କିଡ଼୍‌ନୀ ରୋଗରେ ପୀଡ଼ିତ କ୍ଷୀରସିନ୍ଧୁ

କୋକସରା/ବେହେରା, ୧୨ା୫ (ଡି.ଏନ୍‌.ଏ): କଳାହାଣ୍ଡି ଜିଲା କୋକସରା ବ୍ଲକ ଖୁଣ୍ଟିଆ ପଁଚେତ୍‌ ଖୁଣ୍ଟିଅ ଗାଁର କ୍ଷୀରସିନ୍ଧୁ ଦୁର୍ଗା(୫୩)। ସେ ଆଏଜ୍‌କେ ବଛ୍‌ରେ ହେଲା କିଡ଼୍‌ନୀ ରୋଗ୍‌ରେ ପୀଡ଼ିତ ଅଛନ୍‌। ଘରେ ଯାହା ଥିଲା ଚିକିତ୍ସାରେ ଖରଚ୍‌ କରି ସେ ସରବ୍‌ସୁଆଁତ୍‌ ହେଇଛନ୍‌। ଏହେଦେ ଟଁକା ପଏସା ଅଭାବୁ ଚିକିସତ୍ିତ ନାଇଁ ହେଇପାରି ଭଗବାନ ଭରସାରେ ଘରେ ପଡ଼ିରହିଛନ୍‌। ଏନ୍‌ତାଥି ସେ ସରକାରୀ ସୁବିଧା ସୁଯୋଗରୁ ବଁଚିତ୍‌ ହେଇଥିବାର ଅଭିଯୋଗ ହେଇଛେ।

