ଶ୍ରାବଣ ମାସ ପ୍ରଥମ ସୋମବାର ଶ୍ରୀଲିଙ୍ଗରାଜଙ୍କ ପୀଠରେ ୩ ହଜାର କାଉଡ଼ିଆ

ପୁରୁଣା ଭୁବନେଶ୍ୱର,୨୩। ୭(ଡି.ଏନ.ଏ.): ଶ୍ରାବଣ ମାସର ପ୍ରଥମ ସୋମବାରରେ ଶ୍ରୀଲିଙ୍ଗରାଜ ମହାପ୍ରଭୁଙ୍କୁ ପ୍ରାୟ ୩ ହଜାର ୪୦ ଜଣ କାଉଡ଼ିଆ ଜଳଲାଗି କରିଥିବା ପ୍ରଶାସନ ସୂତ୍ରରୁ ପ୍ରକାଶ। ଶ୍ରାବଣ ୪ ପାଳି ପାଇଁ ପ୍ରସ୍ତୁତ ହୋଇଥିବା ସ୍ବତନ୍ତ୍ର ନୀତି ନିର୍ଘଣ୍ଟ ଅନୁଯାୟୀ ଭୋର ସାଢେ ୩ଟାରେ ମଙ୍ଗଳ ଆଳତି ଓ ଅବକାଶ ନୀତି ସମ୍ପୂର୍ଣ୍ଣ ହୋଇଥିଲା। ପରେ ପ୍ରାତଃ ୪ ଟାରେ ସାହାଣମେଲା ଦର୍ଶନ ଜାରି ରହିଥିଲା। ଏହି ଅବସରରେ ରାତିରୁ ରାଜ୍ୟ ଏବଂ ବାହାରୁ ଆସି ଧାଡ଼ିରେ ଅପେକ୍ଷା କରିଥିବା କାଉଡ଼ିଆ ଭକ୍ତମାନେ ଜଳଲାଗି କରିଥିଲେ। ତେଣୁ ସୋମବାର ଏତଦ୍‌ବ୍ୟତୀତ ଅନ୍ୟ ମନ୍ଦିରଗୁଡିକରେ ମଧ୍ୟ କେତେଜଣ ବୋଲବମ୍‌ ଭକ୍ତ ଜଳଲାଗି କରିଥିବା ଦେଖିବାକୁ ମିଳିଥିଲା। ସୂଚନାଥାଉ କି ଏହି ଭକ୍ତମାନଙ୍କୁ ମନ୍ଦିର ପ୍ରଶାସନ ପକ୍ଷରୁ ୧୦ ଟଙ୍କାର ଟିକେଟ୍‌ କାଟିବା ପରେ ଜଳ ଲାଗି କରିବାକୁ ଦିଆଯାଇଥିଲା।
ମନ୍ଦିରକୁ ମନା ଦୋକାନୀକୁ କ୍ଷମା
ଶ୍ରୀଲିଙ୍ଗରାଜ ମନ୍ଦିରକୁ ଆସୁଥିବା କାଉଡ଼ିଆମାନେ ପ୍ଲାଷ୍ଟିକ ଢାଳରେ ଜଳ ଲାଗି କରିବାକୁ ଯିବା ସମୟରେ ମନ୍ଦିର ପ୍ରଶାସନ ପକ୍ଷରୁ ବାରଣ କରାଯାଇଥିଲା। ପରେ ଭକ୍ତମାନେ ଏଥିରୁ ନିବୃତ୍ତ ରହିଥିଲେ। ହେଲେ ମନ୍ଦିର ସମ୍ମୁଖରେ ଦୋକାନୀଭାଇମାନେ ପ୍ଲାଷ୍ଟିକ୍‌ ଢାଳ ବିକ୍ରି କରିବା ଉପରେ କୌଣସି ରୋକ ଲଗାଯାଇ ନ ଥିଲା। ଖୋଲା ବଜାରରେ ଦୋକାନ ସମ୍ମୁଖରେ ପ୍ଲାଷ୍ଟିକ୍‌ ପଦାର୍ଥ ବିକ୍ରି କରିବାର ଦେଖିବାକୁ ମିଳିଥିଲା। ବିଭିନ୍ନ ଦୃଷ୍ଟିକୋଣରୁ ବିଚାର କରାଗଲେ ମନ୍ଦିର ଭିତରକୁ ଆମୀଷ ନିଷେଧ ଥିବାବେଳେ ମନ୍ଦିର ଚତୁଃପାର୍ଶ୍ୱରେ ଫାଷ୍ଟ ଫୁଡ଼ ଦୋକାନରେ ଆମିଷ ବିକ୍ରି କରିବା କେତେଦୂର ଯଥାର୍ଥ ସେଭଳି ଉଦାହରଣରେ ପ୍ଲାଷ୍ଟିକ୍‌ ଦ୍ରବ୍ୟ ବିକ୍ରି କରିବା ନେଇ ବିଭିନ୍ନ ମହଲରେ ଅସନ୍ତୋଷ ପ୍ରକାଶ ପାଇଛି। ଏ ନେଇ ଶ୍ରୀଲିଙ୍ଗରାଜ ଟ୍ରଷ୍ଟବୋର୍ଡ଼ କାର୍ଯ୍ୟ ନିର୍ବାହୀ ଅଧିକାରୀ ପ୍ରଦୀପ କୁମାର ସାହୁଙ୍କୁ ପଚାରିବାରୁ ମନ୍ଦିର ଭିତରକୁ ପ୍ଲାଷ୍ଟିକ୍‌ ଦ୍ରବ୍ୟ ବା ପଲିଥିନ ବିଏମ୍‌ସି ପକ୍ଷରୁ ବନ୍ଦ କରାଯାଇଛି। ଏଥିରେ ଆମେ କିଛି କରିପାରିବୁ ନାହିଁ।
ଅଚେତ ହେଲେ ନାବାଳିକା କାଉଡ଼ିଆ
ଶ୍ରୀଲିଙ୍ଗରାଜ ମନ୍ଦିରକୁ ଜଳଲାଗି କରିବାକୁ ଆସିଥିବା କଟକ ବକ୍ସିବଜାର ଅଞ୍ଚଳର ବି. ରେଖା (୧୪) ହଠାତ୍‌ ମନ୍ଦିର ଭିତରେ ମୂର୍ଚ୍ଛା ହୋଇଥିଲେ। ପ୍ରବଳ ଗୁଳୁଗୁଳି ଖରା ଯୋଗୁ ମୂର୍ଚ୍ଛା ଯାଇଥିବା ଏହି ନାବାଳିକା ଭକ୍ତଙ୍କୁ ମନ୍ଦିର ଭିତରେ ସଫେଇ ଏବଂ ଅନ୍ୟାନ୍ୟ କାର୍ଯ୍ୟରେ ସହଯୋଗ କରୁଥିବା ପ୍ରଦୀପ ସେବା ଟ୍ରଷ୍ଟ ସଦସ୍ୟାସଦସ୍ୟମାନେ ତାଙ୍କୁ ଗହଳିରୁ ଉଦ୍ଧାର କରି ନିକଟସ୍ଥ ବିଏମସି ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରିଥିଲେ।
ଜଗିିଲେ ୧୨ ପ୍ଲାଟୁନ ଫୋର୍ସ
ପ୍ରାୟ ୩ ହଜାର ୪୦ କାଉଡ଼ିଆ ଏବଂ ୪ ହଜାର ସାଧାରଣ ଭକ୍ତ ପାଇଁ ଶ୍ରାବଣର ପ୍ରଥମ ସୋମବାର ଭିଡ଼କୁ ନିୟନ୍ତ୍ରଣ କରିବାକୁ କମିଶନରେଟ ପୋଲିସ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଥିଲା। ୧୨ ପ୍ଲାଟୁନ ପୋଲିସ୍‌ ଫୋର୍ସ ଏଥିପାଇଁ ମନ୍ଦିର ଏବଂ ବାହାରେ ବିଭିନ୍ନ ଟ୍ରାଫିକ୍‌ ସ୍ଥଳରେ ନିୟୋଜିତ ହୋଇଥିଲେ। ୫୨ ଜଣ ଏଏସ୍‌ଆଇ, ୧୦ ଇନ୍ସପେକ୍ଟର, ୫ ଜଣ ଏସିପି ୨ଜଣ ଡିସିପି, ୬୦ ଜଣ ହୋମଗାର୍ଡ଼, ୫୦ ଜଣ କନଷ୍ଟେବଳ ନିୟୋଜିତ ଥିଲେ ବୋଲି ଲିଙ୍ଗରାଜ ଥାନା ଆଇଆଇସି ଶରତ ଚନ୍ଦ୍ର ପାତ୍ର ସୂଚନା ଦେଇଛନ୍ତି।


