ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଖର୍ଚ୍ଚ ଦାବି ଆଲୋଚନା: ପେସା ଆଇନ କଥା ଉଠାଇଲେ ନରସିଂହ

ଭୁବନେଶ୍ୱର, ୨୦ା୭(ବ୍ୟୁରୋ): ବିଧାନସଭାରେ ଶୁକ୍ରବାର ଅପରାହ୍ନରେ ପଞ୍ଚାୟତିରାଜ ଓ ପାନୀୟ ଜଳ ବିଭାଗର ଖର୍ଚ୍ଚ ଦାବି ଉପରେ ଆଲୋଚନା ପାଇଁ ବାଚସ୍ପତି ସୂର୍ଯ୍ୟ ନାରାୟଣ ପାତ୍ର କହିଥିଲେ। ଏହି ସମୟରେ କଂଗ୍ରେସ ସଦସ୍ୟ ସୁରେଶ କୁମାର ରାଉତରାୟ ପଏଣ୍ଟ ଅଫ ଅର୍ଡର ଆଣି ନନ୍ଦନକାନନ ସୁରକ୍ଷା ବିଷୟରେ କହିଥିଲେ। ବାତ୍ୟା ଫନୀ ଯୋଗୁ ନନ୍ଦନକାନନ ପ୍ରାଣୀ ଉଦ୍ୟାନର ଅନେକ ଗଛ ଭାଙ୍ଗିଯାଇଛି। ବହୁ ପଶୁ, ପକ୍ଷୀଙ୍କ ମୃତ୍ୟୁ ଘଟିଛି। ଆଉ ପଶୁ ଏବଂ ପକ୍ଷୀ ଆଣିବା ବ୍ୟବସ୍ଥା କରାଯାଉନାହିଁ। ଏହା ରାଜ୍ୟର ଜଣାଶୁଣା ପର୍ଯ୍ୟଟନସ୍ଥଳୀ। ବାହାର ରାଜ୍ୟରୁ ବହୁ ପର୍ଯ୍ୟଟକ ଆସୁଛନ୍ତି। ବିଭାଗୀୟ ମନ୍ତ୍ରୀ କେମିତିକା ଲୋକ, ଏନେଇ ଟିକେ ହେଲେ ଚିନ୍ତା କରୁହାନ୍ତି। ତୁରନ୍ତ ଏ ଦିଗରେ ଗୁରୁତ୍ୱ ଦେବା ପାଇଁ ସୁରେଶ କହିଥିଲେ। ଏହାପରେ ଉପରୋକ୍ତ ଖର୍ଚ୍ଚ ଦାବି ଆଲୋଚନା ଆରମ୍ଭ ହୋଇଥିଲା। ଭାଜପା ସଦସ୍ୟ ବିଷ୍ଣୁଚରଣ ସେଠୀ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଖର୍ଚ୍ଚ ଦାବିକୁ ସମର୍ଥନ କରୁ ନ ଥିବା କହିଥିଲେ। ସେ କହିଥିଲେ ଯେ, କାମଚଳା ମନ୍ତ୍ରୀ ଯେଉଁ ବଜେଟ୍‌ ଆଗତ କରିଛନ୍ତି, ସେଥିରେ କେବଳ ଭୁଲ୍‌ ତଥ୍ୟ ଦିଆଯାଇଛି। ୭୨ବର୍ଷ ତଳେ ଦେଶକୁ ଦଳେ ଗୋରା ସାହେବ ଶାସନ କରୁଥିଲେ। ବର୍ତ୍ତମାନ କେତେଜଣ କୃଷ୍ଣ ସାହେବ ଶାସନ ଚଳାଇଛନ୍ତି। ପିସି ଦେଇଦେଲେ ସରକାରୀ ଯୋଜନା ମିଳିବାରେ ଅସୁବିଧା ନାହିଁ। ଘର ନ କଲେ ମଧ୍ୟ ସରକାରୀ ଯୋଜନାରେ ଗୃହ ନିର୍ମାଣ ପାଇଁ ବିଲ୍‌ ମିଳିଯିବ। ଏହି ଅବସରରେ ଜଣେ ମହିଳା ଖବରଦାତାଙ୍କୁ ପାଟକୁରାରେ ଆକ୍ରମଣ ନେଇ ସେ ସରକାରଙ୍କୁ ଟାର୍ଗେଟ କରିଥିଲେ। ଏହାପରେ ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର ବିଭାଗର ବିଭିନ୍ନ ପ୍ରକାର ଅନିୟମିତତାର ତଥ୍ୟ ରଖି ରାଜ୍ୟ ସରକାରଙ୍କ ଉପରେ ବର୍ଷିଥିଲେ। ଏହାସହ ଆଦିବାସୀଙ୍କ ସଶକ୍ତୀକରଣ ଓ ସ୍ବାର୍ଥ ସୁରକ୍ଷା ସମ୍ପର୍କିତ ପେସା(ପଞ୍ଚାୟତ ଏକ୍ସଟେନଶନ ଟୁ ଦି ସିଡ୍ୟୁଲ ଏରିଆଜ୍‌) ଆଇନ କଥା ଉଠାଇଥିଲେ। ପେସା ଆଇନ ପାର୍ଲାମେଣ୍ଟରେ ପାସ୍‌ ହୋଇଯାଇଛି। ଏହାର ରୁଲ୍‌ ରେଗୁଲେଶନ ରାଜ୍ୟ କରିବା କଥା। ଏହାହେଲେ ଆଦିବାସୀ ଜିଲାଗୁଡିକ ଅଧିକ କ୍ଷମତା ପାଇପାରିବେ। ସେଥିର ସବୁ ପଦ ପଦବୀରେ ଏସ୍‌ସି, ଏସ୍‌ଟି ରହିବେ। ସେହିପରି ପଞ୍ଚାୟତ ଆକ୍ଟ ଆମେଣ୍ଡମେଣ୍ଟ କରାଯିବା କଥା ମଧ୍ୟ କହି ସେ ବର୍ଷିଥିଲେ। ନରସିଂହ ଆହୁରି କହିଥିଲେ ଯେ, ପିଇବା ପାଣି କଥା ଉଠିଲେ ବଲାଙ୍ଗୀର ଜିଲା ସିକାପାଲି ବ୍ଲକ କଥା ମନେପଡ଼େ। ପ୍ରଥମେ ସେଠାକାର ଲୋକେ ପଥର ଖାଇ ବଞ୍ଚୁଥିଲେ। ଶେଷରେ ପାଣି ପିଇ ବହୁ ଲୋକ ମରିଲେ। ମୁଖ୍ୟମନ୍ତ୍ରୀ ପାଣି ସମସ୍ୟା ସମାଧାନ ପାଇଁ ରାଜି ହୋଇଗଲେ। ମାତ୍ର ଟେଣ୍ଡର ପ୍ରକ୍ରିୟାକୁ ନେଇ ସରକାରୀ ଖେଳ ଚାଲିଲା। ଏବେ ମଧ୍ୟ ସେହି ମାମଲା କୋର୍ଟରେ ଅଛି। ଏହି ଘଟଣାକୁ ୧୫ ବର୍ଷ ହୋଇଗଲା, ଅର୍ଥାତ୍‌ ସେହି ଗ୍ରାମ ଲୋକ କେବେହେଲେ ଭଲ ପାଣି ପିଇବେନାହିଁ। ଅନ୍ୟପଟେ ନାଥୁରାମ ଗଡ୍‌ସେଙ୍କ ମନ୍ଦିର ଭାଜପା ତିଆରି କରିବାକୁ ଚାହୁଁଥିବା କହି ସେ ବର୍ଷିଛନ୍ତି।


