ମାତିଛନ୍‌ ଜଂଗଲି ବର୍‌ହା, ଉଜାଡୁଛନ୍‌ ଫସଲ: ମଚାନ୍‌ ବାଁଧି ଫସଲ ଜୁଗିଛେ ଚାଷୀ

ବିନିକା, ୧୩ା୫(ଡି.ଏନ୍‌.ଏ.):  ବିନିକା ବ୍ଲକ ଅଂଚଲରେ ଏହେଦେ ଚାଷୀ ରବିଧାନ ଫସଲ କରିଛନ୍‌। ଫସଲ ଅମଲ କରବାର ସମିଆ ପାଖେଇ ଆଏଲାନ, ଧାନ ମଥା ନଇଁ ଲପ୍‌ଲପେଇ ଯାଉଛେ। ଅଂଚଲର ଚାଷୀ ଇଥର ଭଲ ଅମଲ ହେବାର ଆଶ୍‌ ବାଁଧି ବସିଛେ। ହେଲେ ଏନ୍‌ତାଥି ଦାଉ ସାଧୁଛନ୍‌ ଜଂଗଲି ବର୍‌ହା। ବିନିକା ବ୍ଲକର ସିଂଘିଯୁବା, ଜାମପାଲି, ପାପି, ଭଣ୍ଡାର, ସର୍ଗୁଣା, କଦଲୀପାଲି, ଅମରପାଲି, ଅନ୍ତର୍ଡ଼ା, ମହୁଲପାଲି ଚରଦା, ବାଞ୍ଜିପାଲି, ସିଆଲଜୁରୀ, ନକ୍‌ଟାମୁଣ୍ଡା, ପଥରଖଣ୍ଡି, ମହଦା, ସିଆଲି, ଅମାମୁଣ୍ଡା ମଉଜାମାନକେ ଜଂଗଲି ବର୍‌ହା ମାତିଛନ୍‌। ବର୍‌ହା ଧାନ୍‌ଖେତ୍‌କେ ପସି ମଡ଼ାଦଲା କରବାର ସଂଗେ ଫସଲ ଉଜାଡ଼ି ଦେଉଛନ୍‌। ଇଥିରଲାଗି ଫିଦିନ ଚାଷୀକର ବଡ଼ଭାରି ନୁକ୍‌ସାନ ହେଉଛେ। ଅନେକ ଜାଗାରେ ଚାଷୀ ଖେତ୍‌ମାନକେ ମଚାନ୍‌ ବଁଧି ଦିନ୍‌ରାଏତ୍‌ ବର୍‌ହା ଖେଦ୍‌ବାର ଲାଗି  ଜୁଗିରହିଛନ୍‌। ବିଭାଗୀୟ ଅଧ୍‌କାରୀମାନକୁ ଇ ବାବ୍‌ଦେ ଯେତେ କହେଲେ ନାଇଁ ଶୁନୁଥିବାର ଚାଷୀ ମହଲରୁ ଅଭିଯୋଗ ହେଉଛେ। ଗଲା ଖରିଫ୍‌ରେ ବି ବର୍‌ହା ଉପଦ୍ରବରେ ଅନେକ ଚାଷୀକର ଫସଲ ଖରାପ ହେଇଥିଲା। ହେଲେ ଯେନ୍‌ହିସାବେ ଚାଷୀକର କ୍ଷତି ହେଇଥିଲା ସେ ହିସାବେ କ୍ଷତିପୂରନ ନାଇଁମିଲି। ଗଲା ଖରିଫ୍‌ରେ ବର୍‌ହା ଉପଦ୍ରବର କ୍ଷୟକ୍ଷତି ବାବ୍‌ଦେ ୫ରୁ ୬ ଏକର ପଟ୍ଟାଧାରୀ ଚାଷୀକୁ ୯ଶହରୁ ୧୨ଶହ ଟଁକା ତକ୍‌ ମିଲିଥିଲା। ଯେନ୍‌ଟା ଚାଷୀର କ୍ଷତିର ୫ ଭାଗ୍‌ ବି ଭରନା ନାଇଁ ହେଇପାରି। ବିନିକା ଅଂଚଲର ଚାଷୀ ଗୁଟେ ପରେ ଗୁଟେ ଅସବିଧାର ସାମନା କରୁଛନ୍‌। କେତେବେଲେ ପାଏନ୍‌ ଅଭାବୁ ଚାଷ୍‌ ମରୁଛେ ତ ଆର କେତେବେଲେ ରୋଗ୍‌ପୋକ୍‌, ଜଂଗଲି ବର୍‌ହାକର ଉତ୍‌ପାତରେ ଫସଲ ମାଡ଼ ଖାଉଛେ। ଏହେଦେ ରବିଧାନ ଫସଲ ଅମଲ ହେବାର ପାସ ପାସ ହେଲାନ। ଇ ସମିଆରେ ଜଂଗଲ ତରାମାନକେ ଥିବାର ଗଁାମାନ୍‌କେ ଜଂଗଲି ବର୍‌ହା ଚାଷୀକର ଫସଲ ଉଜାଡ଼ୁଛନ୍‌। ବେଲବୁଡ଼ଲେ ଦଲ ଦଲ ବର୍‌ହା ଖେତ୍‌ମାନକୁ ପସି ଫସଲ ମାଡ଼ିଦଲି କେଚ୍‌କେଚା କରିପକଉଛନ୍‌। ଏନ୍‌ତାଥି ଫସଲର ବଡ଼ଭାରି ନୁକ୍‌ସାନ ହେଉଥିବାର ଚାଷୀମାନେ ଅଭିଯୋଗ କରିଛନ୍‌। ଇ ବାବ୍‌ଦେ ଚାଷୀ ବିଦ୍ୟାଧର ସାହୁକୁଁ ପଚରାଲାରୁ ଫିବଛର ଧାନ ଫସଲ ଅମଲ କରବାର ଆଗ୍‌ରୁ ଜଂଗଲି ବର୍‌ହା ଉପଦ୍ରବ କରୁଛନ୍‌। ଖରିଫ୍‌ ଆର ଡାଲୁଅ ଦୁଇ ଫସଲରେ ବର୍‌ହାକର ଉପଦ୍ରବରେ ବଡ଼ଭାରି ନୁକ୍‌ସାନ ହେଉଛେ। ହେଲେ ଚାଷୀ ସେ ହିସାବେ କ୍ଷତିପୂରନ ନାଇଁ ପାଏବାର। ସରକାରୀ ନିୟମ ହିସାବେ ଚାଷୀକୁ ୧୫ ଦିନ୍‌ ଭିତରେ କ୍ଷତିପୂରନ୍‌ ଯୁଗେଇ ଦେବାର କଥା, ହେଲେ କିଏ କାହାକେ ପଚରଉଛେ ବଲି ସେ କହିଥିଲେ। ସେନ୍‌ତା ଚାଷୀ ଚୌବନ ସାହୁକେ ପଚରାଲାରୁ ଫିବଛର ଇ ଜଂଗଲି ବର୍‌ହାକର ଉତ୍‌ପାତ୍‌ ଗୁଟେ ମୁଡ଼୍‌ଦୁଖା ହେଇଗଲାନ ଆଗିଅଁା। ଯାହାକେ କହେଲେ କେହି ନାଇଁ ଶୁନବାର। ଗଲା ବଛର୍‌ ହେଇଥିବାର କ୍ଷୟକ୍ଷତିର ଟଁକା ଆଏଜ୍‌ଯାଏ ନୂହେମିଲେ। ଧାନ୍‌ ଅମଲ କରବାର ଆଗ୍‌ରୁ ଖେତେ ମଚାନ୍‌ ବଁାଧି ଦିନ୍‌କେ ରାଏତ୍‌ ଜୁଗବାକେ ପଡ଼ୁଛେ ବଲି ସେ କହିଥିଲେ।  ଇ ଦିଗେ ବନବିଭାଗ ଦୁରୁଷ୍‌ଟି ଦେଇ କ୍ଷତିଗ୍ରସ୍ତ ଚାଷୀକୁ ଚିନ୍‌ହଁଟ କରବାର ସଂଗେ ଯେତେ ଜଲଦି ହେବା କ୍ଷତିପୂରନ ଯୁଗେଇ ଦେବାକେ ଅଂଚଲର ଚାଷୀମାନେ ଦାବି କରିଛନ୍‌।


