ଶ୍ରାବଣରେ ବି ବର୍ଷା ନାହିଁ: ଆଗେଇ ପାରୁନି ଚାଷ

ଦେଓଗାଁ, ୨୧ା୭(ଡି.ଏନ.ଏ.)  ବଲାଙ୍ଗୀର ଜିଲା ଦେଓଗାଁ ବ୍ଲକରେ ଚଳିତ ବର୍ଷ ଖରିଫ ଧାନ ଚାଷ ପ୍ରଭାବିତ ହେବା ଆଶଙ୍କା ଦେଖାଦେଇଛି। ଅସ୍ବାଭାବିକ ବର୍ଷା ଯୋଗୁ ବୁଣାଧାନ ବେଉଷୁଣ ହୋଇ ପାରିନାହିଁ। ଅପରପକ୍ଷରେ ଜୁନ ଓ ଜୁଲାଇ ମାସରେ ସ୍ବଳ୍ପ ବୃଷ୍ଟିପାତ ପରେ ଚାଷୀମାନେ ପକାଇଥିବା ପହ୍ଲାଘାରୀ ମାଟି ଫାଟି ଆଁ କଲାଣି। ଫଳରେ ଚାଷ କାର୍ଯ୍ୟ ଆଗେଇ ପାରୁନାହିଁ। ସପ୍ତାହକ ମଧ୍ୟରେ ଆବଶ୍ୟକ ବର୍ଷା ନ ହେଲେ ପ୍ରାୟତଃ ଚାଷୀଙ୍କ ଧାନଚାଷ ସମ୍ପୂର୍ଣ୍ଣରୂପେ ଉଜୁଡିଯିବା ଆଶଙ୍କା ସୃଷ୍ଟି କରିଛି।
ବ୍ଲକର ଚାଷୀମାନେ ଧାନଚାଷ ପାଇଁ ଋତୁ ଆରମ୍ଭରୁ ଖେତ ପ୍ରସ୍ତୁତ କରି ଧାନବୁଣି ତିଲେ। ତଳିଘେରା ପ୍ରସ୍ତୁତ କରି ପହ୍ଲା ବି ପକାଇଥିଲେ ା ବର୍ତ୍ତମାନ ବେଉଷୁଣ ସମୟ ହୋଇଥିବା ବେଳେ ବର୍ଷା ନ ହେବାରୁ ପ୍ରାୟ ଜମିରେ ଗଜା ମରୁଡି ଦେଖାଦେଇଛି ା କେତେକ ଚାଷୀ ନିକଟସ୍ଥ ବନ୍ଧ ଅବା କୂଅରୁ ପାଣି ମଡାଇ ପହ୍ଲାକୁ ବଞ୍ଚାଇ ରଖିବାକୁ ଚେଷ୍ଟା କରୁଥିବା ଦେଖିବାକୁ ମିଳୁଛି। ଏଣୁ କିଛି ଦିନ ମଧ୍ୟରେ ବର୍ଷା ନ ହେଲେ ସମଗ୍ର ବ୍ଲକରେ ଶତପ୍ରତିଶତ ଗଜା ମରୁଡି ହୋଇଯିବା ନିଶ୍ଚିତ ମନେ ହେଉଛି ା ଗତବର୍ଷ ଏହି ବ୍ଲକର ଚାଷୀଙ୍କ ଧାନ ଫସଲ ପ୍ରଥମେ ପେଥାଇ ପ୍ରଭାବରେ କ୍ଷତିଗ୍ରସ୍ତ ହୋଇଥିଲା। ପରବର୍ତ୍ତୀ ସମୟରେ ଚକଡା ପୋକ ଲାଗିଲା। ପରେ ଯାହା କିଛି ବଞ୍ଚତ୍ଥିଲା ତାହା ଅଦିନିଆ ବର୍ଷାରେ ଧୋଇ ହୋଇଗଲା।  ସ୍ଥିତି ଏପରି ଥିବାବେଳ କୃଷି ଓ ରାଜସ୍ବ ବିଭାଗର ତ୍ରୁଟିପୂର୍ଣ୍ଣ ଆକଳନ ଚାଷୀଙ୍କୁ ଦୁର୍ଗତି ମଧ୍ୟକୁ ଟାଣିନେଇଛି। ବ୍ଲକର ୭୦ପ୍ରତିଶତ ଗାଁର ଚାଷୀ ମରୁଡି ସହାୟତାରୁ ବଞ୍ଚତ୍ତ ରହିଲେ। ଯେଉଁ ଗାଁ ମରୁଡି ଘୋଷିତ ହୋଇଛି ସେମାନଙ୍କ ମଧ୍ୟରୁ ଅନେକ ଚାଷୀ ଏପର୍ଯ୍ୟନ୍ତ ସହାୟତା ରାଶି ପାଇ ପାରି ନ ଥିବା ଅଭିଯୋଗ ହୋଇଛି। ଚଳିତବର୍ଷ ମରୁଡି୍‌ର ପଦଧ୍ୱନୀ ଦେଖାଯିବା ପରେ ମଧ୍ୟ ଅନେକ ଚାଷୀ ପ୍ରଧାନମନ୍ତ୍ରୀ ଫସଲ ବୀମା କରିବାରେ ଦ୍ୱିଧା ମନେ କରୁଥିବା ଦେଖାଯାଇଛି। ଚଳିତବର୍ଷ ବ୍ଲକରେ ୧୦ହଜାର୫୫୦ ହେକ୍ଟର ଚାଷଜମିରେ ଧାନଚାଷ କରାଯିବାର ଲକ୍ଷ୍ୟ ରହିଛି। ଏଥିମଧ୍ୟରୁ ବର୍ତ୍ତମାନ ପର୍ଯ୍ୟନ୍ତ ୫୬୮ ହେକ୍ଟର ଚାଷ ଜମିରେ ବୁଣାବୁଣି ହୋଇଥିବା ବେଳେ ୨୪୫ ହେକ୍ଟର ଜମିରେ ତଳିଘେରା ଅର୍ଥାତ ବିହନ ପହ୍ଲା ପକାଯାଇଥିବା ବିଭାଗୀୟ ଅଧିକାରୀଙ୍କଠୁ ଜଣାପଡିଛି। ଗତବର୍ଷ ବୃଷ୍ଟିପାତ ରେକର୍ଡକୁ ଅନୁଧ୍ୟ୍ୟାନ କଲେ ଜୁନ ଓ ଜୁଲାଇ ମାସରେ ଗତବର୍ଷଠାରୁ ୫୦ପ୍ରତିଶତ ବୃଷ୍ଟିପାତ କମ୍‌ ହୋଇଥିବାରୁ ଚାଷର ଭବିଷ୍ୟତକୁ ନେଇ ଚାଷୀ ଏବେ ଘୋର ଚିନ୍ତାରେ ଦିନକାଟୁଥିବା ଦେଖାଯାଇଛି। ଏ ନେଇ ବ୍ଲକ ସହକାରୀ କୃଷି ଅଧିକାରୀ ପ୍ରଦୀପ୍ତ କୁମାର ନାଏକଙ୍କୁ ପଚାରିବାରୁ ଚଳିତବର୍ଷ ବର୍ଷାଭାବରୁ ବ୍ଲକରେ ଗଜାମରୁଡି ଦେଖାଦେଲାଣି। ଚାଷ ଉପଯୋଗୀ ବର୍ଷା ନ ହେଲେ ସାରା ବ୍ଲକରେ ଗଜାମରୁଡି ହେବା ସୁନିଶ୍ଚିତ। ବିଭାଗ ପକ୍ଷରୁ ସମସ୍ତ ଅଞ୍ଚଳକୁ ଯାଇ ଅନୁଧ୍ୟ୍ୟାନ କରାଯାଉଛି। କୃଷି ଓ ରାଜସ୍ବ ବିଭାଗର ଯୁଗ୍ମ ତଦନ୍ତ ରିପୋର୍ଟ ସରକାରଙ୍କୁ ପଠାଯିବ ବୋଲି ସେ କହିଛନ୍ତି।


