା

ମାଧପୁର, ୧୭ା୧୦(ଡି.ଏନ୍‌.ଏ.): ଅନୁଗୋଳ ଜିଲା ଆଠମଲ୍ଲିକ ଉପଖଣ୍ଡ ମାଧପୁରରେ ଗୁରୁବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି। କମ୍ପଲା ପଞ୍ଚାୟତ ମହନଖୋଳି ଗ୍ରାମର ସୀତାକାନ୍ତ ପଣ୍ଡାଙ୍କ...

ପ୍ରସନ୍ନଙ୍କୁ ଧର୍ମେନ୍ଦ୍ରଙ୍କ ପ୍ରଶ୍ନ: ପଶ୍ଚିମ ଓଡ଼ିଶାର ବିକାଶ ହେବ ବୋଲି କହି ଆଣିଥିଲ, ମୁଖ୍ୟମନ୍ତ୍ରୀ କାହିଁକି ଛାଡ଼ି ଚାଲିଗଲେ

ଭୁବନେଶ୍ୱର/ବରଗଡ଼ ଅଫିସ,୧୮।୧୦(ବ୍ୟୁରୋ): ଆଉ ତିନି ଦିନ ପରେ ବିଜେପୁର ଉପନିର୍ବାଚନ। ବିଜେଡି ପ୍ରାର୍ଥୀ ରୀତା ସାହୁଙ୍କ ପାଇଁ ପ୍ରଚାର ମଙ୍ଗ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଧରିଥିବା...

ରମାଦେବୀ ପରିସରରୁ ଉଠିଯିବ ଯୁକ୍ତ ୨ କଲେଜ

ଭୁବନେଶ୍ୱର,୨୦।୮(ବ୍ୟୁରୋ): ରମାଦେବୀ ବିଶ୍ୱବିଦ୍ୟାଳୟ ପରିସରରୁ ଜୁନିଅର କଲେଜ ଉଠିଯିବ। ୟୁନିଟ-୯ ଗାର୍ଲସ ହାଇସ୍କୁଲ ପରିସରରେ ଯୁକ୍ତ ୨ କଲେଜ ପ୍ରତିଷ୍ଠା ହେବ। ଏନେଇ ହାଇସ୍କୁଲ ପରିସରରେ...

ମନ୍ତ୍ରୀଙ୍କ ଉପରେ ବର୍ଷିଲେ ବିରୋଧୀ, ଶାସକ: ବଳକା ଯଦି ବିଦ୍ୟୁତ୍‌ କାଟ୍‌ କାହିଁକି

ଭୁବନେଶ୍ୱର, ୨୯ା୬ (ବ୍ୟୁରୋ): ରାଜ୍ୟରେ ଘଣ୍ଟା ଘଣ୍ଟା ବିଦ୍ୟୁତ୍‌ କାଟ ହେଉଛି। ସାମାନ୍ୟ ପବନ ହେଲେ ମଧ୍ୟ ଗାଁ ଗଣ୍ଡାରେ ୨/୩ ଘଣ୍ଟା ଯାଏ ବିଦ୍ୟୁତ୍‌...

ଶ୍ରୀମନ୍ଦିରରେ ପୋଲିସ ଭାଙ୍ଗିଲା ନିୟମ:ନୀତି ବ୍ୟାହତ

ପୁରୀ ଅଫିସ, ୬ା୧୧: ଶ୍ରୀମନ୍ଦିରରେ ଶୃଙ୍ଖଳା ରକ୍ଷା କରିବା ପାଇଁ ପୋଲିସ କର୍ମଚାରୀଙ୍କୁ ନିୟୋଜିତ କରାଯାଇଛି। ଭକ୍ତଙ୍କ ଶୃଙ୍ଖଳିତ ଦର୍ଶନ ଓ ଭିଡ଼ ସମୟରେ ଏହାକୁ...

ବଦଳିଲା ନିଷ୍ପତ୍ତି, ଶୁକ୍ରବାର ଖୋଲିବ ସ୍କୁଲ

ଭୁବନେଶ୍ୱର,୨୦।୬(ବ୍ୟୁରୋ): ଶୁକ୍ରବାର ଖୋଲିବ ରାଜ୍ୟର ସମସ୍ତ ସ୍କୁଲ। ପାଗରେ ପରିବର୍ତ୍ତନ ତଥା ଖରା କମିଯିବାରୁ ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ଏହି ନିଷ୍ପତ୍ତି ନିଆଯାଇଛି।...

ସଞ୍ଜୀବ ଅରୋରା ଆଇବି ଡିଆଇଜି

ସମ୍ବଲପୁର,୨୧।୭(ବ୍ୟୁରୋ): ସମ୍ବଲପୁର ଏସ୍‌ପି ସଞ୍ଜୀବ ଅରୋରା ଗୋଇନ୍ଦା ବ୍ୟୁରୋ ଡିଆଇଜି ଭାବେ ଯୋଗ ଦେବେ। ସୋମବାର ସେ ତାଙ୍କ ଦାୟିତ୍ୱ ହସ୍ତାନ୍ତର କରିବେ। ହେଲେ କାହାକୁ...

Leave a comment

Your email address will not be published. Required fields are marked *