Posted inUncategorized

ଅଲିମ୍ପିକ ପ୍ରସ୍ତୁତି: ମସାଲାଯୁକ୍ତ, ମିଠା ଖାଦ୍ୟ ମନା

ନୂଆଦିଲ୍ଲୀ,୨୪ା୭(ପି.ଟି.):ଭାରତୀୟ ମହିଳା ହକି ଦଳ ଟୋକିଓ ଅଲିମ୍ପିକ ୨୦୨୦ ପାଇଁ ଯୋଗ୍ୟତା ହାସଲ କରିବା ଲକ୍ଷ୍ୟରେ ରହିଛି। ଏହି ପରିପ୍ରେକ୍ଷୀରେ ଖେଳାଳିମାନଙ୍କ ଖାଦ୍ୟରେ ପରିବର୍ତ୍ତନ କରାଯାଇଛି। ସେମାନଙ୍କୁ ମସାଲାଯୁକ୍ତ ଏବଂ ମିଠାଯୁକ୍ତ ଖାଦ୍ୟ ନ ଖାଇବା ଲାଗି ପରାମର୍ଶ ଦିଆଯାଇଛି। ଗତମାସରେ ଜାପାନର ହିରୋସୀମାରେ ଅନୁଷ୍ଠିତ ଏଫ୍‌ଆଇଏଚ୍‌ ହକି ସିରିଜ ଫାଇନାଲ୍ସରେ ଚାମ୍ପିୟନ ହୋଇଥିବା ଭାରତୀୟ ଖେଳାଳିଙ୍କ ମନୋବଳ ବେଶ ଦୃଢ଼ ରହିଛି। ଆସନ୍ତା ନଭେମ୍ବରରେ ହେବାକୁ ଥିବା ଅଲିମ୍ପିକ କ୍ୱାଲିଫାୟର୍ସର ଅନ୍ତିମ ପର୍ଯ୍ୟାୟରେ ଭାଗନେବାକୁ ଥିବା ଏହି ଦଳ ଏବେ ଜୋର୍‌ଦାର ଅଭ୍ୟାସ ଜାରି ରଖିଛି। ଦଳର ଅଧିନାୟିକା ରାଣୀ ରାମପାଲ କହିଛନ୍ତି ଯେ, ସେ ଯେତେ ଭାରତୀୟ ମହିଳା ହକି ଦଳ ଦେଖିଛନ୍ତି ତାହା ମଧ୍ୟରୁ ଏହି ଦଳ ସବୁଠୁ ଫିଟ୍‌। ସେହିପରି ସାଇଣ୍ଟିଫିକ୍‌ ଆଡଭାଇଜର ଓ୍ବେନ୍‌ ଲୋମ୍ବାର୍ଡଙ୍କୁ ସେ ପ୍ରଶଂସା କରିବା ସହ ସେ ପ୍ରତ୍ୟେକ ଖେଳାଳିଙ୍କ ଫିଟ୍‌ନେସ୍‌ ପ୍ରତି ଯଥେଷ୍ଟ ଧ୍ୟାନ ଦେଉଛନ୍ତି ବୋଲି ରାଣୀ କହିଛନ୍ତି। ଆହୁରି ମଧ୍ୟ ପ୍ରତ୍ୟେକ ଖେଳାଳି ତାଙ୍କ ଡାଏଟ୍‌ ପ୍ଲାନ ଅନୁଯାୟୀ ଖାଦ୍ୟ ଖାଉଛନ୍ତି। ଆଗାମୀ ପ୍ରତିଯୋଗିତାରେ ଭଲ ପ୍ରଦର୍ଶନ କରିବାକୁ ହେଲେ ଆମକୁ ପୃଷ୍ଟିକର ଖାଦ୍ୟ ଖାଇବାକୁ ପଡ଼ିବ। ମାତ୍ର ଖେଳାଳିମାନେ ମିଠା, ଚକୋଲେଟ, ମସାଲାଯୁକ୍ତ ଏବଂ ତୈଳାକ୍ତ ଖାଦ୍ୟ ନ ଖାଇବାକୁ ଓ୍ବେନ୍‌ ପରାମର୍ଶ ଦେଇଛନ୍ତି। ପ୍ରତ୍ୟେକ ଖେଳାଳି ସନ୍ତୁଳିତ ଆହାର ଖାଉଛନ୍ତି ଏବଂ ବେଶ ଆରାମ ଅନୁଭବ କରୁଛନ୍ତି। ୧୯୮୦ ମସ୍କୋ ଅଲିମ୍ପିକ୍ସରେ ଭାରତୀୟ ମହିଳା ଦଳ ପ୍ରଥମ ଥର ଅଲିମ୍ପିକରେ ଅଂଶଗ୍ରହଣ କରି ୪ର୍ଥ ସ୍ଥାନ ଅଧିକାର କରିଥିଲା। ଯାହା ଅଲିମ୍ପିକ୍ସରେ ଭାରତୀୟ ମହିଳା ଦଳର ସର୍ବଶ୍ରେଷ୍ଠ ପ୍ରଦର୍ଶନ ରହିଛି। ତେବେ ଏହାର ୩୬ ବର୍ଷ ପରେ ଭାରତୀୟ ମହିଳା ଦଳ ରିଓ ଅଲିମ୍ପିକ୍ସ ଲାଗି ଯୋଗ୍ୟତା ଅର୍ଜନ କରିଥିଲେ ମଧ୍ୟ ୧୨ତମ ସ୍ଥାନରେ ରହିଥିଲା। ରିଓ ଅଲିମ୍ପିକ୍ସରେ ଭାରତ ପ୍ରତିଯୋଗିତାର ସ୍ତର ଅନୁଯାୟୀ ପ୍ରଦର୍ଶନ କରିପାରି ନଥିଲେ ମଧ୍ୟ ଏଥିରୁ ଅନେକ କିଛି ଶିକ୍ଷାଲାଭ କରିଛି। ଏହାପରେ ଦଳ ଚମତ୍କାର ପ୍ରଦର୍ଶନ ଜାରି ରଖିଛି ଓ ଏଥର ପ୍ରତି ଖେଳାଳି ଭଲ ପ୍ରଦର୍ଶନ ଦେବାକୁ ପ୍ରସ୍ତୁତ ହେଉଛନ୍ତି ବୋଲି ରାଣୀ କହିଛନ୍ତି। ପ୍ରଥମେ ଦଳ ଅଲିମ୍ପିକ୍ସ ଲାଗି ଯୋଗ୍ୟତା ହାସଲ କରିବା ପାଇଁ ପ୍ରୟାସ କରିବ ଓ ସଫଳ ହେବ ବୋଲି ରାଣୀ ଆଶାବ୍ୟକ୍ତ କରିଛନ୍ତି। ଭାରତୀୟ ମହିଳା ଦଳ ନିକଟରେ ଚଳିତଥର ଅଲିମ୍ପିକ ମେଡାଲ ଜିତିବାର ଯଥେଷ୍ଟ କ୍ଷମତା ରହିଛି ବୋଲି ସେ କହିଛନ୍ତି। ଭାରତୀୟ ମହିଳା