Posted inUncategorized

ବଡ଼ ଜମା-ଉଠାଣ ଲାଗି ଜରୁରୀ ହେବ ଆଧାର

ନୂଆଦିଲ୍ଲୀ,୨୩-୭: କଳାଧନ ଉପରେ ଲଗାମ ଲଗାଇବାକୁ ଯାଇ କେନ୍ଦ୍ର ସରକାର ଏକ ନୂଆ ଯୋଜନା ପ୍ରସ୍ତୁତ କରିଛନ୍ତି, ଯାହାର ସିଧାସଳଖ ପ୍ରଭାବ ସାଧାରଣରେ ଦେଖାଯିବ। ବ୍ୟାଙ୍କ ଆକାଉଣ୍ଟରୁ ବାର୍ଷିକ ଏକ ନିର୍ଦ୍ଧାରିତ ରାଶି ବାହାରେ ଉଠାଣ ଏବଂ ଜମା କରିବା କ୍ଷେତ୍ରରେ ପାନ୍‌ ଦେବା ଯଥେଷ୍ଟ ହେବ ନାହିଁ। ବଜାରରେ ନଗଦ ଅର୍ଥର ପ୍ରବାହକୁ କମାଇବାକୁ ଯାଇ ସରକାର ବଡ଼ ଧରଣର ଜମା ଓ ଉଠାଣର ଆଧାର ପ୍ରାମାଣିକତାକୁ ବାଧ୍ୟତାମୂଳକ କରିବାକୁ ଯାଉଛନ୍ତି। ଜଣେ ବ୍ୟକ୍ତି ବାୟୋମେଟ୍ରିକ ଟୁଲ୍‌ ଅଥବା ଓ୍ବାନ୍‌ ଟାଇମ ପାଶଓ୍ବର୍ଡ ବ୍ୟବହାର କରି କଓ୍ବୋଇସି ତିଆରି କରିପାରିବେ। ନିର୍ଦ୍ଧାରିତ ସୀମା ଟପିବା ମାତ୍ରେ ଜମାକାରୀଙ୍କୁ ଆଧାର ପ୍ରାମାଣିକତା ଦେବା ଜରୁରୀ ହେବ।
ଫାଇନାନ୍ସିଆଲ ବିଲ୍‌ରେ ଦିଆଯାଇଥିବା ସଂଶୋଧନ ପ୍ରସ୍ତାବ ଅନୁଯାୟୀ, ଆଧାର ପରିସରକୁ ଅଧିକ ବ୍ୟାପକ କରାଯିବ। ଏପରିିକି ନିର୍ଦ୍ଧାରିତ ସୀମାଠାରୁ ଅଧିକ ବିଦେଶୀ ମୁଦ୍ରା କିଣିବା କ୍ଷେତ୍ରରେ ମଧ୍ୟ ଆଧାର ନମ୍ବର ପ୍ରଦାନ କରିବା ଜରୁରୀ ହେବ। ଅଦ୍ୟାବଧି ପାନ୍‌ ତଥ୍ୟ ପ୍ରଦାନ କରିବା ଯଥେଷ୍ଟ ରହିଛି। ଫାଇନାନ୍ସିଆଲ ବିଲ୍‌ରେ ସଂଶୋଧନ ପ୍ରସ୍ତାବ ଅନୁଯାୟୀ, ସମ୍ପତ୍ତି କିଣାବିକା କ୍ଷେତ୍ରରେ ମଧ୍ୟ ଏକ ନିର୍ଦ୍ଦିଷ୍ଟ ମୂଲ୍ୟ ପରେ କେବଳ ଆଧାର କିମ୍ବା ପାନ୍‌ ନମ୍ବର ଦେବା ଯଥେଷ୍ଟ ହେବ ନାହିଁ। ସମ୍ପତ୍ତିର ପଞ୍ଜୀକରଣ ବେଳେ ଏହାର ମୂଲ୍ୟ ଆଧାର ପ୍ରାମାଣିକତା ହେବା ଆବଶ୍ୟକ ହେବ। ଜଣେ ଅଧିକାରୀ କହିଛନ୍ତି ଯେ, ନିର୍ଦ୍ଧାରିତ ସୀମା କେତେ ହେବ ସେ ସମ୍ପର୍କରେ ବିଚାର କରାଯାଉଛି। ତେବେ ଏହାକୁ ଏଭଳି ଏକ ସ୍ତରରେ ନିର୍ଦ୍ଧାରଣ କରାଯିବ ଯାହାଦ୍ୱାରା ଲୋକଙ୍କୁ ଅସୁବିଧାରେ ନ ପକାଇ ସରକାର