All Right Reserved By Dharitri.Com

ଦନ୍ତା ହାତୀ ଆକ୍ରମଣରେ ଜେଜେମା ମୃତ, ନାତୁଣୀ ଗୁରୁତର

ବେତନଟୀ, ୨୦।୬(ଡି.ଏନ୍‌.ଏ): ମୟୁରଭଞ୍ଜ  ଜିଲା ବେତନଟୀ ବନାଞ୍ଚଳ ଅଧିନ ଯୁଗୋଳ ପଞ୍ଚାୟତର ହଳଦୀପଦା ଗଁାରେ ବୁଧବାର ବିଳମ୍ବିତ ରାତିରେ ଏକ ଦନ୍ତାହାତୀ ୨ ଜଣଙ୍କୁ ଆକ୍ରମଣ...

ହାଇକୋର୍ଟରୁ ମିଳିଲା ଆଶ୍ୱସ୍ତି: ଆପୋଲୋ ହସ୍ପିଟାଲକୁ ୪ ସପ୍ତାହ ମହଲତ

ଭୁବନେଶ୍ୱର,୧୨।୯(ବ୍ୟୁରୋ): ସ୍ଥାନୀୟ ଆପୋଲୋ ହସ୍ପିଟାଲକୁ ହାଇକୋର୍ଟ ପକ୍ଷରୁ ସାମୟିକ ଆଶ୍ୱସ୍ତି ମିଳିଛି। ଏହାର ଲାଇସେନ୍ସ ରଦ୍ଦ ନିମନ୍ତେ ଏନ୍‌ଏଚ୍‌ଆର୍‌ସିଙ୍କ ନିର୍ଦ୍ଦେଶ ଉପରେ ହାଇକୋର୍ଟ ରହିତାଦେଶ ଦେଇଛନ୍ତି।...

ହାଡ଼ଭଙ୍ଗା ଚିକିତ୍ସାଳୟରେ ଚାଲିଥିଲା ବେଆଇନ ଗର୍ଭପାତ: ନୟାଗଡ଼ ଟାଉନ ଥାନା ପୋଲିସର ଚଢ଼ାଉ; ଦୁଇ ଅଟକ

ନୟାଗଡ଼ ଅଫିସ,୨ା୬- ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟ ପଛପଟେ ଥିବା ଏକ ହାଡ଼ଭଙ୍ଗା ଚିକିତ୍ସାଳୟ ( କ୍ଲିନିକ୍‌)ରେ ଚାଲୁଥିଲା ବେଆଇନ୍‌ ଗର୍ଭପାତ। ଶନିବାର ବିଳମ୍ବିତ ରାତ୍ରିରେ...