All Right Reserved By

ମୌସୁମୀ ଆସିବାରେ ବିଳମ୍ବ: ଆଗେଇପାରୁ ନାହିଁ ଚାଷକାର୍ଯ୍ୟ

ନୟାଗଡ଼ ଅଫିସ,୧୮ା୬- ଜୁନ୍‌ ମାସର ଅଧାରୁ ଅଧିକ ଦିନ ବିତିସାରିଛି। ହେଲେ ଏ ପର୍ଯ୍ୟନ୍ତ ମୌସୁମୀର ଦେଖାନାହିଁ। ବର୍ତ୍ତମାନ ସମୟରେ ବର୍ଷା ପରିବର୍ତ୍ତେ ସାରା ରାଜ୍ୟରେ...

ଜିଲା ଶ୍ରମ ଅଫିସ ଆଗରେ ବିକ୍ଷୋଭ ସମାବେଶ

ବ୍ରହ୍ମପୁର ଅଫିସ,୧୭ା୯-ଓଡ଼ିଶା ଆଦର୍ଶ ବିଦ୍ୟାଳୟ ଚତୁର୍ଥ ଶ୍ରେଣୀ କର୍ମଚାରୀ ୟୁନିୟନ ଗଞ୍ଜାମ ଜିଲା ଶାଖା ପକ୍ଷରୁ ସୋମବାର ବ୍ରହ୍ମପୁରସ୍ଥ ଜିଲା ଶ୍ରମ ଅଧିକାରୀଙ୍କ କାର୍ଯ୍ୟାଳୟ ଆଗରେ...

