ଲୁଟ୍‌ ସମ୍ପତ୍ତିର ମିଳୁନାହିଁ ପତ୍ତା :ଅନିଶ୍ଚିତତା ମଧ୍ୟରେ ତାଳଚେର-ଡୁବୁରୀ-ଚଣ୍ଡିଖୋଲ ୪ ଲେନ ନିର୍ମାଣ କାର୍ଯ୍ୟ

ଯାଜପୁର ଅଫିସ,୨୨ା୭ : ଜାତୀୟ ରାଜପଥ କର୍ତ୍ତୃପକ୍ଷ (ଏନ୍‌ଏଚ୍‌ଏଆଇ)ଙ୍କ ଅଧୀନରେ ତାଳଚେର-ଡୁବୁରୀ-ଚଣ୍ଡିଖୋଲ ୨୦୦ନମ୍ବର ଜାତୀୟ ରାଜପଥର ୪ଲେନ ନିର୍ମାଣ କାର୍ଯ୍ୟରେ ଠିକା ସଂସ୍ଥାର ଅବହେଳା ଯୋଗୁ ସରକାରଙ୍କ କୋଟି କୋଟି ଟଙ୍କା ପାଣିରେ ପଡ଼ିଛି। ଅବହେଳାରୁ ନିର୍ମାଣ କାର୍ଯ୍ୟ ତ ବନ୍ଦ ହୋଇଛି, ଏହାସହ ପ୍ରାୟ ୪୦କୋଟି ଟଙ୍କାର ମୂଲ୍ୟବାନ ସମ୍ପତ୍ତି ଲୁଟ୍‌ ହୋଇଛି। ଏହି ଲୁଟ୍‌ ସମ୍ପର୍କରେ ପୋଲିସ ନିକଟରେ ଅଭିଯୋଗ ହେବାର ୨ବର୍ଷ ପରେ ବି ଏହା ଉଦ୍ଧାର ହୋଇପାରି ନାହିଁ। ଲୁଟ ଯନ୍ତ୍ରାଂଶ ଉଦ୍ଧାର ନ ହୋଇପାରିବା ଯେତିକି ବିସ୍ମୟ ସୃଷ୍ଟି କରୁ ନାହିଁ ତାଠାରୁ ଅଧିକ ଆଶ୍ଚର୍ଯ୍ୟ କରୁଛି ପୋଲିସର ଶିଥିଳ କାର୍ଯ୍ୟାନୁଷ୍ଠାନ। ଏହି ସମ୍ପତ୍ତିର ସୁରକ୍ଷା ଦାୟିତ୍ୱରେ ଥିବା ଜେଡ୍‌ ପ୍ଲସ ସୁରକ୍ଷା ସେବା ପକ୍ଷରୁ ଯାଜପୁର ଜିଲାର ସୁକିନ୍ଦା, ଧର୍ମଶାଳା ଓ ଜେନାପୁର ଏବଂ ଢେଙ୍କାନାଳ ଜିଲାର ଭୁବନ ଓ କାମାକ୍ଷାନଗର ଥାନା ଅଧିକାରୀଙ୍କ ନିକଟରେ ବଳପୂର୍ବକ ଯନ୍ତ୍ରାଂଶ, ରାସ୍ତା ତିଆରି ଦ୍ରବ୍ୟ ଏବଂ ଆସବାବପତ୍ର ଇତ୍ୟାଦି ଲୁଟି ନେବା ସମ୍ପର୍କରେ ଲିଖିତ ସୂଚନା ଦିଆଯାଇଥିଲା। ଏଥିସହ ଏନ୍‌ଏଚ୍‌ଏଆଇ ଢେଙ୍କାନାଳ ପ୍ରକଳ୍ପ ନିର୍ଦ୍ଦେଶକ ମଧ୍ୟ ତାଙ୍କ ଅଭିଯୋଗ ପତ୍ର ସଂଖ୍ୟା ୮୮୯/୨୨ା୬ା୨୦୧୭ରେ ଯାଜପୁର ଓ ଢେଙ୍କାନାଳ ଏସ୍‌ପିଙ୍କ ଦୃଷ୍ଟି ଆକର୍ଷଣ କରିଥିଲେ। ଏହାସତ୍ତ୍ୱେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନାହିଁ। ପୋଲିସର କୋହଳ କାର୍ଯ୍ୟାନୁଷ୍ଠାନ ଯୋଗୁ ଲୁଟ ହୋଇଥିବା ମୂଲ୍ୟବାନ ସମ୍ପତ୍ତି ବାହାର ରାଜ୍ୟରେ ବିକ୍ରି କରାଯାଇଥିବା ସନ୍ଦେହ କରାଯାଉଛି।