All Right Reserved By Dharitri.Com

ଅଧା ବାଟରେ ରୋଗୀଙ୍କୁ ଛାଡ଼ି ଚାଲିଗଲା ଆମ୍ବୁଲାନ୍ସ

ଛତ୍ରପୁର/ ଗଞ୍ଜାମ,୨୫ା୧(ଡି.ଏନ.ଏ.)-ଟଙ୍କା ନ ଦେବାରୁ ୧୦୮ ଆମ୍ବୁଲାନ୍ସ ରୋଗୀଙ୍କୁ ଅଧାବାଟରେ ଓହ୍ଲାଇ ଦେଇ ଚାଲିଗଲା। ଏଭଳି ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲାରେ। ଜିଲାପାଳଙ୍କ ନିର୍ଦ୍ଦେଶ...

ମହିଳାଙ୍କୁ ନିର୍ଯାତନା, ବଳାତ୍କାର ଅଭିଯୋଗ: ସ୍ବାମୀ, ଦିଅର ଗଲେ ଜେଲ

ଜଗନ୍ନାଥପ୍ରସାଦ,୨୫ା୯(ଡି.ଏନ.ଏ.): ଜଗନ୍ନାଥପ୍ରସାଦ ଥାନା ଅଞ୍ଚଳରେ ଜଣେ ମହିଳାଙ୍କୁ ନିର୍ଯାତନା ଓ ବଳାତ୍କାର ଅଭିଯୋଗରେ ମଙ୍ଗଳବାର ପୋଲିସ ସ୍ବାମୀ, ଦିଅରଙ୍କୁ କୋର୍ଟ ଚାଲାଣ କରିଛି। ଗିରଫ ଦିଅର...

