ମନ ଦୃଢ଼ ଥିଲେ ବୟସ ହାର ମାନେ: ଦୋକାନ ଦେଇଛି ଉଭୟଙ୍କୁ ସ୍ବତନ୍ତ୍ର ପରିଚୟ

କେନ୍ଦୁଝର, ୨୪ା୭ (ସ୍ବ.ପ୍ର.) (ନରେଶ ଚନ୍ଦ୍ର ପଟ୍ଟନାୟକ): ମନ ଦୃଢ ଥିଲେ ବୟସ ମଧ୍ୟ ହାର ମାନିଥାଏ। ପରିଣତ ବୟସରେ ଅନେକ ଘରେ ବିଶ୍ରାମ ନେଇ ନାତିନାତୁଣୀଙ୍କ ସହିତ ଖେଳକୁଦ କରୁଛନ୍ତି। ସେମାନେ ବୟସରେ ବୃଦ୍ଧ କିନ୍ତୁ କାମରେ ଆଜିକାର ଯୁବକଙ୍କଠାରୁ ବହୁ ଆଗରେ ା ବ୍ୟକ୍ତି ୨ଜଣ ହେଲେ ଶ୍ୟାମସୁନ୍ଦର ବାରିକ (୮୫) ଓ ବାସୁଦେବ ମଲ୍ଲିକ ( ୬୮)। କେନ୍ଦୁଝର ସହରର ମୁଖ୍ୟ ବଜାରରେ ଉଭୟଙ୍କ ଦୋକାନ ରହିଛି। ଶ୍ୟାମଙ୍କର ଏକ ସେଲୁନ ଥିବାବେଳେ ବାସୁଦେବଙ୍କର ପାନ ଦୋକାନ ଖଣ୍ଡିଏ ଅଛି। ଦୁଇଟି ଯାକ ଦୋକାନ ବହୁ ପୁରୁଣା ହୋଇଥିବାରୁ ସେହି ଅଞ୍ଚଳରେ ସମସ୍ତେ ସେମାନଙ୍କୁ ଜାଣନ୍ତି। ଦୁଇ ଜଣଙ୍କ ମଧ୍ୟରେ ରହିଛି ପୁରୁଣା ବନ୍ଧୁତ୍ୱ। ଏଣୁ କାମ ସହିତ ଦୁଇ ଜଣଙ୍କ ମଧ୍ୟରେ ଥଟ୍ଟାମଜା ଏବଂ ଅନ୍ୟମାନଙ୍କ ସହିତ ସୁସମ୍ପର୍କ ସେମାନଙ୍କୁ ଭିନ୍ନ ପରିଚୟ ଦେଇଛି ା
ଶ୍ୟାମ ହେଉଛନ୍ତି କେନ୍ଦୁଝର ସହରର ପ୍ରଥମ ସେଲୁନ ଦୋକାନୀ ା କୋଲକାତାରୁ ଫେରି ଆସି ସେଲୁନ କରି ଏକ ଭିନ୍ନ ପରିଚୟ ସୃଷ୍ଟି କରିଛନ୍ତି। ଆଗରୁ ବିଭିନ୍ନ ଆଶ୍ରମ ବିଦ୍ୟାଳୟର ଛାତ୍ରାବାସକୁ ଯାଇ ଚୁଟି କାଟିବା, ବଡବଡ ସରକାରୀ ବାବୁ ତଥା ପ୍ରତିଷ୍ଠିତ ଲୋକଙ୍କ ଘରକୁ ଯାଇ ଚୁଟି କାଟିବା ନିଆରା ଅନୁଭୂତି ରହିଥିବା ଶ୍ୟାମ କହିଛନ୍ତି। ୧୮ ବର୍ଷ ତଳେ ରୋଗାଗ୍ରସ୍ତ କାରଣରୁ ଗୋଡ କାଟିବାକୁ ପଡିଥିଲା ା ଏହା ସତ୍ତ୍ୱେ ଆଶାବାଡି ଧରି ଚୁଟି କାଟିବା ଛାଡି ନାହାନ୍ତି। ଏବେ ତାଙ୍କୁ ୮୫ ବର୍ଷ। ତାଙ୍କର ଉତ୍ତମ ବ୍ୟବହାର ଯୋଗୁ ଚୁଟି କାଟିବା ପାଇଁ ତାଙ୍କ ସେଲୁନକୁ ବହୁ ଲୋକ ଆସିଥାନ୍ତି। ଏଣୁ ଲୋକଙ୍କ ସହିତ ଭାବ ଓ କାମ କରିବାର ଦୃଢ ଆଶା ତାଙ୍କୁ ଏହି ବୟସରେ ତାଙ୍କର ଅନ୍ନପୂର୍ଣା ସେଲୁନକୁ ସ୍ବତନ୍ତ୍ର ପରିଚୟ ଦେଇଛି ା
ସେହିପରି ୧୫ ବର୍ଷ ବୟସରେ ବାଙ୍କୀ ଅଞ୍ଚଳରୁ କେନ୍ଦୁଝର ଚାଲିଆସିଥିବା ବାସୁଦେବ ୧୯୬୬ ମସିହାରୁ ଏଠାରେ ପାନ ଦୋକାନ କରିଛନ୍ତି। ଯାହାକି ନନା ପାନ ଦୋକାନ ଭାବେ ବେଶ୍‌ ପରିଚିତ। ନନା ପାନ ଦୋକାନରୁ ପାନ ଖଣ୍ଡେ ପାଇଁ ସମସ୍ତଙ୍କୁ ଅପେକ୍ଷା କରିବାକୁ ପଡିଥାଏ। ଥରେ ଖାଇଲେ ଆଉ କେଉଁଠି ଖାଇବାକୁ ଭଲ ଲାଗେ ନାହିଁ। ଏଣୁ ଅନେକେ ପାନ ପାଇଁ ଅପେକ୍ଷା କରନ୍ତି ନଚେତ ବରାଦ ଦେଇ ବିଳମ୍ବରେ ଆସି ନେଇଥାନ୍ତି। ତାଙ୍କର ପାନର ସ୍ବାଦ ଓ ଓଠର ମଧୁର କଥା ଅନେକଙ୍କୁ ବେଶ୍‌ ପ୍ରଭାବିତ କରିଥାଏ ା ପ୍ରଥମେ ସେ କେନ୍ଦୁଝରରେ ଚାକିରି କରୁଥିଲେ। ଗାଁରେ ଥରେ ସରପଞ୍ଚ ପଦବୀ ଜିତିଥିଲେ ା ତେବେ ପାନ ଦୋକାନ କରି ପରିବାର ଚଳାଇବା ସହ ଲୋକଙ୍କ ସହ ମିଶିବାର ସୁଯୋଗ ତାଙ୍କୁ ବେଶ୍‌ ଖୁସି ଦେଇଛି ା ଏବେ ତାଙ୍କର ଏକମାତ୍ର ପୁଅ ତାଙ୍କୁ ସହାୟତା କରିବା ସହ ନିଜେ କାମ ଶିଖିବାରେ ଲାଗିଛନ୍ତି ବୋଲି ବାସୁଦେବ କହିଛନ୍ତି। ଉଭୟଙ୍କ ଦୈନିକ କାମ ଦେଖି ଅନେକ ଯୁବକ ଆଶ୍ଚର୍ଯ୍ୟ ହେଉଥିବାବେଳେ ଅନେକଙ୍କୁ ରୋଜଗାର କରିବାର ପ୍ରେରଣା ମଧ୍ୟ ଯୋଗାଇଛି ା କାରଣ ବୟସର ଅପରାହ୍ନରେ ଦୁହେଁ କେବେ ଥକି ଯାଇନାହାନ୍ତି।


