କଣ୍ଡରା ଗ୍ରାନାଇଟ୍‌ ପଥର ଖଣି ନଂ-୨ରେ ଚଞ୍ଚକତା: ୨୦କୋଟିର ବେଆଇନ ଉତ୍ତୋଳନ

ଯୋଡ଼ା, ୨୧।୭(ଡି.ଏନ୍‌.ଏ.)- କେନ୍ଦୁଝର ଜିଲା ବଡ଼ବିଲ ତହସିଲ ତଥା ଯୋଡ଼ା ବ୍ଲକ ଅନ୍ତର୍ଗତ କଣ୍ଡରାଠାରେ ଥିବା ଏକ ଗ୍ରାନାଇଟ୍‌ ପଥର ଖଣିରୁ ବେଆଇନ ଭାବେ ପଥର ଉତ୍ତୋଳନ କରାଯାଉଥିବା ଅଭିଯୋଗ ହୋଇଛି। ଦୀର୍ଘ ୮ମାସ ଧରି ପ୍ରାୟ ଦେଢ ଲକ୍ଷ କ୍ୟୁବିକ୍‌ ମିଟର ଗ୍ରାନାଇଟ ପଥର ବେଆଇନ ଉତ୍ତୋଳନ ହୋଇଛି। ଯାହାର ଆନୁମାନିକ ମୂଲ୍ୟ ପ୍ରାୟ ୨୦ କୋଟି ଟଙ୍କାରୁ ଊର୍ଦ୍ଧ୍ୱ ହେବ ବୋଲି ଜଣାପଡିଛି। ଅଭିଯୋଗକୁ ଭିତ୍ତି କରି ଶନିବାର ଚମକପୁର ରାଜସ୍ବ ନିରୀକ୍ଷକ ଭଦ୍ର ନାଏକ, ଅମିନ, ବଡବିଲ୍‌ ତହସିଲ କାର୍ଯ୍ୟାଳୟର ସୁପରଭାଇଜର ଘଟଣାସ୍ଥଳରେ ପହଞ୍ଚତ୍ ତଦନ୍ତ ଆରମ୍ଭ କରିଛନ୍ତି।
ପ୍ରକାଶ ଯେ, ରାଜ୍ୟ ସରକାର ଓଡ଼ିଶା କନଷ୍ଟ୍ରକଶନ୍‌ କର୍ପୋରଶନ ଲିଃ(ଓସିସିଏଲ) ନାମକ କମ୍ପାନୀକୁ ୨୦୧୧ଠାରୁ ୨୦୧୫ ମସିହା ପର୍ଯ୍ୟନ୍ତ କାନପୁର ଡ୍ୟାମ୍‌ ପ୍ରକଳ୍ପ କାର୍ଯ୍ୟ ନିମନ୍ତେ କଣ୍ଡରା ଗ୍ରାନାଇଟ୍‌ ପଥର ଖଣି ନଂ(୧), ପ୍ଲଟ୍‌ ନଂ ୧୨୭/୨୮ ଓ କଣ୍ଡରା ଗ୍ରାନାଇଟ୍‌ ପଥର ଖଣି ନଂ (୨) , ପ୍ଲଟ୍‌ ନଂ ୧୩୪/୩୫କୁ ଲିଜ୍‌ ଦିଆଯାଇଥିଲା। ଏହି ଦୁଇଟି ଖଣିକୁ ଉକ୍ତ କମ୍ପାନୀକୁ ସେତେବେଳେ ବର୍ଷିକିଆ ଲିଜ୍‌ ଦିଆଯାଉଥିଲା। ୨୦୧୫ ପର୍ଯ୍ୟନ୍ତ ଏହି ବର୍ଷିକିଆ କାର୍ଯ୍ୟ ଚାଲିବା ପରେ ମାଇନିଂ ପ୍ଲାନ ଓ ଅନ୍ୟାନ୍ୟ ବୈଧାନିକ ଅନୁମୋଦନ ପରେ ଓସିସିଏଲକୁ ଉକ୍ତ ଦୁଇଟି ଗ୍ରାନାଇଟ୍‌ ପଥର ଖଣି ୨୦୨୦ ପର୍ଯ୍ୟନ୍ତ ଦିଆଯାଇଛି। ଓସିସିଏଲର କାର୍ଯ୍ୟରେ ମନ୍ଥର ଗତି ଯୋଗୁ ଉକ୍ତ ପଥର ଖଣି ଦ୍ୱୟରେ ଗ୍ରାନାଇଟ୍‌ ଖୋଳା କାର୍ଯ୍ୟ କରିପାରି ନ ଥିଲା। ଉକ୍ତ ଗ୍ରାନାଇଟ୍‌ ପଥର ଖଣିଦ୍ୱୟର ରାଜସ୍ବ ବାବଦକୁ ମାତ୍ର ୪ ଲକ୍ଷ ୩୦ ହଜାର ଟଙ୍କା ବଡବିଲ୍‌ ତହସିଲ୍‌ରେ ପୈଠ କରାଯାଇଥିବା ସଂସ୍ଥା ପକ୍ଷରୁ ସୂଚନା ମିଳିଛି। ୨୦୧୮ ଅଗଷ୍ଟ ମାସରେ ଚମ୍ପୁଆ ଉପଜିଲାପାଳଙ୍କ କାର୍ଯ୍ୟାଳୟରେ ବଡ଼ବିଲ ତହସିଲଦାର ଓସିିସିଏଲର ମ୍ୟାନେଜରଙ୍କୁ ଡକାଇ ଏକ ଆଲୋଚନା କରିଥିଲେ। ଏଥିରେ ଓସିସିଏଲ୍‌କୁ ଲିଜ୍‌ ଦିଆଯାଇଥିବା ଦୁଇଟି ପଥର ଖଣି ମଧ୍ୟରୁ କଣ୍ଡରା ଗ୍ରାନାଇଟ୍‌ ପଥର ଖଣି(୨) ବଡ଼ ଖଣି ହୋଇଥିବାରୁ ଏହାକୁ ଛାଡି ଦେବା ପାଇଁ ପ୍ରଶାସନ ପକ୍ଷରୁ ନିବେଦନ କରାଯାଇଥିବା ସଂସ୍ଥା ପକ୍ଷରୁ ସୂଚନା ମିଳିଛି। ତେବେ ଏସମ୍ପର୍କରେ ଓସିସିଏଲକୁ କୌଣସି ଲିଖିତ ଚିଠି ଦିଆ ନ ଯାଇ ଅସ୍ଥାୟୀ ଭାବେ ପ୍ରଶାସନ ପକ୍ଷରୁ ୫୨୦ନଂ ଜାତୀୟ ରାଜପଥର ନିର୍ମାଣ କାର୍ଯ୍ୟ କରୁଥିବା ଠିକାସଂସ୍ଥା ମେସର୍ସ ମଣ୍ଟେକାର୍ଲୋଙ୍କୁ କଣ୍ଡରା ଗ୍ରାନାଇଟ୍‌ ପଥର ଖଣି ନଂ(୨)କୁ ୩ମାସିଆ ଅସ୍ଥାୟୀ ପରମିଟ୍‌ ଆକାରରେ ଦିଆଯାଇଛି। ତେବେ ଠିକାସଂସ୍ଥା ପକ୍ଷରୁ ପଥର ଖଣି ନଂ (୨)ରୁ ଗ୍ରାନାଇଟ୍‌ ପଥର ଖୋଳିବା ପରିବର୍ତ୍ତେ କଣ୍ଡରା ଗ୍ରାନାଇଟ୍‌ ପଥର ଖଣି ନଂ (୧)ରୁ ଦୀର୍ଘ ୮ମାସ ହେଲା ବେଆଇନ ଭାବେ ପଥରଖୋଳା ଚାଲିଛି। ଉକ୍ତ ଖଣିରୁ ବେଆଇନ ଭାବେ ପଥର ଖୋଳାଯାଇଥିବା ନେଇ ଓସିସିଏଲ୍‌ ପକ୍ଷରୁ ସିନିୟର ମ୍ୟାନେଜର ନିରଞ୍ଜନ ମିଶ୍ର ଗତ ୧୦ତାରିଖରେ ବଡବିଲ ତହସିଲ ଓ ଚମ୍ପୁଆ ଉପଜିଲାପାଳଙ୍କଠାରେ ଅଭିଯୋଗ କରିଥିଲେ। ବେଆଇନଭାବେ ପ୍ରାୟ ଦେଢଲକ୍ଷ କ୍ୟୁବିକ ମିଟରରୁ ଦୁଇ ଲକ୍ଷ କ୍ୟୁବିକ୍‌ ମିଟର ଗ୍ରାନାଇଟ୍‌ ପଥର ଉକ୍ତ ଖଣିରୁ ଖୋଳାଯାଇଥିବା ଓସିସିଏଲ୍‌ର ସବ୍‌କଣ୍ଟ୍ରାକ୍ଟର ସଦର୍ଣ୍ଣ ଇଞ୍ଜିନିୟରିଂ ଓ୍ବାର୍କସ ଇନ୍‌ଫ୍ରାଷ୍ଟ୍ରକଚର ଲିମିଟେଡର ପ୍ରୋଜେକ୍ଟ ମ୍ୟାନେଜର ଶିବ ପ୍ରସାଦ ନାୟକ କହିଛନ୍ତି। ଏନେଇ ଠିକାସଂସ୍ଥା ମେସର୍ସ ମଣ୍ଟେକାର୍ଲୋର କୌଣସି ମତାମତ ମିଳିପାରି ନାହିଁ।