ତାଳଚେର-ଡୁବୁରୀ-ଚଣ୍ଡିଖୋଲ ୨୦୦ନମ୍ବର ଜାତୀୟ ରାଜପଥର ଚାରିଲେନ ନିର୍ମାଣ କାର୍ଯ୍ୟ କୋର୍ସାନ କୋଭିୟମ୍‌ କନ୍‌ଷ୍ଟ୍ରକ୍ସନ ଠିକାସଂସ୍ଥାକୁ ଦାୟିତ୍ୱ ଦିଆଯାଇଥିଲା ା ଏହି କାର୍ଯ୍ୟ ଏନ୍‌ଏଚ୍‌ ୨୦୦ ନମ୍ବରର ୩୦୧.୮୯୦କି.ମି.ରୁ ୪୨୮.୦୩ କି.ମି. ପର୍ଯ୍ୟନ୍ତ ଏବଂ ୨୩ନମ୍ବର ଜାତୀୟ ରାଜପଥର ୮.୫୦ କି.ମି.ରୁ ୧୫.୭୫ କି.ମି. ପର୍ଯ୍ୟନ୍ତ ରାସ୍ତାର ଚାରିଲେନ ପାଇଁ ଏନ୍‌ଏଚ୍‌ଏଆଇ ପକ୍ଷରୁ ପ୍ରାୟ ୧୬୦୦ କୋଟି ଟଙ୍କା ବ୍ୟୟ ଅଟକଳ ହୋଇଥିଲା। ଉକ୍ତ ଠିକାସଂସ୍ଥା ପର୍ଯ୍ୟାୟକ୍ରମେ କେତେକ ପେଟି କଣ୍ଟ୍ରାକ୍ଟର/ସବ୍‌ କଣ୍ଟ୍ରାକ୍ଟରଙ୍କୁ ନିର୍ମାଣ ଦାୟିତ୍ୱ ଦେଇଥିଲା। ହେଲେ ଏନ୍‌ଏଚ୍‌ଏଆଇ ସହ ଚୁକ୍ତି ଅନୁସାରେ ସମ୍ପୃକ୍ତ ଠିକାସଂସ୍ଥା ଉପଯୁକ୍ତ ଭାବେ କାର୍ଯ୍ୟ ସମ୍ପାଦନ କରିପାରି ନ ଥିଲା। ଫଳରେ କୋର୍ସାନ କୋଭିୟମ୍‌ କନ୍‌ଷ୍ଟ୍ରକ୍ସନ ଠିକାସଂସ୍ଥା ସହ ଚୁକ୍ତିକୁ ୧୫ା୩ା୨୦୧୭ରେ ବାତିଲ କରି ଦିଆଯାଇଥିଲା। ଚୁକ୍ତି ବାତିଲ ପରେ ଉକ୍ତ ଠିକା ସଂସ୍ଥା ଭୁବନେଶ୍ୱରର ଜେଡ୍‌ ପ୍ଲସ ସୁରକ୍ଷା ସେବା ସଂସ୍ଥାକୁ ଭୁବନ, ଚଣ୍ଡିଖୋଲ, କାମାକ୍ଷାନଗରଠାରେ ଥିବା ବିଭିନ୍ନ କ୍ୟାମ୍ପଗୁଡ଼ିକରେ ସୁରକ୍ଷା ଦାୟିତ୍ୱ ଦେଇଥିଲା। ତେବେ ସମୟକ୍ରମେ ଉକ୍ତ ଠିକାସଂସ୍ଥା ବକୈୟା ପାଉଣା ସମାଧାନ ନ କରି ସ୍ଥାନ ଛାଡ଼ି ଚାଲିଯାଇଥିଲା। ଫଳରେ କ୍ୟାମ୍ପଗୁଡ଼ିକରେ କୋଟିକୋଟି ଟଙ୍କାର ଗ୍ରେଡର, ବେଚିଂ ପ୍ଲାଣ୍ଟ, କ୍ରଶର ଇତ୍ୟାଦି ଯନ୍ତ୍ରାଂଶ ଓ ଆସବାବପତ୍ର ରହିଯାଇଥିଲା। ଏନ୍‌ଏଚ୍‌ଏଆଇର ଗାଇଡ୍‌ଲାଇନ ଅନୁସାରେ ଠିକାସଂସ୍ଥାର ଚୁକ୍ତି ବାତିଲ ହେବା ପରେ ନିର୍ମାଣ ସାମଗ୍ରୀ ଓ ଯନ୍ତ୍ରପାତି ଭାରତ ସରକାରଙ୍କ ଏନ୍‌ଏଚ୍‌ଏଆଇ ଅଧୀନରେ ରହିଥାଏ। କିନ୍ତୁ ସେଠାରେ ନିୟୋଜିତ ଥିବା ପେଟି କଣ୍ଟ୍ରାକ୍ଟର ଓ ସବ୍‌କଣ୍ଟ୍ରାକ୍ଟର କାହାରିକୁ ନ ଜଣାଇ ଦାୟିତ୍ୱରେ ଥିବା ସୁରକ୍ଷା କର୍ମୀଙ୍କଠାରୁ ଜବରଦସ୍ତ ନିର୍ମାଣ ସାମଗ୍ରୀ ଲୁଟ କରିନେଇଥିଲେ। ଏନେଇ ଜେଡ୍‌ ପ୍ଲସ ସୁରକ୍ଷା ସଂସ୍ଥା ଧର୍ମଶାଳା, ଚଣ୍ଡିଖୋଲ, ଜେନାପୁର, ଭୁବନ ଓ କାମାକ୍ଷାନଗର ଥାନାରେ ୧୯ା୬ା୨୦୧୭ରେ ସୁରକ୍ଷା ସଂସ୍ଥାର ମ୍ୟାନେଜିଂ ପାର୍ଟନର କୃଷ୍ଣଚନ୍ଦ୍ର ସ୍ବାଇଁ ଅଭିଯୋଗ ଦାଏର କରିଥିଲେ। ଉକ୍ତ ଅଭିଯୋଗରେ ଦର୍ଶାଯାଇଥିଲା ଯେ, ଠିକାସଂସ୍ଥାର ଆର୍ଥିକ ଅବନତି ଯୋଗୁ ଏନ୍‌ଏଚ୍‌ଏଆଇ କର୍ତ୍ତୃପକ୍ଷ କାର୍ଯ୍ୟରୁ ନିଲମ୍ବିତ କରାଯାଇଛି। ଏହି ସମୟ ମଧ୍ୟରେ କୋର୍ସାନ କୋଭିୟମ୍‌ କନ୍‌ଷ୍ଟ୍ରକ୍ସନ ଠିକାସଂସ୍ଥା ନିୟୋଜିତ କରିଥିବା ସବ୍‌କଣ୍ଟ୍ରାକ୍ଟର ଓ ତାଙ୍କ ସହଯୋଗୀ ଠିକାଦାରମାନେ ଚଣ୍ଡିଖୋଲ ଅଫିସ ଓ ଚଢେଇଧରା କ୍ୟାମ୍ପରୁ ସମସ୍ତ ଜିନିଷପତ୍ର ସୁରକ୍ଷା କର୍ମୀଙ୍କୁ ଧମକାଇ ଚମକାଇ ନେଇ ଚାଲିଛନ୍ତି। ଏହାପରେ ଭୁବନ(ମଙ୍ଗଳପୁର) କ୍ୟାମ୍ପ, କାମାକ୍ଷାନଗର ଆଦି କ୍ୟାମ୍ପରୁ ଲୁଟି ନେବା ପାଇଁ ବନ୍ଦୋବସ୍ତ କରୁଛନ୍ତି। ଆଗାମୀ ଦିନରେ ଏକ ବଡ଼ଧରଣର ସର୍ବସାଧାରଣ ସମ୍ପତ୍ତିର କ୍ଷତି ଘଟିବାକୁ ଯାଉଛି। ଏଣୁ ଆଇନ ଅନୁଯାୟୀ ତୁରନ୍ତ ପଦକ୍ଷେପ ନିଆଗଲେ ଏନ୍‌ଏଚ୍‌ଏଆଇ ବା ସର୍ବସାଧାରଣ ସମ୍ପତ୍ତିର ରକ୍ଷା କରାଯାଇ ପାରିବ ବୋଲି ସେ ପୋଲିସକୁ ଅନୁରୋଧ କରିଥିଲେ। ଉକ୍ତ ଅଭିଯୋଗର ୩ଦିନ ପରେ ଏନ୍‌ଏଚ୍‌ଏଆଇ ଢେଙ୍କାନାଳ ପ୍ରକଳ୍ପ ନିର୍ଦ୍ଦେଶକ ମଧ୍ୟ ଢେଙ୍କାନାଳ ଓ ଯାଜପୁର ଏସ୍‌ପିଙ୍କ ଦୃଷ୍ଟି ଆକର୍ଷଣ କରିଥିଲେ। ହେଲେ ପୋଲିସ ଏଯାବତ୍‌ କେଉଁ ସ୍ବାର୍ଥରେ ନୀରବ ରହିଛି ତାହା ପ୍ରଶ୍ନବାଚୀ ସୃଷ୍ଟି କରିଛି। ଏସଂକ୍ରାନ୍ତରେ ଏନ୍‌ଏଚ୍‌ଆଇ ଢେଙ୍କାନାଳ ପ୍ରକଳ୍ପ ନିର୍ଦ୍ଦେଶକଙ୍କ ସହ ଯୋଗାଯୋଗ ସମ୍ଭବ ହୋଇପାରି ନ ଥିବାବେଳେ ଜେଡ୍‌ ପ୍ଲସ ସୁରକ୍ଷା ସେବାର ମ୍ୟାନେଜିଂ ପାର୍ଟନର ସ୍ବାଇଁଙ୍କୁ ପଚାରିବାରୁ, ଏନ୍‌ଏଚ୍‌ଏଆଇର ଲୁଟ୍‌ ସଂକ୍ରାନ୍ତରେ ସମ୍ପୃକ୍ତ ଥାନାଗୁଡ଼ିକରେ ଅଭିଯୋଗ ହୋଇଥିଲା। ହେଲେ ଲୁଟ୍‌ ସାମଗ୍ରୀ ଏପର୍ଯ୍ୟନ୍ତ ଉଦ୍ଧାର ହୋଇପାରି ନାହିଁ ବୋଲି କହିଛନ୍ତି। ଅପରପକ୍ଷରେ ୨ଜିଲାର ପୋଲିସ ମଧ୍ୟ ଏନେଇ କୌଣସି ମୁହଁ ଖୋଲି ନାହାନ୍ତି।


