ମହାନଗରରେ ଟ୍ରାଫିକ ସମସ୍ୟା

ବ୍ରହ୍ମପୁର ଅଫିସ,୧୩ା୫-ବ୍ରହ୍ମପୁର ମହାନଗର ନିଗମରେ ଟ୍ରାଫିକ ସମସ୍ୟା ଦିନକୁ ଦିନ ଜଟିଳ ହେଉଛି। ବିଭିନ୍ନ ସମୟରେ ପ୍ରଶାସନିକସ୍ତରରେ ଆଲୋଚନା ହୋଇ ଟ୍ରାଫିକ୍‌ ସମସ୍ୟା ସୁଧାରିବାକୁ ନିଷ୍ପତ୍ତି ହେଉଥିଲେ ମଧ୍ୟ ତାହା କେବଳ ଆଲୋଚନା ଓ ସମୀକ୍ଷାରେ ସୀମିତ ରହିଛି । ଏପରିକି ରାଜ୍ୟ ବାହାରର ଟ୍ରାଫିକ ନିୟନ୍ତ୍ରଣ ବ୍ୟବସ୍ଥାକୁ ସହର ଆପଣେଇବା ପାଇଁ ଅନେକଥର ପୋଲିସ ପ୍ରଶାସନ ସୂଚନା ଦେଇଥିଲେ ମଧ୍ୟ ସେ ଦିଗରେ କିଛି ଅଗ୍ରଗତି ଘଟି ନ ଥିବା ଲକ୍ଷ୍ୟ କରାଯାଇଛି। ବ୍ରହ୍ମପୁରର ଟ୍ରାଫିକ ସମସ୍ୟା ନେଇ ସମସ୍ତଙ୍କର ଅଳ୍ପ ବହୁତ ଧାରଣା ରହିଛି। ଜନସଂଖ୍ୟା ତୁଳନାରେ ସହର ଅତି ସଂକୀର୍ଣ୍ଣ ଓ ସେହି ତୁଳନାରେ ରାସ୍ତାଘାଟ ମଧ୍ୟ ଆହୁରି ସଂକୀର୍ଣ୍ଣ ହୋଇପଡ଼ିଲାଣି । ଗାଡ଼ି ମୋଟର ସଂଖ୍ୟା ଗତ ୫/୭ ବର୍ଷ ମଧ୍ୟରେ ଯଥେଷ୍ଟ ବୃଦ୍ଧି ପାଇଛି। ସହର ଓ ଉପକଣ୍ଠରେ ଛତୁ ଫୁଟିଲା ଭଳି ଘରୋଇ ସ୍କୁଲ ଓ କଲେଜ ଗଢ଼ି ଉଠିଥିବାରୁ ବିଦ୍ୟାର୍ଥୀଙ୍କୁ ନେବା ଆଣିବା ପାଇଁ ପ୍ରତିଦିନ ଶହ ଶହ ଗାଡ଼ି ସହର ବାହାରକୁ ଓ ଭିତରକୁ ଯିବା ଆସିବା କରୁଛି। ଫଳରେ ମହାନଗରର ଟ୍ରାଫିକ ବ୍ୟବସ୍ଥା ଏବେ ବିଗିଡ଼ି ଯାଇଛି। ମହାନଗରର ଅନେକ ସ୍ଥାନରେ ଦିନ ରାତି ବସ୍‌ଗୁଡ଼ିକ ଛିଡ଼ା ହୋଇ ରହୁଛି । ଏଠି ଟ୍ରାଫିକ ବ୍ୟବସ୍ଥା କେବଳ ଧର୍ମକୁ ଆଖିଠାର ସଦୃଶ ଚାଲିଥିବା ବେଳେ କେଉଁଠି ନା କେଉଁଠି ପ୍ରତିିଦିନ ଛୋଟବଡ ଦୁର୍ଘଟଣା ଘଟୁଛି । ବିଭିନ୍ନ  ଛକରେ ଥିବା ଟ୍ରାଫିକ ପୋଲିସ ହାତ ଦେଖାଇ ଗୋଟିଏ ପଟେ ରହିବା ପାଇଁ କହୁଥିବା ବେଳେ ଅନ୍ୟପଟେ ଯାନବାହନ ଛାଡ଼ୁଛନ୍ତି। ଏଭଳି ଟ୍ରାଫିକ ବ୍ୟବସ୍ଥାରେ ଅଧିକାଂଶ ସମୟରେ ଲୋକମାନେ ନିୟମ ଉଲ୍ଲଂଘନ କରୁଥିବା ବେଳେ ଉଭୟ ପୋଲିସ ଓ ଜନସାଧାରଣଙ୍କ ମଧ୍ୟରେ ଝଗଡ଼ା ହେଉଥିବା ନଜିର ରହିଛି ।