All Right Reserved By Dharitri.Com

ନୂଆଗାଁ ବ୍ଲକରେ ଆବଶ୍ୟକଠାରୁ ୮୦ ପ୍ରତିଶତ କମ୍‌ ବର୍ଷା

ନୂଆଗାଁ, ୨୫।୭ (ଡି.ଏନ.ଏ.)-ଶ୍ରାବଣରେ ବର୍ଷା ନାହିଁ। ଚାଷ କାର୍ଯ୍ୟ ସମ୍ପୂର୍ଣ୍ଣ ଠପ୍‌। ଚାଷୀଙ୍କୁ କେବଳ ଭଗବାନ ଭରଷା କହିଲେ କିଛି ଅତ୍ୟୁକ୍ତି ହେବନାହିଁ। ସୁନ୍ଦରଗଡ଼ ଜିଲା...

ବସ୍‌ ବାଇକ୍‌ ମୁହାଁମୁହିଁ: କଲେଜ ଛାତ୍ରୀଙ୍କ ସହ ୨ ମୃତ

ଦେବଗଡ଼,୯।୭(ଡି.ଏନ୍‌.ଏ.): ଦେବଗଡ଼ ଥାନା ଅନ୍ତର୍ଗତ ହଦମୁଣ୍ଡା ଘାଟି ନିକଟସ୍ଥ ୫୩ ନଂ ଜାତୀୟ ରାଜପଥରେ ମଙ୍ଗଳବାର ଏକ ବସ୍‌ ଓ ବାଇକ୍‌ ମଧ୍ୟରେ ମୁହାଁମୁହିଁ ଧକ୍କା...