All Right Reserved By Dharitri.Com

କଟକଣା ସତ୍ତ୍ୱେ ବନ୍ଦ ହେଲାନି ଫର୍ମାଲିନ ବ୍ୟବହାର

ପାରାଦୀପ,୪ା୭(ସ୍ବ.ପ୍ର.): ସମୁଦ୍ରରୁ ଉତ୍ପାଦିତ ମାଛକୁ ଏ, ବି, ସି, ଡି ଭଳି ଗ୍ରେଡ୍‌ କରାଯାଇ ବିକ୍ରୟ କରାଯାଏ। ଏ ଓ ବି ଗ୍ରେଡ୍‌ ମାଛ ବିଦେଶକୁ...

କେଉଁ ୪ ପ୍ରାର୍ଥୀଙ୍କ ମୁଣ୍ଡରେ ହାତୀ ଢାଳିବ ସୁନାକଳସ

ନୟାଗଡ଼ ଅଫିସ,୨୨।୫: ପ୍ରାୟ ଏକ ମାସ ଧରି ଇଭିଏମ୍‌ରେ ସିଲ୍‌ ହୋଇଥିବା ପ୍ରାର୍ଥୀଙ୍କ ଭାଗ୍ୟ ଗୁରୁବାର ଖୋଲାଯିବ। ଏହି ଦିନ ଭୋଟଗଣତି ହେଉଥିବାରୁ ସବୁଠି ଉତ୍କଣ୍ଠା...