ପୂର୍ବରୁ ଟାଟାବେଞ୍ଜ ଛକ, ପିଭିଏନ୍‌ ରାଓ ପେଟ୍ରୋଲ ପମ୍ପ ଛକରେ ଇଲେକ୍ଟ୍ରୋନିକ୍‌ ସିଗ୍‌ନାଲ ଖଞ୍ଜା ଯାଇଥିବା ବେଳେ ଏବେ ତାହା କାର୍ଯ୍ୟକ୍ଷମ ହେଉନାହିଁ । ସହରରେ ଖୁବଶୀଘ୍ର ୫ଟି ସ୍ଥାନରେ ଇଣ୍ଟିଗ୍ରେଟେଡ୍‌ ଟ୍ରାଫିକ ସିଗ୍‌ନାଲ୍‌ ବ୍ୟବସ୍ଥା କାର୍ଯ୍ୟକ୍ଷମ ହେବ ବୋଲି ଜିଲାପାଳ ବିଜୟ ଅମୃତା କୁଲାଙ୍ଗେ ସୂଚନା ଦେଇଥିଲେ। ସେହି ପ୍ରକ୍ରିୟା ଏବେ ଟେଣ୍ଡର ହୋଇ ପଡ଼ିରହିଛି। ସହରର କେତେକ ସ୍ଥାନକୁ ଛାଡ଼ି ଦେଲେ ଅନ୍ୟ କେଉଁଠି ବି ରାସ୍ତାରେ ସଙ୍କେତ ନାହିଁ। କେଉଁଠି ଅଟକିବ  ପାଦଚଲା ରାସ୍ତା କିମ୍ବା ଛକରେ ଗାଡ଼ି ରହିବ ସେନେଇ ସିଗନାଲ ନାହିଁ। ଫଳରେ ଟ୍ରାଫିକ କର୍ମଚାରୀ ହାତ ଦେଖାଇ ଯାନବାହନ ରଖିବା ପାଇଁ କହୁଥିଲେ ମଧ୍ୟ ଲୋକେ ଟ୍ରାଫିକ ଟାୱାର ନିକଟକୁ ଯାଇ ଅଟକୁଛନ୍ତି।

ପ୍ରତିବର୍ଷ ଜାନୁୟାରୀ ପହିଲାରୁ ୭ ତାରିଖ ପର୍ଯ୍ୟନ୍ତ ପାଳନ କରାଯାଉଛି ଜାତୀୟ ସଡ଼କ ସୁରକ୍ଷା ସପ୍ତାହ। ଲୋକଙ୍କୁ ଟ୍ରାଫିକ ନିୟମ ମାନିବା ସହ ଧନଜୀବନ ରକ୍ଷା କରିବା ପାଇଁ ସଚେତନ କରାଯାଉଛି। ଜନସଚେତନତାର ଅଭାବ ସାଙ୍ଗକୁ ଟ୍ରାଫିକ ସମସ୍ୟା ଦିନକୁ ଦିନ ବଢ଼ିବାରେ ଲାଗିଛି। ଏନେଇ ବ୍ରହ୍ମପୁର ଏସ୍‌ଡିପିଓ ବିଷ୍ଣୁପ୍ରସାଦ ପତି କୁହନ୍ତି, ଆମେ ପ୍ରତ୍ୟେକ ସମୟରେ ଯାନବାହନ ଚାଳକ ଓ ସାଧାରଣ ଲୋକ ଟ୍ରାଫିକ ନିୟମ ମାନିବାକୁ କହୁଛୁ।

ହେଲେ ଲୋକେ ଅଧିକ ସଚେତନ ହେବା ଦରବାର ବୋଲି ସେ କହିଛନ୍ତି ।


All Right Reserved By Dharitri.Com

ଗୋପାଳପୁର ବେଳାଭୂମି ମହୋତ୍ସବ: ଜାଗା ଚିହ୍ନଟ, ପାର୍କିଂ ବ୍ୟବସ୍ଥା ଚୂଡ଼ାନ୍ତ

ଗୋପାଳପୁର,୧୮ା୧୧-ଡିସେମ୍ବର ୨୪ରୁ ଆରମ୍ଭ ହେଉଥିବା ଗୋପାଳପୁର ବେଳାଭୂମି ମହୋତ୍ସବ ନିମନ୍ତେ ଗୋପାଳପୁର ବେଳାଭୂମିରେ ଜାଗା ଚିହ୍ନଟ କରାଯିବା ସହ ସୁରକ୍ଷା ଓ ପାର୍କିଂ ବ୍ୟବସ୍ଥା ଚୂଡ଼ାନ୍ତ...

ପିଏମ୍‌ଏୱାଇ ଆଫୋର୍ଡେବଲ ହାଉସିଂ ସ୍କିମ୍‌ : ହିତାଧିକାରୀଙ୍କୁ ଗୃହ ନ ମିଳିବା ଚେତାବନୀ

ବ୍ରହ୍ମପୁର ଅଫିସ,୯ା୧୧-ପ୍ରଧାନମନ୍ତ୍ରୀ ଆବାସ ଯୋଜନା (ପିଏମ୍‌ଏୱାଇ) ଅନ୍ତର୍ଗତ ଆଫୋର୍ଡେବଲ ହାଉସିଂ ସ୍କିମ୍‌ରେ ଘର ପାଇବାକୁ ମନୋନୀତ ହୋଇଥିବା ହିତାଧିକାରୀଙ୍କୁ ଗୃହ ମିଳିବ ନାହିଁ ବୋଲି କେତେକ...