ଏହି ଟଙ୍କା ଉପରେ ସହଜରେ ନଜର ରଖିପାରିବେ ସେ ଦିଗରେ ଦୃଷ୍ଟି ଦିଆଯାଉଛି। ନିର୍ଦ୍ଧାରିତ ସୀମା ଧାର୍ଯ୍ୟ ହୋଇ ନ ଥିଲେ ମଧ୍ୟ ବାୟୋମେଟ୍ରିକ ଟୁଲ୍‌ କିମ୍ବା ଓଟିପି ଜରିଆରେ ବାଧ୍ୟତାମୂଳକ ଆଧାର ପ୍ରାମାଣିକତା ବ୍ୟବହାର କରି ଜଣେ ବ୍ୟକ୍ତିଙ୍କ ପାଇଁ ସୀମା ୨୦ରୁ ୨୫ ଲକ୍ଷ ଟଙ୍କା ବାର୍ଷିକ ଧାର୍ଯ୍ୟ କରାଯାଇପାରେ ବୋଲି ସେ କହିଛନ୍ତି। ଅଧିକାରୀଙ୍କ କହିବାନୁଯାୟୀ ଏହା ଅତ୍ୟନ୍ତ ଜରୁରୀ ହୋଇପଡିଛି। କାରଣ ବହୁ ଧନାଢ଼୍ୟ ଜମାକାରୀ ଉଚ୍ଚ ପରିମାଣର ଜମା ଓ ଉଠାଣ ବେଳେ ଜାଲ୍‌ ପାନ୍‌ କାର୍ଡ ଦେଉଥିବାର ଜଣାପଡିଛି। ଫଳରେ ଏହି ଟଙ୍କାର ଉତ୍ସ ଧରିବା ସରକାରଙ୍କ ପକ୍ଷରେ ସମ୍ଭବ ହେଉନାହିଁ। ପ୍ରାମାଣିକତା ଜରୁରୀ କରିବା ଦ୍ୱାରା ଜାଲ୍‌ ଆଧାର କିମ୍ବା ପାନ୍‌ ଧରିବା ସହଜ ହେବ। ଏହା ଶତ ପ୍ରତିଶତ ବିଶ୍ୱାସଯୋଗ୍ୟ ହୋଇ ନ ଥିଲେ ସୁଦ୍ଧା ଜାଲିଆତି ରୋକିବାରେ ଏହା ସହାୟତା କରିବ। ଆଗାମୀ ଦିନରେ ଏକ ନିର୍ଦ୍ଦିଷ୍ଟ ସୀମା ଠାରୁ ଅଧିକ ନେଣଦେଣ ହେବା ମାତ୍ରେ ଏହାର ଆଧାର ପ୍ରାମାଣିକତା କରିବାକୁ ହେବ। ତେବେ ଛୋଟ ଛୋଟ ବ୍ୟବସାୟ ପ୍ରତିଷ୍ଠାନଗୁଡ଼ିକ ବ୍ୟାଙ୍କ ସହ କାରବାର କରୁଥିବାରୁ ସେମାନଙ୍କର ଅସୁବିଧା ଦୂର କରିବା ଲାଗି ଏକ ଭିନ୍ନ ପନ୍ଥା ଆପଣାଯିବ ବୋଲି ସେ କହିଛନ୍ତି। ବ୍ୟାଙ୍କକୁ ନଗଦ ଜମା ପାଇଁ ଯାଉଥିବା ଦୋକାନ ମାଲିକଙ୍କ କ୍ଷେତ୍ରରେ ଏକ ଭିନ୍ନ ପ୍ରାମାଣିକତା ବ୍ୟବସ୍ଥା ଆପଣାଯିବ ବୋଲି ସେ କହିଛନ୍ତି। ବଡ଼ ଧରଣର ନଗଦ କାରବା କଳାଧନ ସୃଷ୍ଟି କରୁଥିବାରୁ ଏହାକୁ ରୋକିବା ଲାଗି ସରକାର ନିରନ୍ତର ପ୍ରୟାସ ଚଳାଇଛନ୍ତି। କଳାଧନର ସ୍ରୋତ ସମ୍ପର୍କରେ ଜାଣିବା ଲାଗି ପ୍ରୟାସ ଜାରି ରହିଥିବା ବେଳେ ବଡ଼ ମାତ୍ରାରେ ଗହଣା, ଘଣ୍ଟା, ସମ୍ପତ୍ତି ଆଦି କିଣିବା କ୍ଷେତ୍ରରେ ନଗଦ କାରବାର ଉପରେ ସରକାର ଦୃଷ୍ଟି ରଖୁଛନ୍ତି।