ପାଟକୁରା ନିର୍ବାଚନ ଫଳାଫଳ: ପ୍ରଥମ ରାଉଣ୍ଡରେ ବିଜେଡି ଆଗୁଆ

କେନ୍ଦ୍ରାପଡ଼ା ଅଫିସ, ୨୪।୭: ଗତ ସାଧାରଣ ନିର୍ବାଚନରେ ସ୍ଥଗିତ ରହିଥିବା ପାଟକୁରା ବିଧାନସଭା ଆସନର ଭୋଟ ଗ୍ରହଣ ଗତ ୨୦ ତାରିଖରେ ହୋଇଥିଲା। କେନ୍ଦ୍ରାପଡ଼ା ସ୍ବଂୟ...

ବିଞ୍ଝାରପୁରରେ ନବବଧୂଙ୍କୁ ତଣ୍ଟିକାଟି ହତ୍ୟା: ପୋଲିସର ତଦନ୍ତ ଆରମ୍ଭ

ଯାଜପୁର ଅଫିସ,୨୨।୭: ଯାଜପୁର ଜିଲା ବିଞ୍ଝାରପୁର ବ୍ଲକ ଅନ୍ତର୍ଗତ ବାଙ୍ଗରା ଗ୍ରାମ ଗୁଣ୍ଡିରିପଡ଼ା(ବିଲସାହି)ରେ ରବିବାର ବିଳମ୍ବିତ ରାତିରେ ଜଣେ ନବବଧୂଙ୍କୁ ଧାରୁଆ ଅସ୍ତ୍ରରେ ତଣ୍ଟିକାଟି ହତ୍ୟା...

ଚିକିତ୍ସାରେ ଅର୍ଥ ସାଜିଛି ବାଧକ: ସ୍ତ୍ରୀ ମୁଣ୍ଡରେ ରୋଗଣା ସ୍ବାମୀର ବୋଝ, ସହାୟତା ଯୋଗାଇଦେବାକୁ ଦାବି

ଗଣିଆ,୧୪ା୭(ଡି.ଏନ.ଏ.): ଆର୍ଥିକ ଅନଗ୍ରସର ଗରିବ ଲୋକଙ୍କୁ ମାଗଣାରେ ସ୍ବାସ୍ଥ୍ୟସେବା ଯୋଗାଇଦେବା ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ଯୋଜନା ପ୍ରଣୟନ କରିଛନ୍ତି। ଏହା...

ରାଜନଗର ଗୁପ୍ତି ଷ୍ଟେଟ୍‌ ବ୍ୟାଙ୍କରୁ ଚୋରି

ରାଜନଗର,୧୭।୭(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ଗୁପ୍ତିସ୍ଥିତ ଷ୍ଟେଟ ବ୍ୟାଙ୍କ ଶାଖାରୁ ମଙ୍ଗଳବାର ରାତିରେ ଚୋରି ହୋଇଛି। ବୁଧବାର ସକାଳୁ ସ୍ଥାନୀୟ ଲୋକେ ଏହା ଜାଣିବା...

ଯାଜପୁର ଜିଲା ବିକାଶର ଓଲଟା ଚିତ୍ର:୧୩୩ ଗ୍ରାମକୁ ସଡ଼କ ନାହିଁ

ଯାଜପୁର ଅଫିସ,୨।୭: ନିର୍ବାଚିତ ପ୍ରତିନିଧିମାନେ ଯାଜପୁରକୁ ବିକଶିତ ଜିଲା ବୋଲି ଡିଣ୍ଡିମ ପିଟୁଛନ୍ତି। କିନ୍ତୁ ଜିଲାର ମୋଟ ୧୭୮୧ ଗ୍ରାମ ମଧ୍ୟରୁ ୧୩୩ଟିକୁ ଅଦ୍ୟାବଧି ସଡ଼କ...

୩୦ ଫୁଟ ଲମ୍ବ ଲୁଣାଘେରି ବନ୍ଧରେ ଘାଇ: ଶତାଧିକ ଚାଷଜମିରେ ଧାନ ନଷ୍ଟ

ମହାକାଳପଡ଼ା,୧୯।୭(ଡି.ଏନ୍‌.ଏ.): ବଙ୍ଗୋପସାଗରରେ ସୃଷ୍ଟି ହୋଇଥିବା ଉଚ୍ଚ ଜୁଆର ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ଖରିନାସୀର ୮ଶହ ଏକର ଅଞ୍ଚଳରେ ଲୁଣାଘେରି ବନ୍ଧରେ ତିରିଶ ଫୁଟ ଲମ୍ବର...

Leave a comment

Your email address will not be published. Required fields are marked *