ବର୍ଷା, ଚାଷୀ ଆତ୍ମହତ୍ୟା ନେଇ ଗୃହରେ ଉଦ୍‌ବେଗ

ଭୁବନେଶ୍ୱର,୨୦ା୭(ବ୍ୟୁରୋ): ଦକ୍ଷିଣ ପଶ୍ଚିମ ମୌସୁମୀ ବାୟୁ ଧୋକା ଦେଇଛି। ରାଜ୍ୟରେ ନିଅଣ୍ଟିଆ ବର୍ଷା। ଜୁନ ପହିଲାରୁ ଜୁଲାଇ ୧୯ ତାରିଖ ମଧ୍ୟରେ ରାଜ୍ୟରେ ୨୬ ପ୍ରତିଶତ ବର୍ଷା କମ୍‌ ହୋଇଛି। ଶ୍ରାବଣ ମାସରେ ଧାନ ବିଲ ଫାଟି ଆଁ କରିଛି। ରୁଆ ବେଉଷଣ ଏ ପର୍ଯ୍ୟନ୍ତ ଆରମ୍ଭ ହୋଇନାହିଁ॥ ତେବେ ୫ ଜିଲାରେ ସ୍ଥିତି ସଙ୍ଗିନ। ବାଲେଶ୍ୱରରେ ୫୦ ପ୍ରତିଶତରୁ କମ୍‌ ବର୍ଷା ହୋଇଥିବା ବେଳେ ଗଜପତି ୫୧, ମୟୂରଭଞ୍ଜ ୪୦, କନ୍ଧମାଳ ୩୯ ଏବଂ ବଲାଙ୍ଗୀରରେ ୩୭ ପ୍ରତିଶତ କମ୍‌ ବର୍ଷା ହୋଇଛି। ବଲାଙ୍ଗୀର ସମତେ ୫ଟି ଜିଲାରେ ମରୁଡି ପରିସ୍ଥିତି ନେଇ କଂଗ୍ରେସ ସଭ୍ୟମାନେ ଗୃହରେ ଉଦ୍‌ବେଗ ପ୍ରକାଶ କରିଥିଲେ। ସରକାର ତୁରନ୍ତ ଗୃହ କମିଟି ପଠାଇ ଜିଲାର ପରିସ୍ଥିତି ଅନୁଧ୍ୟାନ କରନ୍ତୁ। ଶୀଘ୍ର ପଦକ୍ଷେପ ନ ନେଲେ ଚାଷୀ ଆତ୍ମହତ୍ୟା ବୃଦ୍ଧି ପାଇବ ବୋଲି ଶୁକ୍ରବାର ସଭ୍ୟମାନେ ସରକାରଙ୍କୁ ଚେତାଇ ଦେଇଛନ୍ତି।
ଶୂନ୍ୟକାଳରେ ଏହି ପ୍ରସଙ୍ଗ ଉଠାଇ କଂଗ୍ରେସ ସଦସ୍ୟ ସନ୍ତୋଷ ସିଂ ସାଲୁଜା କହିଥିଲେ ଯେ, ବର୍ଷା ଅଭାବରୁ ରାଜ୍ୟରେ ମରୁଡି ପରିସ୍ଥିତି ଦେଖାଦେଇଛି। ବଲାଙ୍ଗୀର ଜିଲାରେ ଭୟଙ୍କର ପରସ୍ଥିତି। ଏଥରକୁ ମିଶାଇ ଲଗାତର ବଲାଙ୍ଗୀରରେ ମରୁଡି ପଡିଲାଣି। ଭକ୍ତବନ୍ଧୁ ଦଣ୍ଡସେନା ନାମକ ଜଣେ ଚାଷୀ ଫସଲ ବୀମା ନ ପାଇ ନିଜ ଜମିରେ ବିଷ ପିଇଲେ। ବୁର୍ଲା ହସ୍ପିଟାଲରେ ତାଙ୍କର ମୃତ୍ୟୁ ହେଲା। ବଲାଙ୍ଗୀର ଜିଲାକୁ ମରୁଡି ପ୍ରବଣ ଘୋଷଣା କରିବା କଥା। ଚାଷୀ ଇନ୍‌ପୁଟ ସବ୍‌ସିଡି ପାଇ ପାରୁ ନାହିଁ। ବଲାଙ୍ଗୀର ସମେତ ୫ ଜିଲାକୁ ମରୁଡି ଘୋଷଣା କରାଯାଉ ନଚେତ ଚାଷୀମାନେ ମାଛ ଭଳି ମରିବେ। କଂଗ୍ରେସ ଦଳ ନେତା ନରସିଂହ ମିଶ୍ର କହିଲେ କଣ୍ଟାବାଞ୍ଜି ବିଧାୟକଙ୍କ ସହ ମୁଁ ଏକମତ। ବଲାଙ୍ଗୀରରେ ଚଳିତ ବର୍ଷ ମରୁଡି ନିଶ୍ଚିତ। ଶ୍ରାବଣ ମାସ ହେଲାଣି ବର୍ଷା ନାହିଁ। ତଳି ପକା ହୋଇନି। ଚାଷ ଚୁଲିକି ଗଲାଣି। ପିଇବା ପାଣି ନାହିଁ। ଲୋକେ ବଞ୍ଚିବେ କେମିତି? ସରକାରୀ ତଥ୍ୟ କହୁଛି ବଲାଙ୍ଗୀରରେ ୩୩ ପ୍ରତିଶତ ଜଳ ସେଚନ ହୋଇଛି। ୩ ପ୍ରତିଶତ ଜଳ ସେଚନ ହୋଇ ନାହିଁ। ଗୃହ କମିଟି ଗଠନ କରି ପରିସ୍ଥିତି ଅନୁଧ୍ୟାନ କରାଯାଉ। କଂଗ୍ରେସ ସଭ୍ୟମାନେ ହୋ ହଲ୍ଲା କରିଥିଲେ। ବଲାଙ୍ଗୀର ମରୁଡି ବିଷୟରେ ରାଜସ୍ବ ମନ୍ତ୍ରୀ ଆସନ୍ତା ୨ ଦିନ ମଧ୍ୟରେ ଗୃହରେ ବିବୃତି ଦେବାକୁ ବାଚସ୍ପତି ନିର୍ଦ୍ଦେଶ ଦେଇଥିଲେ।
ରାଜସ୍ବ ମନ୍ତ୍ରୀ ଗୃହରେ ଏ ନେଇ ଏକ ବିବୃତି ଦିଅନ୍ତୁ ବୋଲି ନରସିଂହ ଦାବି କରିଥିଲେ। ବିଜେଡି ସଭ୍ୟ ପ୍ରଦୀପ ମହାରଥୀ ନରାଜ ଠାରେ ଥିବା ଆଇନ ବିଶ୍ୱବିଦ୍ୟାଳୟରେ ଓଡିଆ ଛାତ୍ରୀଛାତ୍ରଙ୍କ ସ୍ଥାନ ସଂରକ୍ଷଣ ମିଳୁ ନ ଥିବା ନେଇ ବାଚସ୍ପତିଙ୍କ ଦୃଷ୍ଟିଆକର୍ଷଣ କରିଥିଲେ। ବିଜେଡି ସଭ୍ୟ ବଦ୍ରିନାରାୟଣ ପାତ୍ର ଏବଂ ସିପିଆଇ(ଏମ) ସଦସ୍ୟ ଲକ୍ଷ୍ମଣ ମୁଣ୍ଡା, ଭାଜପା ସଭ୍ୟ ମୋହନ ମାଝି ପ୍ରମୁଖ ନଂ ୨୧୫ ଜାତୀୟ ରାଜପଥ କେନ୍ଦୁଝରର ରାଜମୁଣ୍ଡାରୁ ପାଣିକୋଇଲି ରାସ୍ତା ବିଷୟ ଉଠାଇଥିଲେ। ଫଳରେ ପିଲାମାନେ ସ୍କୁଲକୁ ଯାଇ ପାରୁନାହାନ୍ତି। ୨୦୨୦ ସୁଦ୍ଧା ଖଣି ବନ୍ଦ ହେବ ବୋଲି ଖଣିମାଲିକମାନେ ୧ ହଜାର ଟନ ଜାଗାରେ ୨୫ ହଜାର ଟନ ମାଲ ବୋହୁଛନ୍ତି। ଜାତୀୟ ରାଜପଥ ପ୍ରତି ସରକାର ଧ୍ୟାନ ଦେବାକୁ ଦାବି କରିଥିଲେ।