ଛାତ୍ରୀଙ୍କୁ ଅସଦାଚରଣ ଘଟଣା, ଅଭିଯୁକ୍ତ ଗିରଫ

ବ୍ରହ୍ମପୁର ଅଫିସ,୨୮ା୧-ଜଣେ ସ୍କୁଲ ଛାତ୍ରୀଙ୍କୁ ଅସଦାଚରଣ ଓ ଏହାର ପ୍ରତିବାଦ କରିବାରୁ ପୀଡିତାଙ୍କ ମା’ଙ୍କୁ ଧମକଚମକ ଅଭିଯୋଗରେ ଟାଉନ ଥାନା ପୋଲିସ ଜଣଙ୍କୁ ଗିରଫ କରିଛି।...

ଗଞ୍ଜାମରେ ବଢ଼ୁଛନ୍ତି ମାନସିକ ରୋଗୀ

ବ୍ରହ୍ମପୁର ଅଫିସ୍‌,୧୧ା୧୦- ଗଞ୍ଜାମ ଜିଲାରେ ମାନସିକ ରୋଗୀଙ୍କ ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଛି। ବ୍ରହ୍ମପୁର ସିଟି ହସ୍‌ପିଟାଲ୍‌ ତଥା ଜିଲା ମୁଖ୍ୟ ଚିକିତ୍ସାଳୟ ମାନସିକ...

କେନ୍ଦ୍ରୀୟ ବିଦ୍ୟାଳୟ ପାଇଁ ଯୋଗାଇ ଦିଆଯିବ ଅନ୍‌ସ୍ଲୋ ହାଇସ୍କୁଲର ୧୩ ଶ୍ରେଣୀଗୃହ: ଜିଲାପାଳ

ଛତ୍ରପୁର,୧୨।୩(ଡି.ଏନ୍‌.ଏ.): ଗଞ୍ଜାମ ଜିଲା ଛତ୍ରପୁରରେ ଚଳିତବର୍ଷ କେନ୍ଦ୍ରୀୟ ବିଦ୍ୟାଳୟ ଖୋଲାଯିବ। ଏଥିପାଇଁ ଭିତ୍ତିଭୂମି ସମ୍ପର୍କିତ ଏକ ବୈଠକ ଜିଲାପାଳ ବିଜୟ ଅମୃତା କୁଲାଙ୍ଗେଙ୍କ ଅଧ୍ୟକ୍ଷତାରେ ଗୁରୁବାର...

ଏମ୍‌କେସିଜିରେ ପୁଣି ୨ କରୋନା ସନ୍ଦିଗ୍ଧ ଭର୍ତ୍ତି

ବ୍ରହ୍ମପୁର ଅଫିସ ,୨୯ା୩ – ବିଶ୍ୱବ୍ୟାପୀ ଆତଙ୍କର କାରଣ ପାଲଟିଥିବା କରୋନା ଭୂତାଣୁର ପ୍ରକୋପ ଏବେ ଭାରତ ଉପରେ ଧୀରେ ଧୀରେ ବଢ଼ିବାରେ ଲାଗିଛି। ବ୍ରହ୍ମପୁର...

ନୀଳାମ୍ବରପଲ୍ଲୀରେ ବିକାଶ ଅପହଞ୍ଚ

ପାତ୍ରପୁର ୧୮ା୧୧(ଡି.ଏନ୍‌.ଏ.)-ବ୍ରିଟିଶ ଅମଳର ଗାଁ, ହେଲେ ବିକାଶ ଅପହଞ୍ଚ। ଏଭଳି ଏକ ଗାଁ ରହିଛି ପାତ୍ରପୁର ବ୍ଲକ ଆମ୍ବପୁର ପଞ୍ଚାୟତରେ। ଜରଡ଼ା ରାଜାଙ୍କ ବଂଶଧରମାନେ ଦେଶ...

ନାବାଳିକା ଛାତ୍ରୀଙ୍କୁ ଗଣବଳାତ୍କାର, ଗୁରୁତର ଅବସ୍ଥାରେ ଚିକିତ୍ସିତ: ୨ ଅଟକ

ବ୍ରହ୍ମପୁର ଅଫିସ,୧୩ା୧-ଗଞ୍ଜାମ ଜିଲାରେ ପୁଣି ଏକ ଲଜ୍ଜାଜନକ ଘଟଣା ଘଟିଛି। ଜଣେ ୮ ମ ଶ୍ରେଣୀ ନାବାଳିକା ଛାତ୍ରୀଙ୍କୁ ହାତଗୋଡ ବାନ୍ଧି ଗଣ ବଳାତ୍କାର କରାଯାଇଥିବା...

Leave a comment

Your email address will not be published. Required fields are marked *