ସୂଚନା ହିସାବେ, କୋକସରା ବ୍ଲକ ଖୁଣ୍ଟିଆ ଗାଁର କ୍ଷୀରସିନ୍ଧୁ ଦୁର୍ଗା ଝନେ ନିହାତି ଗରିବ୍‌ ଲୋକ। ଅନେକ ଦିନ୍‌ ହେଲା ମାଏକିନା ଆରପାରକେ ଚାଲିଯାଇଛନ୍‌, ଏହେଦେ ଗୁଟେ ବଲି ଝି’ ଯାଜ୍ଞସେନୀ କ୍ଷୀରସିନ୍ଧୁକଁର ସାହାଭରସା। ଗଲା ବଛ୍‌ରେ ତଲେ କ୍ଷୀରସିନ୍ଧୁକଁର ପେଟ୍‌ ଦରଦ୍‌ ହେଲାରୁ ସେ ଧର୍ମଗଡ଼ ଡାକ୍‌ତରଖାନାରେ ଦେଖେଇଥିଲେ। ସେଠାନେ ଡାକ୍‌ତର ପରୀକ୍ଷା ନିରୀକ୍ଷା କରବାର ଲାଗି ଭବାନୀପାଟଣା ଜିଲା ମୁଖିଆ ଡାକ୍‌ତରଖାନାକେ ପଠେଇଥିଲେ। ଜିଲା ମୁଖିଆ ଚିକିତ୍ସାଲୟରେ ପରୀକ୍ଷାରୁ ଜନାପଡ଼ଲା ଯେ କିଡ଼୍‌ନୀରେ ସଂକ୍ରମଣ ଲାଗି କ୍ଷୀରସିନ୍ଧୁକଁର ଦିହିପା ଖରାପ ରହୁଛେ। ଡାକ୍‌ତର କ୍ଷୀରସିନ୍ଧୁକୁଁ ବୁର୍ଲା ବଡ଼ ଡାକ୍‌ତରଖାନାରେ ଡାଇଲିସିସ୍‌ କରବାକେ ପରାମଶ ଦେଇଥିଲେ। ହେଲେ ଟଁକା ପଏସା ଅଭାବୁ ବାପ୍‌ ଝି’ ମୁହୁଁକାନ୍‌ ଶୁଖେଇ ଘରକେ ଫିରିଆଏଲେ। ସେ ଦିନ୍‌ଠାନୁ କ୍ଷୀରସିନ୍ଧୁ ଘରେ ପଡ଼ି ରୋଗ୍‌ରେ ଛଟ୍‌ପଟ ହେଉଛନ୍‌। ବାପାର ଇ ଅବସ୍‌ତା ଦେଖି ଝି’ ଯାଜ୍ଞସେନୀ ଦୁଖେ ଭାଂଗିପଡ଼ିଛନ୍‌। ସେ ବାପାର ଚିକିତ୍ସା ଲାଗି କାହାକେ କହେବେ, କିଏ ସାହାଯ୍‌ କରବା ଏନ୍‌ତା ସବୁ ଚିନ୍‌ତାରେ ହରମେଶା ଘାରି ହେଉଛନ୍‌। ଏନ୍‌ତାଥି ବେହେରା କଲେଜରେ ଯୁକ୍ତ ଦୁଇ ପଢ଼ୁଥିବାର ଯାଜ୍ଞସେନୀ ପାଠ୍‌ପଢ଼ାରେ ଗଁଠି ପକେଇଛନ୍‌। ଘରେ ଯାହା ଟିକେରଁଚେ ଥିଲା ବାପର ଚିକିତ୍ସାରେ ଖରଚ୍‌ ହେଇଛେ। ଏହେଦେ ବାପାର ଉଷୋକଷା ଲାଗି ଯାଜ୍ଞସେନୀ ବାରଦୁଆର ହେଉଛନ୍‌। ସରକାରୀ ସାହାଯ୍‌ କହେଲେ ପରିବାରକେ ମିଲିଥିବାର ରାଶନ କାର୍ଡ ଖଁଡ଼କ ସାହାଭରସା। ରୋଗ୍‌ରେ ପଡ଼ି ଛଟପଟ ହେଉଥିବାର କ୍ଷୀରସିନ୍ଧୁ ନିଜର ଭାଏଗ୍‌କେ ଆଦ୍‌ରି ରହିଥିଲାବେଲେ ଝି’ ଯାଜ୍ଞସେନୀ ବାପର ସେବା ଯତନ୍‌ କରି ନିଜର ଦାଇତିଅ ତୁଲଉଛନ୍‌। ହେଲେ ଆଏଜ୍‌ତକ୍‌ ଇ ଦୁଖି ପରିବାର ଉପରେ ଥାନୀୟ ପରଶାସନର ଦୁରୁଷ୍‌ଟି ନାଇଁ ପଡ଼ିପାରି। ଇଆଡ଼େ ଯାଜ୍ଞସେନୀ ବାପାର ଚିକିତ୍ସା ଲାଗି ସହୁରୁଦ ଲୋକ୍‌ମାନକୁ ସହଯୋଗର ହାତ୍‌ ବଢ଼ାକେ ଗଣମାଧ୍ୟମ ଜରିଆରେ ନିବେଦନ କରିଛନ୍‌ ଆର ଯେ ସାହାଯ୍‌ କରବାକେ ଚାହୁଁଛନ୍‌ ମୋବାଇଲ ନଂ. ୭୮୯୪୮୩୩୬୭୬ରେ ଯୋଗାଯୋଗ୍‌ କରବାକେ ଅନୁରୋଧ୍‌ କରିଛନ୍‌। ଇ ବାବ୍‌ଦେ କୋକସରା ବିଡିଓ ବସନ୍ତ କୁମାର ସେଠୀକୁଁ ପଚରାଲାରୁ ଘଟନା ବାବ୍‌ଦେ ମୋର ପାସେ ଖବର ନାଇଁଥାଇ। ବହୁତ୍‌ ଜଲଦି ଗୁଟେ ଡାକ୍‌ତରି ଦଲ ପଠେଇ ତାକର ଚିକିତ୍ସା ବେବସ୍‌ତା କରାଯିବା। ଦରକାର ପଡ଼ଲେ ତାହାକୁ ବୁର୍ଲା ପଠାବାର ବେବସ୍‌ତା କରାଯିବା ବଲି ସେ ପରତିଶୁରତି ଦେଇଥିଲେ।


All Right Reserved By Dharitri.Com

ଚିକିସତ୍ା ଲାଗି ଟଁକା ଅଭାବ୍‌: ଭାଏଗ୍‌କେ ଆଦ୍‌ରି ପଡ଼ିରହିଛନ୍‌ ସୂଯର୍‌ୟମଣି

ଟିକ୍ରାପଡା, ୨ ା୭ (ଡି.ଏନ୍‌.ଏ.): ବଲାଙ୍ଗୀର ଜିଲା ସଇଁନ୍ତଳା ବ୍ଲକ କରମତଲା ପଁଚେତ୍‌ ଅଧୀନ ଭଣ୍ଡାରବାଞ୍ଜି ଗଁାର ସୂର୍ଯ୍ୟମଣି ସୁନାପିରତି(୪୬)। ସେ ଗଲା ୨୦୧୮ ଅକ୍ଟୋବରରେ...

ଚାଷୀଙ୍କୁ ପାତରଅନ୍ତର ନେଇ ୧୨ ଘଣ୍ଟିଆ କୁଚିଣ୍ଡା ବନ୍ଦ

କୁଚିଣ୍ଡା,୧୧।୯(ଡି.ଏନ୍‌.ଏ.): ସମ୍ବଲପୁର ଜିଲ କୁଚିଣ୍ଡା ଉପଖଣ୍ଡସ୍ଥରୀୟ ମିଳିତ କୃଷକ ସଙ୍ଗଠନ ପକ୍ଷରୁ ବୁଧବାର ୧୨ ଘଣ୍ଟିଆ କୁଚିଣ୍ଡା ବନ୍ଦଡାକରା ଦିଆଯାଇଛି। ୨୦୧୮/୧୯ ବର୍ଷର ବାକିଥିବା ବୀମାରାଶି...