All Right Reserved By Dharitri.Com

ଭଦ୍ରକରେ ମୁଖ୍ୟମନ୍ତ୍ରୀଙ୍କ ମାରାଥନ ପ୍ରଚାର: ‘ଶେଷ ନିଃଶ୍ୱାସ ପର୍ଯ୍ୟନ୍ତ ଲୋକଙ୍କ ସେବାରେ ଥିବି’

ଭଦ୍ରକ ଅଫିସ/ବାସୁଦେବପୁର/ବନ୍ତ/ଧାମନଗର, ୨୪।୪ (ଡି.ଏନ.ଏ.) – ଚତୁର୍ଥ ପର୍ଯ୍ୟାୟ ନିର୍ବାଚନ ପ୍ରଚାର ପାଇଁ ବିଜେଡି ରାଜ୍ୟ ସଭାପତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ଭଦ୍ରକ ଜିଲା...

ଶିକ୍ଷାନୀତିର ପରିବର୍ତ୍ତନ ଜରୁରୀ: ଅନନ୍ତ

ଭୋଗରାଇ, ୫।୮(ଡି.ଏନ.ଏ.)- ଶିକ୍ଷାନୀତିର ପରିବର୍ତ୍ତନ କରାଯାଇ ସାରାଦେଶରେ ଏକକ ପରୀକ୍ଷା କରାଯିବା ଜରୁରୀ ହୋଇପଡ଼ିଛି। ପ୍ରଚଳିତ ଶିକ୍ଷା ବ୍ୟବସ୍ଥାରେ ପ୍ରାଥମିକ ସ୍ତରରେ ଛାତ୍ରୀଛାତ୍ରଙ୍କ ଗୁଣାତ୍ମକ ଶିକ୍ଷା...

ଶେଷ ୪ ରାଉଣ୍ଡରେ ବଦଳିଗଲା ଫଳାଫଳ

ଉଦଳା,୨୫ା୫ (ଡି.ଏନ.ଏ)- ମୟୂରଭଞ୍ଜ ଜିଲା ଉଦଳା ନିର୍ବାଚନମଣ୍ଡଳୀରେ ଭାଜପାର ଭାସ୍କର ମଢେଇ ତାଙ୍କର ନିକଟତମ ପ୍ରତିଦ୍ୱନ୍ଦୀ ବିିଜେଡିର ଶ୍ରୀନାଥ ସୋରେନ୍‌ଙ୍କୁ ପରାସ୍ତ କରି ବିଜୟୀ ହୋଇଛନ୍ତି।...

ସରିଲା ଲଗ୍ନଧରା: ୩୦ରେ ଟୁସୁ – ଶଙ୍କରଙ୍କ ବିବାହ

ବାଲେଶ୍ୱର ଅଫିସ, ୧୯।୫-ବାଲେଶ୍ୱରର ଲୋକପର୍ବ ଜଉକଣ୍ଢେଇ ବାହାଘର ଉତ୍ସବ କମିଟି ପକ୍ଷରୁ ଚଳିତବର୍ଷ ଟୁସୁ ଓ ଶଙ୍କରଙ୍କର ଲଗ୍ନଧରା ଶ୍ୟାମସୁନ୍ଦର ମନ୍ଦିର ପରିସରରେ ଶନିବାର ଅନୁଷ୍ଠିତ...