ଝରକା ବାଟେ ବାହାରକୁ ଗରମ ପାଣି ଫିଙ୍ଗିଲେ ସହାୟିକା, ଅଙ୍ଗନଓ୍ବାଡି ଶିଶୁ ଗୁରୁତର

ସୋନପୁର/ବୀରମହାରାଜପୁର,୧୪।୫(ନି.ପ୍ର.): ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ଜଟିଆପାଲି ଅଙ୍ଗନୱାଡି କେନ୍ଦ୍ରରେ ମଙ୍ଗଳବାର ସକାଳେ ଏକ ଦୁଃଖଦ ଘଟଣା ଘଟିଛି। କେନ୍ଦ୍ରର ସହାୟିକା ବେଦମତୀ ମହାକୁର ଶିଶୁକନ୍ୟା...

ନଗଡ଼ା ହେବ ଇକୋ ଟ୍ୟୁରିଜମ: ଶକ୍ତିମନ୍ତ୍ରୀ

କାଳିଆପାଣି,୧୪ା୧୨(ଡି.ଏନ.ଏ.): ବହୁ ଚର୍ଚ୍ଚିତ ନଗଡାକୁ ଇକୋ ଟ୍ୟୁରିଜମ ବା ପରିବେଶ ପର୍ଯ୍ୟଟନଭାବେ ପରିଣତ କରିବାକୁ ଶକ୍ତିମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର ଘୋଷଣା କରିଛନ୍ତି। ଶୁକ୍ରବାର ମନ୍ତ୍ରୀ...

ହାଇକୋର୍ଟରେ ନବୀନ ନିବାସ ବିବାଦ ମାମଲା: ୨ମାସ ମଧ୍ୟରେ କାର୍ଯ୍ୟାନୁଷ୍ଠାନ ନେବାକୁ ରାଜସ୍ବ ସଚିବଙ୍କୁ ନିର୍ଦ୍ଦେଶ

କଟକ ଅଫିସ, ୨୦।୮: ନବୀନ ନିବାସକୁ ନେଇ ହାଇକୋର୍ଟରେ ରୁଜୁ ହୋଇଥିବା ମାମଲାର ଶୁଣାଣି ସୋମବାର ହୋଇଥିଲା। ହାଇକୋର୍ଟ ମୁଖ୍ୟ ବିଚାରପତି ଜଷ୍ଟିସ୍‌ କେ.ଏସ୍‌. ଝାବେରୀ...

ସ୍ତନ୍ୟପାନ: ବଦଳୁଛି ଓଡ଼ିଶାର ଚିତ୍ର

ଭୁବନେଶ୍ୱର, ୨।୮(ବ୍ୟୁରୋ) : ବିଶ୍ୱର ଏକତୃତୀୟାଂଶ ଶିଶୁ ଅପପୁଷ୍ଟି ଯୋଗୁ ୫ ବର୍ଷ ହେବା ପୂର୍ବରୁ ଆଖି ବୁଜିଥାନ୍ତି। ସନ୍ତାନ ପ୍ରସବ ହେବାର ଏକଘଣ୍ଟା ମଧ୍ୟରେ ସ୍ତନ୍ୟପାନ...

ଚାକିରି ନଁ।ରେ ଅର୍ଥ ଲୁଟ୍‌ ଘଟଣା:`ଯୁବକ କୋର୍ଟ ଚାଲାଣ

ଫୁଲବାଣୀ ଅଫିସ, ୨୭।୬-ଚାକିରି ଦେବା ନାମରେ କନ୍ଧମାଳର ଯୁବକଙ୍କଠାରୁ ବ୍ୟାପକ ପରିମାଣର ଅର୍ଥ ଲୁଟ୍‌ କରିବା ଅଭିଯୋଗରେ ଟାଉନ ଥାନା ପୋଲିସ ସମ୍ପୃକ୍ତ ଯୁବକଙ୍କୁ ଅଟକ...

Leave a comment

Your email address will not be published. Required fields are marked *