ଦେବଗଡ ପୌରାଞ୍ଚଳରେ କଂଗ୍ରେସ ପ୍ରାର୍ଥୀଙ୍କ ରୋଡ୍‌ ଶୋ

ଦେବଗଡ଼, ୨୦।୪ (ସ୍ବ.ପ୍ର.) -ନିର୍ବାଚନ ମତଦାନ ପାଇଁ ଆଉ ୩ ଦିନ ବାକିଥିବାବେଳେ କଂଗ୍ରେସ ପକ୍ଷରୁ ସମ୍ବଲପୁର ଲୋକସଭା ପ୍ରାର୍ଥୀ ଶରତ ପଟ୍ଟନାୟକ ଓ ସ୍ଥାନୀୟ...

ରବିଧାନ କିଣା ଆରମ୍ଭ ହେଲା: ୩ ଲକ୍ଷ ୪୮ ହଜାର ୮୬୮ କୁଇଣ୍ଟାଲ କିଣା ହେବ

ନୂଆପଡା ଅଫିସ,୨୦ା୫: ବହୁ ପ୍ରତିକ୍ଷୀତ ୨୦୧୯ ରବି ଧାନ କିଣା ସୋମବାରଠାରୁ ଆରମ୍ଭ ହୋଇଛି । ଏହାକୁ ଜିଲାପାଳ ଡା.ପୋମା ଟୁଡୁ ଆନୁଷ୍ଠାନିକ ଭାବେ ଉଦ୍‌ଘାଟନ...

ହେଲ୍‌ମେଟ୍‌, ନିରାପତ୍ତା ବେଲଟ୍‌ ଯାଞ୍ଚ:ଲୋକଙ୍କୁ ଫାଇନ୍‌: ପୋଲିସ କର୍ମଚାରୀଙ୍କୁ ଛାଡ଼

କୁତ୍ରା, ୨୧।୭ (ଡି.ଏନ.ଏ)-କୁତ୍ରା ଥାନା ସମ୍ମୁଖରେ ପୋଲିସ ପକ୍ଷରୁ ଦୁଇ ଚକିଆ ଯାନ ପାଇଁ ହେଲ୍‌ମେଟ୍‌ ଓ ଚାରିଚକିଆ ଯାନ ପାଇଁ ନିରାପତ୍ତା ବେଲଟ୍‌ ଯାଞ୍ଚ...

ବଲାଙ୍ଗୀର ଟାଉନ ଥାନା କନ୍‌ଷ୍ଟେବଳଙ୍କ ଦବଙ୍ଗଗିରି

ବଲାଙ୍ଗୀର ଅଫିସ, ୧୭।୭: ପାଟଣାଗଡ଼ ବିଧାୟକଙ୍କ ପରେ ବଲାଙ୍ଗୀରରେ ଏବେ ଜଣେ ପୋଲିସ କନ୍‌ଷ୍ଟେବଳଙ୍କ ଦବଙ୍ଗଗିରି ଦେଖିବାକୁ ମିଳିଛି। ଜଣେ ବିଧବା ଆଦିବାସୀ ମହିଳାଙ୍କ ଜମି...

ଭୁବନେଶ୍ୱର-ଝାରସୁଗୁଡା ବିମାନସେବା ଆରମ୍ଭ

ଭୁବନେଶ୍ୱର,୫।୬: ଭୁବନେଶ୍ୱରରୁ ଝାରୁସୁଗୁଡା ଓ ରାୟପୁରକୁ ବିମାନ ସେବା ବୁଧବାରରୁ ଆରମ୍ଭ ହୋଇଛି। ଭୁବନେଶ୍ୱରୁ ପ୍ରଥମ ବିମାନ ଉଡାଣ ଭରି ଝାରସୁଗୁଡାରେ ପହଞ୍ଚିଛି। ପୁଣି ଝାରସୁଗଡାରୁ...

ଚିକିତ୍ସାଳୟରେ ଔଷଧିୟ ବୃକ୍ଷଚାରା ରୋପଣ

ବରଗଡ଼ ଅଫିସ୍‌,୧୪।୭ – ବରଗଡ଼ ସହର ଉପକଣ୍ଠ ନାଗେନପାଲିସ୍ଥିତ ସରକାରୀ ଆୟୁର୍ବେଦ ଚିକିତ୍ସାଳୟ ପରିସରରେ ଶନିବାର ଔଷଧିୟ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଉକ୍ତ କାର୍ଯ୍ୟକ୍ରମରେ...

Leave a comment

Your email address will not be published. Required fields are marked *