ଦୁର୍ଘଟଣାରେ ଅଚଳ ହୋଇଛି ଡାହାଣ ଗୋଡ଼, ସହାୟତା ଆଶାରେ ଜିଲାପାଳ ଅଫିସ ଆସିଥିଲେ: ପୋଲିସ କର୍ମଚାରୀ ଦେଖାଇଲେ ମାନବିକତା

ବରଗଡ଼ ଅଫିସ୍‌,୨୨।୭-ଅନେକ ସମୟରେ କିଛି ପୋଲିସ କର୍ମଚାରୀ ନିଜ ଖାକି ବର୍ଦ୍ଦିର ଅପବ୍ୟବହାର କରିଥାନ୍ତି । କେତେବେଳେ ଦାଦାଗିରି ତ ଆଉ କେବେ ଲୁଟ୍‌ପାଟ୍‌, ମାଡ଼ପିଟ୍‌ ଘଟଣାରେ ସମ୍ପୃକ୍ତ ରହିବା ଯୋଗୁ ପୋଲିସକୁ ବହୁତ ସମାଲୋଚିତ ହେବାକୁ ପଡ଼ିଥାଏ। ତେବେ ସୋମବାର ବରଗଡ଼ ଜିଲାପାଳ ଅଫିସରେ ଜଣେ ଖାକି ବର୍ଦ୍ଦିଧାରୀ ପୋଲିସ କର୍ମଚାରୀ ଏ.ଏ କୁମାର ଭଲଭାବେ ଚାଲିପାରୁ ନଥିବା ଅନ୍ୟଜଣେ ଅର୍ଥାତ୍‌ ଭଟଲି ଥାନା ଉର୍ଦ୍ଦୁନା ନିକଟ ଝାଙ୍କରପାଲି ନିବାସୀ ବୃନ୍ଦାବନ କୁମ୍ଭାରଙ୍କୁ କାନ୍ଧେଇ ଧରି ତାଙ୍କୁ ଚାଲିବାରେ ସହଯୋଗ କରିବା ସହିତ ଜିଲାପାଳ ଅଫିସ ବାହାର ପର୍ଯ୍ୟନ୍ତ ନେଇ ନିଜ ମାନବିକତାକୁ ଉପସ୍ଥାପନ କରି ପାରିଛନ୍ତି ।

ସୂଚନା ଅନୁଯାୟୀ, ଗତ ମାର୍ଚ୍ଚ ୧୮ତାରିଖ ବୃନ୍ଦାବନ ଏକ ସଡ଼କ ଦୁର୍ଘଟଣାରେ ଆହତ ହୋଇଥିଲେ । ସେ ଏକ ବାଇକ୍‌ ଯୋଗେ ଯାଉଥିବାବେଳେ ଅନ୍ୟ ଏକ ଅଟୋ ତାଙ୍କୁ ଧକ୍କା ଦେଇଥିଲା । ଫଳରେ ସେହିଦିନଠାରୁ ତାଙ୍କ ଡାହାଣ ଗୋଡ଼ ଅଚଳ ହୋଇ ପଡ଼ିଛି । ଭୀମସାର୍‌, ବୁର୍ଲା ଡାକ୍ତରଖାନାରେ ଭର୍ତ୍ତି ହୋଇଥିଲେ ମଧ୍ୟ ସେ ସମ୍ପୁର୍ଣ୍ଣ ଆରୋଗ୍ୟ ଲାଭ କରି ପାରି ନାହାନ୍ତି । ତାଙ୍କ ଉଚ୍ଚତର ଚିକିତ୍ସାର ଆବଶ୍ୟକତା ରହିଛି ଏବଂ ଏଥିପାଇଁ ଅଧିକ ଟଙ୍କା ଦରକାର । ମାତ୍ର କୁଳି, ମଜୁରୀ କରି ପରିବାର ଗୁଜୁରାଣ ମେଣ୍ଟାଉଥିବା ବୃନ୍ଦାବନଙ୍କ ପକ୍ଷରେ ତାହା ଯୋଗାଡ଼ କରିବା ସମ୍ଭବ ହେଉ ନାହିଁ । ସେ ସୁସ୍ଥ ଥିବାବେଳେ କୁଳିକାମ କରି ଯାହା ରୋଜଗାର କରୁଥିଲେ, ସେଥିରେ ସେ ପରିବାର ପୋଷଣ କରିଥିଲେ । ଝିଅପୁଅଙ୍କ ପାଠପଢ଼ା ଖର୍ଚ୍ଚ ମଧ୍ୟ ସେଥିରୁ ବାହାର କରୁଥିଲେ । ମାତ୍ର ଏବେ ସେ ଆଉ କାମଧନ୍ଦା କରି ପାରୁ ନଥିବାବେଳେ ସ୍ତ୍ରୀ ସୁକାନ୍ତୀ ମଧ୍ୟ ଅସୁସ୍ଥ ଅଛନ୍ତି । ଫଳରେ ଝିଅପୁଅଙ୍କ ଭବିଷ୍ୟତକୁ ନେଇ ଯେଉଁ ସ୍ବପ୍ନ ଦେଖିଥିଲେ, ତାହା ମଧ୍ୟ ଉଜୁଡ଼ିବାରେ ଲାଗିଛି । ବୃନ୍ଦାବନଙ୍କ ୨ଝିଅ, ୨ପୁଅ। ପୁଅ ଶିବା ଯୁକ୍ତ ଦୁଇ, ଦେବା ସପ୍ତମ, ଜଗା ଅଷ୍ଟମ ଏବଂ ଝିଅ ଝରଣା ସପ୍ତମ ପଢ଼ୁଥିବାବେଳେ ସାନଝିଅ ଜ୍ୟୋତ୍ସ୍ନା ଅଙ୍ଗନୱାଡ଼ି କେନ୍ଦ୍ରକୁ ଯାଉଛନ୍ତି ।