All Right Reserved By Dharitri.Com

ରଥଯାତ୍ରା ପାଇଁ ସବୁ ଚ୍ୟାନେଲକୁ ସିଧା ପ୍ରସାରଣ ଅନୁମତି

ପୁରୀ ଅଫିସ, ୧୧।୬: ବିଶ୍ୱପ୍ରସିଦ୍ଧ ରଥଯାତ୍ରା ଏକ ନିର୍ଦ୍ଦିଷ୍ଟ ଚ୍ୟାନେଲ ପ୍ରସାରଣ ପାଇଁ ଯେଉଁ କଟକଣା ଲାଗୁ କରିବାକୁ ଯୋଜନା କରାଯାଇଥିଲା ସେଥିରେ ପୂର୍ଣ୍ଣଚ୍ଛେଦ ପଡ଼ିଛି।...

ଭାରତୀୟ ଜଳବାୟୁ କଂଗ୍ରେସ ଉଦ୍‌ଘାଟିତ: ଜଳବାୟୁ ପରିବର୍ତ୍ତନରେ ସର୍ବାଧିକ ପ୍ରଭାବିତ ହେବ କୃଷି

ଭୁବନେଶ୍ୱର,୨୮ା୧୨(ବ୍ୟୁରୋ): ଜଳବାୟୁ ପରିବର୍ତ୍ତନ ଦ୍ୱାରା କୃଷି ଉତ୍ପାଦନ ବହୁଳଭାବେ ପ୍ରଭାବିତ ହେବ। ଏହାଫଳରେ ଆଗାମୀ ଦିନରେ ବିଶ୍ୱରେ ଖାଦ୍ୟାଭାବ ସମସ୍ୟା ଗୁରୁତର ରୂପ ନେବ। ସେହିଭଳି...