ହକି ଦଳର ପ୍ରତ୍ୟେକ ଖେଳାଳି ହିମା ଦାସ ଓ ଦୂତୀ ଚାନ୍ଦଙ୍କ ବର୍ତ୍ତମାନର ପ୍ରଦର୍ଶନକୁ ନେଇ ପ୍ରଭାବିତ ହୋଇଛନ୍ତି। ହିମା ନିକଟରେ ଦେଶ ଲାଗି ୫ଟି ସ୍ବର୍ଣ୍ଣ ପଦକ ହାସଲ କରିଥିବାବେଳେ ଦୂତୀ ଲୌରେଲ ଜିତିଛନ୍ତି। କ୍ରୀଡ଼ାରେ ଭାରତୀୟ ମହିଳାମାନେ ଉନ୍ନତ ପ୍ରଦର୍ଶନ କରୁଥିବାବେଳେ ହକିରେ ମଧ୍ୟ ଦଳ ପଛରେ ରହିବ ନାହିଁ ବୋଲି ରାଣୀ କହିଛନ୍ତି। ବେଙ୍ଗାଲୁରୁରେ ଚାଲିଥିବା ଶିବିର ସମ୍ପର୍କରେ ରାଣୀ କହିଛନ୍ତି ଯେ, ଏହି ଶିବିରରେ ଟେକ୍ନିକାଲ ବିଷୟ ସହ ଦଳର ଏକତା, ଅନ୍‌ ଫିଲ୍ଡ ଓ ଅଫ୍‌ ଫିଲ୍ଡ ନିଷ୍ପତ୍ତି ନେବା ସମ୍ପର୍କରେ ମଧ୍ୟ ଗୁରୁତ୍ୱ ଦିଆଯାଉଛି। କିମ୍ବଦନ୍ତୀ ଡିଫେଣ୍ଡର ଫରଗସ୍‌ କାଭାନାଘଙ୍କ ସହ ଡିଫେଣ୍ଡରମାନଙ୍କର ଏକ ଶିବିର ଅନୁଷ୍ଠିତ ହୋଇଯାଇଛି ଯାହା ବେଶ ସଫଳ ହୋଇଛି। ଦଳ ଏବେ ଶିବିରରେ ଡିଫେନ୍ସ, ଆଟାକ, ପେନାଲ୍ଟି କର୍ନର ଏବଂ ଟିମ ବଣ୍ଡିଂ ଉପରେ କାର୍ଯ୍ୟ କରୁଛି ବୋଲି ରାଣୀ ସୂଚନା ଦେଇଛନ୍ତି। ସେହିପରି ଅନ୍‌ଫିଲ୍ଡ ଓ ଅଫ୍‌ଫିଲ୍ଡ ନିଷ୍ପତ୍ତି କିଭଳି ଶୀଘ୍ର ନେଇ ହେବ ତାହା ଉପରେ ଦଳ ଶିକ୍ଷା ନେଉଛି ବୋଲି ସେ କହିଛନ୍ତି। ଆସନ୍ତା ମାସରେ ଭାରତ ଟୋକିଓରେ ଚତୁଃରାଷ୍ଟ୍ରୀୟ ଟୁର୍ନାମେଣ୍ଟ ଖେଳିବ। ଏହି ଟୁର୍ନାମେଣ୍ଟରେ ଭାରତ ସମେତ ଅଷ୍ଟ୍ରେଲିଆ, ଜାପାନ ରହିଛନ୍ତି। ଏହାପରେ ଭାରତ ଇଂଲଣ୍ଡ ସହ ଏକ ଟେଷ୍ଟ ସିରିଜ ଖେଳିବ।