ଏଭଳି ସ୍ଥିତିରେ ପଡ଼ିଥିବା ବୃନ୍ଦାବନ ସୋମବାର ଜିଲାପାଳ ଅଫିସକୁ ସହାୟତା ମିଳିବା ଆଶା ନେଇ ଆସିଥିଲେ । ଘରୁ ସେ ବାହାରି ରାସ୍ତାରେ ଆସୁଥିବା ଏକ କମାଣ୍ଡର ଜିପ୍‌ରେ ବରଗଡ଼ ଗାନ୍ଧୀଛକ ପର୍ଯ୍ୟନ୍ତ ଆସିଥିଲେ। ସେଠାରେ କଷ୍ଟେମଷ୍ଟେ ହାତରେ ବାଡ଼ିର ସାହାଯ୍ୟ ନେଇ ଗୋଟିଏ ଗୋଡ଼ରେ ଜିଲାପାଳ ଅଫିସ ପହଞ୍ଚିଥିଲେ। ଜିଲାପାଳ ଇନ୍ଦ୍ରମଣି ତ୍ରିପାଠୀଙ୍କୁ ଭେଟି ଏକ ସ୍ମାରକପତ୍ର ପ୍ରଦାନ ସହିତ ସହାୟତା ପାଇଁ ଗୁହାରୀ ମଧ୍ୟ କରିଥିଲେ । ତେବେ ଜିଲାପାଳ ଅଫିସରୁ ସେ ଯେତେବେଳେ ବାହାରକୁ ଆସୁଥିଲେ, ସେହି ସମୟରେ ପୋଲିସ କର୍ମଚାରୀ ଏ.ଏ କୁମାରଙ୍କ ଦୃଷ୍ଟିରେ ସେ ପଡ଼ିଥିଲେ। ଏହାପରେ ସେହି ପୋଲିସ କର୍ମଚାରୀ ବୃନ୍ଦାବନଙ୍କୁ କାନ୍ଧେଇ ଜିଲାପାଳ ଅଫିସରୁ ବାହାରକୁ ଆଣୁଥିଲେ ଏବଂ ପରେ ଅନ୍ୟଜଣେ ତାଙ୍କୁ ଗାଡ଼ିରେ ବସାଇ ଗାନ୍ଧୀଛକ ଟ୍ୟାକ୍ସିଷ୍ଟାଣ୍ଡକୁ ନେଇ ଛାଡ଼ି ଆସିଥିଲେ । ପୋଲିସ କର୍ମଚାରୀଙ୍କ ଏଭଳି ମାନବିକତାକୁ ବିଭିନ୍ନ ମହଲରେ ପ୍ରଶଂସା କରାଯାଉଛି ।


All Right Reserved By Dharitri.Com

ରାଜ୍ୟସ୍ତରୀୟ ଲୋକ ମହୋତ୍ସବ ପ୍ରସ୍ତୁତି ବୈଠକ:‘ଅବହେଳାର ଶିକାର କଳାକାର’

ଅନୁଗୋଳ ଅଫିସ, ୨୦।୮ ରାଜ୍ୟସ୍ତରୀୟ ଲୋକ ମହୋତ୍ସବ ପାଇଁ ଅନୁଗୋଳ ଜିଲାର ବିଭିନ୍ନ ବ୍ଲକର କଳାକାରମାନଙ୍କ ଉପସ୍ଥିତିରେ ସୋମବାର କଣିହାଁ ବ୍ଲକ ଟାକୁଆ ଗ୍ରାମସ୍ଥିତ ଶିବ...

ଭୋଟ ପୂର୍ବରୁ ଚାଲିଲାଣି ବାକ୍‌ଯୁଦ୍ଧ

ଭୁବନେଶ୍ୱର,୩୦ା୯(ବ୍ୟୁରୋ) : ବିଜେପୁର ଉପନିର୍ବାଚନ ନେଇ ୩ ପ୍ରମୁଖ ଦଳର ପ୍ରାର୍ଥୀ ଚୂଡ଼ାନ୍ତ ହୋଇଛି। ଶନିବାର ବିଜେଡି ପକ୍ଷରୁ ପୂର୍ବତନ ବିଧାୟିକା ରୀତା ସାହୁଙ୍କୁ ପ୍ରାର୍ଥୀ...