ଟ୍ରାଫିକ୍‌ ସଂଯୋଜକ ସମ୍ମାନିତ

ଅତାବିରା,୧୩।୭(ଡି.ଏନ୍‌.ଏ): ଗ୍ରାମାଞ୍ଚଳଠାରୁ ଆରମ୍ଭ କରି ସହରାଞ୍ଚଳର ଜନସାଧାରଣଙ୍କୁ ଦୁର୍ଘଟଣାରୁ ବର୍ତ୍ତିବା ପାଇଁ ୨୦୧୪ରୁ ଟ୍ରାଫିକ୍‌ ଜନ ସଚେତନତା କାର୍ଯ୍ୟକ୍ରମ ଆରମ୍ଭ କରିଥିବା ପଶ୍ଚିମ ଓଡିଶା ଟ୍ରାଫିକ୍‌...

ନବ ନିର୍ବାଚିତ ବିଧାୟକଙ୍କୁ ନବୀନଙ୍କ ପରାମର୍ଶ: ଗର୍ବ, ଅହଂକାରଠାରୁ ଦୂରେଇ ରୁହ; ଦାମୀ ଗାଡ଼ି ଚଢ଼ନା

ଭୁବନେଶ୍ୱର,୩।୭(ବ୍ୟୁରୋ): ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକ ବୁଧବାର ନବ ନିର୍ବାଚିତ ବିଜେଡି ବିଧାୟକମାନଙ୍କର ଏକ ବୈଠକ କରିଛନ୍ତି। ଏହି ବୈଠକରେ ବିଧାୟକମାନଙ୍କୁ ସରଳ...

ନ୍ୟାୟ ଦେଲାନି ନିଆଳି ଥାନା ପୋଲିସ: ନବୀନ ନିବାସ ଆଗରେ ଯୁବକଙ୍କ ଆତ୍ମାହୁତି ଉଦ୍ୟମ

ଭୁବନେଶ୍ୱର, ୨୨।୯(ବ୍ୟୁରୋ): ନ୍ୟାୟ ଦେଲା ନାହିଁ ପୋଲିସ। ନିଆଳି ଥାନାକୁ ବାରମ୍ବାର ଦୌଡି ନିରାଶ ହେବାପରେ ଶେଷରେ ଯୁବକ ଜଣକ ଶନିବାର ସକାଳେ ନବୀନ ନିବାସ...

କଣ୍ଟାମାଳରେ ଭାଜପା, ବୌଦ୍ଧରେ ବିଜେଡି ଆଗୁଆ

ବୌଦ୍ଧ,୨୩।୫: ୧୦ ରାଉଣ୍ଡ ଗଣତି ସୁଦ୍ଧା କଣ୍ଟାମାଳ ବିଧାନସଭା ଆସନରେ ଭାଜପା ପ୍ରାର୍ଥୀ ଚରଣ ଡାଙ୍ଗ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ବିଜେଡିର ମହୀଧର ରଣାଙ୍କଠାରୁ ୫୩୨୦...

ସୋସିଆଲ ମିଡିଆରେ ମହାପ୍ରଭୁଙ୍କ ଗୁପ୍ତ ବିଧି

ପୁରୀ ଅଫିସ,୨୯ା୭:ବିଶ୍ୱନିୟନ୍ତା ମହାପ୍ରଭୁ ଶ୍ରୀଜଗନ୍ନାଥ। ଦେଶ ବିଦେଶର ବିଭିନ୍ନ ସ୍ଥାନରେ ଶ୍ରୀଜଗନ୍ନାଥ ମନ୍ଦିର ରହିଛି। ସେଠାରେ ଶ୍ରଦ୍ଧାଳୁମାନେ ଠାକୁରମାନଙ୍କୁ ଉପାସନା କରୁଛନ୍ତି। ଏମିତି କି ଅନେକ...

ନବୀନଙ୍କ ପରେ ଶପଥ ନେଲେ ୧୧ କ୍ୟାବିନେଟ୍‌, ୯ ରାଷ୍ଟ୍ରମନ୍ତ୍ରୀ

ଭୁବନେଶ୍ୱର, ୨୯।୫(ବ୍ୟୁରୋ): ୫ମ ଥର ଲାଗି ମୁଖ୍ୟମନ୍ତ୍ରୀଭାବେ ଶପଥ ନେଇଛନ୍ତି ନବୀନ। ନବୀନ ଶପଥ ନେବା ପରେ ୨୦ ମନ୍ତ୍ରୀ ଶପଥ ଗ୍ରହଣ କରିଛନ୍ତି। ସେମାନଙ୍କ...

Leave a comment

Your email address will not be published. Required fields are marked *