ବଡଗାଁ ତହସିଲରେ ସରକାରୀ ନିୟମ କାମରେ ଆସୁନି: ୨ମାସ ପରେ ମଧ୍ୟ ମିଳୁନାହିଁ ପ୍ରମାଣପତ୍ର

ବଡ଼ଗାଁ, ୨୫।୬ (ଡି.ଏନ.ଏ)- ସରକାର ଲୋକଙ୍କ ସୁବିଧା ପାଇଁ ଅନେକ ନିୟମ ପ୍ରଣୟନ କରି କର୍ମଚାରୀମାନଙ୍କୁ ନିର୍ଦ୍ଦେଶନାମା ଜାରି କରିଛନ୍ତି। ହେଲେ କାର୍ଯ୍ୟରେ ଅବହେଳା କରୁଥିବା...

ସୁଖ୍‌ ଶିଆଁତି ଛଡ଼େଇ ନେଲା ଇନ୍ଦ୍ରାବତୀ ପ୍ରକଳ୍ପ: ମଉଲିକ୍‌ ସୁବିଧାରୁ ବଁଚିତ୍‌ ଘୁଟୃଖାଲବାସୀ

ଭବାନୀପାଟଣା, ୨୬ା୪ (ଡିଏନଏ):  ଇନ୍ଦ୍ରାବତୀ ପ୍ରକଳ୍ପ ତିଆର ହେବା, ଆସର ପାସର ହାଁଗଁଡ଼ାର ଲୋକ୍‌ ସବୁ ପରକାର ମଉଲିକ ସୁବିଧା ସୁଯୋଗ ପାଏବେ। ପିଲାମାନେ  ପାଠ୍‌...

ତଲାବିରା କୋଇଲା ଖଣି ବିବାଦ: ବଳପୂର୍ବକ ଆନ୍ଦୋଳନକାରୀଙ୍କୁ ଘଉଡ଼ାଇଲା ପୋଲିସ

ସମ୍ବଲପୁର, ୧୩।୨ (ବ୍ୟୁରୋ)- ସମ୍ବଲପୁର ରେଙ୍ଗାଲି ତହସିଲ ତଲାବିରା କୋଇଲା ଖଣି ୧ ଓ ୨ରେ ବିବାଦ ଲାଗି ରହିଛି । କୋଇଲା ଖଣିରେ ଅଞ୍ଚଳବାସୀ...

ଖରିଫ୍‌ ଧାନ ଶସ୍ୟବୀମା ପ୍ରଦାନ କରା ନ ଗଲେ ଆନ୍ଦୋଳନକୁ ଓହ୍ଲାଇବେ ଚାଷୀ

ଜମନକିରା,୩୦।୧(ଡି.ଏନ୍‌.ଏ.): ସମ୍ବଲପୁର ଜିଲା କୁଚିଣ୍ଡା ଉପଖଣ୍ଡ ଚାଷୀଙ୍କୁ ୨୦୧୮ ମସିହାର ଖରିଫ୍‌ ଧାନଚାଷ ବୀମାରାଶି ପ୍ରଦାନ ନେଇ ଉଭୟ ପ୍ରଶାସନ ଓ ବୀମା କମ୍ପାନୀ ବିଭିନ୍ନ...

କେସିଙ୍ଗା ବ୍ଲକରେ ଶାନ୍ତିଶୃଙ୍ଖଳା ଭାବେ ରଥଯାତ୍ରା ପାଳିତ

କେସିଙ୍ଗା,୪।୭(ଡି.ଏନ.ଏ.): କଳାହାଣ୍ଡି ଜିଲା କେସିଙ୍ଗା ବ୍ଲକର ବିଭିନ୍ନ ଗ୍ରାମରେ ରଥଯାତ୍ରା ଗୁରୁବାର ଶାନ୍ତିଶୃଙ୍ଖଳାର ସହିତ ପାଳିତ ହୋଇଯାଇଛି। ସହରରେ ଥିବା ଶ୍ରୀଜଗନ୍ନାଥ ମନ୍ଦିରରେ ବଳଭଦ୍ର, ଶୁଭଦ୍ରା...

୩ରେ ଗଣପର୍ବ ନୂଆଁଖାଇ: ଧାର୍ଯ୍ୟ ହେଲା ଲଗ୍ନ, ଇଷ୍ଟଦେବୀ ସମଲେଇଙ୍କୁ ଲଗ୍ନପତ୍ର ଅର୍ପଣ

ସମ୍ବଲପୁର, ୨୫।୮(ବ୍ୟୁରୋ): ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ପାଇଁ ଲଗ୍ନ ଧାର୍ଯ୍ୟ ହୋଇଛି। ଆସନ୍ତା ସେପ୍ଟେମ୍ବର ୩ ତାରିଖ ଭାଦ୍ରବ ଶୁକ୍ଳପକ୍ଷ ପଞ୍ଚମୀ ତିଥିରେ ଇଷ୍ଟଦେବୀ...

Leave a comment

Your email address will not be published. Required fields are marked *