ବଢ଼ିଲା ବନ୍ୟା ମୁକାବିଲା ଚିନ୍ତା

କଟକ ଅଫିସ, ୧୫|୮:ଲଗାଣ ବର୍ଷା ଯୋଗୁ ପଶ୍ଚିମ ଓଡ଼ିଶା ପରେ ଉପକୂଳରେ ଦେଖାଦେଇଛି ବନ୍ୟା ପରିସ୍ଥିତି। ବୁଧବାର ସନ୍ଧ୍ୟା ସୁଦ୍ଧା ମହାନଦୀରେ ବନ୍ୟାଜଳ ଉଛୁଳିବାରୁ ନଦୀକୂଳିଆ...

ବାଲୁଗାଁରେ କଲେଜ ଛାତ୍ରୀଙ୍କୁ ଗଳାକାଟି ହତ୍ୟା, ୨ ଅଟକ

ବାଲୁଗାଁ,୧୫।୧୨(ଡି.ଏନ.ଏ.): ଖୋର୍ଦ୍ଧା ଜିଲା ବାଲୁଗାଁ ଥାନା ଅନ୍ତର୍ଗତ ୫ନଂ.ଓ୍ବାର୍ଡ ଅଧୀନ ଗଙ୍ଗାନଗର ଅଞ୍ଚଳରେ ଶନିବାର ରାତିରେ ଜଣେ କଲେଜ ଛାତ୍ରୀଙ୍କୁ ଗଳାକାଟି ହତ୍ୟା କରାଯାଇଛି। ମୃତ...

ସ୍ବାଧୀନତା ଦିବସ ପାଇଁ ପ୍ରସ୍ତୁତି ବୈଠକ: ପରେଡ୍‌ରେ ଅଂଶଗ୍ରହଣ କରିବେ ୫୦ ଦଳ

ଅନୁଗୋଳ ଅଫିସ, ୧୭।୭- ଅନୁଗୋଳ ଜିଲାସ୍ତରୀୟ ସ୍ବାଧୀନତା ଦିବସ ପାଳନ ପାଇଁ ମଙ୍ଗଳବାର ଜିଲାପାଳଙ୍କ ସମ୍ମିଳନୀ କକ୍ଷରେ ଏକ ପ୍ରସ୍ତୁତି ବୈଠକ ଜିଲାପାଳ ମନୋଜ କୁମାର...

କୃତ୍ରିମ ଅଙ୍ଗ ତିଆରି ଉପରେ ଗୁରୁତ୍ୱ ଦେବେ ସରକାର

ଭୁବନେଶ୍ୱର,୧୧ା୧(ବ୍ୟୁରୋ): ଦିବ୍ୟାଙ୍ଗଙ୍କ ଲାଗି କୃତ୍ରିମ ଅଙ୍ଗ ନିର୍ମାଣ ଉପରେ ଅଧିକ ଗୁରୁତ୍ୱ ଦେବେ ରାଜ୍ୟ ସରକାର। ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ବିଭାଗ ଏ...

ଓଏଫ୍‌ଏସ୍‌ ଅଫିସରଙ୍କୁ ବାଧ୍ୟତାମୂଳକ ଅବସର, ଡିଏଫ୍‌ଓ ଥିବା ବେଳେ ପଡ଼ିଥିଲେ ଭିଜିଲାନ୍ସ ଜାଲରେ

ଭୁବନେଶ୍ୱର,୧୦।୧୦(ବ୍ୟୁରୋ): ପୁଣି ଜଣେ ଦୁର୍ନୀତିଗ୍ରସ୍ତ ଅଫିସରଙ୍କୁ ଗୁରୁବାର ବାଧ୍ୟତାମୂଳକ ଅବସର ଦିଆଯାଇଛି। ସେ ହେଲେ ଓଏଫ୍‌ଏସ୍‌ ଅଫିସର ତଥା ପୂର୍ବତନ ଡିଏଫ୍‌ଓ ସୁଧାଂଶୁ ଶେଖର ମିଶ୍ର।...

ଲୁହାଭାରାରୁ ମୁକୁଳିବ ବିଶ୍ୱ ଐତିହ୍ୟ

ଭୁବନେଶ୍ୱର,୪-୯(ବ୍ୟୁରୋ)/ କୋଣାର୍କ (ଡି.ଏନ୍‌.ଏ):ଶେଷରେ ଲୌହଭାରାରୁ ମୁକୁଳିବ ବିଶ୍ୱ ଐତିହ୍ୟ କୋଣାର୍କ ସୂର୍ଯ୍ୟ ମନ୍ଦିର। ଦୀର୍ଘଦିନର ବାଦବିବାଦ ଏବଂ ଦାବି ପରେ କୋଣାର୍କ ମନ୍ଦିରରୁ ହଟିବ ଲୌହଭାରା।...

Leave a comment

Your email address will not be published. Required fields are marked *