All Right Reserved By Dharitri.Com

Posted inUncategorized View All

କାଳିଆ ଯୋଜନା ଅନିୟମିତତା ନେଇ କଂଗ୍ରେସର ଅଭିଯୋଗ: ଅଯୋଗ୍ୟ ହିତାଧିକାରୀଙ୍କ ଭୁଲ୍‌ ତଥ୍ୟ ଦେଇଛନ୍ତି ସରକାର

ଭୁବନେଶ୍ୱର,୧୯ା୧୧(ବ୍ୟୁରୋ): କାଳିଆ ଯୋଜନାରେ କୋଟି କୋଟି ଟଙ୍କା ଅନିୟମିତତା ହୋଇଥିବା ଅଭିଯୋଗ କରିଛି କଂଗ୍ରେସ। ଏହି ଯୋଜନାକୁ ନେଇ ବିରୋଧୀ କଂଗ୍ରେସ ରାଜ୍ୟ ସରକାରଙ୍କୁ କଡା...

ନୂଆ ଲୁକ୍‌ରେ ତେଜ୍‌ପ୍ରତାପ

ନୂଆଦିଲ୍ଲୀ: ରାଷ୍ଟ୍ରୀୟ ଜନତା ଦଳ(ଆର୍‌ଜେଡି) ମୁଖ୍ୟ ଲାଲୁପ୍ରସାଦ ଯାଦବଙ୍କ ବଡ଼ ପୁଅ ତେଜ୍‌ପ୍ରତାପ ଯାଦବଙ୍କୁ ନୂଆ ଲୁକ୍‌ରେ ଦେଖିବାକୁ ମିଳିଛି। ଲମ୍ବା ହେୟାର ଷ୍ଟାଇଲ୍‌ ସହ...

ଧରିତ୍ରୀ କାର୍ଟୁନ୍‍

ଧରିତ୍ରୀ କାର୍ଟୁନ୍‍

ମହିଳା ରୋଷେୟାଙ୍କୁ ଅସଦାଚରଣ: ପ୍ରଧାନଶିକ୍ଷକ, ପୁରୁଷ ରୋଷେୟା ଗିରଫ

ଦାରିଙ୍ଗବାଡି,୨୫।୨(ଡି.ଏନ୍‌.ଏ.)- କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ଛଡାକିଆ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ ଜଣେ ରୋଷେୟା(ବିଧବା)ଙ୍କୁ ୩ବର୍ଷ ଧରି ଅସଦାଚରଣ କରିଆସୁଥିବା ଘଟଣାରେ ମଙ୍ଗଳବାର ଦାରିଙ୍ଗବାଡି...

କରୋନାକୁ ଜିତିଲେ ୯୩ ବର୍ଷର ବୃଦ୍ଧା !

ଇସ୍ତାନବୁଲ,୧୨।୪: ଇରାନ ପରେ ଏବେ ତୁର୍କୀକୁ କରୋନା ସଂକ୍ରମଣର ହଟ୍‌ସ୍ପଟ ବୋଲି କୁହାଯାଉଛି। ପ୍ରତି ସପ୍ତାହରେ ଏଠାରୁ କରୋନାକୁ ନେଇ ଦୁଃଖଦ ଖବର ଆସୁଥିବା ବେଳେ...

ସୋସିଆଲ୍‌ ମୋବିଲିଟି ସୂଚକାଙ୍କ: ୭୬ ତମ ସ୍ଥାନରେ ଭାରତ

ନୂଆଦିଲ୍ଲୀ,୨୧-୧: ଓ୍ବାର୍ଲଡ ଇକୋନୋମିକ ଫୋରମ୍‌ (ଡବ୍ଲ୍ୟୁଇଏଫ୍‌) ପକ୍ଷରୁ ସୋମବାର ପ୍ରକାଶିତ ନିୟୁ ସୋସିଆଲ ମୋବିଲିଟି ସୂଚକାଙ୍କରେ ୮୨ ଦେଶ ମଧ୍ୟରୁ ଭାରତ ୭୬ତମ ସ୍ଥାନରେ ରହିଛି।...

ପରିବର୍ତ୍ତନ ଅପେକ୍ଷାରେ

ଭାରତରେ ଲକ୍‌ଡାଉନ ୩ ମେ’ରେ ଶେଷ ହେଉଛି। କିନ୍ତୁ ୪ ମେ’ କିମ୍ବା ଏହାପରେ ସମ୍ଭବତଃ ପରିସ୍ଥିତି ସମାନ ନ ଥିବ। ଜୁନ୍‌ରେ ସ୍କୁଲ୍‌ ଖୋଲିବାକୁ...

Leave a comment

Your email address will not be published. Required fields are marked *