All Right Reserved By Dharitri.Com

Posted inUncategorized View All

କ୍ୟାନ୍‌ସର ଦୂରକରେ ଚା

ନୂଆଦିଲ୍ଲୀ: ଶୀତଦିନେ ଚା’ର ମଜା ନିଆରା। ଏମିତିକି ଭାରତରେ ଲୋକମାନେ କପେ ଚା’କୁ ଅନେକ ଗୁଡ଼ିଏ ସମସ୍ୟାର ସମାଧାନ ବୋଲି ଭାବନ୍ତି। ଥକାପଣ ମେଣ୍ଟାଇବା, ଥଣ୍ଡା...

୮ ମାସର ଶିଶୁପୁତ୍ରକୁ ଚେଙ୍କ

ଉମରକୋଟ,୬ା୨(ଡି.ଏନ.ଏ): ରୋଗରେ ଆକ୍ରାନ୍ତ ଶିଶୁଙ୍କୁ ଚେଙ୍କ ନ ଦେଇ ଆବଶ୍ୟକ ଚିକିତ୍ସା କରିବାକୁ ଲୋକମାନଙ୍କୁ ସଚେତନ କରାଯାଉଛି। ତଥାପି ଅନ୍ଧବିଶ୍ୱାସର ବଶବର୍ତ୍ତୀ ହୋଇ ପରିବାର ଲୋକ...

ନ୍ୟାୟ ହିନ୍ଦୁ ସମାଜ ସପକ୍ଷରେ ଯିବ ବୋଲି ଆଶା କରୁଛୁ: ଭୈୟାଜୀ

ଭୁବନେଶ୍ୱର, ୧୯ା୧୦(ବ୍ୟୁରୋ): ସାରା ଦେଶରେ ଜାତୀୟ ନାଗରିକ ପଞ୍ଜିକା(ଏନ୍‌ଆରସି) ଲାଗୁ ହେବା ଉଚିତ। ଦେଶରେ ଅନୁପ୍ରବେଶ କରିଥିବା ବ୍ୟକ୍ତିଙ୍କୁ ଚିହ୍ନଟ କରି ଏକ ରାଷ୍ଟ୍ରୀୟ ନୀତି...

ଭାରତରେ ଆଙ୍ଗ୍ଲୋଇଣ୍ଡିଆନଙ୍କ ସ୍ଥିତି

ଶରତ ଚନ୍ଦ୍ର ମିଶ୍ର ଆ ମ ଦେଶ ସ୍ବାଧୀନ ହେଲା ପରେ କେତେକ ବର୍ଗର ବ୍ୟକ୍ତିଙ୍କ ସଂଖ୍ୟା ହ୍ରାସ ହେଲା। ଦେଶ ବିଭାଜନ ସମୟରେ ଉତ୍ତର...

ସିରିଜ୍‌ ପୋଛିଲା ଇଂଲଣ୍ଡ

ଲିଡ୍ସ,୨୦।୫- ଏଠାରେ ପାକିସ୍ତାନ ବିପକ୍ଷରେ ଖେଳାଯାଇଥିବା ୫ମ ତଥା ଅନ୍ତିମ ଦିନିକିଆ ମ୍ୟାଚ୍‌ରେ ଇଂଲଣ୍ଡ ୫୪ ରନ୍‌ରେ ବିଜୟ ହାସଲ କରିଛି। ଏଥିସହ ଇଂଲଣ୍ଡ ଏକମାତ୍ର...

ବାଇକ୍‌ ଲୁଟେରା ଗ୍ୟାଙ୍ଗ୍‌ର ପର୍ଦ୍ଦାଫାଶ ୪ ଗିରଫ, ୧୦ ବାଇକ୍‌ ଜବତ

ନୟାଗଡ଼ ଅଫିସ,୨୪ା୯: ନୟାଗଡ଼ ଟାଉନ ଥାନା ପୋଲିସ ଏକ ବାଇକ୍‌ ଲୁଟେରା ଗ୍ୟାଙ୍ଗର ପର୍ଦ୍ଦାଫାଶ କରିଛି। ଏହି ଗ୍ୟାଙ୍ଗର ୪ ଜଣଙ୍କୁ ପୋଲିସ ଗିରଫ କରିଥିବାବେଳେ...

ତୁଟିଲା ବିବାଦ: ୩ରୁ ବାଂଲାଦେଶ-ଭାରତ ସିରିଜ୍‌

ଢାକା,୨୪।୧୦- ଆସନ୍ତା ୩ ତାରିଖରୁ ଭାରତ ଓ ବାଂଲାଦେଶ ମଧ୍ୟରେ ଆରମ୍ଭ ହେବାକୁ ଥିବା ଟି୨୦ ସିରିଜ୍‌ରୁ ଅନିଶ୍ଚିତତାର କଳା ବାଦଲ ହଟି ଯାଇଛି। ବାଂଲାଦେଶର...

ବିଭିନ୍ନ ଦାବିରେ ଗ୍ରାସୀମ କମ୍ପାନୀ ଠିକା ଶ୍ରମିକଙ୍କ ଧାରଣା

ଗଞ୍ଜାମ,୧୫।୨(ଡି.ଏନ୍‌.ଏ.): ବିଭିନ୍ନ ଦାବି ନେଇ ଗଞ୍ଜାମ ସହର ନିକଟ ଗ୍ରାସୀମ କମ୍ପାନୀ ସମ୍ମୁଖରେ ଶନିବାର ଠିକା ଶ୍ରମିକ ସଙ୍ଘ ପକ୍ଷରୁ ଧାରଣା ଦିଆଯାଇଛି। ଶତାଧିକ ମହିଳା...

Leave a comment

Your email address will not be published. Required fields are marked *