ଜୁଲାଇ ୮ରୁ ମାଟ୍ରିକ ସପ୍ଲିମେଣ୍ଟାରି ପରୀକ୍ଷା

କଟକ ଅଫିସ,୧୩ା୬ : ଜୁଲାଇ ୮ ତାରିଖରୁ ଆରମ୍ଭ ହେବ ମାଧ୍ୟମିକ ଶିକ୍ଷା ପରିଷଦ(ବୋର୍ଡ) ଦ୍ୱାରା ପରିଚାଳିତ ମାଟ୍ରିକ ସପ୍ଲିମେଣ୍ଟାରି ଓ ରାଜ୍ୟ ମୁକ୍ତ ବିଦ୍ୟାଳୟ...

ବିପଦରେ ଶ୍ରୀମନ୍ଦିର ଗର୍ଭଗୃହ

ପୁରୀ ଅଫିସ,୨୩-୧୦:ଶ୍ରୀମନ୍ଦିର ଗର୍ଭଗୃହର ଉପଯୁକ୍ତ ରକ୍ଷଣାବେକ୍ଷଣ କରାଯାଉନାହିଁ। ଫଳରେ ବିପଦରେ ରହିଛି ଗର୍ଭଗୃହ। ଏହାର କାନ୍ଥରେ ଫିମ୍ପି ଲାଗିଥିବାବେଳେ ଧଳାଛାପର ଚିହ୍ନ ମାଡ଼ିିଗଲାଣି। ଏପରି କି...

ସୁଧୁରୁନି ବଉଳିଗଡ଼ ବିଦ୍ୟାଳୟ ସମସ୍ୟା:୮ ଶ୍ରେଣୀକୁ ୩ କୋଠରି

ବଅଁରପାଳ, ୨ା୧୧(ଡି.ଏନ.ଏ.) – ବଅଁରପାଳ ବ୍ଲକ ବଉଳିଗଡ ଉଚ୍ଚ ପ୍ରାଥମିକ ବିଦ୍ୟାଳୟରେ ଦୀର୍ଘ ଦିନ ହେଲା ସମସ୍ୟା ଲାଗି ରହିଛି। ଏଠାରେ ପ୍ରଥମରୁ ଅଷ୍ଟମ ଶ୍ରେଣୀ...

ବଜେଟ ପାଇଁ ସାଧାରଣ ଜନତାଙ୍କଠାରୁ ମତାମତ ମାଗିଲେ ରାଜ୍ୟ ସରକାର

ଭୁବନେଶ୍ୱର,୧୭।୧୨(ବ୍ୟୁରୋ): ୨୦୨୦-୨୧ ଆର୍ଥିକବର୍ଷ ବଜେଟ ପ୍ରସ୍ତୁତି ପାଇଁ ଜନସାଧାରଣଙ୍କଠାରୁ ମତାମତ ସଂଗ୍ରହ କରିବାକୁ ଚାହୁଁଛି ରାଜ୍ୟ ଅର୍ଥ ବିଭାଗ। ଏଥିଲାଗି ଏକ ନିର୍ଦ୍ଦିଷ୍ଟ ଢାଞ୍ଚାରେ ପରାମର୍ଶ...

ଗାଁବାସୀକୁ ସମସିଆ ପଚାରି ବୁଝ୍‌ଲେ ବିଡିଓ

ଅତାବିରା, ୧୭।୭ (ଡି.ଏନ୍‌.ଏ): ବରଗଡ଼ ଜିଲା ଭେଡ଼େନ ବ୍ଲକ ଦେଶଭଟିଲି ପଁଚେତ୍‌ର ଭିନେ ଭିନେ ଗଁାର ସମସିଆ ବାବ୍‌ଦେ ଧରିତ୍ରୀ ସମ୍ବଲପୁର ସଂସ୍କରଣରେ ଲାଗ୍‌ ଲାଗ୍‌...

ଜଙ୍ଗଲକୁ ଛତୁ ଆଣିବାକୁ ଯିବା ହେଲା କାଳ: ଦନ୍ତାହାତୀ ଆକ୍ରମଣରେ ଯୁବକ ମୃତ

ବାଲିଶଙ୍କରା, ୧୫।୭ (ଡି.ଏନ.ଏ.)- ସୁନ୍ଦରଗଡ଼ ଜିଲା ଲେଫ୍ରିପଡା ବନରେଞ୍ଜର କିଞ୍ଚିରକେଲା ସେକ୍‌ସନ ଅଞ୍ଚଳରେ ହାତୀ ଉପଦ୍ରବ ଲାଗି ରହିଛି। ସୋମବାର ସକାଳେ ଜଙ୍ଗଲକୁ ଛତୁ ଆଣିବାକୁ...

Leave a comment

Your email address will not be published. Required fields are marked *