ଉଜୁଡିଯାଉଛି ସ୍ମୃତିର ସ୍ମାରକୀ: ଅବହେଳିତ ଗାନ୍ଧିଜୀଙ୍କ ସ୍ମୃତି, ସ୍ମାରକୀ

ଭଦ୍ରକ ଅଫିସ, ୨ା୧୦- ସ୍ବାଧୀନତା ସଂଗ୍ରାମର ସ୍ମୃତି ଓ ବଳିଦାନ ଏ ମାଟିକୁ କରିଛି ଗୌରବାନ୍ବିତ। ଧାମନଗରରେ ଲୁଣିଆ ଓ ବାସୁଦେବପୁର ଇରମ ଗୁଳିକାଣ୍ଡ, ଭଣ୍ଡାରିପୋଖରୀ...

ପ୍ରଦର୍ଶିତ ହେଲା ଫନୀ ସମ୍ପର୍କିତ ବୃତ୍ତଚିତ୍ର

ଭୁବନେଶ୍ୱର,୨୮।୯(ବ୍ୟୁରୋ): ସାମୁଦ୍ରିକ ଝଡ ‘ଫନୀ’ର ସଫଳ ମୁକାବିଲା ଉପରେ ପର୍ଯ୍ୟବସିତ ବୃତ୍ତଚିତ୍ର ଶୁକ୍ରବାର ନ୍ୟାଶନାଲ ଜିଓଗ୍ରାଫିକ୍‌ ଚ୍ୟାନେଲରେ ରାତି ୯ଟାରେ ପ୍ରସାରିତ ହୋଇଯାଇଛି। ଏହି ବୃତ୍ତ...

ଶହେ ପରତିଶତ ଅକ୍ଷମ ଯୋଗେଶ୍ୱର:ଭତାରେ ସୀମିତ ସରକାରୀ ସାହାଯ୍‌

ଡୁଙ୍ଗୁରିପାଲି, ୯ । ୭ (ଡି.ଏନ୍‌.ଏ.): ଦିବ୍ୟାଙ୍ଗମାନେ କେନ୍‌ଥେଇ ସମାଜର ମୁଖିଆ ଧାରରେ ସାମିଲ ହେଇପାରବେ ସେଥିରଲାଗି ଉଭଏ କେନ୍ଦ୍ର ଆର ରାଏଜ୍‌ ସରକାର ଯୋଜନା...

ନିର୍ବାଚନରେ ହାରିବା ପରେ ବିଜୟଙ୍କ ପ୍ରତିକ୍ରିୟା: କହିଲେ ‘ଫଳାଫଳ ଆଶ୍ଚର୍ଯ୍ୟ କରିଛି, ଏହା ମୋ’ ସପକ୍ଷରେ ଥିଲା’

ଭୁବନେଶ୍ୱର, ୨୪।୭(ବ୍ୟୁରୋ): ବହୁ ଉପେକ୍ଷିତ ପାଟକୁରା ନିର୍ବାଚନରେ ବିଜେଡି ପ୍ରାର୍ଥୀ ସାବିତ୍ରୀ ଅଗ୍ରଓ୍ବାଲ ଭାଜପା ପ୍ରାର୍ଥୀ ବିଜୟ ମହାପାତ୍ରଙ୍କୁ ୧୭ହଜାରରୁ ଅଧିକ ଭୋଟରେ ପରାଜିତ କରିଛନ୍ତି।...

ବିଶ୍ବ ନାରିକେଳ ଦିବସ ପାଳିତ: ଫନୀ କ୍ଷତିଗ୍ରସ୍ତ ନଡ଼ିଆଚାଷୀଙ୍କୁ କେନ୍ଦ୍ର ଦେବ ସହାୟତା

ଭୁବନେଶ୍ୱର, ୩।୯(ବ୍ୟୁରୋ): ବାତ୍ୟା ଫନୀରେ କ୍ଷତିଗ୍ରସ୍ତ ନଡ଼ିଆ ଚାଷୀଙ୍କୁ କେନ୍ଦ୍ର ସରକାର ସହାୟତା ପ୍ରଦାନ କରିବେ। ଏଥିପାଇଁ ବିସ୍ତୃତ ରିପୋର୍ଟ ପ୍ରଦାନ ଲାଗି ରାଜ୍ୟ ସରକାରଙ୍କୁ...

ବାଇକ୍‌ ପଛପଟୁ ପିଟିଲା ଟ୍ରକ୍‌: ମା’, ଝିଅ ମୃତ; ବାପା ଗୁରୁତର

ରୂପ୍‌ସା/ବସ୍ତା, ୧।୧୦(ଡି.ଏନ.ଏ./ସ୍ବ.ପ୍ର.)-ବାଲେଶ୍ୱର ୬୦ନଂ. ଜାତୀୟ ରାଜପଥର ରୂପ୍‌ସା ଥାନା ଅନ୍ତର୍ଗତ ଜୁକନଣ୍ଡି ଛକଠାରେ ମଙ୍ଗଳବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ବାଇକ୍‌କୁ ପଛପଟୁ ଏକ...

selfi corner

Model This Week

Why Dharitri

Leave a comment

Your email address will not be published. Required fields are marked *