All Right Reserved By Dharitri.Com

ସୁନ୍ଦରପୁର ରଜ ମହୋତ୍ସବ ଉଦ୍‌ଘାଟିତ

ଖଇରା, ୧୫।୬(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ ସୁନ୍ଦରପୁର ହାଇସ୍କୁଲ ପଡିଆରେ ବ୍ଲକସ୍ତରୀୟ ରଜ ମହୋତ୍ସବ ଗୁରୁବାର ଉଦ୍‌ଘାଟିତ ହୋଇଯାଇଛି। ସକାଳେ କମିଟି ସଭାପତି ଅଧ୍ୟାପକ...

ଭାଲୁ ଆକ୍ରମଣରେ ସାଇକେଲ ଆରୋହୀ ଗୁରୁତର

ସଜନାଗଡ଼,୧୯।୬(ଡି.ଏନ୍‌.ଏ.): ବାଲେଶ୍ୱର ଜିଲା ନୀଳଗିରି ଥାନା ଅନ୍ତର୍ଗତ କେ.ପିଲାକ୍‌ରାଜ ପଞ୍ଚାୟତ ଚତିରିଖୁଣ୍ଟା ଅଞ୍ଚଳର ଜଣେ ବ୍ୟକ୍ତି ମଙ୍ଗଳବାର ସନ୍ଧ୍ୟାରେ ଭାଲୁ ଆକ୍ରମଣରେ ଗୁରୁତର ଆହତ ହୋଇଛନ୍ତି।...