ସ୍ତ୍ରୀଙ୍କୁ ମାଡ଼ମାରି ଗଛରେ ଟାଙ୍ଗିଦେଲେ ସ୍ବାମୀ: ଡାଳ ଭିଙ୍ଗିଯିବାରୁ ବଞ୍ଚିଗଲେ ସ୍ତ୍ରୀ

ଆନନ୍ଦପୁର,୧୪।୬(ସ୍ବ.ପ୍ର.): ଆନନ୍ଦପୁର ଉପଖଣ୍ଡ ଘସିପୁରା ଥାନା ନଦୁଆଁ ଗ୍ରାମରେ ରଜ ଉତ୍ସବ ଚାଲିଥିବା ବେଳେ ଏକ ଅଘଟଣ ଘଟିଛି। ସ୍ତ୍ରୀଙ୍କୁ ମାଡ଼ମାରି ଗଛରେ ଟାଙ୍ଗି ଦେଇଥିଲେ...

ବୁଲ୍‌ବୁଲ୍‌ କ୍ଷୟକ୍ଷତି ସହାୟତା ରାଶି ପ୍ରଦାନ ଦାବିରେ ଚାଷୀଙ୍କ ଗଣଧାରଣା

ସିମୁଳିଆ,୧୩।୧୧(ଡି.ଏନ୍‌.ଏ.): ବାଲେଶ୍ୱର ଜିଲା ସିମୁଳିଆ ବ୍ଲକର ପୁରୁଷୋତ୍ତମପୁର, କାଞ୍ଚପଡ଼ା, ଅଣ୍ଡରାଇ, ଅବଝୁଣା ପଞ୍ଚାୟତରେ ବୁଲ୍‌ବୁଲ୍‌ରେ ବ୍ୟାପକ କ୍ଷୟକ୍ଷତି ହୋଇଥିବା ନେଇ ବୁଧବାର ପୁରୁଷୋତ୍ତମପୁର ରାଜସ୍ବ ନିରୀକ୍ଷକଙ୍କ...

ଦେଢ ବର୍ଷ ହେଲା ବସ୍ତ୍ର ବିତରଣ କେନ୍ଦ୍ରରେ ପଡ଼ିଛି ତାଲା

ବଡବିଲ, ୧୧।୭(ସ୍ବ.ପ୍ର.)-କେନ୍ଦୁଝର ଜିଲା ବଡବିଲ ତହସିଲ କାର୍ଯ୍ୟାଳୟ ପରିସରରେ ପ୍ରଶାସନ ପକ୍ଷରୁ ବ୍ୟବହାର ଉପଯୋଗୀ ବସ୍ତ୍ର ଓ ଆସବାବପତ୍ର ଦାତାଙ୍କ ଠାରୁ ଗ୍ରହଣ କରାଯାଇ ଗରିବ...

ଜଳେଶ୍ୱରରେ ଏସ୍‌ଟିଏଫ୍‌ର ଚଢ଼ାଉ: ୩୦ ଗ୍ରାମ୍‌ ବ୍ରାଉନ୍‌ସୁଗାର ଜବତ, ଜଣେ ଗିରଫ

ଜଳେଶ୍ୱର, ୫।୧(ଡି.ଏନ.ଏ.)-ବାଲେଶ୍ୱର ଜିଲା ଜଳେଶ୍ୱର ଝାଡ଼େଶ୍ୱରପୁର ଗ୍ରାମରେ ଭୁବନେଶ୍ୱରରୁ ଆସିଥିବା ଏସ୍‌ଟିଏଫ୍‌ର ଏକ ୧୫ଜଣିଆ ଟିମ୍‌ ଚଢାଉ କରି ଶେଖ ଲାଲବାବୁଙ୍କୁ ଗିରଫ କରିବା ସହ...

Leave a comment

Your email address will not be published. Required fields are marked *