ସ୍ବଚ୍ଛ ଭାରତ ମିଶନ: ସରିଛି ୭୩.୨୫ ପ୍ରତିଶତ ଶୌଚାଳୟ ନିର୍ମାଣ: ଜୁଲାଇ ୨୦ ସୁଦ୍ଧା ଅବଶିଷ୍ଟ ସାରିବାକୁ ଲକ୍ଷ୍ୟ

ବନ୍ତ, ୨୧।୬ (ସ୍ବ.ପ୍ର.) – ପରିବେଶ ସ୍ବଚ୍ଛତା ସହିତ ଖୋଲାରେ ଶୌଚ ନ ହେବା ପାଇଁ କେନ୍ଦ୍ର ସରକାର ୨୦୧୬ ଅ୍ରକ୍ଟୋବର ୨ ଗାନ୍ଧୀ ଜୟନ୍ତୀରେ...

ଯୁବକଙ୍କ ଗୁପ୍ତାଙ୍ଗ ସହ ବେକ କାଟି ହତ୍ୟା: ପୋଲିସର ତଦନ୍ତ ଆରମ୍ଭ

ସଜନାଗଡ଼,୧୦।୮(ଡି.ଏନ୍‌.ଏ.): ବାଲେଶ୍ବର ଜିଲା ନୀଳଗିରି ଥାନା ଜାମୁଢିଆ ପଞ୍ଚାୟତ କେସୁରା ଗ୍ରାମରେ ଶୁକ୍ରବାର ବିଳମ୍ବିତ ରାତିରେ ଜଣେ ଯୁବକଙ୍କ ବେକ ଓ ଗୁପ୍ତାଙ୍ଗ କାଟି ହତ୍ୟା...

ବଜ୍ରପାତରେ ଚିଙ୍ଗୁଡି ଚାଷୀଙ୍କ ପ୍ରାଣଗଲା

ରୂପ୍‌ସା, ୧୭ା୮(ଡ଼ି.ଏନ.ଏ.): ବାଲେଶ୍ୱର ସଦର ବ୍ଲକ ପରିଖି ପଞ୍ଚାୟତ ଅନ୍ତର୍ଗତ ଜଗନ୍ନାଥପୁର ଗ୍ରାମରେ ଚିଙ୍ଗୁଡି ଚାଷ କରୁଥିବା ପଞ୍ଚାନନ ରଣା (୬୨) ନାମକ ଚାଷୀଙ୍କ ଶୁକ୍ରବାର...

ହାଟ ବନ୍ଦ କଲେ ବିଡିଓ

ଖଇରା, ୩୦।୩(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଞ୍ଚଳର ବିଭିନ୍ନ ସ୍ଥାନରେ ଲୋକଙ୍କ ଗହଳି ହେଉଥିବା ଅଭିଯୋଗ ହେବା ପରେ ବିଡିଓ ଦେବେନ୍ଦ୍ର ପ୍ରସାଦ ବଳ ଏହାକୁ...

୬ ଆନ୍ତଃରାଜ୍ୟ ଲୁଟେରା ଗିରଫ

ବାଲେଶ୍ୱର ଅଫିସ, ୬।୮-ବାଲେଶ୍ୱର ସହଦେବଖୁଣ୍ଟା ମଡ଼େଲ ଥାନା ଅନ୍ତର୍ଗତ ୧୬ନଂ. ଜାତୀୟ ରାଜପଥର ନହରପାଟଣା ଛକରେ ଗୋଟିଏ ଟ୍ରକ୍‌ ଅଟକାଇ ୬ ଆନ୍ତଃରାଜ୍ୟ ଲୁଟେରାମାନେ ଟ୍ରକ୍‌ରେ...

କାଳ ବୈଶାଖୀରେ ଭାଙ୍ଗିଲା ଘର

ଚମ୍ପୁଆ,୨୯ା୫(ଡି.ଏନ.ଏ.): କାଳ ବୈଶାଖୀ ତାଣ୍ଡବ ଯୋଗୁଁ ବାସୁଦେବପୁର ଗ୍ରାମରେ ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡିଛି। ବର୍ଷା ସହ ପ୍ରବଳ ବେଗରେ ପବନ ହେବାରୁ ଗ୍ରାମର ତ୍ରିବନ...

Leave a comment

Your email address will not be published. Required fields are marked *